رد: رواية خنقت الورد يا يمه وبيديني انكسر ذبلان
رواية خنقت الورد يا يمه وبيديني انكسر ذبلان
....!ّ أبي عشق تحسب له كل نظرات العيون حساب
وأبي دين على ديني وقلبٍ على قلبيّ ....!ّ
الأنوار الصفرا مطوقة حواف حديقة الملك الأول
الأجواء الفرايحية طاغية ع المكان
الطاولات مغطية بقطع الدانتيل الأبيض الفاخر مثل ثوب العروسة
مزينة بزهر التوليب الأحمر
وعلى كل طاولة مزهرية "البونبونيرا"
(( نوع من الحلوى الإيطالية الأصل لكن الحين موجوده في كل مكان يوزعونها بالأفراح وحفلات المواليد عبارة عن حبة لوز مغطية بسكر وبالشام يسموها
"ملبس"
في إيطاليا لازم هالحلوى تتوزع بكل مناسبة دينية أو حفلات زواج وأعياد ميلاد
لأنهم يعتقدون فيها إعتقاد خرافي إنها تجلب خمسة أشياء
الثروة والصحة والسعادة والخصوبة وطول العمر
وحتى بفرنسا لازم وجودها بمثل هالمناسبات)).
حديقة الملك الأول من أفخم الحدائق بإيطاليا وأغلاها أجرة
يتراوح ثمن تذكرتها ما بين السبعين إلى المئة ريال تقريبا للشخص
ولأنه أول حفيد للسيدة رويدا يتزوج حجزتها بأكملها الليلة
العاملات يتنقلوا وكأنهم نحل بين الطاولات
كثير حضر لكن كلهم من الأقارب احترام لرغبة لتين بأنها ما تبغا تنحجز حريتها بالحجاب بهالليلة
.دخلت السيارة اللين وسط الحديقة
فتحت لها الباب الخادمة ونزلت
وكأنها ملاك من السما نازل
فستانها دانتيل أبيض خالص من غير أي لون يدخل معه
الطرحه قصيرة مثبته بتاج ملوكي مرصع بالألماس
على شعرها المرفوع بطريقه جذابه
نحرها يزينه طقم من الألماس الثقيل
ما حست لتين بصدق غنى وثروة هالعائلة إلا لما شافت طقمها والتاج
ابتسمت بتوتر وارتباك
لما نزل من السيارة اللي قدامها بسام ببدلته البيضة
حبست أنفاسها ونزلت عيونها بتوتر كبير
اقترب منها
حط يده بيدها ورفعوا روسهم مع بعض للحضور
جسر منخشب البلوط الفاخر يتوسط الحديقة الخضراء
وكل الحضور ينتظروا طلتهم
ابتسم لها
رغم إنها متضايقه والحزن كاتمها إلا إنها ما قدرت تقاوم ابتسامته
ابتسمت بضعف
همس بإذنها
حتى بضعفك ذابحتني !
حمرت خدودها فوق ماهي محمره
ابتسم بهدوء وكملوا مشيهم ع الإيقاع الرومانسي الهادي
الحين هذا ليه قاعد يبتسم افف يا ربي استغفر الله بيصير فيني شي اليوم
صاير وقح بسام
لين وصلنا للكوشه كانت روعة عبارة عن حديقة من زهر التوليب بمختلف ألوانه
ولأني أدري إنه زهر التوليب يخص العشاق بس
ابتسمت بألم ودمعت عيوني
جدتي وهي تضمني تتتتتو لتين حياتي ما أبغا دموع ما تعرفيني ما أسكت لما أبكي
ضحكوا كلهم يلطفوا الجو
راكان وكان طالع بالبدلة السوده كشيخ ورزه وكأنه أكبر من عمره
ناظرني وناظر بسام وغمز له مبروك يا أحلى عروسين الله يهنيكم
بسام من طرف عيونه الله يبارك فيك
راكان وبنغزة وليه تقولها من خشمك
ضحكت عليه يا حبي لك يا راكان دايما ملطف الجو
بسام طالع فيه بنظرة
اففف حتى بعرسك نفس النظرات
ههههههههههههههههه يستاهل
سلم علي رجال شكله بالخمسينات أول مره أشوفه
من يوم شفته ما يحتاج أحد يعرفني عليه نسخة كربونه من رويد عرفت إنه خالي
مؤيد
أبو رويد
سبحان الله في نور بوجهه زايد جماله بلحيته البيضه الطويلة
تفاجأت لما ضمني وقال بوقار
أنا ما أحضر هالمناسبات لكن لما عرفت إنك بنت نجد جيت من غير نقاش
لهدرجة يعز أمي!!
