ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة رواية التبل إماراتيه روعة يوجد هنا رواية التبل إماراتيه روعة هنا تنقل الروايات المكتملة فقط

فساتين العيد


 
قديم   #31

جود ي الحلوه


رد: رواية التبل إماراتيه روعة


رواية التبل إماراتيه روعة

الج 28 زء
.............................. .


آآآآآآآآآآآآي بسك عورتني
جاسم: خليني بسوي لج تسريحه ولا اروع
سحبت شعرها من ايدي: خلاص حبيبي تراك حست شعري
رديت ايود شعرها: يالله جب جب انا ريلج لازم تسمعي رمستي
روضه تبا تنش من على الكرسي: ههههههه والله ادري انك ريلي بس عاده شعري قطعته
يودتها : طيب خلاص بس بمشطه لج
روضه بتهديد: بس تمشطه
جاسم: ههههه طيب

طاعتني وردت تيلس على الكرسي ..... يودت شعرها ويلست امشط به بتمتع
فديت هالشعر ياحلوه والله ... حطيت المشط على الطاوله بعد ماحسيت انها ملت ... ويلست حذالها على الكرسي

جاسم: رويض
روضه تحرك شعرها بصبوعها: يالبيه
قربت صوبها وحطيت ايدي وراها:لبيتي حايه عيوني ......... امم روضتي ماتحسي بملل ويايه؟
طالعتني بنظرات خجوله: لا شو هالرمسه جسوم
حجيت شعري: امم شو رايج نسير المطعم الي بذاج اليوم
روضه تتمد على الكرسي: لأ جسوم خلنا بالفندق احسن ماحب الحوسه وايد
جاسم: وابويه نحن ياين نيلس بفنادق؟
مدت البرطم: جسوم
ابتسمت بويها: من عيوني خلاص نتعشا هنا
عدلت يلستها: شو رايك اطبخ ل
قاطعتها: لالالالا ماشي طبخ انتي بس يلسي والاكل اي حذالج
روضه: بس انا احب الطبخ
جاسم: رويض لاتيبي لي جلطه انا ماخذتج عسب تطبخي يلسي بس
روضه: ايلس شو
جاسم: يلسي اطالع بج تراني ماخذتج تطبخي
روضه: هم جبروك تاخذني مب انت الي اخذتني

انصدمت من رمستها.... انا ادري انها تقول جيه عسب انها تحس نفسها مفروضه علي ..بس هالرمسه اكررها لان وايد اسمعها منها هاليومين

نشيت وانا مفول ومسوي عمري زعلان: جيه رمستج؟؟؟؟؟ لو ما اباج جان ما قلت لابويه هيه يوم رمسني بموضوعج تراني بعد ريال وقراراتي بيدي ....

قلت لها جيه وسرت عنها لصوب الشبريه اغطي عمري اوني زعلان منها وما با اشوفها .... حسيت بها تصعد للشبريه وتقرب صوبي

حركت كتفي: جسوم

مارديت عليها ... احسسن عسب تتأدب ولا تعق رمسات شرات جيه اون جبروك

سحبت الحاف من على راسي: جسوم عاده هاي انا البنت وماسوي هاي الحركات.... جسوم طالعني

فريت ويهي عنها الصوب الثاني وانا حايس بوزي

روضه تفر ويهي بايدها: طالعني جسوم يوم ارمسك
خوزت ايدها عني: شو تبي مب انا بعد مجبور عليج شقايل يايه ترمسيني؟
نكست راسها: مب هاي قصدي
جاسم: عيل شو قصدج؟
روضه تحرك شعري بنعومه: جسوم والله والله ماعيدها بس لاتزعل مني
جاسم: كم مره تقولي والله..... وماشوف شي .......يومين وترد حليمه على عادتها القديمه
روضه: حرام عليك انا جيه؟ يعني جذابه؟ الله يسامحك
جاسم: لاتقلبي الرمسه علي الحينه
روضه: خلاص طيب قلت لك مابعيدها
جاسم: بوسيني واسامحج



روضه: هههه ماطلبت يالشيخ

قربت مني تبا تبوس خدي.... بس يوم يات بتبوسني على خدي فريت ويهي لها بسرعه ويات بوستها بمكان ثاني خلاها تقفط

كفختني على كتفي: ياحمار
جاسم: ههههههههههههههههههههه
روضه بويها المحمر: ويعه
جاسم: ههههههههههههههههههه
ردت تكفخني: ويعه لاتضحك
جاسم: هههههههههههههه بصراحه بوستج فنانه
حاست بوزها: ويعه خلاص عاده بسك ضحك
جاسم: هههههههههههههه
روضه: يالخايس اخر مره ابوسك
يودت ايدها وسحبتها لعندي: مب بكيفج..

.............................. ..............

.............................. ............

عفرا: خساره امايه متى سار رشود؟
امايه: شو تبي بالريال؟
عفرا: عندي جم حايه ابا اعطيها وياه يوصلها لشمامي
امايه: لشو هالحوسه نحن اليوم بنحدر دبي شو تبي تعابلي على الريال

سكت عن امايه... هيه هاليومين مستويه قيس وليلى ويا رويشد ..... خسه الله متى سار هالخبل .....كنت ابا اقوله حايه يالله ماعليه خيرها بغيرها المره اليايه...
يودت فوني وانا انتظر رد سلطوني غناتي على رسالتي.... بس الاخ مايرد على المسجات الا بطلعت الروح وياليت رد طويل الا رد ماشي اقصر منه... لان ريلي فديته مايروم يكتب بسرعه بالفون ههههههه

( بتنور دبي)

لالا كلفت خاطرك بعلي على هالمسج الخورافي اون بتنور دبي .... هالريال ماشي عنده رومانسيه بالرمسه.... رومانسيته كلها بالفعل خخخخخخخ

( منوره بوجودك غناتي .....مايستوي يوم نستقر بيتنا اليديد لالازم ولا بد تي تزورنا عسب نضيفك ورق عنب ههههههههه)

الي يقرأ مسجاتي يقول هاي منقعه ضحك ويا سلطان.... وهو بالواقع من اشوفه انقع برمستي وارتبك ...

( ههه)

يوم قريت هالمقاله المطوله اقصد المسج فريت فوني مقتاضه عشبريتي وطلعت لريومه اساعدها على اخر ماتبقى من قشارها لانها حليلها وايد لوازمها....
اون ههه ... انزين ياريال خلها اربع هههه كلف خاطره ب 3 هاهات

عفرا: ريومه بقولج شي

طالعتني وهي ترفع شعرها بعد مارفعت الكرتونه

ابتسمت بخبث: رشود سار دبي قبلنا

فرت ويها عني وهي كاتمه ضحكتها على خبالي ...... هالاثنينه بعد تنهيده ذاج اليوم بصممت بالعشر انهم خلالالاص ذايبين في بعض بس يبالهم حد منهم يعترف بهالشي
وانا الي بخليهم يعترفو ....

شلينا كل شي وخذيناه لبرع......
رفعت ظهري وانا أتألم .... اف وايد يويعني يبالي حمام دافي يكمد لي جسمي ... بس ماشي وقت .............هاهو النداء عم ينادي

سيف: يالله مابا حد يتأخر السياره مشغله الي مايابا يلس بالعين ينش
امايه: انا بسير ويا سهيل
سيف: ههههههاي سهيل مطير قبلج ويا ابويه
امايه: في ذمتك ؟
سيف: هههههههه قصو عليها حليلج امايه
امايه: طيب قوم بو هنود شلو القشار بسيايرهم؟
سيف: هههههههههههه اون بو هنود هيه امايه شلوها من زمان
امايه تلبس برقعها: ابا اسلم على يارتنا فديتك
سيف: انا شو قلت لكم امايه الي يبا يسلم جان سلم من الليل جيه بنتأخر امايه
امايه: هيه فديتك سلمت عليها بس مايستوي الحينه اطلع وماسلم
سيف: شو امايه هو حلاو مرتين تسلمي؟؟؟
خذت الدليل : خلاص ياكثر لغوتك يود هالدليل
سيف: حشى عليج ماترومي تفارقيهم حتى بالسياره
امايه: سويف عن الغوه الزايده يالله اشوفك
سيف اونه متأثر: هيه غيري له اللسان الحلو وانا ولدج من لحمج وعظمج من رحمج وأحشائج المقطعه يوم تقطعت وانتي تطلعيني وانا ولدج الحبلي السري مرتبط بحبلج جيه امايه جيه تعامليني
عفرا: خسك الله اون احشائج المقطعه
فر ويهه علي: وانتي شو موقفج وماسرتي تتلبسي هاه ... طالعي شيختج الريم شقايل متلبسه وانتي لأ يالبقره

سرت عنه اتلبس لاتيني فلعه منه ...... وركبت السياره بعد مايلسو يعدو لي العد التنازلي ولا بيمشو عني .... بصراحه المفترض نيلس نصيح على طلعتنا من البيت ... بس سويف يخلي الواحد يتأثر ؟؟؟ ابد يلس يتمسخر اونه متأثر وحالته لله

سيف اون يشاهق: امايه ناوليني الكلنكس دخيلج
كفخته على راسه: ويعه هاي البيت الي انولدت فيه وطلعت عقولتك من احشائي المقطعه ويالس تتمسخر انك طلعت منه
سيف يهز راسه بأسف اون متأثر: لأ لأ ماروم احس روحي بتطلع من محلها انتو شلعتو روحي يوم شلعتوني من بيتنا
عفرا: اقول اخويه طالع الدرب ولا يكثر عقوله اهل السعويه

مد ايده ويود طرف شيله امايه لخشمه اون بوخر سنسونه ...
سحبت الشيله منه: ويعه يالطفس
سيف: عيل اقولج ناوليني كلنكس وماطعتي
عفرا: سواف شحال ريضانه عقولتك؟ رمستها هاليومين؟
سيف: هيه رمستها بخير وتسلم عليكم
عفرا: الله يسلمها يارب

حل السكوت على السياره يوم شفنا بالدرب حادث!!!! .....
.....الحادث وايد مفجع.....
عائله كامله على الرمل ومغطيه بأقمشه بيضا ... مما يدل ان العائله كلها مات!!!!!
هالشي خلا الريم تطالع من الجامه تحاول تشوف شو مستوي ... يودتها وسحبتها بسرعه ماباها تطالع مناظر جيه بروحها ماتتحمل طروى الحادث شقايل تطالعه ...
ناظرتني بعينها الملاينه دموع .... دقايق ورمت عمرها بحضني تصيح بصوتها

امايه: بنتيه فديتج حطي الرحمن بصدرج
عفرا: خلاص ريومه صلي على النبي
امايه: يابنتيه هاي امر الله العني الشيطان فديتج
عفرا: سواف ناولني الماي
رفعت راسها وشربتها ماي عسب تهدا... بس اعرفها مابتسكت الا يوم ترقد ... حطيت راسها على كتفي وانا امسح عليه... هالبنت كل ما اقول حالها بكون احسن ... يطلع شي يكدر عليها حياتها .......دقايق مرت ورقدت على صوت شهيقها...

