ازياء, فساتين سهرة

العودة   ازياء - فساتين سهرة و مكياج و طبخ > الطبخ > اطباق رئيسية و اكلات سريعة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
اطباق رئيسية و اكلات سريعة حياكم جميعآ . . ذوقوا أطباقي . . . يوجد هنا حياكم جميعآ . . ذوقوا أطباقي . . . طبخ اكلات سريعة 2016 شعبية جديدة و مقادير طبخ طبخات اكلات سريعة من الطبخ السعودي و مطبخ منال العالم و طبخات سعودية وبعض اطباق الشيف اسامة و طبخات مغربية بالصور

فساتين العيد


 
قديم 07-04-2011, 09:13 AM   #1

روح الأبدااع

:: كاتبة مقتدره ::

الملف الشخصي
رقم العضوية: 168060
تاريخ التسجيـل: Jul 2011
مجموع المشاركات: 421 

حياكم جميعآ . . ذوقوا أطباقي . . .


حياكم جميعآ . . ذوقوا أطباقي . . .

..السلاآم عليكم ورحمة الله وبركآته..~
مساء / صبآح
الورد لبنوتآت وستات أزياء ..
جبت اليوم لكم قآئمة مُميزة..وباءذن الله تعجبكم...يالغآليآت
واليكم القآئمة



دجاجة محشية بالفرن
صينية البطاطا بالدجاج والقشطة
لازانيا
سلطة البادنجان والزبادي
فطيرة عش البلبل
قوارب الورد بالجبنة والرومي
تمر سلايز
قشدة توتو الرس
كيكة منها وفيها..
مافينز محشي
ميني تشيز السنكرز
ميني ايس بالأم آند أمز
حلا الحليب والسميد
كاسات الكاستر بالشوكولاتة
كاسترد الشوكولاتة بقوالب القشطة


حلا كاسات [حلا العلب]
الكيكة الحلزونية
كيكة أمي





واليكم الوصفآت..



صينية البطاطا بالدجاج والقشطة..
خليط البطاطا:
عبارة عن/3 حبات بطاطس مسلوقة وذايبة+ ملح وقرفة+ بودرة ثوم( ممكن ثوم طازج)+ ملعقة جبنة سائلة+ فلفل وكمون ,,حسب الذوق..
تعجنيها ويصبح عندك خليط طري ولذيذ...
الحشو:
صدر دجاجة كبير مسلوق..ومقطع مسبقاً
نحمر بصلة صغيرة لمن تذبل نحط فص ثوم وبس تطلع الريحة نحط الدجاج ونقلب ونحط ملح وفلفل ورشة قرفة. وحسب الرغبة لو حابة تكثري توابل انت وذوقك..
وبعدين رشيت شوية بقدونس.. وتركتوا.. وقت الاستخدام اضفت علبة قشطة+ ملعقة جبنة سائلة كبيرة.. واصبح جاهز الحشو..
اصغر صينية بايركس نقسم الخليط قسمين ونفرد القسم الاول ونوزع الحشو.. ونبدأ نوزع القسم الثاني انا كنت افرد قسم قسم بين كفيني واحط بالصينة وهكذا وارقع بالأخير..
وانت وطريقتك..
على الوجه..
فرمت توست قطعتين+ كم مكعب زبدة مثلجة. وزعتهم على الصينة من فوق..
عشان تعطيها لون وتطلع طبقة محمرة..
انت وذوقك ممكن تحطي جبن موزرلا ممكن باشميل ممكن بقسماط.. ممكن جبنة وقشطة ومايونيز وممكن بدون شيء..
حسب الي تحبيه
وغطيتها بقصدير ودخلتها الفرن.. وبالأخير شغلت الشواية عشان تتحمر
تقريبا نص ساعة وممكن اقل حسب
تقريبا كانت مثل الكريمة
اتمنى تجربوها.. لانها لذيذة..



.............................. ...


لازانيا
وأخيراً يابنات سويت لازانيا اول مرة اسويها بحياتي.. كانت عملية شاقة .. وبقوة..
حوست صحون وقدور وقفة طويلة.. حتى امي قالت كم ساعة وانت بالمطبخ على صينية مكرونة... تحطيم..