إذا هي فعلا مثل الكلام اللي قاله لي بسام حتى عرسي ما عرفت تحضره
بان الضيق بوجهي
شد على يدي يا بنتي الحياة قصيرة خليك متفائلة دائما الحزن ما يفيد بشي
اعصي شيطانك وابتسمي وعيشي الحياة مثل ما ربي كاتبها
ابتسمت له شكرا خالي
وبابتسامة حلوه العفو واجبنا
جات تاله وسحبته مني يوووه لتين إلا خالي مؤيد يا ويلك تسرقيه مني
الباقي تهني فيهم
أنا وخالي ههههههههههههههه
بشير لنا الله حنا يا تاله
تاله بهجوم إنت عندك لين
ضحك بشير على غيرتها الواضحه والله كلكم عينين بالراس
بسام كان ساكت استغربت وبحذر اختلست النظر له
تجمدت شفته يطالعني وشكله مطول
رويد ما جا لأنه بسام حلف ما يحضر عرسه
دقايق جات جدتي وهي محاوطه ذراع وحده معها
شكلها بالثلثينات أنيقه لدرجة وطلتها راقية
فستانها أسود طويل يزحف وراها ذيله والألماس المرصع بالحجر الزمردي
يغطي نحرها وإذنها
ابتسمت لها كانت حلوه بجد
تشبه خالتي جيهان افف وينها ذيك لفيت لقيتها ضامه بسام
ضغطت على أسناني بقهر وعصبية دبت فيني
جدتي بفرحة وحب لتين أعرفك بنتي من زوجي نجــــد
طن الإذن براسي
حسيت صار ظلمة ع عيوني
شديت على يد بسام لا إراديا وبدوره حضن كفي بكفه الكبيرة وكأنه يطمني
الكل ساكت وكأنه ينتظر ردت فعلها
جات عيوني بعيونها
رسمت الألم والحنين والحرمان والظلم والقهر بنظرتي
أما هي ما أعرف بس كل اللي أعرفه إنه يمكن هذي هي نظرة الأم
وخارج إرادتي وسيطرتي فتحت لي حضنها وارتميت فيه
بكيت من كل قلبي
بكيت كل لحظة مره مرت بحياتي
بكت معي هذا أمي يا عالم أمي القاسيه اللي تركتني وأنا رضيعه وراحت
أمي اللي ما تهنيت بوجودها ورحيلها
وبضعف نسيت كل حقدي وكرهي لها ماما
مسحت دموعي بكفها الناعمه وبصوت أنعم منها قالت ببكا حياتي لتين
رجعت أضمها وأدفن نفسي بصدرها
لين راحت الحمام وهي تبكي وتشهق
وتاله ضامه أمها وتبكي معها
بعدني عنها وحضني باس راس أمي
وكملت دموعي بحضنه
تشبثت فيه وتمنيت من كل قلبي بهاللحظة إني اعترف له بحبي لكن في شي أقوى مني يمنعني خاصة بعد ما عرفت حركة المتلثم
أخذ منديله الأحمر المثبت بجيبه بأناقة ومسح دموعي بحنان آلمني
همس بهدوء لا تبكين وتبكين قلوب الناس معك
مسح آخر دمعة نزلت اتفقنا
لف على أمي اللي قاعده تمسح دموعها بأناقة
ابتسم على فكرة لتين أمك أغلى إنسانة على قلبي بعد الوالدة الله يحفظها وبعـ... سكت ما كمل حك راسه بإحراج خالتي نجد وينه ولدك
لفيت على أمي بصدمة عندك ولد؟؟!
ابتسمت بحب وهي تضم كتوفي لها اييه أكبر منك بـ 4 سنين بس ما قدر يجي لأنه عنده عمل بمدينة ثانية
تدرون لحظتها حسيت إني ماني وحيده بهالدنيا وإنه لسى عندي سند وأهل ماني غريبة بين هالعالم
لحظة شلون أكبر مني بـ4 سنين؟؟
يمكن ولد زوجها !!