............................
............................


اليوم يوم مميز بالنسبه لي....... بتقولو شقايل مميز؟
مميز لان اليوم قوم خالوه استقرو واخيرا حذالنا .....
بصراحه خاطريه اسوي حفله هههههههه......
بس حفله على هالشكل العالمي؟؟؟ .... الي يطالعنا يقول هايلا طالعين من مقبره
انا الحينه بغرفه عفير ويا البنات وبستي حبوبتي ويالسين نرتب قشارها
على صوت اغاني راشد الماجد

عفرا: شموه ذكريني بقولج شي بعدين ( وتغمز لي)
شمه: ويعه خبريني الحينه ماروم اصبر انا ... تدري بي
حطت ملابسها بالكبت: حشىىى عليج فضول مب طبيعي
شمه: اقول عفير يوم نخلص غرفتج نسير غرفه ريومه... طالعيها حليلها تعابل بغرفتج قبل غرفتها
الريم: التفت علي تبتسم وهي ترتب عطور عفرا
عفرا: هيه اكيد شايفتني مضيعه المذهب شو

دخل علينا سيف وهو يسحب كرتون وحذاله رشود اون يساعده: ويعه عفيروه شو حاطه بهالكرتون
شقت حلجها: هع هع هاي مب حقي هاي حق ريوم
الريم : ابتسمت بخجل وهيه كاتمه ضحكتها
مسح سيف عرقه من يبهته وهو يناهي: حششى شاله البيت كله بهاي
فريت ويهي على رشود الي كان يطالع ريوم وهو بعالم ثاني ههههه حليله اخويه اسميه دومه فاضح عمره بمشاعره: حوه الو يالناس يالي هناك
خزني بعينه: شو تبغي ؟
شمه: سير طالع امايه ترى ماشي حد بالبيت غيرها
راشد: وين سلطان؟
نطت عفرا: بالدوام
راشد يكلم سيف: اندوك طالع اختك شقايل نطت من يبنا طاريه .....( ورد فر ويهه على عفير) بالدوام اون سيري لحقي على ريلج يجذب عليج
حطت ايدها على خصرها معصبه: ويعه شو هالرمسه الطفسه شراتك
راشد: عاده لاتقولي ماخبرج ان مستأجر شقه؟
عفرا صدقت الرمسه: احللف ان مستأجر...؟؟؟؟
كفختها على راسها: مالت عليج وانتي بسرعه تصدقي رمسته يالبقره
راشد وهو يلس على شبريتها: هههههههههههه خليها بنت خالتج مقصه .... ذاج اليوم سارت تسبح بسبتي هههههههههههههههههه
عفرا: احلف ان ماكان شي ريحه فيني
راشد يحط ايده على حلجه: ههههههههههه والله انج خبله
سارت صوبه ويودت المخده تضربه بها: يالخايس
راشد من تحت المخده: آآآي ايدي تويعني آآي
خوزها سيف بسرعه: ياحماره الريال يده تعوره
يلست حذاله بتأنيب ضمير: رشود عورتك
نش من عشبريتها: اون رشود عورتك .... المهم اخليكم بسير لامايه

طلع راشد من صوب ويلست عفرا تصيح من صوب ثاني

سيف: لحول الحينه اني شو ياينج على الصياح
عفرا: اخاف صدق عورته .... يمكن زعل
سيف: لالا مازعل انا ادري شو في راشد لاتخافي
عفرا: في ذمتك؟
سيف: هيه ( فر ويهه للبسه مالتي وهي تلعب ) هاي شو تسوي هنا
شمه: هاي مالتي
سيف: وع
شمه: ويعه لاتقول عنها وع
سيف يرفسها ويربع وراها لبرع: تش يالله يالله برع
ربعت وراه وانا ازاعج: يحمار هي
طلع سهيل : عشو هالزعيج هاي
سرت صوبه ويودت ايده: سهول خبره يخلي شمسه يالس يضربها الخايس
سهيل يزاعج عليه: سويف ويعه ان شاء الله
سيف ياي صوبنا: شمسه؟؟؟؟ الحمدلله والشكر
قلت وانا اخذها يوم يات صوبي بعد ماتركها سويف الوحش: احسن من اسمك .... سيف اون سيف..... سيف لو سجين هههههههههه
سيف: الا قولي عسى سيف يقطع رقبتج قولي امين
سهيل: هيه ويعه .........ان شاء الله يقطع رقبتك انت هب هي
سيف: آآآه ياحمار انا اخوك من لحمك ومن دمك وطلعنا من نفس الاحشاء ... اما هاي البقره مجرد خطيبتك
سهيل: الهي هاي بتستوي حرمتي باجر
سيف: اف اذا الله احيانا لباجر عاده
سهيل: اذا انت تبا تموت براحتك اما نحن بنتزوج وبنيب عيال بعد
سيف: هيه بتيب متعب وفهد ومونيره
شمه: هههههههههههههههههه منيره يسموها يالخبل هب مونيره
سيف: سمعو عاده هاي انا اقول لكم من الحينه لالازم تسمو حد من عيالكم سيف ولالالا والله هاي انا اقولها لا اصفهم جيه حذال بعض واخذ غاز اصبه عليهم واحرقهم لين مايستو سود شرات سواق يارنا
شمه: ويعه يالمتوحش ...........وبعدين انت قلت راشد بسمي سيف شقايل بعد نحن نسمي
سيف: هيه حتى سلطان بعد بيسمي سيف ......كلكم تسمو سيف
شمه: ماشاء الله عسب اذا استوى حرب عنا بعيد الشر اللهم احفظ بلدنا يارب واجلعها بأمن وسلام ... هيه عسب اذا استوى حرب يستوي شي سيوف وايد عندنا هههههههههههه لو مسميك عمي رشاش مب جان احسن؟
سهيل: هههههههههههههههه لالالا احسن كلاش نكوف
ضربت كفي بكفه نتمسخر: هههههههههههه جفك جفك
سيف: الحمدلله والشكر
شمه: المهم سواف سير لراشد اخاف صحيح يويعه شي لو ماشي
سيف: هيه هاي انا بسير يالله تشاو
سهيل: تشاو بعينك

سرت عنهم لصوب غرفه عفير نكمل شغلنا ........آآآي ياظهري

.............................
.............................. .....

 
قديم   #32

جود ي الحلوه


رد: رواية التبل إماراتيه روعة


رواية التبل إماراتيه روعة

.............................

الج 29 زء
.............................. .....



اليوم كان يوم متعب وشاق............ لدرجه خلصنا اشغالنا وتمدنا على الشبريه ونحن نضحك بأصوتنا وياليت نضحك على شي لالالا نضحك على ماشي !!!!

شمه وهي تيلس: هههههههه وابويه انا بنش اتسبح بدل هالضحك احس نفسي مخيسه
عفرا: زين يوم حسيتي روحج
كفختها بالمخده: ويعه ان شاء الله
عفرا: لاتسبحي بحمامي ابا اول حد يدخل به انا
شمه وهي تنش تاخذ ملابس من ملابس عفرا: مالت دخل به الجني قبلج ....... ( وفرت ويها علي) انا بتسبح بحمام ريومه احلى عنج ......فديت الوردي انا
عفرا: ياحماره اخاف لاتقولي يني
شمه: نيهاها يني يني يني بحمامج ... اصلا اكيد شي ينانوه بحمامج لان ماشي حد ساكن قبل
يودت عفرا المخده وضربتها بها: يحماره

طلعت شمه عنا وهيه تضحك على عفرا.... نشيت هيه الثانيه وخذت لها ملابس ودخلت الحمام بعد تردد من خوفها ههههههه
تمدت على الشبريه براحه وانا اتذكر كل حركه تحركها راشد اليوم
كل نظره!
كل غمزه!
وكل حركه !
طالعتو شقايل يناظرني؟!!!!!! بصراحه هالريال شي مب طبيعي اسميه يخشعني يوم يطالعني بعيونه الزرقا ..... احب نظراته وحب كل حركه من تحركاته
<<<< بأختصار يالريم قولي احبه
لالالالا شو احبه للحينه تونا بدايه الطريج

طلعت شمه من الحمام وسرت اتسبح بعدها بماي حار كمد لي جسمي ...... يوم طلعت ماحصلت حد ... مشطت شعري على السريع ونزلت اشوف شو سبب هالحشره القايمه

عفرا: الاي اخويه وايد حلو
سيف يسحب الاب من يدها: لاتجيسينه هاي مالي يالله خوزه
عفرا: سيفوه وايد حلو

بهالحزه دخل سلطان وحط صبعه على حلجه بحركه( اص) عن لاتنتبه عفرا بدخلته
وها الي صار يلس وراها على الارض وهي رايحه فيها بسبه الاب توب اليديد!

