 |
  |
|
|
|
|
#16 |
|
|
رد: رواية التبل إماراتيه روعة
راح أحاول أنزلها
قبل رمضان شكري لكل اللي مرو جودي |
|
|
#17 |
|
|
رد: رواية التبل إماراتيه روعة
مساء النور
راح أنزل التكمله الج 17 زء بو سلطان: شحال ابوك؟ قلت وانا مستغرب: بخير!!!! هيه لازم استغرب من بعد سنين ولاول مره يالس بو سلطان يسأل عن اخبار ابويه ... هاي سالفتهم طويله ولازم اخبركم عنها يوم ان بو سلطان وخالتيه مشغولين مع هالدلوع خلني اخبركم ... هاي الله يسلمكم ابو سلطان كان رفيج ابويه الروح بالروح يعني جيه شراتنا انا ورشود فديتنا.... ومن قوه علاقتهم بعض ان يوم ابويه اخذ امايه وتزوجها قام بو سلطان عرس على اختها يعني خذا خالوه وجان بذاج الوقت بو سلطان ساكن بالعين ويا ابوه المهم والد بو سلطان توفا وكان عنده خير ... طبعا اخذ نصيبه بو سلطان من الورث وشغلهم على احسن مايكون وانتقل لدبي وبعد ماكبرت مشاريعه وصار عنده شركات .... يلس ويا ابويه يقنعه ان يكون شريكه وبدون مايدفع بيزات لان ابويه على قد حاله......... طبعا ابويه ماطاع ورفض هالشي لان يقول ان مب من حقه هاي الشي ... بس ابو سلطان مايئس كل مره يطلبه وابوي يرفض لين مازعل بو سلطان وحط بخاطره ومن يومهم وهم مايرمسو بعض ولا يسألو عن احوال بعض وكل واحد منهم يكابر..... راشد يزاعج: حوه سوافوه ترى موبايلك مسوي حشره انتبهت لرشود: ها راشد يرفع حياته فوق تحت: هيه سرحان اعترف اعترف انك تحب طالعته بنص عين: حبك حمار راشد: ههههههههه يعني انت الحمار لان محد يحبني غيرك سيف: ههههه صح لانك ماتنحب بصراحه هالجمله طلعت مني عفويه بس الاخ الدلوع زعل عليها ... سرت صوبه اوني اراضيه سيف: رشود والله تراني امزح راشد بدون نفس: ماعليه بو سلطان: تدري انت وياه تذكروني بأيامي ويا أبوك شقيت الحلج وحطيت موبايلي سايلنت: والله!؟؟ بو سلطان: هيه جيه شراتكم بالضبط انا تحمست للموضع: طيب منو كان الي فيكم دلوع ويزعل بسرعه ههههههه بو سلطان: ابوك كان يزعل بسرعه وانا ايلس اراضي فيه سيف: خيبه ابويه ودلوع مايلبغ ههههههه بو سلطان: ايام الشباب غير والحينه غير طالعت راشد ورديت اطالع بو سلطان: امم يعني احتمال راشد يصطلب يوم يكبر ياتني فلعه من راشد : ياحمار ههههه قمت عنهم لايستوي بي شي من رشود ومنها ارمس عبد الله الي حرق الفون ... حليله من زمان مارمسته << والله ولهان عليك........... متى بترد العين........... وحشتني ............... خيبه .......... دخيلك رد بسرعه.......... والله ملالالالان ياسواف>> هذا كلام عبد الله لي يوم كلمته بالموبايل حليله شكله ملان وايد ويالس ينتظرني وهو بالعين << بابا .... بابا ... بابا>> هاي صوت سيلانيه تناديني .... طالعت البشكاره الي يالسه تبربر فوق راسي .. خيبه اذا كنت انا ابوج وع البشكاره: بابا راشد يبي انت داهل طالعتها بنظرات حلوه وبدون مقدمات: انتي في يعرف ان انتي وايد وايد هلو ( وايد وايد حلو) البشكار وعيونها تلمع وجني عطيتها امل بالحياه: اهلف ( احلف) تنهدت بصوتي: بشو اهلف يابعد جبدي ... انت عيون مال انتي وايد جميل البشكاره وهي خلاص شوي وبيغمي عليها: انت في ينام الليله هنا؟ يودت عمري لا اضحك خلاص مب رايم استحمل شكلها : هيه البشكاره وفاجه حلجها شرات البقر: يوم ينام كل نفر في بيت.... انت في يجي غرفه مال انا خيبه!!! تخيب العدو هاي مب هينه اوني مب فاهم عليها: امم طيب لشو انا في يجي غرفه مال انتي؟؟؟ انا قلت لها جيه راحت غمزت لي بعينها وسارت عني ..... هههههههههههه خيبه تخيبها هالخايسه .... ابا اعرف هاي يعني مافي مرايه تشوف شكلها يعني بكل قواها العقليه ان في حد بيطالعها ويا ويها الي جنه خريطه الهند !!!!!!بس صحيح مسخره هالبشكاره اونه تغمز لي بس شو رايكم اسير لها يوم ينامو لو لا هههههههههههههههه صدقي تخبلت دخلت على راشد بالصاله وكان يالس بروحه ومتملل يطالع بالتيلفزون سيف: ها الحابيب خانوك و سارو عنك راشد: هيه هاي حال الدنيا المهم فديتك سواف سير هات لي الاب توب من غرفتيه كالعاده تمللت منه يوم ياب طاري الاب: لحول يعني بتيلس على الاب وبتخليني يالس بروحي راشد: ابا اعرف شو بينك وبينه سيف: ماحبه جيه ماحبه راشد: انت لو تيلس بس مره عليه بتدممن سيف: سير له مابي ادمانك انا نزلن البنات بس يوم شافوني كل وحده منهم قفط ويها .... الا شميم من يقول هالبنت تستحي .... ابد طالعتني بقواه عين شمه: اون يصفق لنا الاخ انا بس تذكرت الموقف ردت لي حاله هستريه الضحك : هههههههههه الشيمه الشيمه شموه بطني وايد يويعني من الضحك شمه: عساك الويع وزود ان شاء الله سيف: خيبه على هالدعاوي راشد: شو السالفه؟ عفرا: غريبه ماخبرك!!!!! سيف: كنت بخبره بس قلت يوم يتيمع الكل احسن شمه: عادي انا بخبره .... شافنا ونحن يالسات نرقص عادي راشد متحسف: خساره والله جان ناديتوني طيب من كان فيكن يرقص شمه: امم انا وعفور ورويض نعطيها كورسات قبل العرس وبعد عبور راشد يلتفت على الريم ويغايضها: هيه بعض الناس مايعرفو لرقص ولا جان قامو وياكن عفرا: هههههههههههه الريم !!!! ههههه صدقها مايدري عن شي ... حليلها الريم على ايام قبل كانت حتى لو نشغل موسيقى كلاسك ترقص عليها هههههه حليلها والله عفرا: الريم والرقص شي واحد ( تلتفت على الريم) اخبره؟ اكتفت الريم بضحكه خفيفه عفرا: هاي حتى لو كلاسك ترقص عليه راشد: خيبه!!!!! عفرا: ههههههههه هيه عيل شمه تي صوبي: سواف سمعت اشاعه مادري صحيح لو لا سيف: شو؟؟ شمه: سمعت انكم بتسيرو الليله سيف: والله على حسب القناه الي سمعتي فيها الاشاعه شمه: لا عاده صدقي بتسيرو الليله؟ حبيت اخليها تتلوم على سهيل اخويه: والله سهيل مره وحده غير رايه وقال لازم نسير الليله حليله اخويه احسه مضايج وايد وجنه هم يالس على قلبه مادري شو بلاه والدليل بعد ان راغوني من الغرفه ويلس اهو وسلطان بروحهم شمه: والله؟! طالعت راشد عسب يساعدني بالجذبه : والله ولا شو تقول بو سنيده راشد وكالعاده جذبته عوده: هيه والله حليله حتى شفت دموع بعيونه مالاحظتهم سواف؟ سيف: هيه لاحظتهم والله مسكين اخويه اويل حالي عليك عفرا: انتو ترمسو صحيح ولا جذب راشد: شو نحن اصغر عيالج عسب نجذب شمه وجنه كسر بخاطرها: والله؟ سيف: وهاي ماسكه علينا والله والله تبي تشوفي سيري له بجناح سلطون عفرا: طيب شلون بنسير ابا احضر حفله عيد ميلاد شمامي شمه تدق الصدر: خلو سهيل علي وانا بتفاهم وياه حبيت اغايضها: احلى احلى شو بتسوين مثلا شمه ورافعها راسها: مايخصك خليناهم انا وراشد وقمنا صوب جناح رشود لان مايروم يسير بروحه ... ساعدته على ان يتسبح ولبسته وغايضت به شوي اوني بمشط له شعره ههههههه شرات اليهال بس حليله استحملني وماراغني شرات سلطان ههههههه اسميه صحيح ربيعي فديتك يارشود.. .............................. ........... .............................. ............... دخلنا المطبخ بس هالمره غفلنا الباب عن لحد يسمعنا بالصدفه يلست انا اسوي العشا وريوم تساعدني بس شمه وينها وين الطبخ يلست على طاوله المطبخ تاكل لها ليمون وملح ... ورويض وعبير نايمات لأنهن سهرانات شمه: امم طيب ماخبرتيني انت شو رديتي عليه عفرا: ههههههههه انتي الله يهداج عطتيني مجال وماخبرتج,,,, انا من خبرتج بالسالفه وانتي سويتي لنا حفله رقص شمه: ههههههههه دخيلج لاتذكريني اويلي على شكلي ولبسي بذاج الوقت عفرا: سكتي انا الي بصراحه قفطت يعني سلطان طالعني وانا ارقص طالعتنا الريم وهي تقطع الحم ويلست تضحك علينا شمه: هيه انتي مارقصتي ولا جان ماتضحكي الحينه ... طيب خبريني شو رديتي عليه تركت الي بأيدي: امم بصراحه شمه متفاعله: هيه يلست اوني افكر: امم والله شمه: يالله عاده شقيت حلجي: اصلا مارديت عليه شمه: والله!!! عفرا: هيه حالتي بذاج الوقت ماسمحت لي ارد ولا ارمس شمه: طيب انتي شو رايج نكست راسي وانا يالسه افكر .... احس متخوفه وايد يوم فتح الموضوع ويايه.... شمه: عفور طالعتها: تبي الصدق ما ادري شمه: انتي ما ارتحتي لسلطان؟ عفرا: بالعكسس ماضقت الراحه الا مع سلطان شمه تطالعني بنص عين: هاي الي اون ما ادري سيري له عفرا: ههههه صحيح والله ما ادري يوم صار كل شي جد احس تخوفت شمه: طيب انتي رايج بشكل عام يلست افكر: امم بشكل عام سلطان ماعليه كلام بس لازم افكر بالموضوع شمه: يعني ياحلوه موافقه .........موافقه مبدئيه ابتسمت اوني بخجل: تقريبا باستني على خدي اهي وريوم اون يباركولي ههههه........ رن موبايل شمه وكان سلطان متصل بها يباها تسير له فوق ترخصت منا وسارت له ....طلعت من صوب ودخلو علينا هالاثنينه السكرانين راشد وسواف واون راشد متوسد على ظهر سيف سيف يعدل الكرسي لراشد: ايلس فديتك هنا ايلس طالعته مستغربه : ماشاء الله شو هالروح الرباعيه سيف يبوس خد راشد: فديته راشد يلوي عليه: فديتك الريم:!!!!!!!!!!!!! عفرا: تحسسوني انكم شواذ سيف: ويعه تويعج راشد: شقا شواذ شعنه ماتقولي حب في الله عفرا: ماروم على المحبه في الله سيف: ريوم ممكن 2 خيار لي ولرشود حبيب البي راشد: ولو سمحتي عفرا كاسين ماي لي ولسوف نور عيوني حطيت ايدي على خصري: اقول يالله انت وياه سيرو برع راشد: حرام والله ملانين قلت أي ايلس ويا بنت خالي فديت روحها ..... تعالي بخبرج تراني اسبوع الياي ولا الي بعده جيه بتسمعي عن خبر حلو( وغمز بعينه) عفرا: مثل شو راشد شاق الحلج: بتسمعي بخطوبتي لج اوني مستحيه: لالا صدق ماصدق بسوي حفله سيف: هيه من قدج اذا رشودي خذاج راشد يطالع بالريم الي يالسه تقطع الحم: حرام عفور شقايل تخليها تقطع الحم جان ناديتي البشكار تقطعه سيف : لالالالا خلوها البشكاره الحينه مشغوله هههههههههههه طالعه راشد وهو الثاني يضحك: الله يخسك والله لو ابويه يدري بسالفتها بيذبحها تركت الي بأيدي وطالعتهم: شو سالفتكم انتو الاثنينه؟ راشد: اخاف اخبرج ويطيح اخوج من عينج عفرا: لالالا طايح من زمان مايحتاي سيف: طاح راسج قولي امين راشد: يقولج مغازل البشكاره اليوم وتواعدو بغرفتها بعد مانام نحن عفرا: خيبه سيف يطالعني : يالبقره امزح وياها وهي واحليلها صدقت خخخخخخخخخخخخخ وتي تقولي تعال الغرفه اون بعد ماتنامو ههههههه قلت بتهديد: سيفوه لايكون تسويها سيف اون يفكر: امم والله بفكربالموضوع بعدين بجاوبج عفرا: ويعه شو تبابك بغرفتها؟؟ راشد: ياربيه على هالتفكير البريء ماروم عليج عفور هههههههه بصراحه قفطت من رشود الطفس وعطيتهم بو لباس وسرت اكلم شغلي ..... .............................. .......... .............................. .................... .... هيه لا هيه وايد شوي لالا ماتحب هالنوع هاي كانت اجوبتي على اسئله سلطان ... صار له نص ساعه وهو ملعوزني بأسئلته عن عفور سلطان : طيب شمامي امم انت شو رايج فيها طالعته بنص عين: اون شو رايج فيها بعد ماكلمت البنت تقولي شو رايج سلطان: هههههههه يالله عاده شمه ياوبيني تحسي انها تناسبني ابتسمت له بأرتياح: وايد تناسبك يتنهد: الله يريحج شرات ماريحتيني شمه: امم انت ليش خايف؟ سلطان : ما أدري شمه: انت مب مقتنع بعفور؟ نقز: لالالا شو مب مقتنع ماتوقع بحصل شراتها ضربته بالخفيف على ركبته: خلاص عيل توكل على الله سلطان يرفع شعره لورى ويتنهد: اخاف ماتقبل بي شمه: انت لما كلمتها شو قالت لك؟ سلطان: مارمست ابد خفت لايصير بها شي وسكرت الموضوع شمه: ههههههههههههههه حليلج ياعفور لالا انا اضمن لك انها بتوافق سلطان يلس حذالي: حلفي يعني اهي كلمتج قالت لج شي هزيت راسي بالايجاب: البنت موافقه عليك مبدئيا لاتخاف من شي سلطان يبوسني على خدي : فديتج اختي الغاليه طالعته بنص عين: تعرف متى اخر مره بستني فيها؟ سلطان: هيه العيد الي طاف شمه: هههههه زين يوم تعرف طيب اخويه متى بتكلمهم بالموضوع سلطان: بصراحه انا فتحت الموضوع ويا سهيل شمه: يعني خبرته انك تباها سلطان: تقريبا ... خبرته اني افكر بخطبتها وسئلته عن رايه اني اناسبها لو لا شمه: وشو قال لك؟ سلطان: امم قال لي عفور اختي بنت ماسالمه مالها ولا عليها خفيفه دم ومطيعه وايد اذا تحب هالنوع توكل على الله شمه: وانت تحب هالنوع؟ سلطان: هيه بصراحه مالي بارض لبنت دلوعه ومبزايه ولا عنيده ابا بنت جيه راعيه بيت ومطيعه وغير جيه اهم حايه مالها ولا عليها شمه: عيل شو تنطر؟ سلطان: خلاص بكلم امايه بالموضوع وان شاء الله خير شمه: يارب يا اخويه يكتب عفور من نصيبك يارب سلطان يضربني على راسي: خلينا من عفور اباج بموضوع شمه: شو؟؟؟ سلطان: سهيل ياتني قشعريره بجسمي مب لطروى سهيل لا... ياتني لان سلطان بنفسه يفتح الموضوع ويايه طالعته بعين زايغه: شو بلاه؟ سلطان: احسه ضايج منج شمه:!!!!! سلطان: هيه يعني مب مرتاح بصراحه خوفني كلامه لان سيف ورشود خبروني انه ضايج يعني طلع كلامهم صحيح ... سهيل مب مرتاح لي؟!!!!! سلطان: شمامي اباج تخفي على سهيل واحليله اقلها تعامليه معامله غير عن الباقي نكست راسي للارض: جيف يعني سلطان: الله الحينه شمه تبا حد يعلمها .... طيب خاطرج طيب يعني هالدفاشه الي تعامليها به خفيها شويه طالعته: انا دفشه!!!!!! يبتسم لي: اي دفشه على دلع مبزايه وايد شمه: هو شكا لك يعني؟ سلطان: لالا بس حسيت وشفت بعيني رفعت راسي: كيفه انا جيه اذا ماعيبه بكيفه مسك اذني بتهديد: شموه هاي بيطلع ريلج تأدبي احسن لج .....وانا ماقلت لج بدلي عمرج عسب خاطره انا الي قلت لج الدفاشه خفيها شوي شمه: آآآآي طيب خلاص مايصير خاطرك الا طيب طلعت من عنده وانا براسي مليون فكره ... حليله الريال ضايج مني...... انا قلت الصبر له حدود ... وهو نفذ صبره مني.......... طيب شو اسوي اذا انا جيه ..... ماحسيت بعمري الا وانا اضغط زر الاتصال ( هلا سهيل .......... امم ممكن من وقتك شوي ......... لالا ماينفع بالفون اباك ورى البيت ..... لاتخاف على ضمانتي ) بتقولو عني متهوره بكيفكم مب اول مره تنقال لي هالكلمه ... انا الي براسي اسويه ومحد يوقفني .... سرت ورى البيت انتظره ... شويه حسيت بحركه ورايه بصراحه وايد خفت لانه ظلمه تكلمت بهمس: انت يت؟ سهيل: هيه شو صاير؟ الله يالدنيا سهيل يكلمني بهاي الطريقه الموحشه ههههه اخليكم خلني اتفاهم ويا الريال ... زعله جايد واي شمه: امم ايلس سهيل: مطولين شو؟؟ مسكت ايده ويلسته غصب ويلست حذاله: شو بلاك سهيل: شو؟ طالعته: سهيل لاطولها قولي شو بلاك...... انت مضايج مني صح سهيل: يوم تعرفي شعنه تسئلي تمسكنت وتكلمت بدلعي المعتاد: بس مادري انت زعلان عن شو بالضبط .. لانك وايد تزعل مني سهيل وهو مازال يطالع الشجر ولا يطالعني : الي يسمعج يقول ان كنت راضي ولا زعلان تفرق عندج قرصته بأيدي: طيب تكلم ارمس عن شو بالضبط كلمني بصراحه يا اقنعك يا تقنعني سهيل: اشك مديت البرطم: حرام تراك وايد تظلمني سهيل يطالعني : لانج وايد عنيده وراسج يابس ولا تسمعي الرمسه مديت البرطم زود عن قبل : واي كل هذولا انا سهيل وهو مفول : شموه تراني ارمسج بجد...... عباتج الي ماتسمى عباه وكل جسمج يبان منها قلت ماعليه البنت متعوده على هالشي خلها براحته ..... شعرج ماتستريه حذال عيال عمج وحذال سواف قلت البنت هم متعوده خلها براحتها..... ترمسي ويا الكل وتحقريني هم قلت البنت هاي شخصيتها وماتحب تبين مشاعرها ... بس انج ياشمه تلبسي لبس عاري وتطلعي حذال سواف وغيره هاي ماروم اسكت وماروم امسك عصبيتي . . يتكلم بكل قواه العصبيه ... بصراحه خفت وايد منه بس ماحبيت ابين هالشي عسب ياخذ راحته بكلامه .... احبه والله احبه واحب قلبه الحنون.... يمشي لي زلاتي ولا يحاسب عليها ويمكن لو بعد مايت وكلمته عادي يوم يومين ويسامحني على هالزله.... اعرفه طيب وقلبه حنون فديته..... لا ارادي مديت ايدي ورفعت خصل شعره الي طاحن على ويهه بسبه عصبيته قلت بهمس: الي تباه بيستوي بس اهم حايه حبيبي ماتعصب طالعني بنظرات قفطت منها احس عيونه اخترقت جسمي : شو قلتي؟!!! لالا صدق الحينه كل الي بالبيت بيسمعو دقات قلبي : الي تباه بيستوي بس لاتعصب اقول لكم طيب وحنون ....مسك ايدي وابتسم:لا لالالا انتي قلتي قبل لاتعصب شي ثاني طالعته واوني مافاهمه: هيه الي تباه بيستوي سهيل: شممه دخيلج قوليها سحبت ايدي من ايده: سهيل انت الي دخيلك لاتضغط علي عاده..... بتطلع بوقتها رفع راسه لفوق وتنهد بصوته: يمكن اموت وهالكلمه مابسمعها بصراحه مارمت ايود عمري ويلست اضرب به في أي محل توصل لها ايدي : يالسبال يالسبال يالسبال سهيل يود ايدي عن لا اضربه: هههههههه خلاص بسم الله منج بسرعه ينقلب المزاج حقج رديت لوضعي الطبيعي وكملت بدلع: سهيل ابا اطلب منك طلب طالعني بنضراته الحلوه : انا مايخشعني غير هالدلع حقج .... الحينه يالشيطانه انا الزعلان المفروض انا الي اطلب مديت البرطم: حشى عليك بدل ماتقول لي تم آمري تدلي سهيل: هههههه آمري تدلي انتي بس شمه: بعدين لاتستعيل على عمرك يوم اخلص الطلب انت اطلب سهيل: طيب آمري شو تبغي؟ شمه: امم لاتسيرو العين الا بعد حفله عيد ميلادي ابتسم: ومن الحمار الي خبرج اني بفوت عيد ميلادج شمه: ههههههههه سيف الحمار سهيل: ماعليج منه هذا وانا مخبره قبل لاني دبي اذا يبا يرد بيرد بروحه انا ماشي رده الا بعد عيد ميلادج كان بخاطري اتفداه بس يودت عمري: امم طيب يالله انت آمر شو تبا شق حلجه: امم ابا ابا طالعته بنص عين: دلوع اصلا ماعندك شي بس اهم شي تبا تطلب سهيل يأشر على خده: ابا حقدت عليه وايد: شو!!! سهيل: الي سمعتي شمه: تخبلت اضني سهيل: عيل ماشي يلسه بدبي الحينه بنسير العين شمه: لالالالا خلاص امم قرب شويه قرب خده لي وهو يبتسم بس طبعا بعدني ماتخبلت عسب ابوسه .... مديت ايدي على السريع وقرصته بخده وبكل قوه عندي عسب لايكرر طلبه الخايس.... كنت ابا اشرد بعد جريمتي بس وين حد يشرد من سهيل يودني بسرعه سهيل: متأكده من حركتج هاي؟ مديت لساني: هيه يود ايدي وعضها بسنونه .... ابا اصرخ لان وايد ويعتني بس زايغه لاحد يسمعني ... سحبت ايدي وربعت عنه لداخل والله تخبل هالريال ههههههههه........ (آآآوش ....) قلتها وانا متوسده باب الصاله واطالع ايدي عفرا: شو بلاج ؟ طالعتها بعين زايغه: ماشي عفرا: من مساع ادورج البنات ينتظرونا على العشا سرت وياها وانا عقلي ابد مو وياي مع الخايس سهيلوه ... لا اخفيكم علما ان ايدي صارت بها بقعه من عضه سهيلوه ... حتى البنات لاحضن هالشي يوم مديت ايدي اخذ باشميل عبير: شم شم شو بلاها ايدج عفرا الخبله: الله منو سوى لج ساعه ههههههههههه اون شرات ايام قبل يوم حد يعضنا بدل مانصيح نتونس اون ساعه صحيح مخابيل............. روضه: خيبه هاي ولا عضه شيخي سهيل عيني زاغت والقمه وقفت بحلجي هاي ساحره لو شو روضه: شو بلاج انا قلت هاي ولالا....... ماقلت ان هو عاضج عفرا: ههههه هيه والله صدقتي عضته والقبر عبير: واي لاتذكروني بذاج اليوم يوم اكلني روضه: حليلها سكتو عنها يمكن ماتعرف هاي المعلومه الله يعينج يوم بتصيري حرمته بصراحه طالعتهم بعين زايغه خايفه من المستقبل هههههههه ..... خلصنا بلع من الاكل وسرنا كل وحده على شبريتها ..... عيني ظلت مفتحه اطالع محل البقعه الي سواها لي سهيل واتذكر كل كلمه انقالت بينا واتبسم بروحي جني مينونه.... غمضت عيني عليها ضايعه بعالم اسود ... وفتحتهم عليها خيبه صار لونها بنفسج اويلي شكلي تسممت ... .............................. .................... .............................. ................ ( شو ياينج على الستر) طالعتني شمه بحقد:شو شايفني وحده مادل الستر ويعه ابتسمت بويها: ههههههه لا بس انت شريتي هاي الفستان لهالمناسبه شو غير رايج يات صوب اذني تساسرني: سهيل طالعتها بنص عين: يعني قالج هذا الفستان مب حلو عليج؟ شمه: عفور عن الاستهبال انتي تعرفي اخوج طلعت واحد من فساتينها: ههههههه حليلج طيب شوفي هاي الفستان رهيب والله واحسه مناسب للحفله طالعت فستانها البني على ناري : امم تتوقعي؟ عفرا: هيه واستر عن الي قبله شمه بدون حيله: خلاص أمري لله ابتسمت لها وانا ادعي لها بخاطري ... حليلك ياسهيل هاذي بدايه لتغير شمه شمه: عفور اباج تصوريني بالحفله عفرا: لالالا عندي لج مصوره ولالالا اروع شمه: منو؟؟؟ عفرا: ريومه والله تصويرها فنان حتى تصاميمها روعه خليها تصور وتصمم لج شمه تلفت على ريومه الي يالسه مع البنات يطالعن التيلفزون الي بجناح شمه: والله؟! عفرا: هيه تبي تشوفي تصاميمها؟ شمه: ياليت سرت لريوم وقلت لها ان شمامي تبا تشوف التصاميم عسب تصورها الليله ... شمه تطالع بالتصاميم بلاب توب: خيبه اثاري كل هالفن فيج ونحن ماندري عفرا: هههههه خطيره صح شمه: وايد ابا شرات جيه ريومه ابتسمت لها وهزت راسها بالايجاب ... تركتهم ونزلت عسب اساعد خالوه بس حصلت كالعاده كذا شخص يالسين ينظمو عسب الحفله من اوامر صادره من ابو سلطان.......... حليلج ياشمامي مدلعه على الاخر الله يوفقج ويتمم عليج عدت بأدراجي الى الوراء ههههه حلو هاي ماعليه اكلمكم شويه فصحى عبير: شو بلاج رديتي عفرا: عمال الحفله تحت شمه: والله؟! عفرا: ياربي ويهالحلفان مايستوي كل شوي ناطه لنا بهالكلمه شمه: والله؟! سرت لها امسك اذنها: ويعه ويهالعناد شمه: وابويه خوزي عني بدل مادلعيني اليوم ميلادي يالخايسه عفرا: هاي الي بتذلنا ( شمه ... شمه تعالي اباج) اويل حالي فديت هالحس انا ... طلعت عنا شمه بعد مانادها سلطان وفي دقيقه ردت لنا وهي ماده البرطم روضه: شو بلاج غناتي شمه: بسير سلطان لدوام ويمكن يتأخر الليله وكالعاده مايحضر الحفله يلست حذالها: لا بيحضرها لاتخافي طالعتني بنص عين: وايد واثقه الاخت ... كم مره يقول يمكن يتأخر ومايحضر وصحيح يتأخر عفرا: شو بيده؟ شمه تضربني على راسي: اون تدافعي عنه خوزي له سكتني صوت مسج واصلني ( عفور الهديه مالج ومالي بنفس العلبه تحصليها فوق شبريتي واخبرج يوم اتأخر عطي شمامي الهديه لان فيها كرت بأسمي واسمج ^__^) ضحكت على الوجه الي راسمه بالمسج ... وسرت عن البنات ارتب عمري وعلى المغرب صار كل شي جاهز.. .............................. ...... .............................. ..... اضطريت استعمل كيمرا من كيمرات راشد عسب اصور فيهن شمه بحفلتها بصراحه وايد فرحت يوم طلبت مني اصورها ... حسيت في معنى لوجودي استند عليه حتى لو شي بسيط ارتبكت وايد يوم نزلت ....... هو صحيح الحريم كلهن بصوب منعزل والرجال من صوب ثاني بس كان فيه مجال للرجال يشوفو الرايح والياي ..... قبل كنت متعوده على هاي الحفلات بس الحينه شي ثاني يودت ايد عفرا الي كانت تسحب فيني وتشجعني انزل عسب ابدا تصوير لشمامي عفرا تهمس بأذني: لاتخافي هيلا بس بنات عمهن يعني ماشي حد غريب طالعتهن بعين زايغه ماشاء الله وايد .... لمحت وحده منهن كانت تطالعني بتفحص ... خيبه هاي العنود هيه هاي الي كانت تدرس ويايه .. .. يارب تعدي هالحفله على خير بدون ماترمسني ماريد ماريد حد يرمسني يارب تعدي على خير الاجواء حلوه وايد .. اضائه خفيفه .... مع طاوله كبيره عليها اصناف وايد ... والكيكه الي تنتظر يطفو شمعها شمه تبتسم لي: ها فديتج ياهزه؟ ابتسمت بويها وهزيت راسي بالإيجاب يلست اركز قد ما أقدر على تصويري لشمه وبعدت عني أي تفكير يخلل من هوايتي المفضله التصوير ........... علمتها كذا حركه تسويها عسب تصور ... وكانت تستجيب بسرعه ويايه لان حركتها دلع خلقه مايحتاي تتعلم اكثر صوره مع القاتو صوره تطفي الشمع صوره مع اهلها صوره تلقم راشد اخوها من كيكتها وصوره وصوره وصوره...... خلصت تصوير وعلى طول ماسمحت لنفسي اني ايلس اكثر.... يودت عمري عسب اسير لفوق ( الريم!!!....) |
|
|
#18 |
|
|
رد: رواية التبل إماراتيه روعة
الج 18زء
فريت ويهي على مصدر الصوت,,,, بس كف على خدي سبقني,,, تجمدت كل الدنيا من حولي,,, وبردت اطرافي ,,, مب مستوعبه الي صاير العنود: اعلى مابخيلج اركبيه ,, تذكري يوم قلتيها لي؟؟,,, وهاي انا ياحلوه ركبته ,, يالله اشوفج الحينه تدلعي وهددي بأبوج الميت <<<حطيت ايدي على اذني مابا اسمع منها شي مابا اذكر مابا ,,, خلوني بحالي ابا انسى ,, كنت ابا اصرخ اقول لها هالكلام ,, بس لساني يابس ,, متخشب,,>> العنود تكمل: ماتبي تسمعيني لالا سمعي وزين بعد..... بس مب جنه هاي الحفله اصغر عن ذيج الحفله الي سويتي سواتج فيها؟؟ طالعي اصغر مو <<الكل تجمع حولنا بعد ماشافو الموقف ..... ماحسيت بأي شي ولا سمعت من كلامهم اي شي... كل جهدي كان اني ابعد شريط الذكريات الي كان يبا يمر جدام عيني.... مانتبهت الا على عفرا تسحبني لفوق .... لويت عليها وطيحت كالعاده دموعي.... ياليتني انطق واقول لها انا تعبانه ياعفرا انا نفسيتي تعبانه ....بس.....>> .............................. . .............................. ........ مادري شو السالفه وشو الموضوع.... بالاساس هاي شعرفها بريوم وعلى اي اساس تسوي جيه.... سوت سواتها الخايسه وطلعت عن الحفله وكركبت كل الاجواء سحبت الحاف ولحفت الريم بعد مارقدت وهي مب حاسه بعمرها .... مسحت على شعرها بالخفيف وسرت اطفي الانوار... طلعت بهدوء وسكرت الباب ورايه ( الحينه شحالها؟) عفرا: بسم الله الرحمن الرحيم .. شو بلاك راشد نغزتني يحك شعره: امم ماقلتي شحالها؟ طالعته بنص عين الاخ وايد مستهم عليها:امم بخير رقدت وهي مب حاسه بعمرها راشد: يعني كانت تبجي؟ عفرا: طبعا .... بعد الموقف وايد محرج حليلها هي بروحها وايد حساسه راشد: اخ بس لو مايودني سواف ولا جان علمت عنيده جيف تطاول عفرا: ههههه بس انت ماقصرت عطيتها من الكلام الزين راشد: تستاهل بروحي مابلعها من زور عفرا: بصراحه انا كنت اتحسبها بنت عاجل وحبابه ماتوقعتها جيه!! راشد: هو انا مابجذب عليج... العنود وايد مسالمه وماتحب المشاكل يعني شي سبب للي سوته .. بس مهما يكون مالها حق تهينيها جيه قبال الجميع التفت عليه وانا انزل:والله في سبب لو مافي اهم حايه عندي انها ماتأثر نفسيتها ......بروحي ماصدقت تطلع من اعتكافها ان شاء الله ماترد شرات قبل راشد ينزل فيايه: ان شاء الله اول مانزلت حسيت ان الاجواء ردت طبيعيه شويه.... الكل يلس يسئلني عنها ... حتى الرجال حليلهم ... تركتهم واخذتني شمه عصوب ثاني اونه بتخبرني شي مهم شمه : يابقره هاذيج مب هاي رديت عليها وانا اكل البسكوته: وين اي وحده فيهن شمه تأشر: ها ذيج ذيج الي بتطلع الحوش الحينه الطويله طالعيها طالعتها: هيه ماشاء الله منو هالغزال هاي!!؟ شمه تطالعني: من صدقج ماعرفتيها!!!؟ حاولت اتذكر: لالا منو؟ شمه: هاي عذاري بنت عمي يافالحه الي كانت محيره لسلطان وقفت القمه بحلجي ..... خيبه كل هالجمال وهالغزال يطلع عذاري!!!... حسيت بنار يالسه تحرق كل اعضائي الداخليه فريت ويهي لشمه وشويه اصيح: شميم هاي احلى عني بوايد .... هاي ان شافها سلطان بودرني ضربتني على راسي: عنزه من يومج هاذا هو ودرها من زمان عفرا: الحينه هاي من صدقج يايبه عيال؟!!! شمه: هيه مشاء الله بس تهتم بعمرها وايد ... بس مساع يايتني اونه تخبرني عن اخبارها تقول انها متندمه عن زواجها الحالي رديت عليها بخوف: لالالا وابويه لاتندم تاكل تبن احسن لها وتيلس عند ريلها ضحكت علي: هههههههههههه وربي عنزه المهم مانتبهتي شقايل امها تطالعج؟ عفرا: ام الحمر تطلع امها!!!!!!!! شمه: ههههههه هيه بس مشبه عمرها عفرا: هيه خيبه تخيبها كلتني بنظراتها عنبو غمزت لي: تدور عروس لعتيج طالعتها بنص عين: تاخذج انتي اقرب بنت عمه ضربتني على راسي: ياليت بس سهيل يسمعج يالحماره عفرا: ههههههه لالالا وابويه مالي بارض على المنازع طبت علينا روضه وهي تمسك ايدي: عموه خلي عنج السوالف الحينه ويالله تعالي فيايه نساعد البشكاره نشل هالعواز .. ماروم ايلس بمحل يكون جيه ابتسمت لنا شمه: فديتكن احس اني عبلت عليكن الليله عفرا: وايد عبلتي علينا شردت منها قبل لاتضربني هههههه ... سبقتني روضه تشل الفواله للمطبخ الخارجي ... اما انا قبل لا اطلع يلست اعدل شيلتي لان بمر صوب الرجال ... خذيت الفواله وطلعت لبره الحوش ... وياليتني ماطلعت هاي ريحته .... محد يميزها كثري .... هيه هاي سلطان ... هاي حسه يوم يهمس ويتكلم .... فريت ويهي وحصلته واقف فياها موسد جسمه على الشجره الي حذالهم ويالس يرمسها بهدوء .......وهي بكل رومانسيه يالسه تطالعه كملت طريجي للمطبخ قبل لاينتبهو لي .... كملت والدمعه بعيني روضه: شو بلاج عموه مسكت اعصابي: ماشي بس تعالي نطلع من هالباب روضه: ليش عفرا: بدون ليش نطلع من هالباب احسن طلعنا وسرت صوب شمه ايلس حذالها... وانا تفكيري مب ويايه .... طيب ان كان للحينه يحبها شقايل يبا يتزوجني؟! امم يمكن يباني انسيه وياها .... لالالا اهو يحبها للحينه. بس ان كان هاي للحينه يحبها الثانيه شقايل نساها؟!! شمه: ويعه عفير الو من مساع ارمسج شو بلاج؟؟؟ عفرا: شمه سلطان للحينه يحبها ردت وهي مب فاهمه: لحول عفير كل هاي لاني وريتج وياها هزيت راسي بالنفي: لا شمه: شو بلاج عيل نكست راسي: سلطان واقف ويا عذاري بالحوش شمه : والله!!!!! عفرا: هيه وبكل رومانسيه موسد عمره على الشجره ويرمسها بكل هدوء شمه : ماصدق!!! سلطان هو قايل لي ان خلاص نساها شقايل يجذب علي رفعت راسي بسرعه: لالالا سلطان مب جذاب ضربتني عراسي: ويعه بعد تدافع عنه ... صحيح طاح سلطون من عيني هين انا له مسكت ايدها: حوه لالالا بذمتج وبأغلى شي عندج ماتخبري سلطان اني شفته فياها شمه: انا ان قلت عنج عنزه ومنتفه بعد ما انلام خلي طيبتج تنفعج مالت عليج خالتي من بعيد: عفرا ... شمه ....يمه تعالو حذالنا بسكن مساسر تعالن شمه: اف مايتركو الواحد عراحته نشي انتي الثانيه محد بيب لي جلطه الا انتي سرنا صوبهم ويلسنا حذال بعض ... فريت ويهي على خالتيه ابتسمت من ورى قلبي: هلا خالتي آآآمري خالتيه تفر ويها لام عذاري: ها هالبنت ياتنا شو تبغي بها ام عذاري: مشاء الله عليج انتي اسمج عفرا؟ <<لالا كملت انا بروحي مب مستحمله عمري بعد الي شفته بسبه بتها تي هاي تكمل>> ابتسمت مجامله: هيه عفرا ام عذاري: ماشاء الله يا ام سلطان على بنت اختج ماريت عيني شرات هالنعومه الي يشوفها يقول بنت بالطعش شمه تساسرني: بس عيل باكر مابتيلسي من النوم الا ويهج كله تجاعيد كتمت ضحكتي من تعليق عفرا ورديت عليها: هاي من ذوقج خالتيه ام عذاري: والله ماجامل ..... انت مخطوبه عفرا؟؟ قرصت شمه عسب تتولى المهمه ..... شمه تحط ريل على ريل: لا فديتج للحينه مانخطبت ... بس ان شاء الله نصيبها غريب ام عذاري: آآآمين ان شاء الله... بصراحه انا حطيتها بخاطريه لعتيج بس الله يجمعني ويا امها ( لا استرحي الغاليه ولد خالتها اولى بها.... عفرا محد بياخذها غيري ولا شو رايج يازوجه عمي) حسيت بماي بارد انكب على ويهي ..... بعد مادخل سلطان ورمى رمسته على زوجه عمه.... قفطت وايد يوم الكل يلس يطالعني ... ويطالع سلطان ام عذاري: هلا سلطان ولديه هههههه ان شاء الله بالبركه فديتك سلطان بدون نفس: يبارك بعمرج خالتيه والفرحه واضحه على ويها: وابويه عليك طيب تعال سلم فديتك سلطان: مالي بارض ... تعبان تدري بعد دوامي يتعب .... تصبحو على خير ( قالها وغمز لي ومشى) خالتيه: الله يحفظك ويحرسك يالغالي فديته احبه ومهما يسوي بنسى وبرد بحبه .............................. .............................. .. ( شوفي ان كحيت او سويت عمري عطست بسرعه طلعي من الباب الثاني ... ترى ها بكح وبشرد ومالي خص فيكم) كعاده كل سنه انتظر عيد ميلادي لشي واحد بس اهو هديه سهيل فديته .... كنت واقفه مع عفرا عند باب المطبخ وأون يالسه تهددني عفرا: يالله توكلي شمه: مالت عليج وعلى الي يتكل عليج عيل بتشردي ومالج خص عفرا : اف خلصينا تراه ينتظرج من مساع تركتها ودخلت المطبخ..... حصلته واقف حذال الثلاجه وراد ادينه الثنتين لورى ... يعني مخبي شي وراه... ابتسمت على شكله .... فديتك يابعلي المستقبلي على هالجمال ... يخشعني يوم يلبس كندره ختم سوده ويتعصم بسفره حمرا وكله كوم ويوم ينزل شويه من شعره على ويهه ويتناثر ورى اذنه كوم ثاني سهيل مبتسم: هلا هلا مرحبا والله رديت شعري لوى اذني بتوتر: مرحبا بك سهيل: كل عام وانتي بصحه وسلامه شمه: آحم تسلم سهيل: بسم الله شعنه طايره حذال الباب ... قربي شويه ماباكلج شمه: لالالا هاي انا قريبه نعس عيونه وقال برجا: شمه قربي شويه بس مارمت اقاوم نبره صوته وقربت منه شويه بس لزوم التغلي ههههه ....... ابتسم اكثر لين تقوسن عيونه العسليه .... طلع ايدينه من ورى ظهره .... وبين كفوفه كانت بسه ( قطوه) نايمه..... صرخت .... لالالا مب من الخوف من الفرحه واي واخيرا حصلتها بسه شيرازيه بيضا تلمع وبعنقها فيكونه ورديه تهبل.... ناقزت من الفرحه لين مايودني سهيل سهيل: ههههههههههههههههه تخبلتي شو رديت عليه وانا شاقه الحلج: واي روعه وايد وايد حلوه شقايل عرفت اني ابا هالنوع ميل راسه وغمز لي: عرفت وبس اهم شي البسه عقولتج ياتج <<يودت نفسي لا ابوسه واتخبل والله يستاهلها ...بس عيب هههههه>> طالعته بنظرات اول مره اتجرأ واناظره بها: شكرا من اعماق قلبي... كل سنه تفاجأني بهديه احلى سهيل: ان شاء الله السنه اليايه امقع لج قلبي واعطيج وياه هديه قفطت من رده بس غيرت الموضوع بسرعه ومديت له ايدي: صح تعال شوف شوف شو استوى بأيدي بسبتك سهيل يطالع البقعه: ههههههههههههههه تستاهلي <<سمعنا كحه حارس باب المطبخ عفرا .... بسرعه كنت ابا اشرد بس استوقفني صوت ضحكها>> عفرا: ههههههههههه التفت لها: ياحماره زيغتيني عفرا تطالع البسه الي بأيد سهيل: الله لمنو هاي الانيقه رفعت راسي بخقه: حقي عفرا تبتسم لي: تتهني فيها وتموت بالعافيه ان شاء الله سهيل: ههههههههههههههههه خزيتها وانا امد ايدي اخذ البسه من ايد سهيل: ويعه ان شاء الله..... لاتفاولي عليها سهيل: شو بتسميها؟ يلست افكر وقلت بسرعه: شم سه شم سه شمسه عفرا: ع سميها اسم دلع شقايل شمسه نكست راسي بدلع ومسحت على راس البسه: لالالا هاي اول حرفين من اسمي شم واول حرفين من اسم( همست) سهيل سه سهيل يطالعني بنظرات غريبه: شمه طلعي من المطبخ طالعته مستغربه : افا شعنه تطردني حط ايده عقلبه: طلعي بسرعه لا اسوي بج شي عفرا: ههههههههههههههه طلعي ترى سهيل متهور شراتج قفطت منهم .... وطلعت بسرعه ههههههه فديتك يابعلي فديتك..... ............................ .............................. ( سواف شو عندك بالعين الي يسمعك يقول تشتغل) فريت ويهي بعد ماحطيت لبستي بدولاب ملابسه: رشود حشى ماشبعت اربع ايام مادري ثلاثه بويهك راشد يلس بتملل: اف اتملل ايلس بروحي ....سلطان دومه بهالدوام حتى ان خلص دوامه ياخذ دوام ربعه سيف: هههههه والله لو بأيدي جان ايلس بس روضه محتشره تبا تسير وتدري بعد عبير ابوها مابطيع تيلس اكثر راشد: مالت عليك انت وياهم سيف:افا يابو سنيده ... طيب انت تعال ويانا لشو يالس بدبي وايدك على خدك راشد: ان شاء الله يومين وبسحبكم وبسحب الاهل ويايه للعزبه بالعين سيف: الله العزبه والله ايام من زمان عنها راشد: هيه بس لاتخبرهم خلها مفاجأه يلست حذاله عشبريه: ههههه اوكيشن انتبه لفوني المحترق اتصالات من عبد الله : اونه سايلانت تراني منتبه من مساع ان محترق بالاتصالات منو هاي؟؟؟ ابتسمت بويهه: ههههه لا والله حاطه سايلانت عن الازعاج بس راشد: منو هاي؟ سيف: عبدالله الي خبرتك عنه راشد: هاي عبدالله مارتحت له ابد مادري احسه خايس سيف: ههههههه خلاص اخليه يتسبح عسب خاطرك راشد: سواف اتكلم جد تراني سيف: شقايل تحكم عليه قبل لاتشوفه راشد: خلاص انت لازم تشوفني وياه مايصير ترابع حد قبل لاتاخذ اذني طالعته بنص عين: يالله اشوف هات اذنك وحط عليهم عيونك بعد ضربني على راسي: لا والله تتمسخر بعد خوزت ايده: حوه خوز انت واختك عليكم طبع خايس هايك تمشي وتضرب عفرا عراسها وانت تمشي وتضرب براسي شو هالنزعه العدوانيه عليكم طالعني بنص عين: ماروم يانزعه عدوانيه ... يالله يالله بس سير العين حقتك سير طلعت عنه وانا اضحك حليلك يارشود ... سرت صوب السياره بالحوش الي كان ينتظرني فيها سهيل... وكالعاده شموه واقفه حذالها اون تودع عفور بس هالمره صار شي غريب من نوعه يمكن لان فيني النوم خرفت شمه: باي سهيل .... ربي حافظك... انتبه لدرب سهيل: وحافظج ان شاء الله ... ماطلبتي من عيوني اونه قفطت شمه وسارت داخل .... اما سهيل حرك بسيارته وعيونه تلمع ....ههههههه هاي احلى شي بالعشق يخلي العيون تلمع جيه طالعته بنص عين ونعمت صوتي شوي لان صوتي مايحتاي له تنعيم: باي سهيل ربي حافظك انتبه لدرب ( ويلست احرك برموشي شرات شمه) البنات: ههههههههههههههههههههه عفرا: اسميك فنان والله جبتها عبير: هيه والله يبتها خزهم سهيل ورد يطالعني: والله احلف بس سيف:اقول احسن لك طالع الدرب لاتنفذنا عفرا: طيب سواف قلد سهيل يوم رد عليها عدلت يلستي وخشنت صوت قد ما اقدر لان صوت سهيل خشن: حافظج الله ماطلبتي من عيوني سهيل: ههههههههههههههه الله يلعنك عفرا ناقعه ضحك: خلالالالاص سواف ماروم ههههههههههه عبير الغبيه: طيب شو رايك تقلد الريم انقلب ويه الريم واختفت ابتسامتها ....بس بسرعه نقذت الموقف وفريت جسمي عليهن ونعمت صوتي وايد لان صوت الريم كان ناعم وايد : واي سواف شو يالس تسوي بشيلتي وعباتي يالهرم الريم بسرعه يلست تضحك لين دمعت عينها هههههه... اما عفرا خلالاص يلست تشاهق من ضحكها عفرا: وابويه سواف خلاص دخيلك ......وابويه كل ماتذكر شكلك ذاج اليوم وانت تلبس شيلتها وعباتها وترقص اونك بنت هههههههههه روضه: هيه يوم تكربس وطاح على ويهه ههههههه عبير مب فاهمه: ليش؟ عفرا: ههههه لان الريم اطول عنه وعباتها طويله عليه خخخخخخ الله يفشلك ياسواف سيف: الله الي يسمع رمستج يقول من طولج عاده عفرا: هههههه سواف لالالازم تعيدها زل لساني: ههههه اكيد ان شاء الله يوم نتيمع بالع روضه: بشو ؟ حكيت شعري: اقصد يوم نتيمع مره ثانيه عسب رشود يشوفني عفرا: بس هالمره ياتاخذ عباتي ياعبات روضه عسب ترقص زين هههههه عبير : طيب عمي قلد على راشد طالعتها: شو تبي براشد عبير: بس قلد ولا ماترضى على ربيعك ويالس تستلم واحد واحد بالسياره يلست احرك شعري عسب تنقع كشتي هههههه شرات راشد وخشنت صوتي شوي وحاولت اسوي به بحه لان صوت راشد وايد مبحوح ...