 |
  |
|
|
|
|
|||||||
| قصص و روايات مع سنية.. آخرة الشعر علقة! يوجد هنا مع سنية.. آخرة الشعر علقة! روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة مميزة :: |
 موضوع المعاكسات في الشارع بقى ظاهرة.. كل الستات بتشتكي منه إلا سنيه.. عمري ما لقيتها بتشتكي في يوم ان حد عاكسها.. مش عارف ليه.. واضح ان الوحيد اللى عاكسها في حياتها هو الموكوس أنا.. لأني بعد المعاكسه دي على طول اتنيلت واتجوزتها.. جيت في يوم لقيتها بتقولي "إلا صحيح قولي يا منيل.. ليه ما بقيتش تقولي كلام حلو زي الأول.. فين ايام زمان لما كنت بتقولي يا سنيه..انتي الحب اللي ليا".. رديت وقلت.."مشغول يا حبيبتي..والله مشغول.." لكن كنت في سري بقول "كلام حلو ايه يا وليه.. وانتي صوتك ليل نهار زي زمارة القطر يزعق فيا"!! من صوتك ما بنامش الليل في نفس اليوم بالليل كنا قاعدين نتفرج على فيلم من أفلام زمان.. محمود ياسين كان عمال يقول كلام حلو لنجلاء فتحي "من ساعة ما شفتك يا سوسن وانا ما بنامش الليل"..لقيتها بتقول "ايه يا منيل مش ناوي تقولي كلام حلو زي محمود ياسين؟!".. رحت راد في سري "مش لما تبقى انتي زي نجلاء فتحي الأول يا بعيده.." وبعدها قلت بصوت عالي.."من ساعة ما شفتك يا سنيه..وانا ما بنامش الليل.." ورحت مكمل في سري.."عشان عفريت يا سنيه"!!! تاني يوم وانا نازل الشغل الصبح لقيتها بتقولي.."آدي ورقة الطلبات..قبل ما تروح الشغل تفوت على عمك مصيلحي بتاع الفول تجيب ب 2 جنيه وترجع تجيبهولي.. وما تنساش تجيب 2 كيلو طماطم.. وزيهم خيار والفاكهه 3 كيلو موز و4 برتقال.. وبعد ما ترجع تقولي كلام حلو.. ماشي يا منيل على عينك؟" قلت في سري.."يادي الكلام الحلو.. وده أجيبه منين" رحت شغلي مهموم.. وقعت طول اليوم ايدي على خدي.. لغاية ما اشتكيت لصاحبي حلال العقد الاستاذ سلكاوي اللي قالي "بس كده.. هو ده اللي مضايقك؟.. دي مشكلة كل بيت في مصر..مفيش واحد فيكي يا بلد بيقول كلام حلو لمراته بعد الجواز..بس انت امك داعيالك يا زنكلوني يا سريقوسي..انا عندي الحل.. بس ايدك ع الحلاوه.. كباية شاي في الخمسينه انت اللي تدفع حسابها.."رحت صارخ بأعلى صوتي على عم مليجي بتاع الشاي "وعندك واحد شاي في الخمسينه على حسابي للاستاذ سلكاوي وصلحه"!! فقال سلكاوي.."بص يا سيدي..انا اعرف واحد شاعر انما ايه.. من اللي قلبك يحبه.. ده اللي بيكتب أغاني شعبان عبد الرحيم وبيفصلها على مقاسه تمام.. طبعا مش هيغلب.. هيفصل لك قصيده فيها كلام حلو لايق على سنيه.." فقلت له.."لايمني عليه"!! شاعر بإيه؟! تاني يوم لقيت سلكاوي زميلي داخل عليا ومعاه واحد شعره مش متسرح.. وتقريبا كده بقاله 3 سنين ماستحماش.. ولابس نضاره كعب كبايه.. لقيته بيقول.."ندخل في الموضوع على طول يا هندزه.. بس بعد ما تجيب لي كباية شاي في الخمسينه. رحت صارخ لعم مليجي عشان يجيب الشاي وقايل للشاعر."