ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر كــفـــايـــهـ صـــار لــك شـــهـــرين غـــايـــب عــنــي يـالــغــالـي يوجد هنا كــفـــايـــهـ صـــار لــك شـــهـــرين غـــايـــب عــنــي يـالــغــالـي القصص , الخواطر , الشعر قصائد حب و خواطر عشق و ما يبوح به قلمك

فساتين العيد


 
قديم   #1

مجنونهـ بس رآيقهـ

عضوة

الملف الشخصي
رقم العضوية: 179092
تاريخ التسجيـل: Dec 2011
مجموع المشاركات: 3,508 
رصيد النقاط : 2

صورة قلبين كــفـــايـــهـ صـــار لــك شـــهـــرين غـــايـــب عــنــي يـالــغــالـي


كــفـــايـــهـ صـــار لــك شـــهـــرين غـــايـــب عــنــي يـالــغــالـي

حبيت انقلكم قصيدة كفايه للشاعر الاماراتي المبدع طارق المحياس

كفاية صار لك شهرين غايب عني يا لـ ـغـ ـا لـ ـي
كفايه يا اعز الناس ترا والله ما اقدر
دخيلك لا اتخيب فيك هقواتي وآمالي
واذا عنها ع الصبر والله وغلاتك عندي راح اصبر
ابتحمل عنا فراقاك وحالي يرثي لحالي
مع اني والله لين اليوم مادري ليش بس تهجر
ابعرف شو السبب ارجووووك وش اللي بس يجرالي
انا ايش سويت يا ربي عشان اتثور وتتفجر
انا والله ماستاهل ابد كل اللي يجرالي
اقل ما فيها بس قلي سبب خلاك تتغير
ابعرف بس شو الموضوع علامك صرت ماتبالي
بذمت كل اهلك في يوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لا قبله ولا بعده انعشق تالي
هويتك مووووووووت واتخيل الين الموت واتصور
واذا جاني مسج منك مخزن رقمك ا لـ ـغـ ـا لـ ـي
ولا امسح رسالاتك واتم اقراها وافكر
واحلل كل كلمة بالمسج الله يا غربالي
واقول بخاطري معقوله حاسس فيني ويشعر
وارد اقول لا يمكن تذكرني وهو سالي
لاني توني مطرش مسج طرش مسج يشكر
وارد اقول لا ادري يبيني وحاسس بحالي
وارد اقول لا ماظن على باله انا اخطر
الين اني انا اتاكدت قلبه بالفعل خالي
ولا غيري انا بقلبه يحبني موت ويقدر
لاني مره من المرات طرت فكره على بالي
نويت ازعل بدون اسباب واشوفه لو بيتأثر
ابعرف قدري بقلبه بيهمه وضعي الحالي
او انه راح يطنشني ولا يسأل ويستفسر
وفعلا دق ما جاوبت حرقلي والله جوالي
ثلتالاف مره دق وانا مطنش ولا معبر
كتب لي بالمسج اطلع انا عند بابك الحالي
قسم بالله ما تطلع لخرباها انا واحقر
ومشكلتي اعرفه زين يسويها ولا يبالي
نزلت وخاطره مكسور يقول اشفيك متغير
وقلت له بس ابتأكد اذا قدري معك عالي
ضحك لي وقال لي اتأكدت ودمعه بلل المحجر
وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر
بعدها عشت احلى ايام في قربه هنيالي
وصلنا لمرحله ما نفترق عن بعضنا واكثر
بعدها فجأة خلاني ولا يسأل عن احوالي
وانا في خاطري ادري محال في يوم يتغير
ادقله ما يجاوبني بديت اشك في حالي
اخاف انه حصل له شي اخافه بس متكدر
لعب في قلبي الوسواس خياله ما تهيالي
حوالي الف مسج طرشت حبيبي يا عسى ماشر
ولا جاوب وانا قاعد على اعصابي وغربالي
حبيبي صار له اسبوع فيني حتى مافكر
الين اني عرفت شلون اخلي خلي ا لـ ـغـ ـا لـ ـي
يكلمني وجت فكره بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيره علي ا لـ ـغـ ـا لـ ـي اتكدر
وكانت صدمتي كبيره علي ا لـ ـغـ ـا لـ ـي اتغير
سألته وقلت له وش فيك مامن شر يا لـ ـغـ ـا لـ ـي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق اي انسان كثر مافيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لا تسأل وانا برجع عقب اشهر
وقلت له مو علي تكذب اعرفك تضعف قبالي
تكلم قول شو الموضوع بدا قلبي يدق اكثر
سكت لحظه وقال ارجوك ابعد عني يا لـ ـغـ ـا لـ ـي
وخلني اذكرك بالخير وانته مثلي اتذكر
ولا اطرش مسج واحد ولا ادق لي ابد تالي
واذا لي خاطرن عندك لا تتكلم ابد سكر
وقلت له والله ماسكر لين اتقول وتصفالي
وقال لي والله ماتكلم ولو تبكي دمع احمر
ولكن شوف ربعك وانت تعرف بس وش جالي
خلاص افهمها ع الطاير ولا تحرجني بعد اكثر
وسكر والدمع فيني على الخدين همالي
قسم بالله مادري علامه قلبه اتحجر
فؤادي انهار وانا حملي يهد جبال وجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صار لي ما صار وربي يعلم بحالي
فوادي باقي بس شوي واحسه مالجسم يظهر
بديت اعرق مادري ليش وخابت كل امالي
انا اتوقعت كل الناس ولا اتوقعت هو ينكر
وقلت بخاطري خله مصيره يرجع ا لـ ـغـ ـا لـ ـي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرش له مسج واشكيله احوالي
وطرشت المسج وشوي دقلي ودون مافكر
هلا والله يا اغلى الناس هلا والله با لـ ـغـ ـا لـ ـي
الوووو طارق ما قلتلك لا تذكرني او اذكر
ابي بس اذكرك بالخير ياخي خلني فحالي
وقلت وخاطري مكسور انا آسف وماكرر
قسم بالله لين اليوم وحالي يرثي لحالي
قسم بالله لين اليوم ولا ادري ليش هو اتغير
وقسم بالله ما غضت عيوني ولا هدا بالي
قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ماارقد كثر مافيه انا افكر
ابعرف شو السبب ارجوك وش اللي بس يجرالي
انا اش سويت يا ربي عشان اتثور وتتفجر
انا والله ماستاهل ابد كل اللي يجرالي
اقل ما فيها بس قل لي سبب خلاك تتغير
ابعرف بس شو الموضوع علامك صرت ما تبالي
ابذمة كل اهلك في يوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين الي هن اشوفك ثاني اقبالي
ثلاث سنين او اربع ابصبر يعني راح اصبر
ولكن حكم احساسك وجاوب ياغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني انا اسهر
كفايه صار لك شهرين غايب عني يا لـ ـغـ ـا لـ ـي
كفايه يا اعز الناس ترا والله ما اقدر
دخيلك لا اتخيب فيك هقواتي وآمالي
واذا عنها ع الصبر والله وغلاتك عندي راح اصبر :0154:

