|
|
قصص و روايات قصة حب حقيقيه حزينه يوجد هنا قصة حب حقيقيه حزينه روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
#1 | |
:: كاتبة محترفة :: |
قصة حب حقيقيه حزينه
===================== بأول ايام العمر التقيت فيها ... من يوم ماشفتها قلبي اهديته لها كنت اقرى واشوف عبارات وامثال عربيه عن الحب والرومنسيه الحب من اول نظره وكنت اضحك واضحك لاسمعتها واقول في داخلي معقول حب ويدوم سنين ويكون من اول نظره من العين... احكي لكم روايتي مع بنتٍ اخذت روحي معها في يوم من ايام العمر ناداني الوالد من داخل الدار وصلت عنده ولحد باب مجلسه قلت له .. سم يابو محمد قال : سم الله عدوك ياولدي محمد انت كبرت واصبحت تفهم الحال وتفهم كلامي اللي بقوله لك.. ياولدي لاتقاطعني واتركني انهي حديثي وارجوك لاتلومني على شي فات .. أنا من كلام الوالد خفت وتوقف الدم بعروقي رفعت له نظري وقلت له : لبيك يابوي .. اسمعك الوالد: انت لك عم وانا مقاطعه من سنين بسبب مشاكل دارت بيني وبينه.. وانا احس أن ايامي بدت تودعني .. أن نبضاتي في يوم بتعلن رحيلي حاولت انطق واقول يالله يومي قبل يومك.. رفع يده وقال ارجوك لاتنطقها لو اهديك ثواني عمري الباقي ولاشوفك قبلي.. الدمع مني نزل وانا بعمري مابكيت.. قلت له يبه .. آمرني باللي تبيه.. قال .. ابي اشوف اخوي ..عمك,,قبل مماتي قلت .. غالي والطلب رخيص.. واتفقنا على انا في يوم نسافر لديار عمي المجهول.. وصلنا للخبر .. مكان مايسكن بديت اتبع وصف ابوي ,, وانا متعجب من وين يعرف عنوانه فضولي زاد وسألته.. جاوبني وقال.. اخباره اتابعها يوم بيوم ولانسيته دايم الدوم.. قال ابوي: هنا وقف يامحمد قلت هنا!!! انا قدام قصر كبير وصلني الرد ..عمك تاجر ومعروف .. دقينا الباب اقصد بوابة القصر العظيم بعد ثواني كنا في داخل بهو واسع .. باين أن مجلس عمي لرجاله .. جلس ابوي وانا المح بعيونه نظرات الخوف والتردد انتظرنا وصل السيد وصاحب القصر وبعد الترحيب والتحيه لاحظت عمي يكلم ابوي في برود سأله عني .. قال ابوي هذا ولدي محمد ... اخبار بنتك ياخوي ..؟؟ تعجب عمي وقال ومن وين تعرف أن عندي بنت.. رد عليه بنفس الجواب القديم .. مرت دقايق يتحاورون ويتكلمون وشوي شوي الصوت تجاوز جدران البهو الوسيع ابوي كان هادي لكن عمي كان غاضب .. ويتوعد نطق بكلمه وقال .. لايمكن انسى اللي سويته فيني قال ابوي .. هذا شي قديم مضى ماله معنى وانا ياخوي احس مماتي قريب لاتحرمني منك باقي عمري حاولت اتكلم نظره من ابوي ...تركتني اتراجع عن قراري وبصوت حاد وبقسوة قلب نطق عمي وقال اطلع برى هالقصر انت ولدك ولاتحلم اني اغفر لك ترجيت الوالد وقلت مكان انهنت فيه يابو محمد مانجلس به ثواني وبلا موعد مع القدر حوريه او ملاك .. دخلت المجلس وبجنون .. ودمعها على الخد يسري وصوت نوحها يسمعه القاصي قبل الداني وارتمت بحضن ابوي .. وبكت .. وقالت عمي لاتركنا سامح ابوي مالي احد غيركم لاتركنا ومن خلفها صرخه تردد صداها ريم .. اطلعي .. ماهو عمك .. مالك بها الدنيا احد غيري أنا ترد الملاك رفعت الراس وضمت كف ابوي وقبلتها ونطقت سامحني ومشت متردده تطالعنا بعيون كلها حيره.. عمي قال: المقابله انتهت وانا وقتي مايسمح.. بعد 8 ساعات كنا في بيتنا وبوسط الرياض ابوي اخذ الصمت له عنوان وانا احترمت صمته.. قال ابوي.. هذا عمك مهما صار قلت يبه .. الشي اللي مضى اكيد قوي وخطير عمي ماهو ناسيه وعايش معه لوقته الحاضر قال: امك المرحومه هي الي عمك ماهو ناسيها.. فهمت قصده من دون مايتكلم اكثر .. ابوي تزوج من امي والعم كان يريدها قبل.. قصه ولا في الخيال.. مرت سنه وانا طيف ريم ودمعها مافارق خيالي ثواني اصبحت بأحلامي واقعي تتبعني. كأني مافارقتها يوم ,, ياما حلمت ورسمت ايام عمري معاها لبستها ثوب العروسه وقفت معها يديني تحضن كفوفها جبت الولد من ريم .. وسميته كانت كل حياتي بعد اللي صار ...