 |
  |
|
|
|
03-29-2012, 10:23 PM
|
#1 |
|
:: كاتبة فضيّـة :: |
ازاى تتعاملى مع زوجك
اتعلمى ازاى تتقلى على جوزك وهو اللى يجرى وراكى
تجربة لاحدى السيدات تحكى فيه عن تجربتها الشخصيه مع زوجها وازاى كانت مدلوقه عليه جدا من غير حساب وده جاب نتيجه عكسيه ساعات بنحتار ازاى نتعامل مع ازواجنا هل ارمى نفسى عليه بمناسبة وبدون ولا اتقل عله انا متاكده ان دى اساله بتدور فى دماغ كتير مننا لاننا بنخاف نشد زياده عن اللزوم الراجل يطفش ولما بنرخى بناخد على دماغنا وبيتقلوا علينا طب نعمل ايه ؟ انا هقلكوا ازاى تتقلوا خطوه خطوه الخطوه الاولى واهم خطوه الاستعانه بالله والتوكل عليه ويقين بالله كبير: سبحانه وتعالى(ان الله لا يغير ما بقوم حتى يغيروا ما بانفسهم وقال رسول الله صلى الله عليه وسلم(لو انكم تتوكلون على الله حق توكله لرزقكم كما يرزق الطير تغدوا خماصا وتعود بطانا) الخطوه الثانيه:الرسيااااانطبعا بتقولوا رسيان ايه يعنى ايه يعنى الرسيان هقولك يا ستى الرسيان يعنى رسيان فى مشيتك فى ضحكتك فى غيرتك عليه فى سؤالك عن احواله فى كل حاجه وكل حاجه هنمسكها بالتفصيل الرسيان اول خططططوه تمكن الست من عقل وقلب الراجل وهى اول سلمه من سلالم الطلوع لفوق اول حاجه الرسيان فى المشاعر:يعنى متدلقيش كل مشاعرك وكل اللى جواكى اتبعى نظام الرى بالتنقيط وقت اللزوم والرى بالغمر فى وقت تانى بمعنى اللهفه والشوق ليها وقتها والمنع له وقته وتدى مشاعرك بحساب يعنى ممكن تغرقيه فى يوم او فى وقت محتجالك فيه عنده ازمه مثلا او حاجه مضايقاه تانى يوم امنعى كانك بالظبط اول يوم غرقتيه ميه تانى يوم بقى تفتكرى لو حطيتى اوصاده الميه هيبصلها طبعا لا ما هو غرقان انما لو تانى يوم نشفتى العمليه ووقفتيه فى الشمس لحد ما ينشف خالص ويعطش كمااااااان يوم ما تديله نقطة ميه هيبقى مستنيها بفارغ الصبر ودرجة تقبله ليها هتكون ممتازه وهتسعدك جدا انتى نفسك هتحسى بالفرق بين كلمةبحبك اللى بتتقال:بحبك بحبك بحبك بحبك كل يوم وكل ساعه وبين كلمة بحبك اللى بتتقال كل فتره الاولانيه:هيبص بثقه واحتمال يدير وشه ويرد بتقل وانتى كمان التانيه بقى:بجد يا حبيبتى (ما صدق) تانى حاجه الرسيان فى حركاتك:بمعنى تمشى كده بثقه وتقعدى بثقه وانوثه ودلال وتضحكى بثقه ومره تضحكى ومره تبتسمى بسسسس ثالث حاجه الرسيان فى الغيره:بمعنى ملاحتقك المستمره ليه وغيرتك الزايده عن الحد هتخليه يزهق مره تغيرى بضحك وزغزغه ونظام ايووه ياعم ماشى خليك فاكرها ومره تغيرى بمجرد بصه كده كانها قال يعنى بصة حزن من غير ولا كلمه ومره متغيريييش خااااالص(او بمعنى تانى حاولى تمسكى نفسك لدرجة انه يبان انك مش غيرانه اصلا) خليه يحتار يا ترى هى ايه؟ ثالث حاجه الرسيان فى الشوق:مره تحسيسيه انك مشتاقه وهتموتى ومره ولا كانك هنا بمعنى مثلا يوم يرجع من الشغل تبقى واقفه وره الباب وتفتحيله الباب وتبوسى وتحضنى وبعدها بيومين تعمدى مثلا تمسكى المصحف قبل ما ييجى او تصلى بحيث يدخل يلاقيكى مشغوله فى حاجه ميلومش عليكى انك انشغلتى بيها فهيبقى مغلووووول بس مش هيقدر يتكلم رابع حاجه الرسيان فى معرفة اخباره:بمعنى حاولى تعرفى اخباره من بعيد لبعيد عشان انا عارفه طبعنا احنا الستات الفضول بيبقى هياكولنا حاولى تساليه من باب الاهتمام:اخبار الشغل ايه؟او اى حاجه مثلا عنده مشكله اى حاجه لو رد مثلا وقالك:الحمد لله وسكت ماتقوليش هو انا مش بسالك انا غلطانه انى بسال يعنى برده مش هتقول طب خليك فاكرها لا اوعى تعملى كده سكت ومقالكيش اسكتى شويه كده وردى عليه بتقل وروحى قايله:طب ياروحى ربنا يوفقك انا حبيت اطمن عليك صدقينى هتلاقييييه من نفسه بعد فتره هييجى يحكيلك المهم قبل ما نكمل يا حلوين فيه معلومه مهمه هى: الراجل بيشم الست مراته من على بعد ميت مترمتعرفيش ازاى يعنى اوعك تبينى انك بتمثلى الفكره ان الراجل ذكى وبيفهم الست لو مجرد بصلها بطرف عينه انها بتمثل انا عايزه الموضوع ما يبقاش تمثيل لا يبقى نظام من جواكى تقعدى تقولى (انا مش عايزاه هو اللى المفروض يعوزنى......انا مش عايزاه هو اللى المفروض يعوزنى) وتكرريها كتييييير جواكى لحد ما تبقى حقيقه ده حاجه فى علم النفس تعنى اقناع الذات لحد ما فعلا تصدق هووووو ده المقصود يعنى الموضوع فعلا يبقى من جواكى بحيث لو بص على وشك هيحتار هيقول لنفسه ده بجد بقى انا عارفه ان الموضوع فى اوله صعب كل حاجه بتيجى بالتدريب والاستعانه بالله زى ما قلنا نفسك على فكره غاليه قوى ولازم قبل ما تبقى عايزه ان جوزك يدلعك دلعيها انتى الاول اذا كان انتى نفسك هانت عليكى مش عايزاها تهون عليه هو شويه شويه وهتلاقى جوزك بقى بتحبيه بس مش وهو فى قلبك وهو فى ايدك وهى ده الكلمه اللى انا قلتها فى خطوة الاستعانه بالله وتذكرى ان اللى بيحط الدنيا فى دماغه ربنا بيبتليه بيها واللى بيشيلها من دماغه اتته وهى راغمه لو تلاحظوا اكيد شفتوا حالات كتير فى المجتمع الست دالقه جوزها وهو بيبقى هيموت عليها وانا شفت الحالات ده الراجل فى الحاله ده بيحس فعلا ان الست دالقاه بس فى نفس الوقت شاغلاه ومسوياه على الجنبين النوع ده من الستات بتبقى نجحت فى حل المعادله الصعبه او اللى احنا شايفينها صعبه بس ان شاء الله انا وانتو هنحلها مع بعض الخطوه الثالثه:الغمووووض اولا هشرحلكوا موضوع الغموض وبعدين هقولك الغرض منه وبعدين هقولك ازاى تطبقيه اولا الشرح: طبعا كلنا عارفين ان النفس البشريه جبلت على معرفة الحاجه المجهوله والسعى وراها وده اللى بيخلى الناس الجهله والعياذ بالله يروحوا للدجالين والمشعوذين طب ايه بقى الغرض من الغموووض اول هاااام:انك تحيرى جوزك وتبقى غير متوقعه وتخليه يشغل دماغه زى ما قلنا وكده تبقى انتى حطيتى رجلك على اول خطوه من خطوات تبادل الادوار وهو اللى يبتدى يجرى وراكى وينشغل بيكى لانه هيبقى عايز يعرف اللى وراكى ومخبيه ايه فهمتى؟ ثانى هام:هيخلى الحياه ممتعه وفيها شوية سبايسى ازااااااى ابقى غامضه لوقتى بقى يا جماعه احنا عرفنا شرح الغموض والغرض منه دلوقتى هنتعلم ازاااى نطبقه وده هيكون شرح عملى يعنى عن طريق الامثله: اول مثال:جوزك عامل مصيبه كبيره من وراكى ومخبيها عليكى وانتى متاكده ميه فى الميه من انه عمل التصرف الخطأ انك تقوليله):اااااه انا عارفه كل حااااااااااجه وفاهماك كويس انت مفكرنى نايمه على ودانى فى الحاله ده جوزك هيعمل حاجه من اتنين الاولى:هينكر وده لانه مضطر فى الحاله ده انتى هتحسى انه كداب وهتتالمى جدا وهتفقدى ثقتك فيه وهو هيكرهك من جواه لانك كشفتيه لان مفيش حد فى الدنيا بيحب حد يكشفه طب والتانى:التانى انه هيقولك ايووووه انا عملت واعلى ما فى خيل خيلك اركبيييييه وهتكسرى عنده حاجز الخوف من المصيبه اللى عاملها تعملى ايييه اكلمى بس سويييييه على نار هادية بمعنى انتى تعملى نفسك مش فاهمة حاجة وتعامالاتك العاديه خالص وكل حين كلمه مدروسه من تحت لتحت تحمل ميت معنى تحمل معنى انك فاقسه الدور او انك بتقوليها بحسن نيه مثلا لقطه فى مسلسل واحد بيخون مراته تنتهزى الفرصه وتقعدى تشتمى بدلال كده وثقه والراجل اللى بيعمل كده مش محترم ومفكر نفسه ناصح ومراته مش عارفه فى حين انها عارفه حاجه غريبه والله وبعدها بضحكه رقيييييقه :تشرب شاااااى يا روووحى جنينيه خليه يقول يا ترى هى عارفه اللى انا بعمله ولا ده مجرد تعليق على المسلسل وهلمه جرى فى الوضع ده بقى يا حلوه جوزك هينتابه خليط من الخوف والرعب ويقول هى اكيد ناويالى على نيه ومنك هتبقى فاشه غلك انك مجنناه ومن غير ما يمسك عليكى غلطه وفى نفس الوقت من تحت لتحت انا مصحصه يا جمييييل اوعى تلعب بالنار لا تحرقك المثال التانى:جوزك بيزلك على موضوع الغيره والستات والجواز التانى التصرف الغلط انك تصرخى وتبكى طول الليل التصرف الصح فى موضوع الجواز: فاتحك فى الجواز التانى تردى تقولى:وماله ياحبيبىاللى هيسعدك يسعدنى وحته مسكنه طبعا وحتما ولابد ولا مفر الباشا هيرد:يعنى انتى مش هتضايقى؟ تردى :لا طبعا يا روحى ازاى وهو فيه واحده متزعلش بس طالما ده سعادتك خلاص وبعدين كده ولا كده الواحده لما جوزها بيتجوز عليها مبتحبوش قوى يعنى وموضوع الغيره بيموت عندها خالص فانا ساعتها مش هبقى متضايقه وعزائى الوحيد يا روحى انك مبسوط وابتسامه خبيييييثه طبعا فى الرد اللى فات انتى اديتيلوا السم فى العسل بمعنى عرفتيه الخساير من وراء الموضوع ده وسيرته وهى ان حبك هيقل وغيرتك هتنتهى هتقولى حاجتين اصعب حاجه عند الراجل انه يحس انه خسر حب مراته ولو حتى وده عن تجربه من ناس حواليه الراجل بيبقى هيموت من جواه ولو ما باينشى اتعلمى فن انك تاخدى حقك من غير ما يتمسك عليكى غللللللللطه المثال الثالث فى مسالة الغموض:الغموض فى خصوصياتك وخصوصيات اهلك التصرف الغلط:ييجى من الشغل يلاقى الراديو اشتغل وعماله تحكى الاخبار العالميه والمحليه والجاره الفوقيه والتحتيه مره على مره هتحسى انه بيسمعك بملل التصرف الصح:خليكى ساكته حاولى على اد ما تقدرى تاخدى منه وما تبيعيش خليه هو اللى يبقى تووووواق يعرف اخبارك لو حتى تعبتى ما تقوليلوش الا طبعا