بص يا سيدي..انا عاوزك تكتب لي قصيدة فيها كلام حلو يليق على مراتي سنيه.. ما تقعدش تقول كلام خيالي زي عودك غصن بان وسنانك كهرمان..عشان ما تقولش اني بسرح بيها" رد عليا.."ماشي يا ذوق.. بس لازم تفهمني الست سنيه دي شكلها ايه عشان اعرف امخمخ واكتب.."، رديت "شوف سنيه دي مفيش زيها اتنين.. ست قويه ومفتريه.. قد الفيل وتصر في منديل.. صوتها زي صوت زمارة القطر.. وشعرها لماه على طول عمرها ما فردته.." لقيت الشاعر لونه امتقع وقال "اعوذ بالله.. ست دي ولا عفريت؟..انا شايف يا استاذ انك توريني القطر ده.. اقصد الست دي ع الطبيعه"..قلت "خلاص.. تعالى معايا بعد الشغل وانا اشاورلك عليها" وهو ده اللي حصل.. جه معايا قدام البيت وعلى حظي سنيه كانت واقفه بتنشر الغسيل.. بس اللذيذ انها اول ما شافتني صرخت من البلكونه زي العاده.. صرخه هزت جدران البيوت في الشارع كله.. وهزت كمان اعصاب الشاعر اللي بنطلونه وقع وشعر راسه وقف..وقالت.."جبت الطلبات يا منيل؟..جبت الطلبات يا بعيد؟"..لقيت الراجل قال وهو بيجري.."خلاص خلاص يا هندزه..اطلع انت لمراتك وانا بكره هجيبلك القصيده"..قلت له.."استنى..هاتها متسجله على شريط عشان مش بعرف اقول شعر.." تاني يوم لقيته جابلي الشريط ولهف ال 20 جينه وطار..طبعا فرحت جدا ورحت طاير ع البيت.. واول ما دخلت لقيتها بتقولي.."جبت الطلبات يا مدهول؟.. ياللا طلع العيش والطماطم وبعدين فين الكلام الحلو اللى وعدتنى هتقولهولى " رديت عليها.."يا سنيه يا حياتي.. يا حبيبتي انتى وحماتي.. انا من كتر جمالك مش هقدر اتكلم.. انا خليت اكبر شاعر في البلد يعبرلك عن اللي جوايا.." بصيت لقيت سنيه لاول مره تبص لي وهي مكسوفه.. ورموشها فجأة بقت طويله زي رموش زيزي حبيبة بطوط.. رحت حاط الشريط في الكاسيت لقيته بيقول.."يا سنيه يا قويه يا ألماظيه..اللي يقول عليكي ست اديله 50 بونيه.. الفيل جنبك غزال.. والقرد لوشافك يقول دي مصيبة قوية صوتك القوي يهد الجبال.. ويرعب الأسد قبل القطة الشقية نظرتك ثاقبة وحسوده.. زي الشنيور يا مفترية.. ربنا يقوي جوزك عليكي.. ويستحمل لكماتك الباطشه ديه ويتجوز واحده غيرك.. صغيره زي العسليه.." طبعا اللي حصل معروف.. ونزل الخبر في الجرايد بعنوان.."زوج ينجو بأعجوبه.. بعد ما داسه القطر"!! ههههههههههه :sddhgh: متنسوش الرد يا احلى منتدى :sddhgh: مواضيع ذات صلة |
|
|
#2 |
|
|
رد: مع سنية.. آخرة الشعر علقة!
فين الردود يا حلوين
|
|
|
#3 |
|
|
رد: مع سنية.. آخرة الشعر علقة!
فين الردود يا حلوين
|
|
|
#4 |
|
|
رد: مع سنية.. آخرة الشعر علقة!
ولاتزعلي ياحبيبتي
بتعرفي المواضيع كثيره :) هههههههههه حلوه القصه يعطيك العافيه ,’’ |
|
|
#5 |
|
|
رد: مع سنية.. آخرة الشعر علقة!
شكرا لكى فدو العنزي
|
مع سنية.. آخرة الشعر علقة!
