رد: رواية التبل إماراتيه روعة
رواية التبل إماراتيه روعة
الج 21 زء
.... سيف ماسك ضب مادري سحليه ويركض بها ورى الريم الي يالسه تصارخ...
الريم: امايه وابويه سواف دخيلك ابعد هالكائنات المتوحشه بعييد
انتبهت لشخصين نقزو من محلهم يوم سمعو هالحس
اول شخص الريم يوم سمعت صوتها نقزت ويلست تطالع الفديو بعمق
اما الشخص الثاني راشد!!!.... كان يطالع الفديو وهو بعالم ثاني هههههه لا هالولد شكله ذايب
خصوصا يوم طلعت ريومه بالفديو وهي واقفه اون شرات المطربين وماسكه المايك تغني لعيضه مطربها المفضل وسيف يدق لها الموسيقى على البيانو
الريم :
يا ويل حالي من جفاك و من بعادك و من فرقاك
وانا الذي من زود ما يهواك قلبي على روحي يبديك
لا ما قدرت انساك ذكراك عندي دوم ذكرى
و يحز في نفسي قساك و رغم كل القسا اغليك
طلع سواف من الحمام على حس الريم يصفق ويرقص: هلا هلا عاشت الريم ايوا
كل الي بالصاله يلسو يصفقو على حس الريم بالفيدو ويقولو فياها كلمات الاغنيه ....
ام ناصر: ياويل حالي ياويل حالي .....فديت هالحس الغاوي عاشت الريم هلا هلا
روضه: فديتج يالريم اسميه صوتج يخشع
اما سيف كان بعالم ثاني ويا اغنيته المفضله هههههههههه يالس يرقص رقص كويتي بما انه مايحب اليوله
يوم وصلت الاغنيه اخر كلماتها
و بالصدق كم خصك و بداك
قلباً تولع فيك يبغيك ما يقدر يخليك
طالع سهيل بشمه يبتسم لها بما معنى ان هالابيات اهداء حقج
هالاغنيه شعللت مشاعر ناس وايدين ..... سهيل وشمه..... جاسم وروضه ونضراتهم الحلوه لبعض بعد ماتراضو من زعلتهم الشينه.....وسيف الي ماعمره حب له وحده بس مادري شقا يحب هالاغنيه.... وراشد الي بروحه بعالم وجو ثاني.....
والريم ..... الريم حاله خاصه مسحت دموعها وهي تبتسم بأمتنان لهم يوم خلص الفديو وصفقو لها واثنو على صوتها بدون مجامله لان صوت الريم صحيح غاوي وناعم
التفت لها: والله ريومه ولهنا على حسج
روضه: هيه والله اسميه طر
راشد وهو مشدوه: آه يابنت الايه كل هاي يطلع منج!!!
الكل نقع على رده فعل راشد: ههههههههههه
سلطان يلتفت علي: لمنو هالاغنيه لحنها وايد عجيب
....عفرا الهي انا احم ماشي رد ....
شمه منقذتي: هاي لعيضه افا اخويه ماتعرفها
سلطان: ما حصل لي الشرف
شمه: خلاص بنعرفك عليها عقب
سيف الي يدخل عرض ومايدري شو السالفه: منو هاي الي بتعرفوه عليها عقب.... عرفوني انا عليها احسن تراني لا محير ولا مخطوب و لا احب نظيف
شمه: ههههههههههههه خسك الله نحن نعني الغنيه
سيف يفر ويهه لي: عفور نشي اباج
سرت وياه لفوق ..... وكنت عارفه مسبقا شو يبا ....
يودته عباتي وشيليتي ولبسته وياهم ..... وعق الغشوه على ويهه
فلذلك الي يشوفه مايشك ولوهله ان هاي الواقف هو ولد!!! ... الله يخسك ياسواف لاجسم ولا شكل ولا صوت الا شرات البنات هههههههه
....نزلت قبله عسب اشغل الاغنيه ..... الكل مستغرب شو سالفتي نازله بسرعه وعلى طول اغاني خخخخخ
عفرا: طالعو العرض الي بينزل الحينه من الدرج
الكل التفت صوب الدري ... نزل سيف وهو يرقص على اغنيه احلام ....