يلست اوني ادلع شراته: واي اسميها بلادكم حر ماروم عفرا: هههههههههه والله انك مواهب يا اخوي سيف: هيه والله بس محد يعرف مقامي قطلع سوالفنا صوت موبايلي حمدان الغالي يتصل بك سيف: هلالالالا مرحبا الساع بالغالي حمدان: بالمهلي ياهلا والله - شحالك فديتك ان شاء الله بخير - الحمدلله اسمع صوت حشره مشغول شو؟؟ - لالا بس انا بدرب العين - متخبل تسير العين بهاي الوقت الحينه الساعه 1 - ههههه والله مب انا الي يالس اسوق هاي سهيل - انتبهو لدرب زين وانتبه لنفسك - اقول شو اخبار الخبري خبرك - ههههه تقصد المواعيد هيه رحتها والحمدلله ماشي الحال - شو قالو لك؟ - ماشي عطوني موعد ورى موعد وجلسه ورى جلسه كل يوم لازم اسير لهم - هيه سير ياويلك ان طوفت يوم - ان شاء الله ... يالله اترخص الغالي بس حاب اسمع صوتك قبل لا ارقد - ههههههههههههه تحسسني انك خطيبتي - ههههههههههه الله يخسك يالله مع السلامه - بحفظ الله سكرت عنه ونطت عندي عفرا: اخويه اخويه قلد سلطان سهيل فر ويهه بسرعه عليها: لاو الله انسه عفرا عفرا ترد لورى: بسم الله انا شو قلت ضربت سهيل على كتفه: شو بلاك خلك كول روضه: هههههههههه سيف: طيب بقلده شرات مايضحك حطيت ايدي على بطني وسويت عمري جدي زياده عن الازم: ها ها ها ها روضه: ههههههههههههه خسك الله حرام عليك عاد مب لهادرجه حتى لو مسلسل تاريخي سهيل: ههههههه والله لا اخبره عليك سيف: لا وابويه عسب يحبسني وصلنا العين ونحن على هالحال كل شويه اقلد حد ..... لين ماطاح كل واحد منا على شبريته... ........................ .......................... (السلام عليكم) دخلت على الشباب وكل واحد منهم مسكني اون يلسوني حذالهم عبد المهيمن: علي الطلاق تي تيلس حذالي راشد: انت اول تزوج بعدين طلق ويا ويهك سالم: رشود انا تعال حذالي والله عندي لك سوالف تنقعك ضحك الدكتور عبدالله: هلا بالغالي شحالك الحينه ؟ يلست حذال عبدالله: والله بخير ماشي حالنا عبدالله: اهم شي نفسيتك ماتأثرت طالعته بنص عين: هيه عارفك تبا تحجزني ويا المخابيل مالوتك عبدالله: هههههههههههههه الله يخسك هاي يزاي ساسرته : المهم انا اباك بشي ضروري مابا حد يسمعنا عبدالله: استشاره نفسيه؟؟ راشد: امم تقدر تقول مسكني عبدالله وستأذنا من الشباب ... ركبنا السياره ... ماعرفت شلون افتح الموضوع وياه ... خايف يفهمني غلط لو شو بس شجعني رده عبدالله مبتسم: ها الغالي آمر تراني بالخدمه |
|
|
#19 |
|
|
رد: رواية التبل إماراتيه روعة
الج 19 زء
راشد: امم شوف عبود بيبها لك من الدقري عقوله اهل لبنان عبدالله: وحلاتها دقري راشد: امم شوف انا اعرف وحده من هلي بس من بعيد يعني مب وايد من هلي عبدالله: ههههه هيه فاهم قصدك طيب شو بلاها؟ راشد: امم البنت طرمه من بعد ماتوفو اهلها كلهم عبدالله: كلهم!!!!! راشد: هيه كانو بسيرو لبو ظبي وسو حادث ولي عرفته من بنت خالتيه ان البنت اخوها توفا على ريلها عبدالله: يعني هي كانت فياهم بالحادث؟ راشد: هيه عبدالله: طيب اهي مشكلتها عضويه يعني بسبه الحادث سبب لها هالشي او نفسيه يعني؟ راشد: بصراحه الدكتور قال لا مب عضويه يعني كل شي سليم وعرض انها تعرض على دكتور نفسي بس اهي ماتطيع ابد ومحد يروم يزعلها زود عبدالله: امم طيب مابقى حد من اهلها لا اخو لا ابو لا اخت ابد؟؟؟ راشد: ابد محد كلهم توفو بالحادث عبدالله: امم طيب حاولو وياها وخلوها تيني وان شاء الله بساعدها راشد: مستحيل ماطيع ابد حاولو وياها ويوم يكلموها بالموضوع تشتط وتزعل وماتاكل عبدالله: اذا ياتني مشكلتها بتنحل اسرع لان بكون التفاهم مباشر راشد: المشكله اهي الحينه ساكنه بالعين عبدالله: طيب شوف انا بروم اساعدك لان بس من فتحت العياده ياتني 3 حالات شراتها راشد: والله؟!!! عبدالله: هيه مثل وحده ياهل يايبتها امها اليهال مسكينه حليلها هندي اعتدى عليها ومن بعد ذاج اليوم ماترمس وحده ثانيه من توفا زوجها وهي ماترمس وهاي تقريبا حالتها احسها قريبه من حالت هاي الي تسئلني عنها راشد: حلو عبدالله: اول شي واول خطوه اهي لازم تذكروها بصوتها وتخلوها تحن له راشد: طيب شلون؟؟؟ عبدالله: شلون تعال اقولك..... .............................. ... .............................. ........ سكرت الاب توب وانا اضحك على راشد .... الاخ متحمس وايد اول شي خبرني عن المزرعه.. هين ياسيفوه يدري بي ان هالخبر بيب لي سكته قلبيه من الفرحه شعنه ماخبرني الخايس المهم وثاني شي اتفقت انا وياه على اشياء وايد بعدين اخبركم عنها خلني اصرف هالحشره روضوه الويعه عفرا: ياربيه الله ياخذني يوم صرت عمتكم شو تبغي روضه ماده البوز: عموه جسومي مايرد علي دقي عليه من فونج يمكن يرد عفرا: يعني يوم مايرد عليج شقايل برد علي روضه تيلس حذالي وعينها على فونها: لان زعلان مني سويت عمري متعاطفه وياها: اويل حالي شعنه زعلان؟ لالا ماروم جيه عليكم ياقيس وليلى روضه : عموه عاده لاتمسخرين علي الحينه مديت ايدي واخذت الفون .... وصحيح يوم اتصلت على جسوم رد علي عفرا: شعنه ماترد على روضه تراها مستهمه عليك وايد جاسم بدون نفس: مالي بارض ارمسها طالعت بروضه الي يالسه على اعصابها: افا ياولد اخويه افا جسوم: افا من اليوم لباجر رمسه مابرمسها عسب تتأدب ثاني مره مع السلامه سكر الخط بويهي..... انا شو يخصني ....!!!! صدق قليل ادب .......بس مب جنه استوى ريال؟!! ... ههههههه حليله معصب اون افا من اليوم لباجر روضه: عموه حوه شو قالج طالعتها وانا اهز راسي: للاسف يابنت اخويه سكر الخط بويهي روضه: شو!! سكر الخط بويهج عفرا: هيه قليل الخاتمه يقولي افا من اليوم لباجر رمسه مابرمسها ويسكر عني روضه تفر عمرها على الشبريه: اف اف اف سرت صوبها: شو صاير بينكم؟ روضه: البارح قال يوم توصلي العين دقي علي وخبريني وانا نسيت عاده .....ويتصل علي وهو مشتط ومعصب وعق علي رمسه تويع القلب وسكر الخط بويهي ... بذمتج عموه يستاهل هالموضوع ان يسوي بي جيه؟؟ عفرا: امم والله مادري بس لاتزعلي منه لان جسوم عصبي واكيد مسوي كل هاي لان مستهم عليج غطت ويها بالحاف : انا مب ناقصه ايني حد ويعصب علي يكفيني الي فيني اذا اهو بعد مابيستحملني تراه مب ملزوم تونا بدايه المشوار .. صدق انهم يهالوه ... هايلا الحينه صحيح بعرسوهم!! ... اذا جيه كلامهم اخاف من اول ليله يتطلقون!!.... هايلا لازم حد يلس وياهم يعلمهم ويكلمهم .... غمضتني وايد بنت اخويه خصوصا اخر كلامها اثر فيني وخلاني اكلم سهيل سهيل مشتط: وهاي جسوم على أي اساس يعصب ويشتط بس لانها نست تدق عليه عفرا: سهيل لاتكبر الموضوع انا مايت اخبرك عسب انت الثاني تعصب الولد زعلان ويحق له يتغلا ويزعل على حرمته مافيها شي بس الي اباك انك تكلم روضه لان كلامها الي قالته مب زين تحس انها عاله على ريلها سهيل: حتى لو يتغلا عاده مايعصب عليها اهو بروحه يدري بعيشتها التعبانه شقايل اهو الثاني بعد يعصب يلست وحطيت ريل على ريل: والله الولد ماينلام طالع على عمه طالعني بنص عين: شو قصدج عفرا: سلامتك .... عيل مامدى فتحت الموضوع الا انت الثاني اشتطيت علي ... المواضيع الي جيه ماتنحل بهاي الطريقه .... وبالاساس مافتحت سالفتهم عسب تحلوها ... ا نا فتحتها عسب تعرفو انهم يحتايو انكم تكلموهم سهيل: خلاص انا بخبر ابوه ... اما روضه خلوها علي انا وامايه ابتسمت بويه: لالا عيل البنت تطلقت فلعني بالمخده: سيري مطبخج لا اسويج شوارما نشيت عنه وانا اضحك حليله بسرعه يروم الواحد يقايضه عكس شمه الي ماتقايض الا بطلعه الروح. .............................. .. .............................. ....... ( امم يعني هاي عتيج يطلع ولد عم سلطان؟!") طالعتني امايه وهي تهز راسها بإيجاب: هيه اليوم امه دقت على الفون وقالت انها تطلب ايد عفرا لعتيج يلست حذالها: ومن وين يابت رقمنا امايه: والله مادري استحيت اسئل سهيل: طيب امايه وانتي شو رايج؟!!! امايه: الي سمعته من امه ان ريال والنعم فيه وتقول ان دختور سهيل: الله يهادج يا امايه القرد في عين امه غزال يعني اكيد بتمدحه قولي لها تنتظر لين نسئل عنه امايه: الي تشوفه قمت عنها عسب اتصل لسطان واخبره بالي صاير ..... عسب يتوكل ويتكلم بموضوع عفرا ان يبها قبل لا ايونا قوم عتيج ولد عمه سلطان: الله يلعنها وياخذ روحها هالزفته..... بس هين انا اوريها من يكون سلطان سهيل: صل على النبي شبلاك منحشر جيه يمكنها ماتعرف انك تباها وغير جيه نحن حتى عفور مافتحنا وياها الموضوع سلطان وصوته شوي بيطر اذني: ومنو قالك انها ماتعرف ... تعرف وزين بعد و لا جان ماتقدمت لها بها السرعه...... انا الي خبرتها بالساني هاي وهي اون باركت لي بس هاي خبيثه من يومها ( وسكر الخط بويهي) لا اله الا الله انا شو ذنبي يسكر الخط بويهي بس حليله وايد مشتط .... معذور عيل شو هاي الحركات من حرمه عمه شو هالحقد هاي بتزوج ولدها عفور بس عسب تقايض فيها سلطان عيل تبطي عظم .............................. ........... .............................. ................ ( والله وهاي انا احلف ان هالحماره هاي ان خذت عفور وقسم بالله اني ماخلي لهم يوم واحد سالم هاي انا حلفت وعساني الموت ان مانفذت حلفاني) هاي كلمات سلطان الي انهارت علينا اول مانزل من غرفته بويهه المحممر وصوته العالي.... كانت رده فعلنا السكوت مب عارفين شو السالفه شو صاير بالضبط!!!! امايه تمسكه من كتوفه: شو صاير ولديه صلي على النبي سلطان: شو صاير تقولي..... حررمه عمي المصونه داقه على خالوه وطالبه ايد عفور منها شهقت من وقاحه زوجه عمي: هاي ماتستحي على ويها الحينه تعرف انك بتاخذها تقوم وتخطبها فر سلطان ويهه علي: اذا تبا ولدها يرقد بليله عرسه بقبره تاخذ له عفور والله والله لاذبحهم بصراحه شكل سلطان وهو مشتط يخوف ...........