الحاجيات والقدور المستخدمة.. من كثر القهر بوصف كذا
اول شيء سويت الصلصة.. اشرح كيف ولا مافي داعي الظاهر مافي داعي
ثاني شيء سويت اللحمة المفرومة.. اشرح.. ولا معروفة <<يلا بشرح
تحمري بصل لمن يذبل ويصفر حطيت فص مهروس ثوم بس تطلع ريحة الثوم على طول حطيت اللحمة المفرومة وعلى نار عالية عشان بسرعة طفشانة..خخخ
ملح وفلفل اسود ورقتين غار قرفة ناعمة شوية من كل شي كزبرة ناشفة قرنقل ناعم بطرف الملعقة الصغيرة امكن حطيت كمون ..
لمن تنضح خليها على جنب

ثالث شيء سلقت المكرونة الشرايح..
بأكبر صينية فرن مرفوعة الحواف سخنت الموية بالغلاية وصبيتها على الصينية وملح وزيت وذقت الملح طلع باين..
رصيت الشرائح رص جنب بعض الحمد لله الصينة تشيلي 6 شرايح .. أخذت السلق بدفعتين..
كنت بسلق أكثر بس شكيت انوا كفاية
وسويت تجربة وأكتشفت انوا بالطبقة 3 ونص شرائح يعني من 11إلى 12 شريحة..
والباشميل معروف سويت اربع كاسات حليب.. وبالطريقة العادية.. المفروض اكثر انا قل معايا ممكن تسوي 6 او حسب الصينية حقتك..


نحتاج كمان كريمة خفق/ جبنة موزريلا /

طريقة التطبيق والله جلست افكر خخخ مو عارفة من وين ابدا
او شيء حطيت كريمة سائلة حاجة بسيطة خطوط يعني وشوي صلصة وشوي باشميل بعدين شرائح المكرونة..
فوقها حطيت اللحم ورشيت شوبة صلصة وجبن وبعدين باشميل وبعدين المكرونة..عدت مرة ثانية نفس الشيء
وأخر حاجة شرائح المكرونة وعليها الباشميل وباقي الجبن وشوية كريمة خفق ورشة ريحان مجفف
ونسيت اقول بين الطبقات فوق المكرونة حطيت كريمة خفق الصغيرة تقريبا استخدمت ثلاث ارباعها..
وغلفت الصينية بقصدير
وعلى حرارة 200 دخلت الصينية نص ساعة وفتحت القصدير وشغلت الشواية..وبس

.............................. .....................

سلطة البادنجان بالزبادي
بصراحة لذيذة ودسمة بنفس الوقت..
الطريقة..
حبتين بادنجان كبار مقطعة ومقلية.. او تقليها بعدين تقطعيها....خخخخخخ
بقدونس مفروم..
الصوص: علبة زبادي+ فصين ثوم + ليمونة كبيرة+ ملح..
نلخط الكل ونزين بالخبز المقلي..


.............................. .......................

وردات التوست بالجبنة والرومي
هذا الطبق خفيف ولذيذ مع شاي العصر او المغرب ..
الطريقة والمقادير مع الشرح وبالأخير مقترحاتي:
نحتاج توست ابيض او اسمر.. انا مسوية اسمر..
بالطريقة المعروفة تشيلي الحواف وتفرديهم بالنشابة.. وبالقطاعات على شكل وردة و احلى مقاس الي قبل الكبيرة تطلع نفس مقاس كاسات الكيك( اوراق البيلسية)
تحطيهم داخل الصينة حق الكوب كيك او قوالب الكب كيك السيلكون.. ورصيهم بالصينة
دخليهم بفرن مسخن بس تتحمر .. طلعيها..
الحشوة:
كانت عبارة عن
جبنة البقرات الثلاثة اللي لونها أخضر + رومي أخضر وأحمر .. وزودت ملعقة جبنة هنغاري أحتياط خفت مايكفي الخليط <<< وبالأخير زاد..
نحشي كل قطعه بملعقة ونرتبها ونرصها بالطريقة الي نحبها
وبالعافية
اقتراحاتي:
ممكن الحشو يكون:
تونه مع مايونيز وخلطتك الي تحبيها مع التونة
ممكن تونة مكشنة او دجاج محمر مع شرائح بصل ورومي
ممكن متبل بادنجان او بابا غنوج شايفتها بموقع ثاني
يعني ابدعي علي كيفك..