ناويلك على نيه بس انت اصبر اشويه
اذاماعلقك فيني وهواك يصير بيديه
والله لشغل افكارك واشعل بالهوى نارك
واسكن قلبي بدارك واعلمك الرومنسيه .
بالبدايه محد كان مستوعب ... بس لما انتبهو ان هاي ام عبايه سوده يطلع سيف تناقعو ضحك ...
بالنسبه لروضه بسرعه يودت موبايلها ويلست تصوره فيديو
واما راشد نش يرقص حذاله هههههههه اونه ريال يرقص ويا حرمه وكل شوي يسوي له حركات تنقع ضحك ......مره يمسك خصره ومره ايده
وسهيل شق له مناديل وايد اون بيزات ونثرهم على سيف شرات المراقص ههههههه
امايه وهي ناقعه ضحك: خسكم الله
عبير تمسح دموعها من الضحك: خلالالالاص عمي دخيلك ايلس ماروم استحمل
الريم حزتها تسدحت من ضحكها .... يوم تضحك من قلب ماتروم تضل يالسه لازم تتسدح ههههه
سار سيف حذال سلطان وهو عاق نص الشيله ويغمز له بعينه
يلس يغني ويا الاغنيه: ناويالك على نيه بس انت اصبر شويه
سلطان يفتح ايدينه له:.....هلا الشيخه هلا
يلس سيف بدلع بحضنه ويلس ينعم صوته زود : آآحم يقولون اسمي عفرا
سلطان يلوي عليه ويلف ايده حول سيف: يامرحبا بها الطاري
سيف: ابا ابا ابا ابا بوسه
خزيته بعيني هالسبال وايد قفطه الموقف .... اون اسمي عفرا هالحمار ولا بعد ابا بوسه اهئ اهئ الله ياخذك
ابتسم سلطان بخبث وهو يطالعني وباسه بخده: ماطلبتي
سهيل: يالشواذ
عبير: وابويه خلالالالاص ماروم استحمل ههههههههههههههههه
ام سلطان: ههههههههههههه والله انك يا سواف ماشي شرات سوالفك يالخايس
عق سيف شيلته وهو حران: وابويه حرر شقا تستحملو هالعباه والشيله
روضه توقف التصوير: ههههه عسب تعرفو ان نحن مجاهدات في سبيل الستر
ناصر: يالخايس شقا تلبس لبس بنات هاي تشبه بالنساء وحرام
سيف: وابويه عليك جيف تفسر الامور ... اخويه انا مالبستهم على اني مقتنع بهاي البس واني ابا البسه .... انا لبسته على اساس مزح بس
راشد: افحممته بردك ماروم عليك ياسيف
ناصر: هيه وانت تشجعه اسميكم انتو الاثنينه خراب
سيف يلتفت على روضه: ريضانه
روضه: !!!!!!!!!!!!!! شو هاي بعد ريضانه
سيف شاق حلجه: ادلعج ياحماره عمج
روضه: وابويه هاي دلع!!! ولا بعد حماره عمج
سيف: شو رايج بالقلب؟ حلو مو؟؟..... شو رايج تحطينه اسم بلوتوثج ( حماره عمها) ههههههه
روضه: خيبه اتخيل
سيف: هههههههههههه لاتخيلين وايد...... المهم رسلي لي الفديو على فوني اباه
روضه: ماطلبت
خلصت الفعاليات هههههه والمفاجأت.... والكل التهى .....
راشد وسيف وسهيل وسلطان وجسوم سارو للمسبح
وام جسوم وناصر ابو جسوم سارو هم الاثنينه بيتمشو ....ماروم على الرومانسيه انا هههه
وامايه وخالتيه يلسو ياكلو رطب وقهوه
...اما نحن البنات بنسير نستكشف المزرعه نيهاهاهاهاها ....