لو حاجه كبيره ولما ييجى يسالك قوليله الحمد لله بس فيه موضوع كده شاغلنى هو بقه:موضوع ايه انتى:لا لا يا روحى خليك فى شغلك انت ناقصنى لا لازم تقولى:مش عايزه اضايقك هقولك فى الوقت المناسب ما انت عارف انا بحب اخد رايك لازم تسيبى شعرة معاويه فى الموضوع بحيث ميرميش طوبتك خالص ويتعود انه ميسمعكيش وقطبى جبينك كده كان الموضع حياه او مووووت وصليه لمرحلة ان هو اللى يقعد يتحايل عليكى يعرف معلومه وطبعا اهلك اياااااااااااكى تجيبى سيرة اى حاجه تخصهم اطلااااااااااقا خاصة المشاكل لانك ممكن تتزلى بيها يا حلوه بعدين المثالالرابع:الغموض فى اخباره الشخصيه مثلا زى ما قلتلكوا قبل كده اوعى تحسىسيه انك هتموتى من الفضول انك تعرفى حاجه الا هيستحلى اللعبه وهتبقى عامله زى العصايه والجزره الفلاح بيبقى قاعد على ظهر الحمار ماسك عصايه حاطط فيها جزره اودام عين الحمار الحمار عمال يمشى مفكر نفسه هينوول الجزره فى حين ان الفلاح عايزه يمشى المشوار بتاعه هى ده الفكره هتقولى بسسسس تاهت ولقيناها انا ولا هعبررره هقولك لا كده هيتمسك عليكى غلطه الموضوع يبقى ازاى؟ التصرف الغلط:عملت ايه فى الموضوع الفلانى راح هو مريحكيش فى الرد انتى بقى هتقولى:لااااا ده اخرتها ده احنا عصفورين فى قفص المفروض مع بعض خليك فاكرها عمرى ما هنسهالك وهو عمال جواه:فرحان فيكى التصرف الصح:عامل ايه؟ مردش خلااااااااااص وتعملى نفسك انشغلتى بحاجه حيريه خليه عمال يفكر هى مش مهتمه لا يا واد ده سالتك الله تبقى مهتمه بس شكلها مش باين ده شكلها باعت القضيه انا يظهر زودتها معاها وعودتها انها متسالش لا يا واد دوقها طعم انك تحكيلها وابقى احرمها تانى انما على مين هيحصل تبادل الادوار هو اللى هييجى يحكيلك كل مره على امر الجزره وهى ان المدام تهتم زى زماااان الراجل اللى يعمل نفسه زعلان وهو الغلطان ببساطه شديده راجل عررررف اخرررررك ازاى تتطبقى الموضوع ده على جوزك؟ الرد بسيط بالادب خاااااالص لو انتى مش غلطانه فى حاجه لوجه الله روحيله مره وكلميه لاقيتيه اتنطط عليكى متروحيش تانى خااااالص واصبرى على خصامه بس بشرط تبقى فعععلا مش غلطااانه مره على مره هيتعلم لما اجى يبقى تصالحنى لان ده فرصه مش هتتعوض مره على مره ممكن يخاف يتقمص اصلا لانك احتمال متجيش بصوا يا جماعه عشان انا لاحظت موضوع ان شكوى الزوج القماص ده عند كتييييييييييير مننا وبالتالى خدوا المختصر المفيد 1-اولا حاولى متغلطيش خاااااالص فى علاقتك معاه مهما استفزك صبرى نفسك انك هتبقى تاخدى حقك بعدين بس من تحت الحزام من غير ما يتمسك عليكى غلطه 2-الباشا قلب عليكى الترابيزه فجاءه واتلكك على حاجه هبله وماله دلع الننه وهشك الننه سيبيه يعلى صوته خاااالص ويجيب كل اللى عنده وفى الاخر بصوتك المسكين:انا اسفه يا روحى مقصدش 3-خدى راى حد تثقى فيه جدا يكون كبير وعنده حكمه وقالك انك مش غلطانه لوساق العند وجيتى تكلميه لاقيتيه معاند ولا تهتمى وماله هو ما لوش حدود فى الغلط انتى خلى ملكيش حدود فى