سيف يبا يحر عفرا: يقولج في مميزات نعم
راشد الثاني: هيه يقولج باللمس افا عليج ترتيب
عفرا: يالخايسين
سيف: المشكله ماحب اتصدق على حد ولا جان تصدقت عليج
عفرا: مايخصني ابا شراته
قرب سلطان حلجه من اذنها: ولي ايب لج احسن منه؟؟؟
نقزت عفرا وحطت ايدها عقلبها بدون ماطالعه: بسم الله شو انت التروع هوايه؟
سلطان وايده على كتفها: وعليج السلام ... الحال يسرج
فرت ويها له وهي مقفطه لانها يالسه بحضنه: آآ اآ السلام عليك
سلطان: يعني الحينه انتي عايبج هاي؟
عفرا: ها ... هيه
سلطان يحرك شعرها بعد ماعق شيلتها عكتفها: يهبي اقلعيه بس اقلعيه في ذمتيه لا ايب لج الي احسن عنه
سيف: ماشي هاي اخر قطعه ولي اخترعه يقولك مات
راشد يلوت: هيه يقولو ان مخترعه مخصوص لسواف( ويقلب الاب توب ) طالع طالع مكتوب بعد اس يو اف يعني لسواف

مدت عفرا ايدها تعدل شيلتها عراسها وهي مقفطه

سلطان: هيه وانا بعد الي بيبه مكتوب عليه ايه اف أس طبعا لازم حرفي يستوي ويا حروفها يعني لعفرا حرم سلطان
سيف: ههههههههههههه اون لعفرا حرم سلطان
راشد: خلالالاص خلص السوق ماشي لاب توبات
سلطان رد يعق شيلتها وهو مب حاس بعمره: لالا ياريال احلف
نغزته شمه بذراعها عسب يحس بعمره: آحم
طالعها سلطان: شو آحم؟
قربت راسها من اذنه عسب لا حد يسمع... ويوم خلصت نقع سلطان ضحك

سلطان: ههههههههههههههه خلاص سوري
سيف: لالالا ماروم عليكم ... فكونا سير لغرفتها احسن لك ......تحصلها على جهتك اليسار بذاج الصوب
يودها سلطان من ايدها وهو ينش: يالله نشي نسمع رمسه اخوج
عفرا تسحب ايدها: لا ... ها... شو
رد يودها: شو ها نشي بس نشي

نشت عفرا بعد مايودت شمه عسب تاخذها وياها.... بس عطاها سلطان نظره وردت شمه محلها

سيف: الريال يبا حرمته على انفراد انتي شقايل لازقه عند عفرا
شمه: سيف لالالايكثر بس
سيف: انتي الي لايكثر هرجك لا اجي اصافق ذا الوجه
شمه: ياربي ياناس يقهر
سيف: على طاري القهر شو معنا اسمج

هههههههههه نقعت ضحك على سيف ههههههههه اون الحين رابط بين القهر واسمها

شمه: مايخصك بأسميه
سيف: الحينه انتي اسمج شمه .........طيب شمه عطر لو شمه هروين ههههههههههههه
شمه: سخيف اون الحينه تبا ترد لها يعني يا سجين
سيف يفر ويهه على راشد المسمت بويهي ورايح فيها: الو يالناس يالي هناك انتو فين
( فر ويهه لي) : انتي شو مسويه بالريال؟

واوبيه على الفضيحه....... ماتحسب سيف بينتبه للموضع.شقايل ماينتبه انتي الثانيه وراشد مسمت بويهج جيه

راشد: لحول سرحان يعني حرام الواحد يسرح؟
سيف بأبتسامه خبث: هيه قلت لي سرحان
راشد يعدل يلسته: شو تبا؟
سيف يفر الشاشه لراشد : طالع اباك تعلمني شلون ادخل على لوحه تحكم المنتدى
راشد يطالع بالشاشه: ذاج الصوب.......... هيه ....... حط رقم...... هيه احسن لك....... لالا ..... خله جيه
سيف مبتسم : زين حلو حلو
راشد ياخذ الاب توب بحضنه: ناولني بسجل انا
سيف: اقول شميم ..... ريوم....... اباكم تسجلو بالمنتدى مالي ...... اباه يتشعلل نشاط...... اباه ينتشر عند كل حد
نطت شمه: اللااي احلف سواف عندك منتدى؟؟؟ واي هاي حلم كان يراودني من زمان ان يكون شي منتدى لحد من الاهل....... دخيلك سواف حطني مشرفه عامه
سيف: طالع طالع اختك هاي مابعد تسجل وتبا تستوي مشرفه عامه ......لالالالا راح المنتدى عيل
شمه: بشعلل لك المنتدى
راشد يطالع بالشاشه: طالع بعد شي شات بنفس الموقع
سيف: هيه خبرني رابح
راشد: اسمع اسمع الاعضا شو يقولو......... شذى الورد تقول.. يابنات وياشباب سيرو رحبو بالمدير اليديد بالمنتدى
سيف: منو هاي شذى الورد؟
راشد: امي............ بعد شو يعرفني انا
سيف: كمل بس كمل
راشد: ناصر بن علي يقول انا اعرف راعي المنتدى يكون ربيع المدير السابق حمدان الله يرحمه
سيف: منو هاي انا ماعرفه
راشد: يمكن من ربع رابح ....... اسمع اسمع شو تقول صرخه امراه... شذوي ياخوفي يطلع مديرنا شراني
سيف: هههههههههههههه شكله هاي البيستوي
شمه : لا انا جيه تحمست ابا اشوفك مدير( فرت ويها لي) ريوم بسرعه ناوليني لاب توبج نسجل

نشيت ايب الاب توب ... ويلسنا انا وشمامي نسجل

شمه سجلت بأسم: بنت دبي
وانا سجلت بأسم: ... هدوء انثى....

دقايق ورفع راشد راسه من على الشاشه يطالعني بنظرات غريبه: انتي هدوء انثى صح؟
شمه: هيه اهي هدوء انثى فديت الهاديات انا

ابتسمت بويها وكملت شغلي في ملفي الخاص بحركه سريعه... لاني متعوده على هالشي ومتعوده على المنتديات
شي منتديات وايد مسجله فيها وشي وايد مشرفه عامه فيهم..........

.............................. ....

.............................. ............

والله حلوه الغرفه مالتج!

قالها وهو يلس على شبريتي بكل راحه

رديت عليه وانا بعيد عنه ومنزله راسي: آآ آحم شكرا
سلطان : وابويه شعندج واقفه بعيد ... تعالي
رفعت راسي: لالالا خلني بعيد احسن
رفعه واحد من حواجبه علامه ان مب عايبنه كلامي: بتي لو شو؟؟؟.... وبعدين الباب مامغفل تعالي
عفرا: سلط
قاطعني: عفير عن الخبال وتعالي مابسوي بج شي

سرت صوب الشبريه بتردد ... ويوم وقفت حذاله
سحبني من ايدي حيل لين ماطحت عليه وهو فوق الشبريه: آآآي
طالعني: عورتج؟
قلت وانا انش من فوقه: هيه
سلطان بنظرات خبث: وايد؟
حست بوزي: هيه
سلطان: عيل تستاهلي ههههههههه
عفرا: سلطان
نش عني لصوب التواليت: خلالاص خلالاص ماتستاهلي
عفرا: متى خلصت دوامك؟
سلطان يشم عطر: من ساعه
عفرا: غريبه بالعاده ماتخلص هالوقت
سلطان يفر العطر بالزباله: هيه لاني ماخذيت دوام حد بس خذيت دوامي
شهقت وسرت صوبه: شو سويت!!!
خذا عطر ثاني يشمه وهم فره بالزباله: ريحتهم خايسه
طالعته وانا اكتم ضحكتي على حركاته: هيه حرام
حملني ويلسني على التواليت: منو الهيه؟؟؟ هاه؟
عفرا: آآ آآآنا
سلطان: ههههههههههه ياحلوج ياعفور يوم تتروعي مني
مطيت شعره الطالع من تحت سفرته: انت عندك نقص الترويع........ تحب تطلع ترويعك فيني
سلطان بويهه المحمر من الضحك: ههههههههههههههههه اون نقص الترويع
عفرا: هيه هنا تنقعها ضحك اما بالفون مكلف خاطرك بثلاث هاهات
سلطان: بذمتج بس ثلاث
عفرا: هيه
سلطان: افا كنت بس ابا اكتب ثنتين
ضربته على كتفه: يالخايس
يود ايدي وهو يطالعني اونه مفول: منو الخايس؟؟
عفرا: اف محد محد
سلطان: هههههههههههههه ياويلي عليج ياعفور
عفرا: خوز عني اخاف الحينه حتى انا تعقني بالزباله
سلطان ينزل راسه ويقرب خشمه لجسمي: اشم ريحتج اول.... ان شي ريحه من هالعطور الخايسه ... بعقج
رفعت راسه بسرعه عني: لالالالالالالالالالا لاتشم
رفع راسه يطالعني: ليش؟



كتمت ضحكتي: لأأأ أأن متعطره بالعطر الوردي هاي العقيته
قرب خشمه معاند: ماشم شي
تنهدت: الحمدلله
سلطان: لو شي ريحه جان عقيتج من الدريشه..... انتي بذمتج شاريه عطور شرات جيه؟
عفرا: هههههههههه هاي هديه من ربيعتي
سلطان: هاي اخر مره تهديج شي لوع الله جبدها
عفرا: هههههههههههههههههه
سلطان : يالله عن الضحك وتعالي نزل تحت

