 |
  |
|
|
|
08-30-2011, 11:57 PM
|
#1 |
|
:: كاتبة فضيّـة :: |
السلام عليكم
كيفكم ياجماعة،أنا اليوم إجا دوري أطرح مشكلة كتير مؤرقة الجميع ،المشكلة بإختصار زوجة أخي ياجماعة...مابترد بالمرة،مابترد على جوزها بالمرة،هو تزوج و مر يوم فقط و أخدها معه عل البلد يلي بيشتغل فيه وقضوا هناك 9 شهور،وإجو هون أول يوم رمضان ،وكنت أسمع انو كان يصير بينهم مشكلة او مشكلتين فقط ومشت الاوضاع بسلام، وكانت المشاكل تزيد بينهم لأنها كانت ترد الكلام بوجهه وحتى كانت تصرخ وترفع صوتها عليه،ولما يحكيلها اسكتي بتزود الصراخ ومابترد ابدا،يعني اذا حكالها ابيض بتحكيلو اسود،والمشكلة انها دلوعة زيادة لانها آخر فرد بعائلتها وبصراحة شكلو ماحدا علمها ابدا كيف تعامل زوجها او تطيعه،وهي بتعرف عن الزواج فقط غسيل و طبيخ فقط،المشكلة انو فكرها بنت بتفهم لانها دارسة هندسة بس للأسف طلعت الدراسة ماإلها علاقة بكبر العقل بالمرة، المشكلة لما إجو لعنا وطبعا أعدوا عنا بالبيت، صار قدامي موقف انو حكالها رح أوديكي عند أهلك قبل الفطور،لما مرت الساعات واقترب الفطور حكالها خلص رح اوديكي بعد الفطور مابعرف شو ظرفه، المهم مارضيت ابدا وصارت تجادل كتير وصارت تبكي طبعا هاد هو سلاحها الدائم ،والمفاجأة انها اتصلت على اهلها وكرتلهم كلشي وصارت تفتح الماضي كله لأهلها وخللت صدورهم تنقبض تجاه زوجها، وكأنها بايعة زوجها وشارية أهلها كلهم حتى بنات عمها وكانت كل شوي تعيطله بنات خالي ولا عمي عند اهلي بدي اروح اشوفهم،والله العليم انو ماقصر معها ابدا وكان يوديها عند اهلها كل يومان لانو حزن عليها انها ماشافت اهلها من 9شهور ،هاد هو سبب المشاكل انها مابترد (للأسف يعني اسمها ناااااااااشز)المفاجأة انه بكرة موعد سفرهم وحجز تذاكر لإلهم، فوداها عند اهلها من الصبح ،وبدو يروحها علمغرب بدري لانو عندهم سفرة بكرة بدري،اتصل عليها وحكالها اجهزي علساعة8 حكتله خليني ل9 فوافق ،وع9 رجع اتصل عليها فحكتله لسة بدي اشوف اخوي ومابعرف شو،فهو عصب منها لأنها مستمرة بالعناد والنشوز،وراحت تعيط لأهلها بحجة انو عصب عليها،وكل هاد عملته لأنها بدها تضل عند اهلها ومش مهتمة بجوزها،ومابدها تسافر معه، حتى انو راح عندهم وحكالها يامرتي ياحبيبتي جهزي نفسك عشان مانتأخر حكتلو بالحرف الواحد: مابدي....وخلص حمل حالو وروح علبيت، وكل اهلها صاروا يحكو نفس حكيها، وابوها للاسف ماهو حكيم بالمرة،صار يحكيلو خليها هون ،ياجماعة شو الحل بليز،اذا انا حاسة حالي زهقت منها فأخي الله يعينو شو يعمل؟؟لانو كتير مل من عنادها وعدم الطاعة،واهلها مش فهمانين ابدا،هو في حكي كتير بالموضوع بس انا حكيت الاهم لانو الموضوع عاجل.مساعدة اذا سمحتوا!!! مواضيع ذات صلة |
|
09-01-2011, 02:27 PM
|
#2 |
|
|
رد: مشكلة عاجلة ... بليز
طيب مافي أي واحدة عندها إجابة ولو معلومة بسيطة؟؟؟؟
|
|
09-03-2011, 05:33 PM
|
#3 |
|
|
رد: مشكلة عاجلة ... بليز
شو ياجماعة،مابدكم تساعدوني بالمشكلة؟؟البنت هاي مابتآمن بطاعة الزوج ابدا ودايما حاطة راسها براسه!!! انصحوني يامتزوجات !
239 مشاهدة و ولا رد؟؟ إذا مابتعرفوا إحكولي مابنعرف على الأقل !!!!!!!!!!!!!!!!!!!!! |
|
09-04-2011, 07:54 AM
|
#4 |
|
|
رد: مشكلة عاجلة ... بليز
الله يهديهم ويصلح ما بينهم
|
|
09-05-2011, 12:07 AM
|
#5 |
|
|
رد: مشكلة عاجلة ... بليز
حبيبتي اهم شيء لا تتدخلو مابينهم وخلوهم يحلو مشاكلهم بانفسهم بعدين انت ماتشوفي الا الظاهر امامك يمكن البنت ماحبتة او ماارتاحت معاه على العموم اللة يهدي الجميع
|
مشكلة عاجلة ... بليز