حبيت تعلقه بعفور حليلك ياخويه خايف تروح عنه شرات الي قبلها سلطان يكمل ويطلع حره قلبه المكبوته من سنين: حرموني من حلم عشته سنين حرموني من بنتهم عسب اني ماساعدت ولدهم يوم ينسجن...... يوم ولدهم قتال قتله شقايل الواحد يساعده.... يوم مايبو ينسجن جان ربوه شرات الناس ......والحينه شو بعد تبا تحرمني مره ثانيه من حلم ابا اعيشه (((ويرفع صبع ايده بتهديد الي يالسه ترتجف بسبه عصبيته))))): والله والعالي سماه لاتذوق الويل مني قال كلماته وسار عنه وهو مشتط .... فريت ويهي لامايه وانا مقهوره من الي سوته الزفته قلت لها وانا محتشره: امايه الحينه تدقي على خالوه وتطلبي ايد عفور الحينه امايه محتاسه ومب عارفه شو تسوي:اخاف اخوج يشتط علينا لان بنتصرف بكيفنا شمه: مابيشتط هزت امي راسها بقله حيله وخذت الفون تكلم خالوه ... .............................. ......... .............................. ......... ( مبروك يالعمرس عيل خطبو لك) فريت ويهي على شموه الي دخلت غرفتي بدون استأذان: شو!!! طالعتني وهي ترفع كتوفها :مادري والله بس يقولون ان خطبو لك عفرا لتو وبهذه الساعه سلطان: منو خطبها ؟ شمه كاتمه ضحكتها: شو بلاك امايه خطبتها لك مب مصدق سرت مسكت ايدها : شو قالت خالوه؟؟؟ ماقالت لا ... ماقالت لكم خطبها حد قبلها؟؟؟ شو خبرني؟؟ شمه: ههههههههههههههههه شو بلاك زايغ تقولك امي انها ارتبشت وحالتها لله من الفرحه....... تقول ان كان خاطرها من زمان بنتها ماتروح لحد بعيد بس الحينه عقولتها بتشاور البنت وبتخبر ريلها بعد حسيت بخوف ورفعت شعري بأرتباك: شموه اخاف عفرا تاخذ عتيج وتوافق عليه ابتسمت لي بأرتياح: مستحيل عفور تحبك حسيت بحراره يالسه تمشي بكل جسمي: عفور تحبني!!!!! شمه : ههههههههه حليلي فضحت البنيه ..... عفوره طبعها بسرعه تتعلق بالشخص يعني في يوم واحد تحب عادي طالعتها بخوف: لالالا عيل بتحب عتيج وبتوافق عليه شمه: ههههههههههه لا عاده ماتوقع بس شو رايك تكلمها وتطمن عمرك سلطان: هيه صح اكلمها عطيني فونج لان اكيد مابترد على رقمي تفكر: امم افكر كفختها على راسها وانا اسحب الفون: سيري له اون بفكر .... شو اسمها عندج؟ شمه وهي تضحك: نمله حامل طالعتها: الحمدلله والشكر مالقيتي غير هاي الاسم شمه: شو اسوي بها اذا هذا لقبها الي تحبه ضحكت من الخاطر على خبال عفور ..... طلعت عني شمه عسب اخذ راحتي بالكلام ويا عفرا يلست عشبريتي بتوتر وانا انتظر ردها سمعت حس طر اذني طر: هلالالالالالالالالالالالالالاع بحبي فديتج شميم عطيني خدج ابوسه امواح تراني وايد فرحانه استغلي الفرصه واطلبي أي شي تبغي للحظه تخيلت فيها خدي ينباس من قبل عفور!!!! ... هالحظه خلت كل اعضاء جسمي تنشل ....تمدت على السرير بعد هالكلام الي سمعته عفرا: الو وينج ويعه الو انتبهت على عمري : آآآآآحم سلام عليج ..... ماشي رد.... كتمت ضحكتي وانا اتخيل ويها شقا طالع: عفور انا سلطان ردي اباج ضروري .... هم ماشي رد ماسمع غير صوت نفسها..... سويت عمري متملل: وبعدين الو عفرا بهمس: هلا ابتسمت على حسها الغاوي هههههه وين مساع وين الحينه : هلالالا بج زود شحالج عفاري؟ عفرا: آحم بخير سلطان: فرحانه شو عفرا بصوتها المتقطع: آآآ ه ه هيه سلطان: دوم ان شاء الله عفرا: دام حالك حبيت اختصر الموضوع وقلت لها بدون مقدمات: كلمتج امج اني تقدمت لج؟ عفرا: هيه تو طالعه من عنديه سلطان: طيب ماخبرتج بشي ثاني؟؟ عفرا: مثل شو؟؟؟ احتست ماعرفت شو اقول لها .....اسئلها ان كان تعرف ان خطبها عتيج لو لا سلطان: امم طيب ماعلينا اهم حايه انتي شو رايج ... ماشي رد.... همست لها بيأس: عفور هاي ثاني مره اسئلج وماتردي دخيلج ريحي قلبي ردي عليه اذا ماتبيني لاتخليني ابني امال اكثر عن جيه .....تراني صدق مابروم اتحمل وقلبي بوقف شهقت: لالا تقول جيه شقيت الحلج فديت روحها خايفه عليه: شو تبيني اقول؟ عفرا: امم سلطان انا انا ..... سلطان: انتي شو دخيلج طمنيني وردي عفرا بهمس وبالموت سمعت: م م وافقه تبون تعرفون ردت فعلي طبعت بوسه كبيره على الفون .... وقفت وانا مرتبش خاطريه اطير بعمري ويا عفور لفوق السما .... لفوق محد يوصل لنا لا عتيج ولا غيره سلطان: عفور اخليج باي انا الحينه ممكن اتهور باي سكرت الخط على صوت ضحكتها وسرت طيران على غرفه شمه عطيتها بوسه طيرت خدها .... ونزلت عنها قبل لاتنطق او تكلم وبست راس امايه وشلعته لها ......الا بدخلت راشد و ابويه الي يمكن من العيد الي طاف مابسته سرت شرات المخابيل لويت عليه وبسته على خده راشد الي داخل ورى ابويه: شو شو...... شو صاير يوم البوس العالمي !!!! سرت له : اخويه فديتك خشمك ( وبسته هو الثاني على خشمه) امايه: هههههههههه فديتك لو دريت انك بتفرح جيه كان خطبت لك البنيه من زمان راشد يطالعني: شو اشم ريحه خيانه آآآه يا الحمار مو على اساس اسبوع الياي؟؟؟ شقيت الحلج: خطبتها خلاص لا اسبوع الياي ولا غيره ابويه: منو هاي الي قدرت تطلعك من العزوبيه لا اسير الحينه واحبها على يبينها امايه: عفرا بنت اختيه فديتها ابويه: ونعم النسب والله سلطان: ابويه يوم يردو لالالازم نسير ونخطبها رسمي من ابوها ولو ملجه بعد يكون احسن ابويه الي تغير ويهه من يبت طاري ابوها: على خير بسته مره ثانيه على خده: فديتك فديتكم كلكم احبكم ................... خوزو عني زين انا فرحان الحين... ............................. .............................. . ( امايه اهم حايه القيمات لاتنسي) قلت هالجمله لامايه وانا احط القشار بالسياره... الكل فرح بقرار السيره لمزرعه الوالد الا ابويه الي عارضني وماطاع يسير فيانا اون عنده شغل اما المعرس المشقوق سلطون حاولت وياه لين ما اقتنع يوم يبت طاري عفرا ان بشوفها هناك وقال بيلحقنا يوم يخلص شغله . . سرنا للعين بعد ماركبن امايه وشمه وتلاقينا ويا قوم خالوه وكانو عباره عن ثلاث سياير اول سياره فيها سهيل والثانيه قوم ناصر وثالثه سواف طبعا ماتحركت الا يوم تطمنت وشفت بعيني الريم يالسه بسياره سواف توكلنا للمزرعه ولكل فرحان نزلنا عند المحطه ناخذ لنا كم حايه .... سيف يعق نظارته الشمسيه: ها بو عيون زرقا اشوفك مرتاح طالعته بنص عين: ياربيه على هالمتقايض يعني ماتحب لي الراحه هز راسه وهو يمشي ويايه لداخل السوبر ماركت: لالالا يا اخي انا مزعوج بحشره اليهال وانت مرتاح على الاخر محد وياك غير العيوز وشميم راشد: دخيلك عطني كل اليهالوه بس اخذ شمه سيف: هههههههههههههه خسك الله ياليتها سمعت رمستك دخلنا ولكل انتشر خخخخخخخ حتى البنات كنهن ذبابات مطايرات ماشايفات خير عنبو خذيت لي انواع الغازيات ودق بدماغي هالمره ادوخ خذيت لي باكيت زقاير .... لفيت اطالع وين سارو جيش بني عبس وانتبهت لريم الي يالسه تطالع بكل علبه تاخذها بسلتها وتقرا الي فوقه ... ابتسمت بمكر ومرت فكره بالي ... واكيد بطبقها سرت حذالها وانا شاق الحلج .. انتبهت لي وبادلتني بأبتسامتها الخفيفه... وكملت تسوقها بس من يقول اخليها بحالها ..... صرت كل ماتمد ايدها على شي تاخذه ... امد انا ايدي واخذ شراتها وهي تطالعني وتضحك على تصرفاتي ... تاخذ بسكوته انا اسير واخذ بسكوته شراتها ....سارت صوب العصيرات وخذت لها اكره شي عندي عصير جوافه ع لوعه جبد مديت ايدي بكل وقاحه وطلعت عصيرها من سلتها الخاصه ورديته راشد: لا عاد الا هاي ماروم اخذ شراتج ... هالمره انتي اخذي شراتي خذيت لها غازيات من الي يحبهم قلبي انا بس وحطيتهم عندها طالعتني وهي مستغربه بس مامنعت شفايفها من انها تضحك على حركتي ...طالعت في الاغراض الي شرتهم ومديت ايدي وسحبتهم من عندها راشد: يالله سبقيني عند جيش بني عبس ماعطيتها فرصه انها تاخذ الاغراض من عندي وسرت عنها ... حاسبت وخلصت .....يلست ادورهم.... وحصلتها واقفه حذال عفور عند عصافير يالس يبعهم هندي!!!! مديت ايدي وعطيتها كيستها واخذتها من عندي وهي تبتسم لي بأمتنان عفرا وعينها على العصفور: رشود تعال طالع شاقا لونه جيه اول مره اشوف عصفور جيه لونه قلت لها وانا اكل بآي سكريمي: مالت عليج دوم هاي تحصليهم بمحلات الطيور طالعتني بنص عين: مالت عليك انت مديت لساني مغايض: مالت عليج انتي وريلج سلطان تعمدت ايب طاري سلطان عسب تغفط وتنطب وصحيح انطبت هههههههه... ردينا السياير على صوت هرناتها بسبه الشواب المحتشرين علينا اون نسينا اعمارنا هههه وصلنا المزرعه بسلام ولكل تطاير الي سار صوب الطيور ولي سار صوب المسبح ولي سار صوب المبنى عفرا تناقز على العشب الاخضر شرات البقره: اللااي وناسه تعالي ريومه راشد: ماشاء الله بقره تناقز سبحان الله عفرا تفلعني بنعالها: ياحمار راشد: ههههههههههه خذي راحتج قبل لا اي سلطان اعرفج بتنطبي جنج شايفه يني ........