يودني ونزلنا لتحت ...... ماشاء الله معرض لاب توبات مب صاله...... كل واحد يالس وبيده لاب توب

سلطان: ان شاء الله بعد انتي باجر جيه حالج بيستوي؟
شمه : هيه حالها جيه من زمان
سلطان يطالعهم: الحمدلله والشكر
شمه: عفير خبرج سواف عن منتداه؟؟؟؟؟
عفرا: صدق سويف؟؟؟
سيف: هيه يوم تيلسي خذي الرابط وانشريه عند ربعج
يودني سلطان من ايدي وهو يسحبني لبرع وياه: اقول ياجماعه الانترنت تصبحو على خير
شمه: وانت من اهله اخويه... تلحف زين ههههههههههههه

يلس يسحبني وراه للحوش: سلطان عاده والله بوصلك للبا مابهرب
فر ويهه لي : يعني ماتبي ايود ايدج؟
عفرا: لالالا مب جيه قصدي بس انت وايد خطواتك كبيره
سلطان: ان شاء الله .... يالله حاجه عفرا نستأذن
عفرا: حاجه!!!!!!!!!
سلطان: هههههه هيه حاجه ...... لان ناوي اشل امايه للحج السنه اليايه وبشلج فيانه
عفرا: صدق؟؟؟ اللااي وناسه
قرب خده من ويهي: تصبحي على خير
عفرا: هاه
سلطان: اقولج تصبحي على خير
عفرا: وانت من اهله
قرب ويهه اكثر: ويهي يبا شي......... تتوقعي شو؟؟
ابتسمت وحبيته على خده: انت وايد طماع
سلطان: ههههههه في ذمتيه يحق ليه حرمتيه والله
عفرا: والله والله ادري اني حرمتك

طلع عني بعد ماودعني بطريقته الخاصه........ الله يخسك ياسلطان اسميني لو طلع ابويه جان قفطت .....
.............................. .....
.............................. ......

خلاص طيب طلعي انتي من الحمام

روضه: مابي مابطلع
جاسم: ههههههههههههه بتيلسي منقعه لصبح شو؟؟؟
قلت له من ورى باب الحمام: انا زعلانه ومابرمسك
جاسم: هههههههههه هاي انتي رمستي
روضه: ياربي جاسم
جاسم: استغفر الله ربج الله
روضه: جسوم بذبحك
جاسم: انتي طيب طلعي واذبحيني وسوي الي تبي بس طلعي
روضه: مابا بعد الي سويته مابطلع
جاسم: هاي انا وماسويت شي وانتي احتشرتي جيه شقايل لو
روضه: لو شو ها
جاسم: روضتي حبيبتي طلعي
روضه: مابا لاترمسني سير ارقد
جاسم: خلالالاص هاي انا سرت

يلست اعدل بروب النوم المحتاس بعد ماسوى جسوم سواته الخايسه.... حاولت اطالع جنه صدق سار يرقد لو لا........ بس ماشي شي واضح.... فا اضطريت افتح الباب شويه

جسوم طلعت راسي من الباب:
روعني يوم حصلت ويهه قبال ويهي: عيونه
كنت ابا اسكر الباب بس يود ايدي بسرعه: هههههههههه يالخبله والله والله وهاي انا حلفت مابسوي بج شي
روضه: مابا جسوم خوز
سحبني من ايدي: هههههههههه والله مابسوي شي بس تعالي رقدي
تجمعت الدموع بعيني: احلف
جاسم: روض تراني حلفت بالله ... بعد شي اعظم من الله؟؟؟؟
خذيت نفس: متأكد؟؟؟
جاسم يسحبني لشبريه: هيه متأكد
تلحفت : وعد؟
تلحف ويايه: وعد بس خلاص رقدي
طالعته: ترى والله ازعل منك
جاسم: ههههههههههه خلاص روض رقدي

خذيت نفس وفريت ويهي عنه عسب ارقد ..... شوي وحصلت ويهه قبال ويهي

روضه: اهئ اهئ جسوم
جاسم: هههههههههه وابويه مافي تصبح على خير؟
روضه: تصبح على خير؟
جاسم: جيه جافه؟؟؟؟ بدون شي؟
روضه: تستاهل ماشي شي وارقد يالله
حج راسه: استاهل واكثر من جيه بعد ( وفر ويهه)

غمضني واحليله .... مديت راسي صوبه و طبعت بوسه على خده ورديت الحف ويهي على بسرعه

جاسم: وال
قاطعته: اسكت
جاسم: خلاص بسكت

.... فتره صمت.......

روضه: جسوم رقدت؟

... ماشي رد.......

شليت الحاف عني وزحفت بعمري صوبه: جسوم

.... ماشي رد.....

طالعت بويهه حصلته مفتح عينه ... مطيت شعره: ويعه شقايل ماترد
ابتسم بويهي: انتي قلتي اسكت
روضه: هههههههههههههه اونك تطيعيني
جاسم: افا عليج اعيبج
روضه: امم
جاسم: شو؟؟؟امم؟؟؟
اشرت عصدره: ابا
جاسم بنظرات خبث: شو؟؟
ضربته: جويسم عاد خوز ايدك

خاز ايده عن صدره ورميت نفسي بحضنه عسب ارقد


..............................
.........................

يودي القلم وقعي يابنت الناس

شمه: مابا
راشد: لحول شقايل متروعه ترى بنعرسج سهيل مب حد ثاني
شمه: مابا رشود والله زايغه
راشد: ترى ها بنادي لج سلطان
زاغت ويودت القلم: لالالا خلاص بوقع
عفرا: ههههههههههه فديت ريلي الوحش
رفعت راسي لها: وانتي فرحانه ان ريلج وحش..............( وفريت ويهي لشمه)ها شميم ماشوفج وقعتي
وقعت بسرعه وفرت القلم.... وغطت ويها بأيدها وهي تصيح: لا اله الا الله شمامي هاي سهول الي كنتي تنقعي به هاي الي كنتي تلعبي فياه عروس وعروسه تذكري يوم تاكلي حلاوته؟؟؟؟
عفرا تيلس صوبها عسب تسكتها: ههههههه خسك الله... ماعليه كل البنات جيه يتروعن حتى حرمتك بتبجبج
خزيت بعيني الريم الي يالسه تبتسم لعفرا:هيه سمعت انها وايد تتبج عيل شرات هاليوم بتقلبها مناحه
عفرا: هههههههههه
راشد: عفير نشي سوي لي طريق عن هالحرمات الي تحت
عفرا تفر ويها لريم: ريومه انتي سيري فياه لان انا بسكت شمامي


فديتج ياعفير ربي ماينحرمش منك ياحأأأأأ يابتاته ياحلوه يا انتي ههههههههههه..... تقدمتني الريم وعلى ويها ابتسامه حلوه ...

يودت يدها قبل لاتنزل من على الدري: آآآآ ريوم....... آآآآ بس ابا اقولج شي مفاجه لج بتحصليها بيت خالوه ان شاء الله تعيبج

الريم: ابتسمت بأمتنان وكملنا طريج ....... بس منو يقدر يهرب من هالحريمات

عيوز رقم1: يامرحبم بم براشد ياهلا بك ولديه
سرت احب راسها: يامرحبا ملاين
امايه تنقذني: ام هلال
ابتسمت وانا مغفط ,,,,, وابويه كلهم يتشابهن: ها ... هيه ... يا ام هلال
عيوز رقم1: شحالك فديتك ؟
راشد: والله الحال يسرج
عيوز رقم 2: ياهلا بالغالي غديت ريال والله ياراشد
سرت احب راسها: هههههههه هيه بعد هاي حال الدنيا
عيوز2: ياحليلك تو البارح كنت ياهل ويالسه ارضعك

هلا هلا هالعيوز رضعتني!!!! ...انتو تحسو ويايه بالقفطه لو شو؟؟؟

راشد: ههه ...ها .....هيه والله مشكوره على الرضاعه
عيوز 2: ههههههههههههه اون مشكوره ...... ذاج اليوم كنت طار اذنا طر بصياحك وامك واحليله سايره المستشفى.... وبذاج الوقت كان بصدري شويه حليب ... واي اشلك وارضعك ... واحليلك كنت شوي وبتبلع صدري من جوعك

لالالالالالالاء وافشلتاه واخزي وجهاه .......

في هالحضه ضحكن البنات اليالسات على جنب........ فريت ويهي وخزيتهن بنظره من نظراتي المعتبره

راشد: الواحد بعد جوعان حزتها شو يسوي
العيوز3: شحالك راشد

هلا هلا ........ لالا فلحت ياراشد اخاف بعد هاي اطلع متزوجنها وانا مادري: الحال يسرج
العيوز3: عقبالك فديتك
سرت احب راسها: امين الله يسمع منج
العيوز3: ايلس فديتك اقهويك
راشد: لالا الغاليه الريايل يتريوني برع لدفتر
العيوز3: في حفظ الله فديتك

طلعت عنهم واخيرا وسرت للميلس. عطيتهم الدفتر وطلعت وحتى مايلست ويا سويف
لاني بالاصل متضارب وياه من يوم خبرني ان عبدالله ربيعه الي بالعين قر ان اي يستقر بدبي عسب يكون قريب من سواف!!!!!!!!!! .... بصراحه انا هالانسان ابد مانازل لي من زور ...........فقدتك ياعبيد قول امين
.
.
.
توكلت لبيت خالوه اخلص شغلي..........

اسطبل بحجم متوسط.... و3 خيول .... ورى بيت خالوه ... واخيرا استوى الي اباه
على الله بس هالمفاجأه تعيب ريومه
دخيلكم ادعو لي
يارب يارب يارب تعيب الريم...............

.............................. .............
.............................. ..................