.............................. .......................

فطيرة عش البلبل..
حبيتها جدا بس ماما وخيتوا ماحبوها..
.............................. ....................

كيكة منها وفيها

والطريقة: غيرت فيها..


تخلطي بخلاط الكاس: كوب حليب سائل + كوب سكر+ ثلاث ارباع كوب زيت+ فانيلا+ 3 ملاعق حليب بودر+ 3 ملاعق كاكاو..( خليت كاسة من الخليط على جنب) حتسقي فيه الكيكة لمن تخرج من الفرن..


3 بياض بيض تضرب مع رشة ملح


وبعدين 3 صفار بيض تضرب لوحدها + ربع كوب سكر+ فانيلا + كم نقطة خل..


تنخلي كوب ونص دقيق + ملعقة ونص بكنج بودر+ رشة ملح,, انخليها مرة او أكثر.. ويستحسن ترفعي يدك على فوق عشان يدخل هواء بالدقيق..


تصبي خليط الكاكاو والزيت و الي بخلاط الكاس على صفار البيض وتخلطي مو كثير حتى يمتزج بس


بعدين تضيفي الدقيق على 3 دفعات وبرضوا خلط خفيف لا تكثري خلط واخر شيء بياض البيض واما بالملعقة الخشب تخلطي على خفيف او بالمضرب بس لا تكثري..الخلط


تصبيها بقالبك انا حطيتها بقالب التشيز كيك مقاس 8 او 9 بوصة.. واليوم الي قبلوا سويتها بصينية تارت..


ودخليها الفرن لمن تستوي وتخرجيها شربيها بالصوص الي رفعتيه على جنب..


وبس

.............................. ...................

..كب كيك بالصوص والفراولة
هذي الكيكة سويتها على عجالة..
كان عندي اولاد أختي .. وجننوني يبغوا حلا
وضحكت عليهم بهذا..


عبارة عن كوب كيك
سويت نفس طريقتي بالمافينز.. سريع وحلو..
سويت حفرة صغيرة من النص


حشيتها بشوية
نستلة + جبنة+ كاكاو...
وفوقها قطعه فراولة
وخطوط من نفس الصوص..

.............................. ............................

حلا الام آندأمز



برضوا سويتوا علىعجالة..إلا ويبغوا حلا.. وزن على الراس قمت سويتهذا



تراه لزيز لا يغركمشكلوا..



بأوراق البيلسيةحطيت قطعةاوريو بسكويت



بعدين الخلطة



بعدينشوية جالكسيمذوب مع قشطة بحماممائي..



وعلى الوجه حبوبالأمآندإمز



الخلطة على ماأذكر: ترى الصور قديمة مره..



نستلة نصالعلبة+ بسكوت مطحون تقريبا واحد+ جبن ممكن حطيت 6 او7+ قشطة



بدون مقاديرمحددة.. يطلع لك خليط مرة حلو ولزيز...

.............................. ............................

حلالحليب


كوبحليب محمص + كوب سميد+ سكر+ علبة قشطة.. هذي الطبقةالاولى


علبةحليب مكثف محلى( استخدت بوني)+ جبنة كريمي( استخدمت مثلثة السعودية) هذي الطبقةالثانية..


اخذت من الخليط وزودت عليه كاكاو وهيرشي وزينتالوجه


بعديندخلتوا الفرن


يدخل الفرن شوية من فوق او تسخني وتطفيه وتشغلي الشواية شوية بسيتماسك


وبعدين يبرد وحيتماسك أكثر.


.............................. .............................. .

ميني تشيزسنكرز



أخذ ت الطريقة من المنتدى


هون



وهذي هي/



الطبقة الاولى: نأخذ بسكوت الأوريو ونفتحوا من النص ونحط قطعة وحده بدون الكريمة بكل ورقة من اوراقالكب كيك


الطبقة الثانية: 15قطعة كيري+ 3بيضات+3 فناجين سكر والافضل تزودي وانت وذوقك.. وندخلها الفرن لمدة ثلثساعة حتى تتماسك وبعدين ندخلها الثلاجة تبرد..