الصح لانك عملتى اللى عليكى وتاكدى كل يوم بيعدى هو اللى بيبقى مدان مش انتى 4هيتشغل ومش هيهمه وممكن يقعد سنه اتشغلى انتى كمان وميهمكيش واقعدى سنتين اشمعنى هو واخداه العزه بالاسم وهو غلطان ونفسه غاليه عنده قوى كده وانتى ايه يعنى لحم رخيص 5-ده ما بيهموش اييييوه ما بيهموش لانه واثق ومتاكد وحافظ انه بيهمك وانا شخصيا لو مكانه هعمل زيه 6-اوعى تسمعى كلام حد يقولك يا بت الست تتنازل لا معلش انا اسسسفه العلاقه الزوجيه ياجماعه علاقه متكافئه وربنا قال (ولهن مثل الذى عليهن بالمعروف) 7-اوعى تنسى الجمله ده:خذوا الامور بعزة الانفس فان كل شيىء يجرى بمقادير الخطوه الرابعه:الانشغاااااااال معنى الانشغال هو الانشغال القلبى والفكرى وهو فروع اول فرع:الانشغال بالله حبى ربنا زى ما قلنا واستعينى بيه واتقربى منه اقرى كلامه بتدبر وصلى بخشوع وفكرى فى عظمته اختلى بنفسك وعيطى من خشية الله يمكن ربنا يظلك بظله افتكرى دايما ان جوزك لا هيقعد معاكى فى القبر ولا هينفعك فى الاخره فى القبر اللى هيلازمك عملك الصالح وفى الاخره كل واحد هيهرب من التانى ويقول نفسى نفسى قوليلى لما تموتى بعد عمر طويل وتسئلى عن عمرك فيما ابليتيه هتقولى ايه:ابليته فى حب جوزى ونكد جوزى والتمحور حول جوزى ربنا بيقول فى القراءن (قل ان صلاتى ونسكى ومحياى ومماتى لله رب العالمين) اذن هنا انتى مش بتنضفى الشقه لجوزك لا لله عشان انتى بتتقى الله عشان انتى نفسك تخشى الجنه انتى مش بتخلفى عشان تربطيه بالعيال لا انا بخلف عشان اجيب ذريه مسلمه تسبح بحمد الله وتقدس له انتى مش بتهتمى بنفسك عشان هو يبص ويرميلك ابتسامه انتى مش بتطبخى عشان هو ياكل لا انتى بتتطبخى عشان ياكل ويتقوى على العمل وربنا يديكى حسنات من ساهم فى عمل كان له مثل اجر اللى عمله بالضبط انتى بتهتمى بنفسك لان النظافه من الايمان وربنا بيديكى اجر عشان انتى بتتزينى له هو مجرد مطيه للعبور للجنه والله جه وبقى واد حبيب فبها ونعمت مجاش والله انا كده كده كسبانه حسنات وربنا بيؤجرنى ان شاء الله حاولى تبرى مامتك وباباكى واديلهم حيز لا باس به من تفكيرك طاعة لله وردا لجميلهم الكبير الفرع التانى:انشغالك بولادكبمعنى اشغلى نفسك بولادك قلبا وقالبا مش عشان جوزك انتى تنشغلى بولادك يا ستى كلكم راع وكلكم مسئول عن رعيته لازم تهتمى بدينهم بمذاكرتهم بنظافتهم بحفظهم للقراءن كام واحده مننا ابنها او بنتها حافظه حاجه جامده من المصحف شبه مفييييييش الفرع الثالث:انشغالك بنظافة شقتكروقى وضيفى لمساتك مش عشان سعادة الكوماندا الكبير لا عشان نفسك حاولى تحطى ورد يضفى جو من البهجه فى البيت روقى مطبخك بطريقه مبتكره نظمى دولابك باسلوب مختلف كل فتره بخرى البيت عطرى الهدوم وده مش عشان الباشا ده لله اولا ثم عشان انتى ست نظيفه الفرع الرابع:انشغالك بنفسكيابنت الحلال حبى نفسك شويه دورى على هوايه حلوه تكونى بتحبيها تحسى انك انسانه لها وجود كتابه بس مش كتابة جوابات هبل لسعادة الباشا لا مثلا تطريز تريكو