 |
  |
|
|
|
03-19-2012, 05:54 PM
|
#1 |
|
:: كاتبة جديدة :: |
3 خلطات هيخلوكي ملكة جمال بيتك
بصو يا فتوكات يا عرايس يا حلوين انا جيبلكم 3 وصفات
1 لتوحيد لون الجسم 2لتفتيح الركبه والكوع 3 لتفتيح الجسم كله ودى انا جربتها ومفعولهم فعلا اكيد ان شاء الله بس اهم حاجه تواظبى مش تعملى يوم وخلاص يعنى اللى قربو يتجوزو فاضلهم شهر ولا حاجه يبداو اللى فاضلهم اكتر يستنو ويعملوها لما الدنيا تدفى شويه عشان انتى حتقلعى وتقعدى فتره لغايه ما تخلصى دعك وكده وياريت يا بنات تقيمو عشان فى ناس وعرايس نفسيتها مش كويسه من موضع البقع وكده عشان يشوفو الموضوع ويبقو بيلمعو كده ويبقو فرحانين الوصفات 1 لتوحيد لون الجسم ده حتعمليه لمده عشر ايام متصله بعدها حتعرفى ان كلامى صح اهم حاجه فى الماسك ده انه ينشف على الجسم يعنى لو لقتيه منشفش اعرفى يمكن تكون زودتى الخلطه قللى الكميه شويه ربع كيلو حنه مخلوطه بتمن كيلو ترمس مطحون تخلطيهم حلو وتاخدى نص كوب من الخليط فى علبه بلاستيك وتقلبى لغايه ما تعملى خليط تخين بس مش مكلكع اوعى تخففيه عشان مش حتعرف تدعكى بيه هو وهو تخين بيبقى احسن المهم تدهنى جسمك كله وتيجى عندى الحتت الداكنه وتفركى شويه وتسيبى الخليط لغايه ما ينشف وبعدين تفركيه و بعدين تشطفيه حلو بس كده بس للعلم اللهم بلغت اللهم فأشهد انتم عارفين الحنه بتعمل لون جامد اول حاجه ايدك حتاخد لون العشر ايام دول بس مش مهم حتروح بسرعه بعد كده تانى حاجه يعنى تشطفى جسمك حلو اوى وكمان تخصصى فوطه عشان حتلاقى لون حاجه بسيطه برضو مهما شطفتى 2 لتفتيح الركبه والكوع دفى حبه زيت زيتون فى حمام مائى معلقه ونصف وبعدين ادهنى ركبك وكوعك بيها وبعدين هاتى نص لمونه وادعكى فوق زيت الزيتون 10 دقايق كده ممكن يتعمل مره او مرتين فى اليوم زى ما انتى عايزه لغايه ما تلاقى اللون راح وبجد الموضوع حيبهرك لو استمريتى عليه 3 لتفتيح لون الجسم دى صنفره بتتعمل مره فى الاسبوع ولو البشره حساسه ممكن كل اسبوعين بس والله والله والله حتلاقى جسمك تحفه نعومه وبياض وايه مقلكيش والله حتدعولى من اول مره حتحسى انه سحر ايه هو بقى ربع كوب سكر ليمونه او نص لمونه للبشره الحساسه وزيت زيتون 3 ملاعق كبار (ياريت نستنضف ونجيب زيت زيتون بكر اى نوع الازازه ربع كيلو ب15 جنيه بس هناك فرق بينها وبين زيت العطار المعفن ههههههههههه البكر عمره ما يدهنن وبيفتح وتحفه لكن بتاع العطار بيدهنن كأنه زيت تموين ) وحتمسكى حبه حبه وتدهنى جسمك لغايه ما تدهنى جسمك كله خلاص كده دهنتى ادعكى بقى كل جسمك وخصوصا المناطق السمره لغايه ما تزهقى ههههههههههه يعنى ربع ساعه كده واشطفى بقى و اتليفى وادعولى ملوحظه مهم متعمليش الصنفره مع ماسك الحنه فى نفس الوقت لو حتعملى الحنه اعمليها وخلصيها وبعدين اعملى الصنفره بعد كورس الحنه ما يخلص خالص ولو مش حتعملى الحنه اعملى الصنفره على طول يصو بقى اول حاجه ياريت التقييم التقييم التقييم التقييمالتقييمعشان الناس تستفاد لانى متأكده من مفعولهم تانى حاجه اللى تجرب بقى وتشوف النتيجه تفتكرنى وتدعيلى ان ربنا يهدى ابنى عشان مدوخنى خالص مواضيع ذات صلة |
|
08-09-2012, 04:12 AM
|
#2 |
|
|
رد: 3 خلطات هيخلوكي ملكة جمال بيتك
يعطيكي الف عافية يا عمري
|
|
08-10-2012, 09:33 PM
|
#3 |
|
|
رد: 3 خلطات هيخلوكي ملكة جمال بيتك
Tislamiiiiiiii :)
|
|
08-15-2012, 02:30 AM
|
#4 |
|
|
رد: 3 خلطات هيخلوكي ملكة جمال بيتك
يعطيك العافية
|
|
09-26-2012, 03:46 AM
|
#5 |
|
|
رد: 3 خلطات هيخلوكي ملكة جمال بيتك
جزاك الله خير
|
