 |
  |
|
|
|
|
|||||||
| قصص و روايات يوميات عجاوز دوعن يوجد هنا يوميات عجاوز دوعن روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة ألماسيّـة :: |
يوميات عجاوز دوعن
يوميات عجاوز دوعن
سلام عليكم كيفك وااااااااه حوالكم ياجماعة الخير ان قلنا مغاريم ياحافظ ون قلنا مطافيف يبي يباة سوقات يلقونها مندري من هيين يطقون عليها كل وحدة تخظف للخري عبيده/الووووووو الوووووو سلومه/حيابش ياختي عبيده/كيفكم وكيف الصغيرين سلومه /بخير في سبعتعشر نعمة كيفكم نتم عبيده/حمدلله شوفينا ضبحانين بنا الزود سلومه/كنش يابتي ماهو سواء بلبصر عبيده /اصه كه اصه سلومه /اقلش ضبحانة قومي بن بت لصفية بنفيج عليها وينكم ولنا ماقد بتينا عندها عبيده /ياخير به بتعبرين علي ولا اعبر عليش عبيده /لش عبرة تعبر علي جوفش تفلي من ثمش اتطوري كما الخلق وقولي بتمرين علي وي سلومه/كه اصه كه خليش التحكوي ونتي ماتحزرين سلتومش يوم تهرفين عبيده /انا يلخامة ولانتي تقول حبابتي اتهرف سلومه/بتصكين جخرش ولا بادغسش السماعة تعنشطين عبيده/متزهدين نتي وشعنونش تقول سليموت الصغيرين كل ابوة شخشخة سلومه /وااااااااه منش شوفية ايزيد عليش سكتلش جم عبيده/ولابسكت باضلي اهتف عليش لين ماتتعلمين تهرفين كما الخلق سلومه /بتصكين جخرش ولا باجي بلقيلش تدحيجة عبيده/هههههههه كنش يابتي اللي امزح معش هيا شوفي غدوة عند صفية والنبء السكتة سلومه /ياخير بة معروفة عبيدة صاحبت مشاكل ولسانها يبي يباة منة الساااااعة اااااااااربعة عصر وهم قدهم عند باب السدة وبقعة حرمان طالعه ماشي مطرح لهم طلعو لما الفاضلة وهي ملانة سلومه حويسة تو جفشت عند الفقر وعبيده متحكوية بغت بتصدر داخل الفاضلة عشان الكل يحزرها ويحزر البناجر والحنة دوب الدنيا وهي متحكوية شوفها قدمت واتقول لمريم ميلي بعمد شقش جاوبت مريم يابتي شوفي ركبي اتصنج وبغيت بامدد بتي عند الفقر لاااااااااه تقولها بتي عند الفقر دفرتها دفرة مابغت اللي هي وجفشت مسكينة مريم ختشت ابوها وماقالت شي ذنوب ذية مريموعبيده وحدة يبي يباة منها ياحافظ الحاصل كل ساع وهي اتمحش بناجرها بلكرتة واتنوف بكرانيفها ياخاه شوفو ياحرمان ذي معي ماحد شط قداها وسلومه اتكركر عليها وعبيده اتفور طرحو القهوة والتباسي ولاطرحو شي سدها بغوها تحتجل بشق مريم وصفية وخديجة مابغت عمدت في ضبرة حنقانة وكلن يوكل ويتقهوى وهي حنقانة بغتهم هم يجون شقها وسلومه تو من طرحو اول تبسي جفشت واتلقم لقيم (صلاة ع النبي ماشي يفوتها اتخمخم بقعة مفجوعة تقول ماتضحت بلدار) الحاصل عبيده يوم تخارج ذي في التباسي هتفت علي صفية نتي ونتي يامجاويع يافعلكم ياترككم وصفية اتقولها ماهو سواء ذي اتقولينة قعي جويدة بقعة حرمان لاتخزيبنا وكلن يشط قداهم هرفة خلف هرفة تلاشعو سد الخلق وتخمع كور صفية بلدلة فجمت كورها ضبحت صفية وترمح شواها رمحة تصلها لماعند الفقر حيث سلومه جافشة كركرت سلومه يوم كركرت وتصمخها بمخمس خلت سلتومها يرشخ حنقت الزقرة وتمسك عبيده من كرتتها وتسحبلها لما الصالة ابااااااااااااي كلن يهتف وكلن يضبح الحاصل كلن شالت عباتها وخرجو من عند صفية وفي السيارة عادهم يهرفون علي الحرمان ماخلو حد في حالة سلومه /كنش بطيتى وينكمولي وانا مركوحة عبيده/اصة عبايتي مندري هين انزقفت قويع رجولي حفيت انا ادور عبيده/شفتي كيف عويلتهم لعويين مايخلون شي سابر الجاحن يجحن في المركب من لعوتهم سلومه /ابااااااااي منش تقول ماعندش كماهم ذنوب عيالش وهم سكن ياحافظ عبيده /هه ههههه ماعيالي الصلاة ع النبي جويدين سلومه /باين الجوادة بتندر من عيونهم عبيده/تفلي من ثمش لعاد تعينينهم لش الحرق سلومه/اصه كنش اصه شوفي المخمس مبعد برد لي مسمعي اتصنج منه عبيده /ابااااى مصخابش نتي ذي حرثتي لنفسش منتي جويدة سلومه/ويومة منش بنتقبلة انتي المتحكوية عبيده/حزرتي مريم يوم كبعت القهوة ومحشتة تو مابغت حد يحزرهاااا لو هو عندي باجفشها علية سلومه/وااااااااااااه منش متسيبين حد في حالة سلومه/شفتي الكرتة حق خديجة كيف حياة الدنيا فرجة عبيده /لش الحرق عجبتش كرتت خديجة يالمبلهه متحزرينة مهدله عليها ووفيها شعق من ركبها ماحزرتية سلومه/واااااااااه منش نتي ماتفرحين حد عبيده/ماحولش سلومه/ياقلبي قلباه بغرم علي مكياج بتهم العروس شي شي فرجة اتقول ابوها غداه لها من دبي عبيده /هع هع هع من هين من دبي يلمخبلة انا حزرت كماة في سوق الندرة ولا خذتة غرمتي علية لش الغرام شوفي عيونش عيون في كزابة قيموووووووووووووووووووووووووني مواضيع ذات صلة |
|
|
#2 |
|
|
رد: يوميات عجاوز دوعن
مشكوره ياعسل
|
|
|
#3 |
|
|
رد: يوميات عجاوز دوعن
يابوي عليش حضرميه خالصه عافيش ماقصرتي نسمتي علينا الله ينسم عليش
|