قراءه مثلا استضافة اصحاب وخلى دايما اخر اليوم ليكى وقت يسمى فى علم النفس my time يعنى وقتى الشخصى بعد ما الولاد يناموا والباشا كمان شغلى اباجوره وافتحى الاذاعه على القراءن او برنامج اذاعى بتحبيه واقرى حاجه لذيذه صدقينى الموضوع ده مجرب وبيجدد النفسيه جدددددا ولو داومتى عليه هتبتدى تحبى نفسك وده تقريبا اول الطريق الخطوه الخامسه:الاهتماااااااام بالمظهر الاهتمااااااام بالنفس بصوا يا جماعه ربنا جعل اهتمام المراءه بنفسها شيىء جبلى ولو تلاحظوا كلنا واحنا صغيرين مهمهاتنا كانوا بيزعقولنا اننا نقعد اودام المرايه ونعك فى المكياج بتاعهم واحلى هديه لبنوته صغيره ادوات تجميل لعبه بلاش ده كله ربنا سبحانه وتعالى جزاؤه للمراءه فى الاخره انها تبقى احلى النساء احلى من الحور العين كمان انا عايزاكى تهتمى بنفسك جدددددا لبسك واستايلك جسمك تخين اعملى رجيم وخسى وكل حاجه فيكى حتى عنيكى ورموشك كلللل حاااااااااجه بس مش عشان ابو جوزك وبس لا عشان انتى بتحبى تدلعى نفسك طبعا اهتمامك بنفسك هيديكى ثقه جامده جددا فى نفسك لما هتجيلك الثقه اذن : والجمله ده مهمممممممممه جدا ثقتك بنفسك نابعه من جووواكى مش من نظراتجوزك يبقى يوم ما ييجى وما يفرقش معاه وما يهموش انتى اصلا مش مستنيه انه يهمه باذن الله لو اهتميتى بنفسك عشان نفسك انه من نفسه هو هيبتدى يهتم زى ما احنا متفقين الراجل بيشم المدام من على بعد ميت متر مثلا لما تعملى طبغه فى شعرك اوووعى تساليه اعمل انهى لون انا عايزه اعرف اللون اللى بيعجبك لا اعرفى من بعيد لبعيد يعنى مثلا اتكلمى على الالوان الموضه للشعر وهو هيقع على بوزه ويقولك ولما يقول اللو ن اللى بيحبه تردى تقولى:اووووه تصدق يا روحى هو ده اللون الموضه السنه دى ولما تيجى تعمليه لو قالك :ايوه يا عم عملتى اللون اللى قلتلك عليه هزى راسك وقوليله: انت قولتلى على اللون ده؟ معقول مش فاكره خالص ده انا عاملاه عشان موضه طبعا لازم تهتمى بنفسك لاقصى درجه بس مش عشان جوزك يعجب بيكى لا عشان انتى الاول تعجبى بنفسك وعشان الناس اللى تشوفك تعجب بيكى وبعدين والله جوزى عجب معجبش ده حاجه بتاعته وهو طبعا هيعجب ان شاء الله لان لو مكنتيش عاجباه مكنش اتجوزك من الاول الاهتمااااااااااام بالنفس بس المره ده الاهتمام بالنفس والعلاقه الحميميه مبدئيا كده انا عارفه كويس جدا ان الموضوع ده بالنسبه لكتير مننا اشباع عاطفى بالدرجه الاولى ونظرا لان الست عاطفيه ورومانسيه بتحب الموضوع ده مش لذاته انما للمشاعر اللى فيه انما نظرة الراجل للقصه ده مختلفه خالص الواحده مننا زى ما قلنا تدخل على النت تتعلم طرق المساج والاوضاع اياها والذى منه خلاص بقى تتحول لخبيرة وتطلب معاها تلبس يا مخطط يا قميص النوم يا مدندش يا كومبليزووون وتقعد تستنى البيه لما ييجى من الشغل يلاقى المدام قاعده وتبربش برموشها طبعا هو من جواه ممكن يكون عايز اكتر منها بس طبعا نظرا لان التقل سمه سايده فى الرجاله يقوم دالقها ليه بقه؟ لانه هو ممكن يجيبها فى اى وقت انما متعة انه يحس انها ميته عليه مش فى اى وقت وخاصة المتعه اللى بيلاقيها من نظراتها المحرووووووقه انها هتموت عليه ولو تلاحظى وانا اراهن انك ممكن تبقى بليل هتموتى عليه و يقوم ينام ويسيبك وتانى يوم الصبح ممكن يظبط معاكى صح؟انا متاكده انها حصلت مع كتير هقولكوا ليه بقى الراجل طبعا عايز يحقق مكسبين 1-انه يشوفك موحوحه ويديكى الطرشه وينام ويحس انك هتعيطى وهتموتى عليه بالله عليكى حطى نفسك مكانه مش احساس ممتع 2-انتى تحت الامر والطلب وممكن يجيبك فى اى وقت ومتقدريش تمنعيه نفسك انما هو يقدر يمنعك نفسه لانه الليدر والكوماندا بتاع الموضوع طب وبعدين يا جماعه ده النحل والقطط والحيوانات الذكر هو اللى المفروض يعنى بيجرى وره الانثى عندكوا مثلا ملكة النحل بتطير ويطير وراها ييجى خمسين ذكر يتسابقوا فى تلقيحها طب والعمل هو يعنى الحيوانات عندها كرامه عننا زى ما اتفقنا الجزء اللى فات اهتمامك بنفسك اصلا شيىء اساسى نفس الكلام بالنسبه لموضوع يا مدندش يا قميص النوم يا مخطط يا كمبلزون يعنى نعمل ايييييييه؟نرمى كل الكمبلزونااااااااااات لا يا جماعه هتلبسوهم بس ازااااى؟ نخش فى العملى جوزك جه من الشغل اوععععى مهما حصل تستقبليه بقميص النوم البسى فساتين لذيذه بناطيل ضيققققه وحاجات مغريه برضه اومال قميص النوم امتى؟ قبل ما تناموا تدخلى وتغيرى هدومك اوصاد الدولاب وتلبسى القميص والكلام ده يومييا يبقى لبس القميص ده عاااااااااادى لازم تعوديه ان هى ده هدوم النوم بتاعتك وكمان عشان اودام الولاد بعد ما تلبسى القميص تتاوبى بدلع وتقومى وانتى بتطفىالنور تروحى قايله :تصبح على خير انت بقى يا روحى انا هروح اقرى كتاب كده وبعدين هنام بعد شويه وتقومى خااااااااارجه من الاوضه اول مره هيطنش تانى مره هيطنش وهو بيعيط تالت مرررررررره انتو عارفين بقى ومش لازم الموقف ده بحذافيره ممكن مثلا تلبسى القميص وتخشى تنامى قبليه وفعلا تعملى نفسك نايمه اوعى مهما حصل تبتدى انتى الحوار ده مع جوزك خليكى دايما نظام التمنننننننننننننننننننننع وحتى لما يطلبك قوليله طب ثانيه يا روحى وهجيلك وخشى الحمام استحمى واقعدى سنه لخطوه السادسه:طرررررررح الانوووووثه يعنى عرض الانوثه اولا عشان نفهم الانوثه ده زى البضاعه كل واحد بيعرضها باسلوب تلاقى اتنين ياعينى تجار عندهم نفس البضاعه وجنب بعض بس الناس تروح تشترى من عند واحد والتانى يا والداه بضاعته مهجوره وعليها عنكبوت كتير مننا مفكره انها لو لبست الكمبلزون وضربت الروج الاحمر واسانس اف الدنيا هتبقى تمام انا واحده ست وميه ميه واى راجل لو شافنى هيدوخ واحده تانيه تقول لاااااااا انا بقى ناصحه واتعلمتلى حركتين اغراء من على النت ومظبطااااااااه جنب الاسانس والقميص بس تصدقوا مفيش فايده والراجل المفترى منه لله عينه زايغه وبيبص بررررررره اهىء اهىء انا فشللللللللللت ما يملاش عينيه غير التراب ويا سلام بقى لو صادفت وشفتى اللى جوزك معجب بيها مثلا زميلته فى الشغل او اخت صاحبه