ياحي هالويه حياه ........... يلست حذالي وهي منطرمه ومنكسه راسها من الحيا

ياحلوج والله ياشميم ..... متلبسه فستان برتقالي عاطي بياض جسمها لون احلى

....... صحيح الفستان عاري بس ماحبيت اكسر فرحتنا بمحاسبه .......

سهيل: مباركين يالغلا

شمه منكسه راسه: يبارك بعمرك

......... فتره صمت.........

سهيل: شمامي شو بلاج متروعه جيه؟
رفعت راسها: لا .. هاه مب متروعه
مسكت ايدها المرتجفه بأيديني الثنتين وانا كاتم ضحكتي: عيل شقايل ترتجفي جيه؟؟ اسكر التكيف؟
شمه بنبره دلع معتاده: سهيل
سهيل: هههههههه خلاص .......... طيب فديتج طالعيني مايستوي جيه راسج بالارض... ترى انا سهيل الي دومج تطفري به
حاست بوزها الي يلمع بروج برتقالي: هاي بدايه الاتهامات




.............................. .............

 
قديم   #33

جود ي الحلوه


رد: رواية التبل إماراتيه روعة


رواية التبل إماراتيه روعة

الج 30 زء

.............................. ..................


ياحي هالويه حياه ........... يلست حذالي وهي منطرمه ومنكسه راسها من الحيا

ياحلوج والله ياشميم ..... متلبسه فستان برتقالي عاطي بياض جسمها لون احلى

....... صحيح الفستان عاري بس ماحبيت اكسر فرحتنا بمحاسبه .......

سهيل: مباركين يالغلا

شمه منكسه راسه: يبارك بعمرك

......... فتره صمت.........

سهيل: شمامي شو بلاج متروعه جيه؟
رفعت راسها: لا .. هاه مب متروعه
مسكت ايدها المرتجفه بأيديني الثنتين وانا كاتم ضحكتي: عيل شقايل ترتجفي جيه؟؟ اسكر التكيف؟
شمه بنبره دلع معتاده: سهيل
سهيل: هههههههه خلاص .......... طيب فديتج طالعيني مايستوي جيه راسج بالارض... ترى انا سهيل الي دومج تطفري به
حاست بوزها الي يلمع بروج برتقالي: هاي بدايه الاتهامات
سهيل: ههههههه لاخلاص سحبناها كل شي ولا رضاج بهاليله
ابتسمت بخجل: شكرا
سهيل: شمامي ترى مب حلوه انتي جيه
طالعتني بعين زايغه: مافهمت؟؟ شو المب حلو؟؟
سهيل: وانتي خجوله
تنهدت براحه: روعتني تحسبت شكلي مب عايبنك
ناظرتها بخبث: وانا اروم؟؟؟؟
شمه: عشو؟
سهيل: ههههههههههههههه شو بلاه استيعابج مستوي بطيء
حاست بوزها: انت المستويه رمستك الغاز
سهيل: انزين اقصد انا اروم اني افكر مجرد تفكير ان شكلج ماعييبني؟
شمه: آحم آحم شكرا
سهيل: انا بعد لج كم شكرا قلتيها الليله
شمه بخجل: سهول عاده.... بسك
سهيل: والله مب حلو عليج الخجل
شمه نفخت ويها: يعني الواحد مايروم يستحي شوي لالالازم اطلع ويهي الثاني
سهيل: هههههههههههه هيه جيه حلاتج
شمه تمد ايدها تحرك معاقم كندورتي و بنبره دلع: سهولتي
قربت منها: عيونه
شمه: سهولتي
حطيت يبهتي على يبهتها: اذا شي اغلى من العيون قولي
شمه: هيه قول قلبه
سهيل:قلبه
شمه: ههههه احس نعالي يويعني ههههه
سهيل: اقلعه لج؟

هزت راسها بالايجاب....... نزلت من على الكنب صوب ريولها.... رفعت فستانها الطويل .. ومديت ايدي افتح خيوط نعالها... دقايق وحسيت برطوبه بيدي ... يوم رفعتها انصدمت!!!

سهيل: شمه!!!!!!! هاي نعال لو سجين
شمه تنكس جسمه تطالعني: شو مستوي؟
رفعت يدي لها ويوم شافت الدم شهقت: سهيل هاي منك؟؟؟؟؟؟؟
سهيل: شو مني هاي منج انتي ولا بحاسه بعمرج

رفعت ريولها للكنب ويلست انشف دمها بكلنكس ..

شمه: آآآآآآآآوش والله ماحسيت به الا تو الحينه
سهيل: لاتلبسي نعل جيه عنبو مب نعال هاي

دقايق وسمعنا حس الباب يندق ... دخل سلطان بلبس دوامه

سلطان: السلالالام على المعاريس سوري على الازعاج يعني..... بس ياي ابارك لكم
سهيل: هههه وعليك السلام حياك قرب
قرب سلطان بس يوم شاف الدم طالعني: حشى مسرع ماخذيتها وسيحت دمها
شمه: ههههههههه لا حرام عليك هاي من نعالي
سلطان: ها اندوكم هاي الي اقول بدخل عليهم وبحصلها ميته مستحى
سهيل: ههههههههه راح عليك..... اول مادخلت بس اون مستحيه بعدين طلعت الوجه الاخر
سلطان: هاي اشك انها بليله عرسها تستحي
شمه: الا اكيد
سلطان: اسميج مضيعه المذهب
حاست بوزها: سلطون انت ياي تسبني ولا تبارك لي
حب راسها: ها وهاي حبه على الراس ... مباركين ياوحيدتنا الدلوعه
ابتسمت بويهه وهي تبوس خده: فديتك
سلطان: سمعت رشود يقول انج لعوزتيه بالتوقيع
شمه تعض شفايفها: شويه بس
سلطان: هيه صدقتج.... ( فر ويهه لي) مباركين سهيل عقبال الزواج ان شاء الله
سهيل: يبارك بعمرك عقبالك هههههه
سلطان: سير ياريال ها اختك يكهي اسير اشلها بعباتها لجناحي وهي منطرمه
سهيل: لالالالا الحينه وحده بوحده انت بتشلها بعباتها انا اشل اختك بعباتها
شمه: احلف انت وياه... نحن ياعرس وطقطقه ولا ماشي بنسوي اضراب عنكم
سلطان وهو يطلع: اضراب اون .... يالله تصبحو على خير وتلحفو زين عن البرد
شمه تطالعني: تحس ويايه ان سلطان من ملج على اختك استوى طفس؟
سهيل: ههههههههههه حتى انا يمكن استوي طفس يوم اني ملكت عليج
شمه: صح صح صح تذكرت
سهيل: شو؟
شمه : ها تراني حالفه ارد العضه الي عضيتني وياها بذاج اليوم
مديت لها ايدي : اندوج تتحسبي بتعور منج يعني؟

يودت ايدي وقربت حلجها منها ... شوي وحسيت بسنونها تحك يلدي

سهيل: يعني هاي اقوى شي عندج؟
شمه ترفع حلجها: جذاب لاتقول ماويعتك اعرف انك تكابر
سهيل: ههههههههههههه اون اكابر
شمه منقهره: هيه ويعتك لاتلوت
قربت منها: تعالي اوريج جيف العضه تويع

يودت ويها وقربت حلجي من خدها.... يلست تضربني على كتفي عسب ابعد ولا اعضها...
يودت ايدها عن هالمكافخ وعطيتها عضه معتبره ممزوجه بوسه طويله..


.............................. ......

.............................. .......

دخلت عليهم وبأيدي جيس كبير ....
سرت صوب امايه وحبيت راسها: شحالج الغاليه .. مباركين ان شاء الله
امايه: يبارك بعمرك
حبيت راس خالوه: مباركين فديتج عقبال سويف الخبله
سيف وعينه بشاشه الاب توب: محد خبله الا انت
خالتيه: ههههههههه الا هاي ابد ماتوقعه ان بعرس
سلطان: هههههه هاي اكبر عازب قبالج وهاي انا عرست
امايه: شو هالجيس فديتك

فريت ويهي على عفرا اليالسه حذال الريم وتطالعني ومن انتبهت لي نزلت عينها: هاي لعفرا
عفرا: ردت رفعت راسها وناظرتني بتسائل
سلطان: مايستوي بعد سيف عنده لاب توب يديد وهي لا
سيف يفر لاب توبه: ياربيه هالمتقايض
خالتيه: ماكان اشتريت الها هي بروحها دوم منقعه على الانطرنت
سلطان: هههههههههههههههه اون انطرنت ... اسمه انترنت فديتج
خالتيه: انطرنت .. انترنت اهم حايه انه شي مب زين
سيف يفتح الجيس: شو نوعه؟
سلطان: والله مادري بس قلت لربيعي ابا احسن من لاب توب سواف
سيف يطلعه من الجيس: هههههههههههههههههههه آآآآه يالجلب صدق انك خطير!!!!
فريت ويهي على عفرا: قومي نازعيه شرات مانازعج على لاب توبه
سيف: لا ماتروم
سحبته من ايده: انا اروم
سيف يطالع عفرا: آآآه ياحماره صدق انج طحتي على كنز ( ورد يطالعني) سلطان تزوجني يومين؟
خالتيه: ويعه على هالرمسه
سرت صوب عفرا وناولتها الاب توب.... رفعت راسها لي
وبأتسامه حلوه: شكرا
يلست حذالها: عفوا

دخل راشد هالوقت وهو مبتسم بس يوم طالع سيف خنفس بويهه وسار يبا يمشي لفوق ... ربع له سيف ومط شعره عسب يوقف