ريم اعترفت لنفسي اني حبيت هالملاك .. وفي ليله من الليالي ودعني الغالي دفنته وبكيت حالي من دونه واعتزلت العالم من بعده سجنت نفسي.. ونسيت دنيتي واشغالي.. ومر اسبوع من وفاته وانا داخل اسواري دق جوالي .. قمت متثاقل اشوفه رقم غريب .. يالله ازعاج هالعالم رميته .. سمعت النغمه من ثاني قلت مالك الا ترد ولو كان غلطان ولا لعاب ياويله.. الو ومن معي هلا محمد كان اللي يتكلم بنت .. وصوتها كان خيالي.. قلت ؛ نعم من انتي .. قالت ماعرفتني اكيد قلت اكيد من ؟؟ أنا ريم رددت اسمها بصدري وقلبي الف مره سمعت بصوتها انكسار وحزن وهي تردد,, لاتقول نسيتني قلت,, ماعاش من ينساك عظم الله اجرك واعذرني على التأخير.. قلت عاذرك والله يجزاك كل خير محمد انت تعبان..,,؟؟ قلت لا .. لكن مانمت الا ساعات قالت اتركك تنام وترتاح فمان الله ريم.. هلا لاتركيني.. ومن التعب ماحسيت بروحي نمت وكأني من دهر مجافيني النوم ماصحيت الا على نغمة الجوال رديت عليه .. وقلت نعم سمعت صوتها .. وهي تردد خوفتني عليك يومين وانا احاول اخذ اخبارك اخذت واعطيت معها بالكلام وتكررت المكالمات بيني وبينها ضمتني فيها ريم بحب وحنان عوضتني عن سنين حرماني اصبحت تعرف .. وقت نومي وقت مايدخل الزاد جوفي اصبحت حياة محمد ريم .. وحياة ريم محمد .. وفي يوم اعترفت لها بحبي المكتوم .. ريم النفس ضاقت من الأنتظار والقلب تعب مثل الجسد وهو يحاول يصبر ويجاهد الروح . سمعت همسها وهي تنطق محمد يادفا قلبي وضماه اسمعك ..؟ ريم أنا احبك .. احب صدى صوتك وضحتك اشتاق لك .. ريم علمتيني معنى العشق .. من سنه مرت .. من اول ماشفتك .. ابتدت اول ايام عمري.. محمد .. قلت لبيك أنا .. احبك .. آآآه واخيرا ياقلبي . ترجم حروف الغلا وانثر الورد على جبل الوفا وغرد مع الطير وسابق الريح واعزف الحان الشوق .. تصالح مع امواج البحر وتغنى مع شمس الأصيل وانسى كل الهموم واذكر كلمة احبك يوم غادرت من شفاه ريومه وسكنت منزلك ودارك .. ريم أنا اوعدك اني لك حياة وممات .. اوعدك .. أنا بكره مسافر .. سمعت شهقه من صدرها الحنون .. وين ناوي تتركني ..؟؟ قلت مسافر للخبر .. ابي احقق الحلم واترجمه للواقع .. أنا جاي اخطبك من عمي .. ردت علي .. خايفه خايفه .. كل شي ينتهي .. قلت انا وعدتك اني لك حياة وممات ومايفرقني عنك غير موتي .. ودعتها وجهزت نفسي للسفر. ماقدرت اصبر قررت اني للخبر اسري .. بليلي ومرت الساعات وانا في البهو الوسيع دخل عمي .. وهو يطالعني بنظرات غريبه وقال .. انت .. أيه أنا محمد ولد اخوك .. المدفون تحت تربته .. ماعندي اخو .. كم مره أنا كررتها ... وان مات الله يرحمه في البدايه لمحت بعيونه نظره حزينه ..لكن تراجعت وحلت مكانها نظره بلا معنى حسيت انه في لحظه تأثر .. عمي أنا ابيك في طلب ..؟؟ قول .. اللي عندك .. وقتي انا ثمين . ناقصك مال .. سياره جديده .. بيت .. وظيفه قول انا احب اتصدق واعمل الخير.. بعد كلامه تمنيت اني اصرخ بوجهه واقول إنسان بلا مشاعر .. جبل من القسوه والجمود .. أنا بخير ونعمه ومانقصني شي .. طالع فيني بإستغراب .. اجل طلبك وش يكون ؟؟ قلت ريم .. هذا هو طلبي ... ابي اتزوجها بعد اذنك ياعم .. شفت بعيونه استحقار العالم كله .. ومن تكون لجل تطلب ريم .. جرحني .. ذلني .. هزأني .. وفي النهايه طردني .. رجعت للرياض كيف وشلون .. مدري .. وجوالي طول الطريق تت نغماته .. آآآه ياريم .. انكتب علي اعيش بدونك .. دخلت البيت .. وانا منهار .. ضايع بين عبراتي .. وبحور آلامي استمريت على هالحال .. يومين يمكن اسبوع او شهر .. وصلتني رساله من ريم .. وين الوعد ياخاين العهود .. انا بدونك دنياي بلا مرسى وامل .. بداخلي قلت وانا اتنهد يابعد دنياي كيف قسيت عليك أنا .. دقيت على جوالها ردت علي وهي تبكي .. وتردد وينك عني ؟؟ محمد ليه تجافيني ..,, وين الوعد ؟؟ بكيت معها واختلط دمعي بدمعها .. ريم احرموني منك ابعدوني عنك .. ريم ذبحوا قلبي .. وحفروا قبري بيديهم .. آآه ياريم أبكي ولا أكتم بصدري آهاتي .. أشكي ولا أعالج شكواي بصمتي.. انا هويتك والشاهد خالقي .. لكن .. حكم علينا ابوك بحكمه الظالم .. لكن انا عند الوعد ياربيع القلب ماتركك لو تنهد جبالي .. لو أن السماء تقبل الأرض .. حاولنا ننسى همنا الكبير واعيش معها مثل اول .. اعيش على صوتها .. وحبها .. حاولت مع عمي وكررت محاولاتي تابع 7 7 مواضيع ذات صلة |