او اى حد هو منبهر بيه تقعدى تمصمصى شفايفك وتقولى:شوفى الراجل سايبنى وبيبص للاوحش منى ايووووووه سايبك لان معندكيش فن طرح الانوثه وهى عندها اولا:لازم قبل ما ابتدى اعلمكم فن طرح الانوثه لازم تعرفى انك هتتعلميه عشان نفسك عشان انا واحده ست رقيقه يا جماعه نفسى كل الناس يشوفونى يقولوا ايه ده ده مارونج لاسيه مش عشان اتعلم حركتين وقال اروح اوطى اودامه واكلم برقه وبعدها بربع ساعه انعر فى العيال الغرض من تعلم الفن ده اصلاح لذاتك الاول وتجديد لشخصيتك ازاى ابقى انثى بس لنفسى وازاى اتعلم فن طرح الانوثه على الناااااااس كللها ازاى اخلى الناس تغمز لجوزى وتقوله ايوه ياعم يا بختك على المدام ولما توصلى للنقطه ده جوزك هيبقى عامل زى المجنون عليكى وعايز يتنه يجرى وراكى وانتى تتقلى مبدئيا كده يا جماعه وقبل ما ابتدى فى اى حاجه عايزه ااكد على نقتطين الاولى:ان الموضوع عايز صبر الثانيه وده الاهم:اوعى الموضوع يحصل فيه اختلاط عندك انك بتعملى كده لجوزك لا انتى بتعمليه لنفسك عشان تثقى فى نفسك ولما تثقى فى نفسك هتنعكس على تصرفاتك احنا هنقسم الموضوع ده لعناصر اول عنصر 1- الررررقه:والكلام ده فى مشيتك فى بصتك فى حركاتك فى عتابك حتى فى معاملة الولاد اااه استنى كده وفصصيلنا العباره الرقه فى المشيه يعنى امشى كده بهدوء ورسيان واما الضحك زى ما قلتلكوا مرات تضحكى جامد ومره تبتسمى فى حركاتك بقى تعمدى اوعى ابدا اودام اى حد فى الدنيا غير ولادك طبعا لانهم ملازمينك تتصرفى باسلوب مش شيك يعنى على طووول حطى الحاجه بهدووووء تبقى زى النسمه كده فى البيت اما صوتك بقى فحدث ولا حرج يبقى نظام همس كده العنصر التانى :منظرك قدامه متبقيش اودامه نظام عبد القوى شديد مثلا المرتبه اتحركت من مكانها اعملى نفسك رايحه تزقيها تقومى تقولى :اااااى صوابعى بتوجعنى مش قادره ممكن تعملها انت ياروحى انت كده هتبقى ضربتى عصفورين بحجر واحد الاول:انك حسيستيه انك كيوت خااااااااااالص ورقيقه ومش قادره تشيلى طب والتانى التانى :انك حسيستيه برجولته الموضوع ده بيسعد الراجل جددددا على فكره واى حاجه عايزه تقرطسيه وتخليه يعمليهاخوشيله من الباب ده انك الضعيفه الغلبانه وهو الدكر المخلص الفتاك طب وايه تانى من منظرك اودامه ممنوع منعا باتا تقمطى الايشارب او تنضفى البيت وهو موجود حاولى متعمليش القصه ده نهائى لا يا فالحه احنا متفقين انك اعلب الوقت وهو قاعد مش هتنك لازقه فيه طب اومال تنشغلى بايه هقولك :اقعدى ابردى ضوافرك كده بطريقه شيك وانفخى فيهم وبعدين حطى مانيكير او مثلا هاتى كتاب واقريه واعملى انك مندمجه جدا كتاب فى الدين فى علم النفس قومى بخرى الشقه والهدوم عارفين الحاجات اللى تحسسه انه معاه انثثثثثثثثثثثثثثى فى البيت لاتنسونى من دعائكم مواضيع ذات صلة |
|
03-29-2012, 11:04 PM
|
#2 |
|
|
رد: ازاى تتعاملى مع زوجك
السلام عليكم شكرا
|
|
03-30-2012, 01:07 AM
|
#3 |
|
|
رد: ازاى تتعاملى مع زوجك
يا واد يا تقيل
ههههههههههه جميل جدا |
