|
08-15-2011, 12:06 AM | #1 |
مشرفة فى فترة اجازة |
وش لون بشرتك ,
وش لون بشرتك , بعيداً عن الخيال مع المصداقيه , وهل تطمحين لتغيير لونك ؟
لون بشرتي كان قمحي يعني حلووو وعاجبني حييييل بس الحين بعد ما صرت استخدم زيت النارجين الطبيعي احس بشرتي صارت اغمق من جسمي والكل يقولي سمرتي بس برضو حلووو لوني وراضية فيه ======> الله يالثقة . السمار والبياض لونان متضادان .. بعيداً عن ماأنتِ عليه .. هل تفضلين السمار أو البياض .. ( أرجو الرد من منطلق قلبك وقناعتك..و ليس من منطلق الموضه ) ؟ الصراحة افضل البياض بس مو البياض اللي مرة يعني لا بيضاء مرة ولا بيضاء قليل هههههههههههه وسط بين الإثنين مع صفاء في البشرة , يا زيني وأنا اتشرط . لو أهلك أوكلوا لك المهمه بأختيار عروسه لأحد أقاربك هل تركزين على لون البشره ( طبعاً بغض النظر عن أهتماماتنا الأخرى من أخلاق وسناعه .... إلخ ) , وفارس أحلامك أو زوجك هل كان بمخيلتك أبيض أو أسمر ؟ أولا ابحث عن البياض وبشرط تكون حلوووة و إذا كانت سمورة وحلووووة بختارها اكيد زوجي الله يرحمه كان أسمر وحلوووو الكل يضرب المثل بجماله بدون مبالغة مالي في الطيب نصيب خخخخخخخخخ . فلانه جميله بس سمره ... كثيراً مانسمع كلمة بس , هل السمار ينقص من الجمال بنظرك ؟ رجاءً راعوا الوصف والألفاظ لأن هالموضوع يثير حساسية الكثير . لا بالعكس من قال إن السمار ينقص الجمال غلطان اللي يقول كذا عندي وحده من زميلاتي بالعمل ما شاء الله لا قوة إلا بالله عليها سمراء بس عليها بشرة صافية تاخذ العقل مثل الممثلات الهنديااات والكل يمدحها الله يحرسها يارب الجمال مع بشرة سمراء صافية يعتبر عندي الجمال كله ... فلانه كانت فحمه وصارت قشطه ( ياكثر مانسمعها ) , هل تؤمنين بالتحول الجذري ... وإذا كنتِ تؤمنين بذلك أثبتيها لنا بأقوال وظواهر واضحه ؟ لا أؤمن بالتحول الجذري لأني اعرف إنه تحول غير طبيعي وأخاف من هذا التحول المفاجيء لا يعود علي بسلبيات لا تحمد عقباها اعرف وحده من البنات معرفة زينة كانت سمراء والتحقت بالجامعة وعرفت بنات عطوها كريمات مفتحة ويوم شفتها بعد سنة ما صدقت عمري كانت بيضاء بياض مثل الشوام الله يزيدهم بس ما اقتنعت بهالشي اللي هي مسويته واستمرت عليه فترة والكل استغرب من بياضها وش هالمعجزة اللي حصلت لها ؟ وبعد ما خلصت الجامعة تركته لأنها ما قدرت تستمر عليه وياربي لو تدرون وش حصل لها رجعت سمراء واكثر من قبل وبشرتها اصبحت رقيقة مثل بشرة الحريم الكبار لأنها كانت تستخدمه في جميع مناطق جسمها لكن السلبيات كانت قوية بعد تركها لهذة المبيضات عفانا الله وحمانا .... في قلبي تسكن سوسه , هل في يوم من الأيام أحتفظتي لنفسك بوصفه سريه للبياض .. أو أعتقدتي إنه فيه أحد يخفي وصفة ما عنك ؟ وإذا كان جوابك بنعم , أطلعينا عالوصفه ... ولا لسه بقلبك هالسوسه ماتبين تشاركينا ؟؟ لا والله ولا اعرف هالسوسة أبد تراني حنينه وكل شي اعلم فيه ما اخبيه مرة سويت خلطة جليسوليد وليمون وماء ورد وكانت روووعة فتحت وجهي مع الاستمرار وما خليت أحد ما علمته عنها ههههههههههههههه من زين هالوصفة عاد عمري ما سألت اي وحده عن بياضها حتى لو حسيت إنها تغيرت ترا عندي عزة نفس اللي ما يعملني ما أسأله أبد .... هذا اللون يعجبني بس للأسف مايناسبني) هل يحدك لون بشرتك من أرتداء الألوان التي ترغبين ؟ وبأعتقادك ماهي الألوان المناسبه للون بشرتك ؟ الحمد لله كل الألوان احسها تقبلني بس لازززم اركز على درجة اللون يعني عندك درجة اللون الأصفر الغامق تفطس علي من الضحك بس الفاتح حلوووو علي الألوان المناسبة للون بشرتي الأحمر وفيه لون ماني عارفة اوصفه زين مثل لون الصفحة الي قاعدة اكتب عليها الآن لا وردي ولا ارونج فاتح اكيد عرفتوه وكمان البمبى والسكري والزيتي والأسود بس اللون الأرزق الفاتح احسه أحيانا ما يناسبني ... حصرياً لشمواه , أكشفي أسرارك و قدمي لنا منتجاتك الخاصه للحصول على لون بشره مثالي خالي من الشوائب؟ ( مع أرفاق صوره) هذي الصورة ... أولا سائل لترطيب العينين والقضاء على جفافها وحمايتها من التجاعيد من شركة افون كريم لتفتيح الهالات السوداء تحت العين من بودي شوب كريم مرطب برائحة الفل من بودي شوب سنفرة أو سكراب استخدمها مرتين في الأسبوع حبيبي كريم جليسوليد اللي ما استغنى عنه أبد وأخيراً صابون المر اعجز واقول روووعة يشد البشرة ويطهرها من الحبوب والالتهابات هل تسعين للون أغمق أم أفتح من لون بشرتك عند أختيارك لمكياجك ؟ وهل أنتِ من التي تختبئين وراء أقنعه من الماكياج ( التغطيه الكفر) .. ابي افتح شوي وارجع للوني الطبيعي لأن سماري زاد بعد زيت النارجين لأني مدمنة عليه ما يمر ليلة إلا واحطه على شعري أبد ما احب احط مكياج ثقيل ونادراً ما استخدم الأساس اكتفي بالبودرة فقط ومكياج ناعم وبس ... ماهو أسوأ أو أفضل تعليق تلقيته بخصوص بشرتك ؟ وماهو موقفك ؟ مرة شلت وجهي بفتلة وكان مرة صافي وحطيت أساس وبودرة من بودي شوب وقالت لي بنت خالتي مكياجك مررة رووعة وبشرتك مرررة صافية وراحت اشترت مثله وعلمت كل أخواتها وعليهم بالعافية وما درت إني كنت معتنية ببشرتي ..... دمتم بحب وثقة ....... دمتم بــــــــــ ود وجمال مواضيع ذات صلة |