قصة أغرب من الخيال

> قصة خيالية حدثت بإحدى الدول العربية
>
> كان يا ما كان في قديم الزمان وفي
> سالف العصروالاوان
> بلد صغيرة جميلة يعيش فيها عائلة
> صغيرة مكونة من اب وام وولد فقط
> يصحى ابو عقلة من النوم نشيطا
> مبتسما وينظر الى ام عقلة بحب
>
>
>
> ابو عقلة: يسعدلي هالصباح شو
> هالحلاوة هاي اي انا الي تلاتين
> سنة بتصبح بهالقمر
>
>
>
> ام عقلة: يي يا ابو عقلة انا اللي
> بتصبح ب احلى قمر احضرلك الفطور؟
>
>
>
> ابو عقلة: اه بس اطفي التدفئة شوبت
> كتير و الله هدول بالارصاد دقيقين
> بطريقة مش
> معقولة
> يعني اللي بيقولوه بيطلع صح
>
>
> ام عقلة: شايف شو الطقس حلو
برة؟
> التلج داب من مبارح والجرافات
> رفعتة من الطريق
> و كل شي برة نظيف..
> خليني اصحي عقلة يلحق يتحمم ويفطر
> ويروح على دوامه وبحضر الفطور
>
>
>
> ابو عقلة :ما تنسي العسل والقشطة
> يا قشطة
>
>
> ام عقلة تذهب لايقاظ عقلة تدخل
> غرفة عقلة المرتبة النظيفة جدا و
> تراه نائما
> كالملاك
>
>
> ام عقلة: عقلة اصحى يما الساعة ستة
>
>
> عقلة يصحى بسرعة شديدة ويقفز من
> سريره بنشاط
>
> عقلة: يسعد صباحك يما..يا باي يما
> شو بحب يوم الاحد بعد العطلة هيك
> ارجع ع
> دوامي
..انا يما بحب شغلي كثير
>
>
> ام عقلة: بس يما زي ما بوصيك دايما
> انت شرطي سير الناس امانة برقبتك
>
>
> عقلة: ولو يما..انا اصلا كل مواطن
> اخ وكل مواطنة اخت بديش وصاية
>
>
> يفطر ابو عقلة وام عقلة وعقلة في
> جو من الالفة العائلية الجميلة
>
> و يقبّل ابو عقلة ام عقلة بعد ان
> يضع في يدها خمسين دينار مصروف
> اليوم ، يذهب
> عقلة الى عمله مبتسما ويقف في
> مكانه على دوار عبدون تمر سيارة
> مسرعة و يوقفها
> ويذهب للسائق مبتسما
>
>
> عقلة: صباح الخير
يا اخي ..كيف
> حالك؟ بس يا ريت
تخفف السرعة شوي
> على الدوار وبلاش
> التشحيط و كمان لو تحط الموبايل
> من ايدك لانه خطر على سلامتك و
> سلامة غيرك
> اتمنى لك نهار سعيد
>
>
> المواطن مبتسما:
شكرا سيدي الله
> يعطيك العافية ويقود سيارته بتمهل
> وحذر
>
>
>
> يتحدث عقلة لنفسه: ما شاء الله ما
> احلى سيارته الله يزيد و يبارك
>
>
> ابو عقله في دوامة باحدى الدوائر
> الحكومية ينهمك في عمله
> ولا يل تفت يمينا او يسارا ولا
> يحادث زملائه ولا يشرب الشاي او
> يحل الكلمات
> المتقاطعة
>
>
> و يبدا المواطنون
بالتوافد على
> الدائرة التي تتسم بالنظافة
> الشديدة والتي يوجد
> بها كراسي نظيفة جدا مرتبة غير
> مكسورة او مطبشة او مكتوب عليها
> ويقفون بترتيب
> في طابور منظم بدون تأفف مع
> احترام النظام و اعطاء
> الاوليةلغيرهم
>
>
> يقترب اول مواطن من ابو عقلة
> مبتسما
> المواطن: صباح الخير
>
>
> ابو عقلة: صباح النور شو طلباتك
> نحنا هون في خدمتك لراحتك
> ومساعدتك
>
>
>
> المواطن: بس بدي توقعلي هالورقة
>
>
>
> ابو عقلة: بكل سرور بس بدها توقعين
> تانين بعد هيك و بتكون
جاهزة
>
> يشكر المواطن ابو عقلة و يوقع
> التوقعين و تنتهي معاملتة خلال
> نصف ساعة و يغادر
> الدائرة
> يخرج للشارع و يوقف تاكسي
>
>
>
> و يجلس قرب السائق النظيف الذي
> تخلو سيارته من اية زينة او علبة
> كلينكس معلقة
> بالسقف
> و التي يمنع فيها التدخين و يقود
> السائق سيارته بكل لياقة و ادب و
> اخلاق دون
> ان يتجاوز او ييتوق ف على
> المنعطفات بدون انذار
>
>
> و دون ان يشتم او يسب او يتافف من
> الحكومة او الغلاء او المخالفات
> الغير موجودة
> اصلا
> و دون ان يفرض ارائه
السياسية و
> نظرياته على الراكب و دون ان يبصق
> من النافذة و
> تنتهي الرحلة و يدفع الراكب
> النقود بدون نقاش و يعيد له السائق
> الباقي بكل سرور
> لوجود الكثير من الفكة بحوزته
> و يتابع السائق طريقه مبتسما
> هادئا يستمع لصوت الوكيل الشجي
> على الراديو الذي
> قرر ان يستقيل لان البلد خالية من
> المشاكل يتوقف على اشارة المرور
> ولا يقترب
> منه اي شحاد او بائع زهور او العاب
> لا معنى لها و لا يزمر للذي امامه
> او يقرفه و
> يشكر الله على نعمته و يحمده على
> خيراته
>
>
>
> و توتة توتة
خلصت الحدوتة
>
>
> وكل واحد يرجع على شغله بلا خيال بلا تضييع وقت !!!
لإنو شكلكو اندمجتوا وعشتوابالجو
وصدقتوا
مش قلنا من البداية انها قصة خيالية؟؟!!

والله الخيال يقلك انا عاجز امام هذه الحكاية, لكن والله عجبتني وتمنيت يتحقق ولو الثلث ........
شكرا ليكي

ياسلااااااام ياليت الخيال يتحووووول لحقيقه

lina62

أميرة مملكتي

	#2
lina62	رد: قصة أغرب من الخيال قصة أغرب من الخيال والله الخيال يقلك انا عاجز امام هذه الحكاية, لكن والله عجبتني وتمنيت يتحقق ولو الثلث ........ شكرا ليكي

	#4
أم حبيبــــــــــــــــــة	رد: قصة أغرب من الخيال قصة أغرب من الخيال lina62