بس لحظه مب جنه امايه تناديني
( عفرا عفير عفيروه ويعه)
التفت لها: هلا هلا امايه شو؟
امايه: تعالي لحظه( تلتفت على البنات ) وانتن سيرن وبتجيكن عفرا بعدين
سارن البنات وهن يضحكن بخبث وريومه تغمز لي من بعيد... بالنسبه لي انا قلبي زاغ استفردن فيني امايه وخالوه اهئ اهئ حد ينقذني لاني عارفه لشو مستفرده
امايه فاره ويها على خالوه: هاي البنت حذالج سئليها تراها شرات بنتج
خالتيه تبتسم بويهي: ها بنتيه مارديتي علينا على موضوع سلطان فديتج ترانا مستعيل وايد هههههه
مادري ويهي اصطبغ بلون عنابي ولا اسود ... الي اعرفه بس.... ان حراره متجمعه بويهي
واحس ان في دخان يالس يطلع من اذني عنبو قطار عن غفله خخخخ
نكست راسي وقلت بهمس: الي تشوفونه
خالتيه: لالا ماشي الي نشوفه ... يابنتيه انتي البتيلسي وياه.... مب نحن الي بنيلس وياه ليل ونهار ولا بنحن الي بنام وياه روحنا.... ولا نحن ال..
قطعت كلامها لاني مابها تكمل وتعمق بالتفاصيل اسميهم قفطه: آآآ سلطان والنعم فيه
خالتيه شاقه الحلج من الفرحه: يعني شو فديتج؟
عفرا: م م م وافقه
امايه + خالوه: كلولولولولولولوللولولولولولولو ش
البنات الي دخلن بسرعه يصفقن ويغن واضح انهن يالسات يتسمعن علينا اصلن: وعليج سعيد وعليج مبارك وعله يتبارك هلا هلا هلا
شمه الي ماتصدق على الله فجت هالشعر ويلست تنعش: هلا هلا وبيعرس اخويه سلطان
عبير: هههههههههه خلاص وابويه طيرتي القمل علينا
شمه تخنفس بويها: ويعه خليني فرحانه
عفدو علي البنات كلهن مره وحده اون يباركو لي .. لين ماستويت خبز رقاق هههههههه
.............................. .........
.............................. .....
مباركين يالمعرس من قدك .... مبروك ياسلطان مبروك .. مباركين
هذي الجمل انهارت على سلطان يوم ياتنا شمه صوب المسبح.... كنت بكفخها بس الخبر الي يابته لنا خلاني اتغاضا
( ياشباب عفور وافقت وافقت كلووللولولولوليشي)
سلطان: ههههه الله يبارك فيكم عقبالكم
سيف: آآآآآآآآآآآآآآآمين
سلطان : طالعو الحمار يبا يعرس
سيف يمسك سلطان اون بيغرقه: تراك للحين ماملجت يعني اروم اذبحك واختي ماترمل
سلطان: هههههههههههه عناد بك باجر الملكه وتشوف ياسويف
سيف: طالعو مستعيل ها يامايعرس مره وحده..... يا مستعيل ومشتط
جاسم: املج احسن لك عسب لحد يمنعك من أي شي تسويه
سيف : ههههههههههههههههههه قول لروحك
سلطان: خلاص جسوم انت من اليوم ورايح ربيعي لان بس انا وانت بنكون المالجين يوم يقر سهيل بنخليه ربيعنا
سهيل: هههههههههههه ياهل شو تغريني
راشد يتفلسف: الحين وجود سلطان وعفرا بنفس المحل شبهه.... سيف حط عينك على اختك ...وانا بحط عيني على سلطان... يدا بيد لنحارب الانحراف
سهيل: هههههههههههههههههه خسكم الله
سلطان: اه يالحمار هين يارويشد هين
سيف: افا عليك لاتوصي حريص ... هاي ان شاف زولها بعد هالدقيقه
سلطان بتحدي: تراهن؟؟؟؟؟؟؟
سيف: الرهان حرام
سلطان: أي انت الحرام يطلع يوم يستوي الشي ضدك
سيف مخنفس بويهه: اراهان زين
سلطان يزاعج بصوت عالي: عفرا ا............. عفرا
الكل كان يطالع الباب ... هل ممكن تطلع عفرا لو لا؟؟؟.... بالنسبه لي ههههههههه غاسل ايدي من اختي عادي اتوقعها الحينه بتطلع.... اعرفها حليلها مطيعه حتى لو على حسابها
... دقايق حصلنا عفرا وحذالها شمه طالعات من الباب...