مواضيع ذات صلة
فتاوى النساء فى رمضان (الجزء الاول)
نصائح هامة لحماية طفلك من مخاطر الإنترنت
كل ماتحتاجه العروس .
العشر الأوائل من ذي الحجة موسم عظيم من مواسم الخيرات ..... احذر أن يفوتك
انا لله وانا اليه راجعون
تحميل برنامج المصحف الالكتروني الميسر مجانا
حصري بالسعودية كبسولات ليشو السحرية للتنحيف (الاصلية)ب200 ريال فقط
وزير الصحة: يعلن حركة نقل استثنائية لموظفي الوزارة
كبسولات خسارة الوزن من متجر رفراف
هكر يخترق حساب "العدل" في "تويتر" متسائلاً أين هيئة الفساد عن تخصيص 160 مليون ريال لموقع الوزارة
افضل استشاري النساء والولادة وجراحة المناظير في عيد كلينك
والله اني تعبت ولا اقدر اقول اش الي فيني



 
قديم   #2

ضحكه


رد: كــفـــايـــهـ صـــار لــك شـــهـــرين غـــايـــب عــنــي يـالــغــالـي


كــفـــايـــهـ صـــار لــك شـــهـــرين غـــايـــب عــنــي يـالــغــالـي

ربي لايحرمنا من هذا القلم الذهبي
دمت ودام قلمك

 
قديم   #3

مجنونهـ بس رآيقهـ


رد: كــفـــايـــهـ صـــار لــك شـــهـــرين غـــايـــب عــنــي يـالــغــالـي


كــفـــايـــهـ صـــار لــك شـــهـــرين غـــايـــب عــنــي يـالــغــالـي


 
قديم   #4

مزاجي توب


رد كفايه صار لك شهرين غايب عني يالغالي


كــفـــايـــهـ صـــار لــك شـــهـــرين غـــايـــب عــنــي يـالــغــالـي

روووووووووووووووووووووعة كلمآت في قمة الذوق والروعة وكلمآتها معبرة وحزينة


يعطيك الف عافية ع الخاطرة

 
قديم   #5

دعدع


رد: كــفـــايـــهـ صـــار لــك شـــهـــرين غـــايـــب عــنــي يـالــغــالـي


كــفـــايـــهـ صـــار لــك شـــهـــرين غـــايـــب عــنــي يـالــغــالـي

روعة مشكورة

 




الساعة الآن توقيت السعودية الرياض و الدمام و القصيم و جدة 04:08 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0