سيف: حد خبرك انك حمار؟؟؟؟؟
راشد يفر ويهه الصوب الثاني : لا
سيف: عيل انا خبرتك
راشد وهو يكمل مشيه: مشكور
يوده سيف من يديد: رويشد
راشد اونه ينافخ: شو تبا تراني مب فايج لك
سيف: يعني شو اسوي اذا هو يبا اي ....اقوله لا ....انا شو يخصني بالموضوع يالهرم
راشد: يخصك انك بتنقع عنده كل يوم
خالتيه اليالسه تناظرهم من بعيد: منو هاي البيتناقع عنده كل يوم؟
التفت لها راشد: ولد العيين فقدته ياخلوه قولي امين
خالتيه: امين
سيف: طالع شقايل تدعو على الولد وهو مامسوي بكم شي
خالتيه: يوم ان راشد ماحبه اكيد الولد هب زين وخايس
راشد: هيه خالوه مضيع المذهب وماعنده حشيمه بعد
سيف: رويشد ماحيدك تطلع رمسات على حد
راشد: الا هاي ربيعك حلال فيه
سيف: رويشد
راشد : سير سير لولد العين
سيف اون يهدد: قسمن بالله ان ماتعدل رمستك ويايه بحذف عضويتك
راشد: هههههههههههههههههههه بكيفك محد بيخسر مدير تنفيذي غيرك
سيف: خقاق واحد
راشد: في ذمتيه يحق ليه ( فر ويهه على عفرا) انتو ماسرتو بيتكم؟؟؟
سيف: طالع يروغ هاي بعد
راشد: اص انت ولا كلمه ....... ها ماياوبتي ولا لسانج ياكله سلطان من اي
عفرا: لأ ماسرنا
راشد: كلكم ... كلكم ماسرتو؟
عفرا: لأ محد سار
راشد وهو يطالع الريم: متأأكده؟؟؟؟
عفرا: راشد شو بلاك قلت لك لا
راشد وهو يتوكل لفوق: عيل مالت عليكم
خذا سواف لاب توبه وهو يلحق راشد : عفير يالله شبكي النت ودخلي المنتدى
فريت ويهي لها: بأي اسم بتسجلي؟
عفرا: أحم مادري
سلطان: مب نمله حامل؟

...













طالعتني وهي مستغربه: شوي لاتطيح عينج
نشيت وانا البسها قبعه الدوام: يالله ياجماعه الخير انا اترخص تصبحن على خير
امايه: سير فديتك بحفظ الرحمن

سرت عنهم لفوق وانا احس بتعب فضيع بجسمي ......

.............................. ..

.............................. .......

سويف .... سويف لحق لحق بنت عمك بسرعه

طالعته: شو مستوي؟
راشد: هدوء انثى منزله موضوع ترحيب لها
سيف: ههههههههههههه شو فيها يعني
راشد: مادري احس شي غريب ان الريم تكلم وهي ماتكلم
سيف: ههههههههههههههه
فر ويهه لي: عشو تضحك
كتمت ضحكتي: ماشي

اسميه رويشد رايح ملح على الريم.... طبعا ماحب افتح الموضوع وياه لان راشد اعرفه مواضيع الحب مايحب يفتحها ويا حد حتى لو يعرف ان هالمقابل به يعرف عن موضوعه .... بس منو يقول اني بتركه بحاله يا اني بنقع به تنقيع

راشد: انت خلاص خبرتها انك بتحطها مشرفه عامه؟
سيف: لالا يوم تدخل.... لاني بصراحه ماني ذاك الزود بتركيب الستايلات وهي ماشاء الله بدقيقتين ركبت للمنتدى
راشد: هاي بنت عمك فنانه ستايلات وتصاميم وتصوير
سيف: هيه تراها على عمي الله يرحمه متعدد المهنات

دخلت موضوع الريم الي عباره عن طلب ترحيب ..... وماشاء الله حصلت رويشد مامقصر بالرد ... وصور والحاله لله ونفرش لك الارض ورود ... ونسمات الصبح ومدري شو .....شوي يزف البنت .... وماقصر طبعا بالوان القوس قوزح والترتيب بالرد<<< ولا رد ظبيه الشرقيه

فريت ويهي له: ماشاء الله
راشد ياكل شبس ويطالع الشاشه: عشو؟
سيف: كل هالذوق والترتيب يطلع من راشد
راشد: هههههههههههه اسكت ياريال تراني ناسخه من منتدى ثاني
سيف: هههههههههههههههه خسك الله
راشد: سويف ادخل الشات كل الاعضاء موجوده
سيف: طيب دقايق

دخلت الشات وحصلت ترحيب معتبر هههههههههه اوني مدير ياشيخ

غرشوب دبي( راشد): خلاص اسكتو المدير دخل
فريت ويهي له: عشو كنت تحش
راشد: هههههههههههههههههه والله ماحشيت بس متعمد

رديت اطالع الشاشه ....

..سيف..: الكل موجود؟
ناصر بن علي:هيه بس في البعض مامتواجد مسافرين
... سيف..: هيه عيل الله يردهم بالسلامه
شذى الورد: آآآمين
... سيف..: المهم انا حاب ارمس وياكم عن المنتدى شوي
ربيع الحب: تفضل اخويه
ترانيم: تفضل
ناصر بن علي: اخويه سيف لو تكلم بالمايك احسن ان ماعليك امر يالغالي

فريت ويهي لرويشد: طالع يباني اتكلم مايك
راشد يشرب غازيات: هيه شو فيها يعني؟
سيف: ماعرف

يا حذالي وركب لي المايك ... ويلس يجرب ان شي صوت

راشد: الو واحد تو سه شي صوت ياجماعه؟

عيناوي: هههههههههههههه ( سه) عيمي اونك
راشد بالمايك: يخسي العيمان حذالي
عيناوي: ترى شي عيمان هنا
راشد: اهم شي الأخلاق ... المهم هاي المدير بكلمكم
ناصر بن علي: ليش يعني مب انت المدير؟؟؟؟
راشد: لا انا غرشوب دبي

يودت المايك ومب عارف اصلا بشو ارمس .... بس رتبت كلامي وقلت على السريع:
المهم ياجماعه الخير ما ابغي اطول عليكم ....
بس حاب اقول لكم ان شي تغيرات راح تستوي
مشرفين الاقسام السابقين راح يبقو مشرفين فتره تجربيه لمده شهر
عسب اشوف منو الي يبقى ومنو الي اشله عن الاشراف يعني على حسب نشاط المشرف
وبعد شذى الورد راح تبقى مساعده المشرف العام لانيه مابا اضيع مجهود حد
ولي سمعته ماشاء الله انها شلت المنتدى بفتره غياب حمدان رحمه الله عليه

شذى الورد كتبت بالشات: مشكور اخوي

سيف بالمايك: العفو.... عموما في تنصيب يديد راح يستوي
اول شي غرشوب دبي راح يكون مدير تنفيذي اونه يعني
راشد يزاعج عسب يسمعوه: حبتين
الكل يوم سمعو حسه: هههههههههههههههه
... سيف...: وبعد العضوه هدوء انثى راح تستوي مشرفه عامه وباقي الاعضاء ان شاء الله بنشاط مستمر ...
الي يبا المايك يرفع ايده

عيناوي: انا ارفع ريلي الثنتين
... سيف..: هههههههههه اندوك

سكرت المايك وانا احس اني الغيت خطاب مب جم كلمه... حشى كل هاي مستحى!!!

راشد ينقز: سويف رمست رمست
فريت ويهي له: منو؟؟؟
راشد وعينه بتاكل الشاشه: هدوء انثى
سيف: هههههههههههههههههه

رديت اطالع الشاشه

هدوء انثى: ان شاء الله اكون عند حسن ظنكم
غرشوب دبي: اكيد مايحتاي كلام اصلا
... سيف..: غرشوب ويعه
غرشوب دبي: هاه
.... سيف....:هويت
غرشوب دبي: هههههههههههههه

ظلينا على هالحال يا انا اسهر عنده يا اهو يسهر عندي ويالسين على هالانطرنت عقوله امايه ......
وبكل مره ايلس اهدد فيه اذا زل لسانه برمسته بس رويشد ماينفع وياه تهديدات
واي موضوع تنزله الريم ينطر عنده ويرد عليها ذاك الرد المقالي
والملون بألوان القوس قوزح

 
قديم   #34

جود ي الحلوه


رد: رواية التبل إماراتيه روعة


رواية التبل إماراتيه روعة

لو لقيت فرصه ثانيه

دخلت ونزلت

الاجزاء كلها أذا قدرت

وشكري للجميع

جودي

 
قديم   #35

جود ي الحلوه


رد: رواية التبل إماراتيه روعة


رواية التبل إماراتيه روعة

مساء الورد

التكمله ورمضان كريم

هههههههههههه أعجبتني الجمله



الجــــــــ 31 ـــــــــزء

.............................. ...............