سيف يزاعج عليها: شقا طلعتي
عفرا منكسه راسها : آآآآ ناديتوني
سلطان شاق الحلج: مباركين عفور عقبال الملجه
....كفخته على كتفه غصب طيب يبا يقطفها...
شمه الي لاويه على عفرا: ويعه تويعكم شقا تحرجون البنت جيه شو هالزعيج
طالعتها: هاي اخوج يزقرها
شمه تلفت على سلطان:ها اخويه اشوفك من الحينه يالس تتأمر وتزقر على البنت
سلطان : والله كيفي البنت بتطلع باجر حرمتيه
سيف: واثق
سلطان: وايد والحينه بتشوف
طلع سلطان عنا من المسبح ... هالشي الي خلا عفرا تقفط وتدخل بسرعه لداخل
الله يخسك ياسلطون يقول يستحي يطلع حذالها جيه ابد ماشي حيا....
خذا فوطه من الفوط المفروره حذالنا وحطها على رقبته ودخل لداخل....
.............................. ............
.............................. .............
يلس حذالهم وهو يتبسم بويهم
امايه: سير فديتك تلبس لايصيبك برد
سلطان: مابصيبني شي ... انا ياي اطلب طلب من خالتيه
خالتيه: أنت تآآآمر فديتك
سلطان: تسلمي الغاليه( طالعني عسب اي ايلس حذاله عسب اكون مناصرته الاولى)
سرت ويلست حذاله وانا اتبسم
سلطان: خالوه انا ابا املج باجر
خالتيه: باجر!!!!
سلطان : هيه باجر.... والعرس انتو براحتكم أي وقت تحددونه انا اهم حايه عندي اني املج وتكون عفرا لي
امايه: لا وابويه لاتستعيل عليهم
شمه: امايه شو لاتستعيل.... البنت بنت خالته محد غريب خلهم يملجو احسن لهم
وان ماتبو فتره الملجه تطول حددو وقت الزواج بوقت مبكر
خالتيه: خلاص انت تعال باجر ويا ابوك وتفاهمو انتو الرجال من بينكم
سلطان: حلو من باجر الظهر ان شاء الله بنسير دبي نشل ابويه ونرد العين
امايه: لا وابويه انا مابمسك خط مرتين
سلطان يغمز لها: مانروم على الي تمسك خط خلاص ولا يهمج انتن وراشد سيرن بيت خالوه وانا ارد روحي لدبي اشل ابويه وايكم
خالتيه: حياكم الله بكل وقت فديتك
فريت ويهي على سلطان وناظرته بنظرات خبيثه.... آآه ياسلطون صدق ان قال كلمه ماتثنى ابد ..........قال باجر الملجه وصحيح بتستوي باجر الملجه اسميك ياخويه امم شو والله اسميه مادري خخخخخخخخخخخخخخ
سلطان بعد ماعطوه الموافقه على الملجه رد وعق نفسه بالمسبح بحماس هههههه
آآآآآآآآآآآآآآآآآآآوآآآآآآآ<< اتثائب ههههههههههه
اخليكم بسير ارقد ...........صراحه اليوم يوم شاق ومتعب
.............................. ...............
.............................. ...............
نشيت من رقادي من يوعي ....... يوم ماتاكل زين وتسبح ........ وترقد بدون اكل
شو يستوي؟؟؟؟
يستوي انك تنش بنص الليل والكل راقد ومافي حولك غير حس النخير هههههههه ...... وتسير للمطبخ بكل هدوء عسب تاكل جم لقمه ....بهالحظه لعنت سهيل بخاطري يوم طيرنا انا وسيف من على العشا وماخلانا نتعشا زين
دخلت المطبخ ادور لي شي اكله....... امم ماشي غير توست وجبن امم
....تبو اعطيكم؟؟؟؟؟ سيرو له تراني يوعان هههه اسميني نذل
وقفت الجمه بحلجي يوم سمعت حس اخيل هايج؟!!!!!!
الخيل بهاي الوقت شو يسوي؟!!
تركت الي بأيدي وسرت بسرعه لبرع اطالع شو صاير؟!!
لالالالالالالالالالالالا الريم ماركبتي الا الأسود!!!!!! ..........
هالبنت تخبلت راكبه خيل مامروض !!!!!!!
|