ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم > الترفيه والترحيب والتكريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الترفيه والترحيب والتكريم عريس نسى زوجته !! يوجد هنا عريس نسى زوجته !! توضع هنا مواضيع الترفيه عن النفس

فساتين العيد


 
قديم   #1

أمل بعد ألم

:: كاتبة محترفة ::

الملف الشخصي
رقم العضوية: 159478
تاريخ التسجيـل: Mar 2011
مجموع المشاركات: 1,508 
رصيد النقاط : 0

صورة متحركة وجه بنت عريس نسى زوجته !!


عريس نسى زوجته !!

قصة عريس نسى زوجته !!
هذا واحد توه معرس وخلصت الزفه والامور اللي في القصر :11_3_2[1]:.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه ساكته .. ما حولك احد
الرجال يأس من البنت انها تتكلم .. وقال يا ولد ما وراها هذره اشغل المسجل وامسك الخط
في الوقت نفسه البنت كانت تبغى تروح دورة المياه ومتوهقه انها بس تتكلم عشان تقوله ابي الحمام الله يكرمكم
عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه
المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم بسي حق الطريق
هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك
البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها
اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعس
البنيه المسيكينه طلعت وهي مرتاحه و نقص من وزنها كم من كيلو
وتناظر يا بنت وين السياره ... وتلفت ما تشوف غير الهنود حق المحطه وابو يمن حق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذ1ك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم عليك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها
قالت قومي اطمري نلحق على زوجك
ويعبون بنزين ويدعسون وراه
نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعس قال ياولد هذولا مهابيل بيضروني ومعي عروستي .. ويافشيلة اذا انطقينا
والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
نورا لجمس اللي في الداخل عشان العريس يشوف ان اللي في الجمس عائله
وأخيرا .. انتبه و يوقف ... قال وش عنده ذا
ونزل وهو معصب
عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه
ويوم لون وجهه بدا يميل للكرت الاحمر.. وين راحت المره
ورجع لراعي الجمس وقال هات السالفه 00
قال يا ولد مرتك لقيناها عند المحطه انا واهلي وقالت لنا انها
نزلت للحما وانت مشيت ولا دريت عنها 00
عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلا طسي عند زوجك شوفيه متصومع عليك
المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني انا كنت مستحيه اني اقولك اني طول الخط وانا ابغى اروح دورة المياه.. وانت مشاء الله عليك ركبت السيارة وانطلقت
هههههههههه <== يا شين التميلح .. توها تتميلح ..
عاد انقلب الوضع صار العريس هو اللي مبرطم طول الطريق والعروسه الي قاعده تبربر ما
منقول

مواضيع ذات صلة
مواقف لاتنسي مع جدتي المهسترة
عريس تزوج ويوم الدخلة لما شاف زوجته قال: ..............هههههههه
لعبة جاي على بالي ................
يا نااااااس شوفو الرومانسييييييية
ازاى بتحكم ام العريس على عروسة ابنها
عندما يتأخر العريس عن زواجه!!!
ام العريس ه
قال من اهل العريس قال لول لا تفوتكم



 
قديم   #2

نحولة قطر


رد: عريس نسى زوجته !!


عريس نسى زوجته !!

هههههههههههههههههههههههههههههه ههههههههههههههههههههه
هههههههههههههههههههههههههههههه هههههههههههههه


الله يقطع بليسهم

مشكورة ياقلبي ع القصة

 
قديم   #3

خلود القمر


رد: عريس نسى زوجته !!


عريس نسى زوجته !!

ر و و و و و و و و و و و و و و ع ه
تسلمي

 
قديم   #4

توئمي مومو


رد: عريس نسى زوجته !!


عريس نسى زوجته !!

هههههههههههههههههههههههههههههه هههههههههههههههههههههههههههههه هههههههههههههههههههههههه

ياويلي

 
قديم   #5

جولينا القمر


رد: عريس نسى زوجته !!


عريس نسى زوجته !!

هههههههههههههههههههههههههههههه
يسلمو

 

أدوات الموضوع



الساعة الآن توقيت السعودية الرياض و الدمام و القصيم و جدة 12:05 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0