وااااااااااااااء زواجي تحدد .. شهر واحد فقط واكون عند سهيلوه ... ان الرعب قد حل في نفسي
ان اعضائي ترتجف كما الشجره المصفوعه بالرياح .....<< ماروووم يالفصحى
بس الحلو بالموضوع ياجماعه .... ان عرسيه ويا عرس عفييييييير بنفس الليله
بقراااار من الحكوومه العليااااااء

عفرا تفرفر بالمجله: تصدقي شموووه احسن يوم استوى بنفس الليله
شمه: هيه صدقج على الاقل كل وحده تخفف عن الثانيه
عفرا: بس كان بخاطريه ارقص بعرس اخوويه واشل الدنيا شل
شمه: ههههههه عادي رقصي بفستانج الابيض
عفرا تفر المجله عشبريه: هيه عسب امايه تذبحني
شمه: كـــما الشااااه
عفرا: ههههههه كما العنز وانتي الصادقه
شمه: المهم عفير نحن لازم ندور لنا دخله جيه حلووه
عفرا: امممم شو رايج ندخل انا وانتي رباعه ؟؟ يعني محد يدخل قبل الثاني
يلست اكل مصاصتي: والله حلووو امممممم وشو رايج بعد نلبس ياهلوه لبس ابيض يدخلن من حولنا؟
عفرا: خساااره خاطريييه بفطووووومه بنت اخويه تكون فياهم
شمه: الا تعالي عطاري فطووومه متى تووصل رويض الى ارض الوطن؟؟؟؟؟
عفرا: على اسا الساعه 9 والحينه 10 تعالي ننزل يمكن وصلو

نزلنا انا وعفير عصوت الزغاااريط من خالوه يوم اقبل عليها جسوم يحب راسها

خالتيه: حيا الله العرسااااان حياااك فديييتك تحب الكعبه ان شاء الله
جاسم: حيج ربي يـــدوه شحالج الغاليه؟
خالتيه: الحالي يسرك...( تلتفلت لرويض) قربي فديتج قربي
سارت لها روضه وحبت لها راسها: شحالج يدوه
خالتيه: بخير فديتج ان شاء الله ماتعبتي من السفر
جاسم وهو ييلس حذال يدته: هههههه تعبت من الصياح
خالتيه: وي لاتقول لي انك زعلتها
جاسم: لالا يدوه تتبجبج خوف من الطياره
خالتيه وهي تلم روضه لحضنها: ههههههه هيه فديتها مامتعوده على السفر.... سرت لامك فديتك؟
جاسم: هيه تو ياين من عندهم عسب نسلم عليج

سرنا صوب رويض نتحمد لها السلامه وناخذ منها العلوم .....

روضه تساسرنا: انطبببن انتي وياها وويعه
قرصتها عفرا: خبريني عسى بس شي بيبي بالطريج
روضه: لا ماااشي
عفرا: مايدريج يمكن شي بس انتي ماتدري
روضه: لا حبيبتيه متأأأأأأكده
شمه: اشوف العرس طول لسانج
روضه: هههههههه حتى جسوم يقول جيه
عفرا: يعني ممكن انا يطول لساني يوم اعرس؟
روضه: هههههههه الا انتي ياعموه ماتوقع ابد

دقايق وطلعت عنا رويض هي وجسوم متوكلين لجناحهم عسب يريحو من تعب السفر .....
فريت ويهي لعفير: فديت الغالي متى يرد من دوامه؟
عفرا: يقول شي زحمه وايد عنده بالشغل لان تو بالبدايه
شمه : الله يكون بعونه

دخل علينا سويف الصاله وهو يغني ويرقص اجنبي ... الولد مب طبيعي حتى مشيته ثجيله

شمه: اشك انه سكران
عفرا حطت يدها عقلبها: تتوقعي؟؟؟؟؟؟؟؟؟

يا سيف صوبنا وهو يتميع بمشيته.. فتحنا عيونا على الاخر!!!!! يوم تأكدنا ان سويف سكرااااان!!!!!!!!!!!!!

سارت عفرا صوبه: سيف انت سكران؟؟؟!!!!
سيف يحط يده على كتفها بثقل وهو مب عارف يوازن نفسه: ا ا نـ ـ انـت
عفرا: ليش تسويه جيه ياأخويه ليش؟؟
سيف يحاول يوازن نفسه ويقطع برمسته بكلام مب مفهوم: شـ ـ سـو
سرت صوبه عفرا: لالا عفير لاتقربيه تراه سكران ويمكن يضربج
عفرا وخلاص الدموع تجمعت بعينها: سيــــف هاي اخر شي توقعته منك
سحبتها من حذاله: استغفر الله تعالي خلينا نزقر عمي يتفاهم وياه

ربعنا بسرعه انا وعفرا عسب نزقر عمي بس استوقفتنا ضحكه سويف

سيف وايده عبطنه: هههههههههههههههههههه اسمييييكم مقققققققققصه هههههههه
مارووووم اووون عفرااا لاتقربي صوووبه لا يضربج

فريت ويهي على عفير: عــــــــفرا
عفرا وهي مازالت بصدمتها: هاه
شمه: هجووووووووووووووم

خذينا كل ادوات الحرب من مخدات ونعل ووواقلام وووادوات حاده ممنوعه عن الاطفال وووصفعنا بها سوووويف الدووومه ينقع بنا بمواقف شرااات جيه يوووم يكون متملل .....

.............................. ...

.............................. .....

فتحت صفحه المنتدى وبيدي كافي دافي ......
يلست اتصفح بالمواضيع ... ارد على هاي وارد على ذاك...
واول شي دخلته هو موضوعي .... يومياتي وكان عباره عن خواطر....
كنت اكتب خواطري وبتواريخها وويوم كتابتها
وكانو على نوعين الخواطر البتاريخ القديم كلها حزييينه
اما البتواريخ الجديده كانت كلها امل وإنتظار
كنت ابا اوصل لراشد هالشي عن طريق خواطري .... اباه يحس بأحساسي
او على الاقل يلتمس شي منه .. لان هالانسان اعتبره وقــــــــودي
كل ماحسيت بحزن ولا يأس ... يطالعني بعينه وبنظره وحده يتلاشى كل ششي
... كل ماوجهت موقف يفجعني.... اشوف نفسي ناسيه كل هاي بمجرد حركه من حركات راشد
كله كوم وحركه الخيول كوم ثاني
ياناس هالانسان بخبل بي؟؟!!!!!!! هالحلم ماكنت افكر فيه مجرد تفكير اني بروم اطالع خيولي من يديد
بس راشد علمني بحركاته.... اني اتشجع بكل خطوه اخطيها ولا اقول اني بروم ولالا .... لان الحياه تجــــارب

حصلت ان اخر رد كان لغرشوب دبي ... دخلت على طول عسب اطالع رده ...

رد غرشوب دبي:

كلماتك لها وقع كبــــير


الرد كان قصير .... بس الي ماكان يدري به ان هالرد له وقع اكبر في قلبي
.. طلعت من المنتدى .. ودخلت الشات ... ماكان شي حد موجود غيره وكان مشغل المايك على صوت كلاسك
ههههههههه بس الي ماكان منتبه له ان صوته وهو ياكل الشبس طالع بالمايك

غرشوب دبي كتب بالشات: صبااااااااااااح الخيييير
هدوء انثى: صباحك النور.......... عوافي

هههههههههههه يوم قلت هالكلمه بسرعه سكر المايك ...
وكتب..
غرشوب دبي: في ذمتج سمعتي؟؟؟؟
هدوء انثى: هيه في حد ياكل شبس من الصباح؟
غرشوب دبي: هههههههههه لا وبعد عارفه اني اكل شبس ماتعرفي بعد شو نوعه؟
هدوء انثى:ههههه اعرف انك اكيد يالس تشرب غازيات بعد ويا الشبس
غرشوب: يمااااااااااه .... تدري اني يالس اتلفت شكيت انج بغرفتيه
هدوء انثى: هههه
غرشوب دبي: قربي كل لج كم حبه
هدوء انثى: لالا ماكل هالاشيا على ويه الصبح
غرشوب: اونج صحيه .... الا قولي ما تاكلي مره وحده
هدوء انثى: الاكل مب شي مهم بالحياه
غرشوب: عيل شو المهم؟
هدوء: شي وايد اشياء غيره مهمه
غرشوب: وانتي شو اكثر حايه مهمه عندج؟
هدوء: الأمـــــــل ... اهم حايه احاول اوصل لها بحياتيه
غرشوب:بتوصلي لها بأذن الله
هدوء: وانت شو اهم حايه عندك؟
غرشوب: الحـــــــب... في ذمتيه اهم حايه احاول اوصل لها بحياتيه

حسيت بحايه يالسه تتحرك حيييل بصدريه ...... لان عارفه منو المقصود بالحب
غيرت الموضوع بسرعه لان راشد اعرفه جريء وبيتعمق اكثر

هدوء: نايم لو سهران؟
غرشوب: اقولج وماتخبري حد؟
هدوء: شو؟؟
غرشوب: في ذمتج ها
هدوء: ههه طيب
غرشوب: انا سهران ههههههههههه خون بي سيفوه الحمار اون بيسهر بس ها سمعي حس شخيره بيوصل لعندكم
هدوء: بخبر عليك خالوه
غرشوب: لالا في ذمتج انا قلت ....ترى امايه خطيره تروم تقطع الانطرنت علينا
هدوء: ههههههههههه ماتوقع في حد يحيلك
غرشوب: الا امااايه
هدوء: تستاهل
غرشوب: اليسمعج يقول انج راقده
هدوء: هيه راقده ماحب السهر وايد
غرشوب: هيه شطووره نامي بكير واصحي بكير وشوفي الصحه شقايل بتصير
هدوء: هههههه اوكي غرشوب انا استأذن الحينه
غرشوب: ويــــــــــــــن ؟؟؟؟
هدوء: خالوه تزقرني تباني افطر

خذا دقايق على مارد عليي

غرشوب: يعني بتيي بيتنا؟
هدوء: ليش؟؟؟
غرشوب: هههههه لان امايه الحينه تزقرني للفطور وتقول لي غرشوبتك خالتك بتيي تفطر بحوشنا
هدوء: هيـــــــه جيه عيل
غرشوب: الحينه انا االترخص منج بسير اتسبح قبل لاتيي غرشوبتي وتطالعني بخياسي( وحط ويه يغمز)
هدوء: ههههههه

طلعت عن الشات وسرت صوب ملابسي اطالع شو البس..... بصراحه مشتيهه لبس مخور وجني ادري ان خالوه وام سلطان مشتهين الزي الامااراتي ... سرت صوبهم وهن يالسات بالحوش وحولهن الشجر الخضرااا.... والجحال قبالهم .. ودهن العود... والزعفران ... ماناقصهم غير الحنا

خالتيه: تعالي فديتج قربي قربي

سرت صوبهن وحبيت لهن روسهن

ام سلطان: ياحي المخور عليج ... فديتج ماشي حايه تلبسيها الاوتحليها ربي حاميج من عيون الحاسدين قولن امين
خالتيه: امـــــين
الريم: ابتسمت بخجل على هالاطراااء
ام سلطان: تعالي فديتج ارسم لج عينج بالجحال

سرت صوبها بدون تردد ....يلست قبالها وانا اتبسم بويها الحنون...... دقايق وانرسمت عيني بشكل فنان!!!!!!!!! .. طالعت عيوني بالمرايه الصغيره وانا مشدوها
يعني شمه طالعه على امها بهالشقلات ....