الطبقة الثالثة: 4سنكرز+ قشطة.. تذوب بحمام مائي وتوزع على القوالب..


الحلا ذا لزيز ودسم بس احسوا ناقص سكر..عشان كذا قلتزودوا..


.............................. ..........................

حلالكاسات




هو عبارة عن حلا العلب..




بس سويت شويه ماكثرت لأنه لبنات اختي الصغار..


ط1: قطعه كيك نحول..


ط2: 4ملاعق حليب محمص+ فنجان سكر+ ظرف كريم كرامل+ نص قشطة.. وزودت شويةموية,,




ط3:نستلة العلبة الصغير + قطعتين كيري واضفت نص القشطة ماكان في داعي سارت سايحة الخلطة..




وبس..لزيز مرة.. والوجة حطيت فلك..





.............................. .............................


كريمة الكاستر بالشوكولا..
الطريقةهي
نفس طريقة الكريم باتسير..
اليهي:
تسخني كوبين حليب على النار
وعلى جنب تخلطي صفار 4بيضات. بالمضرب الكهربا او السلك..
وتضيفي كمية السكرحسب الذوق
وبعدها تضيفي ملعقتين نشا كبار او دقيق
تجيبي الحليب اليعلى النار لمن يسخن ويغلي.. تصبي شوية على البيض وتقلبي بسرعة.. وترجعي كل البيضفوق الحليب..
الحليب هذي المرةاضفت له شوكلاتة بودر لين توصلي للون الي تبغية وقهوة..حطوا نسكافية..وممكن بسشوكلاتة
وتخفقي كريمة خفقصغيرة.. وتخليها جاهزة..
لمن تبرد كريمةالكاسترد.. حطي عليها الكريمة عشان تخليها أطيب..
كمان حطيت جيلاتين ممكن ملعقة..بودر ذوبتها بشوية موية حارة( الافضل تزودي عشان يتماسك) عشان قلت بغيرمن شكل الكاسترد و بحطوا بقوالب القشطة...
تجهزيقوالبالقشطة.. وتفقليها مزبوط..من تحت..وهنا شرح كيف تجهزي القوالب
وحطيتطبقةاولى: بسكوت أولكر+ زبدة + شوية قشطة...
وصبيت الكريمة( الكاسترد) وبردتها يوم بالثلاجة..
والتزين شرائح فراولة ورق نعناع وبعضها فيها جالكسي على جنب مذوب

.............................. ..................

وبالعافية


دمتم بود

مواضيع ذات صلة
لشعر جميل تملؤه الحيوية و اللمعان قوي وبدون أضرار أكيد عليكي الدخول
المواليد الرضع يتمتعون بذاكرة النكهات
غابة فطريات مزينة بالقوق والشاركوتري
تعرفي على صحتك من خلال الحبوب التي تظهر على مناطق الوجه
اضافه جمالية لمنزلك مع النباتات الداخلية
ادخلو وتذوقوا طريقة عمل الكشك الصعيدى
ذوقوا واحكموا
تذوقوا جميع انواع الشوربات



 
قديم 07-04-2011, 09:32 AM   #2

احلام شاعرة


رد: حياكم جميعآ . . ذوقوا أطباقي . . .


حياكم جميعآ . . ذوقوا أطباقي . . .

يعطيك العآآفية قلبي ..

 
قديم 07-04-2011, 09:41 AM   #3

توفي الحلوه


رد: حياكم جميعآ . . ذوقوا أطباقي . . .


حياكم جميعآ . . ذوقوا أطباقي . . .

مشكوره

 
قديم 07-04-2011, 09:47 AM   #4

سنينـــي يمـــ


رد: حياكم جميعآ . . ذوقوا أطباقي . . .


حياكم جميعآ . . ذوقوا أطباقي . . .

يديكي العافيه

 
قديم 07-04-2011, 10:55 AM   #5

روح الأبدااع


رد: حياكم جميعآ . . ذوقوا أطباقي . . .


حياكم جميعآ . . ذوقوا أطباقي . . .

أسعدني مروركن المتميز عزيزاتي . .
أشكركن ع الردود









دمتن بود""

 

أدوات الموضوع



الساعة الآن توقيت السعودية الرياض و الدمام و القصيم و جدة 12:39 PM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0