بصراحه هاي احسن شي بسويه سلطان ان بي وبفكنا من حشرتج قفط ويها وطالعتني بحقد : سير سير احسن لك سيف اي حذالي: ها بو عيون زرقا طالعته: اصلا ما معذبنك وحارق فوادك غير عيوني سيف يعض شفايفه: اه يالكلب يبتها على العوق عفرا تطالع بويهي وبويه سيف: انا خبرتكم مره انكم تحسسوني انكم شواذ مو خزينها وهي من جهتها طارت عنا ... بس منو يخليها ربعنا وراها وهي تصارخ هيلب النجده .... طبعا مافي حد يسبق المتسابقين سواف ورشود ... مسكتها عسب سواف وهو من جهته عضها عضه من عضاته الزينه عفرا: آآآآآآآآآآآآآآآآآآآآآآآآآآآآآآ آي وابويه نقذوني من اآكلي لحوم البشر امايه تصارخ علينا: ويعه انت وياه يالسين تستقو علىى البنت راشد: عاد الحينه بدا الدفاع اون حرمت ولدج بدافعين عنها امايه تي صوبنا وتخوزني عن عفرا: عييب عليكم ثنينه على وحده راشد:هيه هيه الا قولي مايطيع قلبج عليها سيف ينفض الرمل عن روحه بعد ماخلص: خلاص رشود يالله نكمل جولتنا سرنا عنهم نتحوط شويه بالمزرعه ..... انا بالنسبه لي المزرعه تطلع احلى يوم يحل الليل ... يوم نشغل الكشفات الزرقا والحمرا والصفرا يطلع المنظر ولالالا اروع خصوصا يوم تنعكس الالوان على المسبح الخارجي .... انتبهنا انا وسواف على ريومه الي يالسه تطالع الخيل وسرحانه سيف: تراهن انها يالسه تذكر خيلها الحينه التفت له بأهتمام: عندها خيل؟؟؟ سيف: قول خيول مب خيل راشد: وينهن عيل؟؟؟ سيف: بالفله حقتهم .... قبل ماشي سوالف عندها الا عن خيولها اما الحينه استلمهم سلمان الحارس راشد: هيه طيب مافكرت انها تاخذهم عندكم بالبيت؟؟؟ سيف: ابد ولا يابت طاري التفت اطالع الريم ..... صحيح واضح عليها انها يالسه تذكرهم لان نظراتها الحزينه للخيول تدل على هاي! .........حلو هالشي بينفعني على الي خبري خبركم ... .............................. .................... .............................. ........ ( ويعه تويعكم ان شاء الله) هاي جمله امايه يوم ياتها الكوره مسده من راشد صوب ويها اون بدون قصد هههههه راشد: اوه سوري خالتيه والله مب قصدي ضحكت من خاطر على شكل امايه المحمر: أمبيه امايه طاعي ويهج شقا طلع ههههههههه امايه: آآه ياسيفوه يامسود الويه يالس تضحك على امك بدل ماتي تمسح على ويهي سرت لها وانا كاتم ضحكتي عن لاتذبحني الحينه .... مديت ايدي ويلست امسح على ويها : ها امايه تبي اهمز لج خشمج بعد؟ ضربتني على راسي: سير يامسود الويه سيف: هههههه شو بلاج امايه خلج كول امايه: خوز قم قم عني مابرمسك يالله خوز عني سهيل: خلاص تعالو نلعب ورى المزرعه عن لاتي الكوره مره ثانيه على ويه حد منهم شمه : هيه تعالو نلعب ورى المزرعه راشد يلس على الارض بعتب: لا وابويه خلاص انا تعبت خلوها لبعد العشا احسن نشيت عن امايه وسرت صوب شجر ورق العنب...... الورق المفضل عندي انا وعفور نغسله وناكله بتلذ : انا بسير امقع لي ورق عنب عفرا تناقز: ابا ابا ابا مايخصني ابا سواف ( وانطرمت يوم شافت سياره سلطان تدخل بالمزرعه) راشد يغمز لها: ايوا ايوا عفور شكنتي تبغي عفرا تخزه: انطب نزل سلطان من سيارته وهو يعق نظارته: السلام على الجميع شحالكن كلن بحاله امايه: هلا هلا بالغالي تعال صوبي من زمان ماشفتك فديتك سار لها سلطان وهو يبتسم ... حب راسها ويلس حذالها: هلا بخالتيه شحالج ان شاء الله بخير امايه تمسح على كتفه: بخير فديتك والله ان شاء الله ماشي تعب من دوامك سلطان : ههههه جيتي على العوق والله وايد تعبان بس حبيت احضر لمتكم الحلوه هاي من زمان مايلست وياكم امايه: تسوي خير فديتك هيه والله من زمان مايلست ويانا.......( تفر ويها لعفور الي بعدها واقفه على ريولها ومنكسه راسها للارض) بنتيه تعالي صبي قهوه لولد خالتج اما عاد امايه عليها حركات هههههههههه خطيره كانت تطالع بخالتيه ويضحكن على ارتباك عفور ونظرات سلطان لها |
|
|
#20 |
|
|
رد: رواية التبل إماراتيه روعة
الج 20 زء
.............................. .............................. . اما عاد امايه عليها حركات هههههههههه خطيره كانت تطالع بخالتيه ويضحكن على ارتباك عفور ونظرات سلطان لها عفرا تمد فنجان القهوه: تفضل سلطان يطالعها وهو شوي بياكلها بنظراته : ياحيج والله فلعته بالغصن الي حذالي: اقول حجي سلطان بسك مطالع طالعني وانا وسط الشجر: شو تسوي هناك يالفار اقول من ياكل ورقنا اثاريك انت؟؟!!!!! قلت له وانا اشوفه ياي صوبي: هيه انا...... المزرعه مزرعتي ولا شو تقولي خالوه خالتيه: هههههه هيه فديتك خذ راحتك سلطان يمسك ايدي اون يطلعني: يالله يالله ماشي نحن ماناقصين فيران طالعته بنص عين: وانت الصادق فار وفاره لان حتى عفور تاكل الورق العنب ابتسم وشق الحلج وخاز ايده عني: عيل خذ راحتك وان خلصت هاي الشجره بتحصل بذاج الصوب شجره ثانيه سيف: ههههههههههههههههههههه آه يالملعون سرت عنه للمطبخ الخلفي عسب اغسل الورق الي مقعته واحطه بسله عسب يجف ... حاليا يكفيني هايلا لبعد العشا ههههه... لحظه جني اسمع حسوس طليت على المطبخ قبل لا ادش بهدوء حصلت جسوم وروضه بوضع مخل للادب العام هههههههه مايصير اعدي هالموقف على خير خلني انقع بهم شوي دخلت وانا اوني معصب سيف: شو هاي الي يالس اشوفه ها!!!!!!!!!!!! روضه تشهق وتبعد بسرعه عن جاسم: آآآآآ جسام يحك شعره: ه ه لا عميه كتمت ضحكتي لان شكلهم بصراحه وايد يكسر بالخاطر: هلا شو ..... لك عين ترمس .....من بعد الي شفتكم عليه يالخايسين طلعت بسرعه روضه من المطبخ خايفه لا اسوي بها جي.... ومن صوبي انا تقدمت لجسوم عسب انقع به زود واسعتبط شويه عليه طالعته بنظرات كلها عصبيه: شو كنت يالس تسوي وياها؟؟؟ جني شفتك يالس تبوس خشمها؟؟ هو خشمها لو شي ثاني؟؟؟ انت ماتستحي على ويهك تسوي حركات جيه؟ جاسم ومادري شلون طلعت وياه هالجمله: عمي خلاص ماتكر ..صدق ياهل بدل مايقول لي هاي حرمتي على سنه الله ورسوله يقول لي مابتكر هههههههه .. ضربته على كتفه وانا طالع: ثاني مره حبها بخدها احسن لك جاسم:!!!!!!!!!!!!!!!!!!!!!!!!! !!! طلعت من المطبخ وانا خلاص شويه وبينفجر بطني ضحك صدق خبيله هالاثنينه ... خلني اكمل فلم الرعب على روضه اشوف شو بتسوي ...سرت ادورها و حصلتها يالسه بالغرفه داخل ويا البنات سيف: وينها هاي ها وينها؟؟!! عفرا زايغه: بسم الله منو؟؟؟ قلت وانا اطالعها : رويض تعالي اباج نشت من محلها وياتني بخطوات بطيئه وثجيله وعينها منزله على الارض: آمر ابتسمت بويها: ما يأمر عليج عدو بس اباج تسوي لي كافي رفعت راسها بسرعها وطالعتني بعينها المليانه دموع: يالخايس زيغتني مارمت ايود عمري اكثر وانفجرت: هههههههههههههههههههه والله اشكالكم تنقع ضحك روضه تسمح دموعها: الله يسامحك لويت عليها: هههههه امزح وياكم والله هههههه بعد انتو خبيله يعني ماترومو تردو علي روضه تبعد راسها عن صدري: والله من الزيغه انربط السان سيف: هههههه ولا ذاك ريلج شو يقول لي خلاص مابتكر ههههههههههههههههههههه ضربتني على كتفي: خوز والله بزاولك شهر كامل رديت اطالعها بنظرات عصبيه: عييب استحي على ويهج انا عمج اشوف وايد عطيتج ويه ضربتني مره ثانيه: لالالالاتناظرني جيه بذبحك والله سيف: هههههههه قسمن بالله مابنسى اشكالكم ياليت صورتكم البنات:!!!!..... .............................. .... .............................. . بطاطس ..... بصل...... طماط ..... اوصال ... لحوم ... كل هالاشيا كانت حولنا ... عفرا تقطع الطماط ....وسيف وروضه وعبير عليهم الحوم... وسهيل البصل وجاسم يرتب الصحون وام جاسم تسوي محاشي فنانه....... اما شمه ماشي يالسه تحط لها مناكير بعيد عنا ... هالبنت وايد تذكرني بنفسي قبل سنه كنت شراتها بالضبط مايهمني شي غير جسمي وشكلي شقا بيطلع ....واهم حايه عندي ماتعلق ريحه الاكل بملابسي ... اما الحال الحينه وايد تغير ماعندي شي غير اني اسلي عمري بالطبخ ..... كملت تقطيع البطاطس .........فريت ويهي على راشد حليله منقعين به وخلوه غصب يلس يشوي المشاوي على الفحم بالحر طالعته من بعيد وحصلته يالس يتأف ويمسح عرقه عن ويهه .... تركت الي بأيدي وسرت صوبه طالعني بويهه المحمر .... والله حرام حتى يبهته جنها حد صاكنها بطراق من كثر الاحمرار .... ابتسمت بويهه ومديت ايدي عسب اخذ قطعه الكرتونه الي يالس يحرك الهوا بها .... من شاف ايدي ماصدق على الله وفرها علي راشد: خسكم الله يالوث يالسين بالبراد وانا بالحرر كلن يلس يتناقع ضحك يوم شافو وجهه.... لبسهم وسار لداخل المبنى هههههه سيف من بعيد: ريوم شقا اخذتي مكانه كان تركتيه عسب يصطلب له شوي عفرا: ههههههه حرام والله رحمته حليله زين يوم خذت ريومه مكانه ولا كان لعن خير خيرنا سهيل يمسح دموعه السايحات من البصل: خيبه وين سار سيف يكمل تقطيع: اكيد يتسبح هاي لو تنزل منه نقطه عرق وحده يسير يسوي له صنفرا وحمام مغربي ناصر الي ياي صوبنا وحامل دبه الماي: وين سلطان ماشوفه اكيد هارب عن لا يشتغل سهيل: لا بس ساير يتلبس بسوي رياضه ناصر يلس حذال سيف: وشو رياضته؟ سهيل: الجري لمحت بعيني عفور الي يالسه تتبسم هههه اكيد فرحانه لان انضافت معلومه جديده عن سلطان في حياتها الا وهي رياضه الجري.... طلع سلطان بملابسه الرياضيه وطالعنا بأستغراب سلطان: ماشاء الله شو هاي كله .....ماتوقعت انكم بتطبخو تحسبتكم بتاكلو من المطعم سيف يغسل ايدينه: ههههه ناصر فيانا وتبا ناكل من الطعم ناصر : شو ياينك على الرياضه؟ سلطان منكس جسمه يحزم خيوط السبورت : زايد وزني عن المفترض ..... ناصر: وين بتجري؟ سلطان: المزرعه تسد بجري دار مدارها ..... الا وين الشواب عنكم؟ ناصر: سارن للبوش سار سلطان عنا يجري.... ويات عفور صوبي اون تساعدني وعينها متعلقه على سلطان الي يجري بكل حيويه مما يدل ان متعود على هالشي من زمان عفرا : طالعي ريومه طالعي شقا شعره يرقص ضحكت من قلبي على عفور الي اغراها شعر سلطان اليتحرك مع جريه ... كملنا شغل والحمدلله انتهى كل شي بكير يعني ماتأخرنا لان الكل يساعد الثاني وطلع العشا ترتيب ... يلسنا نتعشا رباعه بعد مارد سلطان وراشد الي يلس يدلع على امه اون لعنا خير خيره بالشغل هههههه.... ام سلطان: فديتك كان قطعت بصل بدل ماتشوي غص راشد بأكله.... وتناقعنا ضحك سيف: هههههههههه راشد يقطع بصل!!!!