ام سلطان تمد صبعها لورى اذني تدهنها: هاي عطر خنين بشع فيج ثلاثه ايام جدام

مدت لي خالوه برقع من براقعهن الذهبي..... لبسته وانا وايد فرحانه.... لانيه من يومي احب التغير ... وهالمره مشتهيه البس لبس تراثي

ام سلطان : عطيني ظهرج افجج لج شعرج

عطيتها ظهري وانا ابتسم بفرح ... بصراحه ناقصنيه ذهب واكمل هههههههه..... فججت لي شعري الطويل ونثرته على ظهري وكتوفي وانا بكامل نشوتي...

..........................

.........................

خذيت العطر وترست عمري به..... منوووو يتوقع ان الواحد بصبح في ويه حبايبه؟؟؟
فديتج يالحـــــــــــب .... نزلت من الدري بخطوات سريعه لصوب الحوش ...

لحظه

لحظه

لحظه


دقايق بيغمي عليي وبرد اكلمكم

راشد: الشيـــــــــــــــــــــــمه اسعــــــــــــــاف

حطيت ايديه عقلبي وانا مسمت بالريم.... شو هالملاك هاي!!!!!.... ولالالالالا متلبسسسه برقع وبارزه عينها الجحيله لالالالا
ماروووم انا مااااروم
وكله كوووم وشعرها الكستنائي اليلمع شرات الذهب بسبه الشمس كووووم ثاااااني ...

امايه: وابويه شو بلالالاك
تداركت نفسي بسرعه وانا اسير صوب خالوه: خالتــــــــيه شو هالجمااال هااااي
خالتيه: هههههههه شو جماله حطيت لي جحال سميته جمال اذا انا جمال الريم شو تستوي
طالعتها وانا أ أشر عليها: امايه انا ابا عروستي جيه
اميه: استح يالخااايس
راشد: هاااا اقصد عروستي اباها تدخل عليي جيه ببرقع وجحال
اميه: ههههههههههه خلاص استوى فديتك بنخبرها ان شاء الله
خالتيه : ريوم قومي قهوي الولد

قامت الريم بدون تردد.... ويوم يات صوبي تسمت بويها... ومانتبهت للفنجال المدود قبال ويهي الا يوم قرصت صبعي بحركه سريعه.....
خذيته من عندها وانا علومي علوم

امايه: شو بلاك ياولديه
راشد: امـــــــــــــــــايه
امايه: شووووو
راشد: ياميه قرصتني عقرررربـــــــه
خالتيه: وي بسم الله عليك
قلت وانا اغنيها واطبل على دبه الماي:
يمه قرصتني عقربه
يايمه لو شفتيهاا سبحان المسويها
من راسها لرجليها ...... تقتـــــــــل يايمه هالمره
يمه قرصتني عقربه .... تقتل يايمه هالمره
برب بارب برب بارب
امايه: عاااااااااااش بو سنديه عاااااش
كملت وانا انش ارقص:
ماندري لما تفوت منهو عدل منهو يموت
جنها سبع مية فولت كــــــل الطريق تكهربه
يمه قرصتني عقربه جنها سبع مية فولت كل الطريق تكهربه
برب بارب برب بارب هلا هلا
خالتيه منطربه: برب بارب برب بارب
امايه: ههههههههههههه فديت حسك الغاااوي منووو هالمره القرصتك خبرني عنها واسير اخطبها لك
راشد: غزااال يأميييييه مب مرررره غزاااال في ذمتيه ......بعدييين يا أمايه تعرفيها مب الحينه
امايه: ههههههههههههه خسك الله بااايع رمساااات
راشد: حلاتها الواحد يبيع رمسات
خالتيه: وين سويف عنك؟
راشد: تركيه ولدج راااقد يناااخر سمعي حس نخيره
امايه: وانت رقدت؟
راشد: هيه افا عليج يا ام رشود وانا اروم ماسمع رمستج ... رقدت من الساعه 9
امايه: هيه زين جيه اباك ( وبسرعه تيود دبه الماي وتفلعني بها)
راشد: آآآآآآآآآآي
امايه: عيل راقد من الساعه 9 وانا اسمع حسك في نصوص الليول يالخايس ... يالله اشوف نش ارقد
راشد: اميه لاتستوي لي هادمه لذات
امايه: ومفرقه جماعات بعد لانيه خبرت ابووك عنك وعن سيف وقااال بيتصرف وياكم بطريقته
شرقت بالقهوه: شوووووووو!!!!!!! .... ليش امايه تسوي جيه ليييش حرااام عليييييج .... انا ولدج
امايه: يالله بس عن الغوه الزايده
راشد: امايه انتي تعرفي ابوووويه جيف يتصرررف بطريقته لالالالالالالالالالالالاء خلالاص يعني انا بنعدم يا اميه بينعدم شبابيه



امايه: شو شبابك ... شباب عنطرنط يالله بس
راشد: امايه تراج بتدخلي النار بسبه سواتج هاي

يودت امايه الدبه الثانيه وفلعتني بها.... بس هالمره ماطوفتها لها سويت عمري تويعت عدل
يات صوبي وهي زايغه: عورتك فديتك
راشد: هيه امايه آآآي
يلست تهمز لي كتفي: بسم الله عليك .. شسوي بك يوم تطفرني
حطيت ايدي على ايدها التهمزني: آآي امايه يويعني وايد
الريم: كانت تطالعني وهي كاتمه ضحكتها لاني اسوي حركات بلساني بدون ما امي تطالعني
امايه: فديتك عسى هالويع فيني ولا اشوفه فيك
راشد: آآه
امايه: سلامتك من الآآه يانظر عين امك
نشيت عنها اوني تعبان: انا بسير احط راسي يمكن يخف الويع
امايه: هيه فديتك ارقد بدل هالمساهر مب زييين لك والله

مشيت عنها وانا اطالع هالملاك اليالسه مطالعه اخيره...
وهـ وهـ وهـ عساني مانحرم من هالعيون الجحيله.....

.............................. ..

............................

آآآه انا وين؟؟!!!

فريت ويهي اطالع المكان الغريب .... اوووف انا بالمستشفى؟؟؟!!!!
والمغذي بأيدي... وريحه المعقمات حولي
حاولت ايلس بس ويع جسمي ردني مره ثانيه للشبريه ....
فريت ويهي الصوب الثاني وحصلت جاسم وهو ميود ايدي

جاسم: الحمدلله عسلامتج فديتج
روضه: جسوم شو مستوي؟
جاسم: مادري دخلت عليج المطبخ الصبح شفتج طايحه على الارض ... وهب دب عطووول المستشفى
روضه: شو خبرك الدكتور؟
ابتسم بويهي: انتي حامل
شهقت وانا مب مصدقه ... شقايل حامل وانا مانعته يقرب صوبي؟!!!!!!!!
طالعته بعين زايغه: شووووووو!!!!!!
جاسم: هيه حامل شو بلاج
روضه: في ذمتك؟؟؟؟؟
جاسم: ههههههههههههههه امزح وياج يالخبله
تنهدت براحه: روعتني
جاسم: اها
روضه: صدق جسوم شو بلاني؟
جاسم: عندج نقص تغذيه
روضه: اففف على الي اكله وعنديه نقص تغذيه؟!!!
جاسم : هيه وااااااااايد تاكلي

دخل هالوقت عمي سهيل وهو مستهم : ها هاها شو مستوي عليج ياروويض
عدلت يلستي وسحبت يدي من جاسم عسب اسلم على الغالي: ادلع عليكم بس
يلس حذالي وهو يحب راسي: ماتشوفي شر غناتي والله تروعت عليج يوم خبرني جاسم
روضه: هههه والله مافيني شي عسب تتروع جيه
فر ويهه على جاسم: شقال الدكتور ؟
جاسم: يقول نقص تقذيه
سهيل: شوووووو!!! انت ما تأكل البنت
جاسم: والله اييب لها كل شي بس تيلس تطبخ ووقت الاكل تتهرب
فر ويهه لي: ويعه شقايل ماتاكلي
روضه: ههههه والله اكل بس ماروم اكل وايد
سهيل: لالا من اليوم وساير تااااكلي وايد وغصب عنج بعد
روضه: ههههه ان شاء الله تآآآمر
سهيل: بترقد بالمشفى؟
جاسم: لا يقول الدكتور بس يخلص المغذي نطلعها
سهيل: زين عيل ..... ( ونش عسب يطلع) .. انتبه لها زين هاااا
جاسم: في عيوني والله
سهيل: تسلم لنا عيونك

طلع عنا الغالي سهيل ... وقرب جسوم من اذني وعضها على الخفيف
روضه: آآآآآي
جاسم: جيه؟؟؟ تخليه يهزبني؟
ضحكت وانا احك اذني: هههههههه
جاسم: وتضحك بعد
روضه: خلاص من اليوم وساير مابخلي لك اكل بالبيت
جاسم: هيه صدقتج

بهالوقت دخلت علينا الممرضه تشل المغذي من ايدي..... يودني جاسم ولبسني عباتي...







.............................. .........

 

أدوات الموضوع



الساعة الآن توقيت السعودية الرياض و الدمام و القصيم و جدة 01:41 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0