 |
  |
|
|
|
12-19-2011, 08:54 AM
|
#1 |
|
مشرفة فى فترة اجازة |
لو نفسك في التورته..........اتفضلي
السلام عليكم ورحمة الله وبركاته
النهارده هقولكم على اسهل كيكه اسفنجيه فى الدنيا علشان تعملى بيها تورته ومن غير خمسين الف طلب و150طبق للعجين وتشيلى وتحطى انسى كل الكلام ده الكيكه دى من الاخر شغلى الفرن قبل ماتعملى اى حاجه جهزى الصينيه مدهونه بالزبده ومرشوشه دقيق وتنزلى الدقيق الزياده قبل ما نبدا المقادير الكوب الى هتعايرى بيه السكر او اى شىء هو ده الى هتكملى بيه الوصفه ومتغيريش حجم الكوب ابدا المقادير 1 كوب سكر بوره وده مش هيغلبك اوى لانه مش هياخد وقت فى الذوبان 1كوب بيض يعنى نفس الكوب الى عايرتى بيه لسكر حطى فيه بيض لحد مايتملى وزى مايطلعو بقى كام بيضه على حسب حجمه 1كوب دقيق 1 معلقه اكل بيكنج بودر رشه فانيلا ايوه الكيك من غير زبده او اى ماده دهنيه الطريقه فى طبق العجين حطى السكر مع بيضه وضربى لحد ماتختفى نزلى البيض واحده واحده مع الضرب المستمر ماتنسيش رشه الفانيلا افضلى اضربى لحد مالون الخليط يفتح خالص ويكون هش وشكله كريمى انخلى الدقيق مع البيكنج بودر انزلى بيهم على البيض والسكر المضروبين واوقفى المضرب وقلبى الدقيق بمعلقه من تحت لفوق من غير ماتطلعى الهوا وعلشان يبقى سهل ضيفى كميه الدقيق واحدة واحده قلبى بهدوء لحد مايختفى حبيبات الدقيق لو حسيتى انك محتاسه اعمليه بالمضرب بس مش كتير يدوب لفتين صبى الكيكه فى الصينيه ودخليها الفرن واوعى تفتحى عليها قبل 20دقيقه تهبط بسرعه الصاروخ بعد مايمر20او 25 دقيقه افتحى الفرن بالراحه وشوفيها حطى خلة اسنان خشب فى قلبها لو نظيفه يبقى استوت خرجيها من الفرن واقلبيها على شبكه علشان تتهوى هاتى فرشه واسقيها شربات او حتى محلول السكر الى فى علب الكمبوت وبعد ماتبرد وتهدى درجه حرارتها ابدعى فى تزيين التورته على مزاجك ممكن تزينيها بالكريمه او الشيكولاته او الفاكهة وممكن تفتحيها وتحشيها كريمه وفاكهه زى ما تحبى وسيبها فى التلاجه تبرد وترتاح و طلعى وشوفى عمايل ايديكى الف هنا وشفا اتمنى بجد تجربوها وتقولولى النتائج اخبارها ايه :icon_arrow: مواضيع ذات صلة |
|
12-19-2011, 11:26 AM
|
#2 |
|
|
رد: لو نفسك في التورته..........اتفضلي
يعطيكي الف عافيه يارب
|
|
12-20-2011, 04:09 PM
|
#3 |
|
|
رد: لو نفسك في التورته..........اتفضلي
ابدعتي يالغلا شكرا لك سلمت اناملك مودتي لكي |
|
12-21-2011, 08:54 AM
|
#4 |
|
|
رد: لو نفسك في التورته..........اتفضلي
 |
|
01-14-2012, 03:41 PM
|
#5 |
|
|
رد: لو نفسك في التورته..........اتفضلي
يسلمووووووووووووووو عالموضوع الاكثر من رااائع دمتي؟؟؟ لكيـ كلـ شكرررري وتقديريـــ
|