اسميج ياخالوه تنكتي راشد يطالع امه بنص عين: امايه شو اقطع بصل عسب تمسك الريحه بأيدي ام سلطان: لا شو تسمك تغسل زين بالصابون وماتمسك راشد: ايلس بالحر ارحم من البصل روضه وهي تنش: بصراحه وايد العشا فنان تسلم اياديكم والله ام ناصر: شو وين سايره فديتج؟؟!!! روضه: شبعت وايد يدوه ام جاسم: ماكلتي شي فديتج سيف: خليها امايه تسوي رجيم عسب عرسها قرب ام ناصر: يلسي يالله عن المصاخه وعن الرجيم روضه تطالع سيف بنص عين : يدوه بسرعه تصدقي رمسته والله ماسوي رجيم بس شبعت ام ناصر: جسوم شو فايدتك انت يالله اشوف يلسها ماكلت شي تراها .... واهي وراها عرس يعني لازم يصطلب عظمها مسكها جسوم من ايدها ويلسها وهو يبتسم: ها يدوه هاي يلست ... القمها يدوه؟؟؟ ام ناصر: هيه انت ريلها شو فيها يعني ابتسم جاسم بخبث وحط القمه بحلجها شرات اليهال : يالله يالله همم ابتسمت على ذكرى هالجمله ( يالله ريومه يالله همم) كانت هالجمله شي رسمي تنقال لي على اكلنا .... من ابويه كانت ولا من اخويه خليفه بما اني دلوعتهم الوحيده ابو خليفه: فديتج اباج تاكلي زين ها الريم: ههههه ان شاء الله ابويه بس خلاص تراك من مساع تدوس فيني من هالاكل بعدين بيطلع جسمي مب حلو بو خليفه: انتي لو تصيرين شرات مريم الغضبان بتظلي حلوه وممحد يوصل حلاتج الريم: ههههههههههه فديتك ابويه وايد ترفع من معنوياتي خليفه : منو الحمار المحطم معنويات اختيه الغاليه ها منو؟؟ الريم بدلع: امم وايد بنات يحطمو فيني خليفه: وحياتج غيره هاي بعدت هالذكره عني بسرعه ..... مابا اذكر خليفه بأي شكل..... حسيت بضيجه بس ماروم انش من على الاكل عسب خالوه ام ناصر ماتزعل مني ... يكيفي زعلها يوم رديت من دبي .... اول ماوصلت العين ماشتهيت اكل شي كل ما اتذكر الموقف الي صار لي من العنود ... كل شي توقعته الا اني بشوفها بالحفله او ان تكون العنود بنت عم شمه .... بصراحه قبل سنه ماكنت اعرف شمه وايد غير ان في انسانه اسمها شمه محيره لسهيل وشفتها يمكن مره لو مرتين بالمناسبات الي نتلقى فيها بالصدفه بيت عمي بو ناصر ..... ولهاي الشي ماكنت اعرف ان العنود تطلع بنت عمها... هالبنت سالفتي وياها سالفه اخاف اخبركم واطيح طيحه من عينكم وهاي الي انا ما اباه بس لاني اغليكم بخبركم وياها بصراحه انا انسانه وايد مبزايه ودلوعه يعني أي طلب يتنفذ لي بأسرع وقت ممكن ... شفتو شمه شقا مدلعه؟؟؟ انا ازود عنها لان شمه تخاف وتصطلب بس انا ماكان في شي يخوفني ما اسمع غير نفسي وانفذ الي اباه انا وبس ... وشي طبيعي بيتدرج مع الدلع ( الغرور) مغروره وايد وخاقه بعمري ودوم بكل يلسه لازم اطري فيها ابويه واخويه وشقا يعاملوني واعتز بأبويه اعتزاز مب طبيعي وهالشي خلا ناس تتلزق فيني وتسايرني عسب تكسب رضاي وتكسب جم بيزه وهديه ....بس خلا ناس ثانيه تبعد عني او بالاصح ماتحب ترابعني..... ومن هالناس كانت العنود ... كنت احس انها تكره سوالفي يوم ارمس.... لاني وايد اعق رمسات على الكل ومايهمني هاي تنجرح لو لا ...... هاي من صوبها اما من صوبي انا كانت اهي البنت الوحيده الي احاول اتقرب منها ... لان بالعاده اهم الي يتقربو مب انا .... بس ماحصلت منها غير الصد يعني ماكانت تحب انها ترابعني وهالشي غايضني وايد وجرح من كرامتي؟؟؟ .......... حاولت اتناساه مع الايام على اساس ان محد يروم او يستاهل اني اتغايض عسب خاطره بس بذاج اليوم وبحفله تخرج نسايم ربيعتنا .... صارت بيني وبين عليا ربيعه العنود مشاده كلاميه الريم: جب ولا كلمه مايخصج فيني عليا: اقول الشيخه ما العالي غير الله ونحن كله عبيده يوم تدخلي الجنه قبلي تعالي وخقي علي جيه زين؟؟ بالعلم اني اشك انج بتدخلي الجنه الريم: هاي انتي يالكافره مابتدخليها مب انا هالكلمه خلت العنود تشتط وتدخل بالموضوع : هي انتي احترمي نفسج ترى وايد سكتنا للج زين تراج يالسه تعقي رمسات شرات ويهج لا ارادي كل الغيض بسبه صدودها الي حاملته بقلبي عليها ....تجمع على شكل كف ياها على ويها .... هالشي الي خلا الكل يشاهق مصدوم .... صحيح انا جرأتي وصلت اني اعق رمسات بس مب لدرجه اضرب !!!!... بس بصراحه وايد غايضتني وكنت اتمنى انها ماتدخل عسب لايصير لها هالشي العنود وعينها تصب دموع: والله يالريم ان بي اليوم الي اردها لج الريم: اعلى مابخيلج اركبيه اف ناس تافهه انا شو ميلسني عندكم . . قطع علي افكاري وذاكرتي صوت عفرا ( ريومه امايه ترمسج) صديت صوب خالوه ام ناصر... الي يالسه تطالعني بعتب ام ناصر: امايه فديتج ماشوفج تاكلي شي يابنتيه ....استويتي يلد على عظم مايستوي جيه لازم تاكلي فديتج سيف المنقذ: الله يهداج شو ياينج على البنات ........بعدين امايه خليهم براحتهم مانبا المزانيه تطيح هههههههههه ناصر: الحينه المزانيه تطيح يوم تاكل روضه والريم؟ ومابتطيح يوم انت تاكل سلطان وهو يقسم الخبزه: انا الشي الوحيد الي افكر به الاكل الي ياكله سيفوه وين يسير؟ سيف يبتسم بهبل: الحمام راشد: هههههههههههههه قصده يطلع ويا *** تطايرو راشد وسيف على فلعه صحن معتبره يايتهم من سهيل سهيل: خسكم الله يالوث ماعمري بحصل حد وصخ بالرمسه جيه شراتكم راشد من بعيد: هههههههه خلاص بنسبحها سيف يستهبل هو الثاني: منو؟؟؟ راشد: الرمسه هههههههههاي ويتناقعو ثنيناهم ضحك ويضربو ايديهم بعض........ لالا شكلهم بردو شرات ذاج اليوم .... يوم خف عقلهم ام ناصر تزاعج عليهم: امايه تعالو كملو اكلكم سهيل: والله ان ردو انا الي قايم ام ناصر: العن الشيطان شو هالرمسه هاي سهيل: الحينه انا شو هاي الرمسه .... اما رمستهم عادي؟؟؟ ام ناصر: ههههه يتامزحون فديتهم دمهم خفيف راشد: خلاص مانبا ... المهم ياجماعه الخير ... يوم تخلصو اكل تعالو بالصاله الكبيره عندي لكم عرض ولالالالا اروع ام سلطان: وابويه هالولد مايصدق على الله يدور له عذر عسب ينش من اكله تعال كل وابويه عليك راشد: مابا امايه بعدين بعدين اختفى راشد وسيف عن الانظار ... مبتعدين لداخل المبنى... .............................. . .............................. .. انطفت كل الانوار من حولنا.... وماشي شي مشغل غير التلفزون ..... وجهز العرض ... طبعا هذا العرض من اعدادي انا وراشد خخخ تذكرون يوم يكلمني بالنت ذاج اليوم؟... هاي الله يسلمكم طلب مني شريط تسجيل او أي شي فيه صوت ريومه.... لان خبرني يوم كلم ربيعه الدكتور عن حالتها قال سمعوها صوتها ..... احترت بسبه اهتمامه بالريم بس ماحبيت اوضح له لاني حبيت هاي الاهتمام منه ... طبعا ولحسن الحظ كان عندنا شريط فيديو يوم نسير البر وكان قوم عمي فيانا ... وبهالفيديو به اشيا وايد حلوه طالعه بها الريم ... بدايه العرض شغل راشد شريط لهم وهم صغار عسب الريم لاتنتبه ان الموضوع مخط له ... سيف: هههههههههههه سلطون طالع طاللع ايام المراهقه شقا ويهك طالع جنك خبز رقاق فلعه سلطان بالمخده الي حذاله: اقول انطب احسن لك ......على الاقل احسن من ويهك الي جنه صمون بصراحه بالنسبه لي جالسه اطالع الفيديو بكل تمتع .... لاني يالسه اطالع بسلطان .... يالس اهو وراشد على البحر وكل واحد منهم يفلع الثاني بالرمل ... بوسط الفيديو طلعت شمه بالمايو حقها ... تقريبا كان عمرها بذاج الوقت 8 سنين ... بصراحه الموقف يقفط ... بس منو يقفط شمه؟؟ مستحيل ... شمه: ههههههههههههاي فديتني من يومي حلوه سيف: قربلالالات العدو استحي على ويهج يعني ها غصب طالعو فيني اني انا حلوه بالمايوه شمه ترفع خشمها: والله بكيفك اذا ماتبا تشوف فر ويهك..........ز وبعدين انا ياهل بهاي الفديو يامتخلف خنفس سيف بويها: انا متخلف يا رجعيه سهيل يتأف: وبعدين انت وياه خلونا نسمع سيف يغمز له: قول خلونا نطالع زين سهيل بنص عين: بتنطب لو افلعك بعفور الحينه حطيت ايدي على خصري: لالالالا والله الحينه انا ملعقه لو سكين تفلعوني سيف: لالالا قلم ههههههههاي سلطان بحسه القوي: سيف سيف: خلاص وابويه سكتنا حشى عليكم خلص شريطهم .... ونقزت اعطي راشد الشريط الي عندي عفرا: شغل هاي دخيلك راشد اون مب طايع: بفلوس عفرا: رشود راشد اونه خاق: فديت اسمي على حلج في هالحظه بسرعه فر سلطان ويهه علينا بنظرات كلها شرار .... هالشي الي خلاني ارتبك اكثر ضربته على كتفه: ويعه عن المصاخه وشغله راشد: ههههه اوكي سرت مكاني ويلست حذال ريومه وانا ابتسم بويهها وهي تبادلني الابتسامه اشتغل الفديو على ويه ابويه وهو راقد ويناخر بصوته القوي .... سهيل ناقع ضحك: هههههههههههههه خيبه منو مصور ابويه جيه عفرا: بعد منو غير سيفوه سيف الي مارام يستحمل وسار للحما من زود الضحك: خلالالاص ماروم ماروم شكله ينقع ناصر: آآآه يالوتي يالماتستحي على ويهك مصور ابويه وهو راقد تباه يذبحك سلطان: هههههههههههه ولالا النخير بعد بنغمه مشاء الله عليه ام ناصر: قربلالالات العدو يالخايس راشد: خسك الله ياسواف انتهت هالقطه على لقطه ثانيه لسهيل وهو يالس يول على اغنيه حربي العامري ويلي يا ويلي ويلي يا ويلي ويلي انا يا ويل راح القمر عن ليلي يا ليلي ليل السهر يا ليل برمشه عيونه جتيلي سليلي حد السفا صقيل شعره اسود شليلي و يميلي عوده بدلال يميل كنت انا الي يالسه اعلق بصوتي بالفديو اون بالفصحى: سهيل يرقص بمناسبه ان امايه كلمت خالوه بخصوص شمامي التفت شمه على سهيل بعد ماسمعت رمستي وابتسمت له بخجل ... بادلها الابتسامه من بعيد .... العجيب بالامر سلطان كان يراقب الوضع !!!!! بس غريبه ماعصب؟!! ...اكيد في شي مستوي من وراي وانا ماعرف ..... خلص هالمقطع وجات القطه المطلوبه ... |