أمي وهي تناظر بسام صراحة يا بسام أحسدك على بنتي مشاء الله تبارك الله كبرت وحلوت تدري ما توقعتها بهالحلا وأنا أقول ليـ...
قاطعها بسام اييه شفتي شلون خالتي أكيد هي بنتك ولازم تكون حلوه وابتسم ابتسامة لها معنى
الله يستر شكل الليلة ما بتعدي على خير
قربت جيهان وهمست بإذن أمي
لاحظت وجهها انقلب قربت مني وضمتني لها مسحت دموعها حياتي أنا لازم أروح الحين
قلت بداخلي مو الحين بعد هاللحظة اللي حسيت فيها بالإحتواء تروح وترجع لي وحدتي
وقبل لا تمشي مسكت يدها ناظرتني بعيون غرقانة بست يدها وراسها وتركتها
راحت وهي تبكي والحين تأكدت من صحة كلام بسام!
ناظرتها بقرف ياليتك يا ماما شايلتها معك اففف
رجعت تتلزق ببسام حبيبي بتطول بالسفر
ابتسم لها بإحراج امم أسبوع
سحبت باقتي بعصبيه واضحه ومشيت
جيهان باستغراب وش فيها لتين؟؟
بسام بإحراج يمكن متضايقه عشان خالتي نجد
باسته على خده برقة اوكيه عمري ألف مبروك لك مره ثانية
وبمجامله ابتسم لها الله يبارك فيك عقبالك
ضحكت بغنج وراحت
رفع راسه
الناس بدت تروح
حك ذقنه بتفكير وهو يطالع جدته وأمه يودعون الناس
قرب لها يمه
هلا حبيبي
يمه أنا الحين رايح دعواتك
باس راسها ويدها
استوقفه أبوه يتكلم معه اللين يجهزوا لتين
وهي تتجهز بتطلع
فجأة تسكرت الأنوار وتوجه نور أبيض بشكل دائري ع الكوشه الطبيعية
جدتي والكل ملتفين حولنا لتين وبسام إحنا عندنا لازم العروسين يرقصوا سوا يللا
وسحبت يدي وحطتها ع كتوف بسام
واللي صعقني إنه الثاني ما صدق مسك كفي وبدا الرقصة
رمشت بعيوني يا ويلييي شقاعد يصير كل شي فجأة
أصوات صراخهم وتصفيقهم اربكتني زيادة
بلعت ريقي بساااااام
وبعيون ناعسة آمري
ممكن تتركني أنا مو متعودة على هالحركات ولا أحبها
ومن غير نقاش تركني
على التصفيق والتصفير
مد يده لي راكان
بسام أقول وخر لا أشوتك الحين
هههههههههههههههههههههههههههههه هههههه
بيمسك خصري شكله بدل يديني
تاله بضحك همست لي تدرين مره بعرس خالي إياد رويد طلب يرقص معي
وربي أذكر إني انفجعت بسام ما كان هنا وإلا والله كان حطه ورقص عليه بالسيارة
ضحكت بنعومة صاحي هذا
تاله بابتسامة حب أخوي الله يعينه جدتي تقول إنه متغير مدري شصاير فيه
وخفضت صوتها أكثر لما بتسافرين مع بسام بروح أشوفه
قلت باهتمام وين بنسافر
تاله بحالميه جزيرة صقليه
ابتسمت لها يللا شوفي أمك تناديني
وكملت طقوس الوداع الأخيرة
....!ّ طلبتك أرجوك لا تردني قول :تم
إحرص على نفسك ترآك غالي
....!ّماجد بهدوء اوكيه طلال مو ناوي تهوينا تأخر الوقت
طلال بغرور ما كأنك قاعد على كبودنا ترا تونا معاريس
ابتسم ها ربى تبيني أطلع
ابتسمت ابتسامة حيا صفرا وكأنها تقول له لاااااا
ضحك وقام بس لازم أطلع يللا نشوفكم على خير
تثاوب ماجد ترا أنا نعسان وما لي خلق انتظر وقت طويل والا بنادي لك اختك تتفاهم معك
طلال ياااااااليت كان زين تريحنا منك
ضحك وتركهم
ربى تلعب ببوكيه الورد حقها
حست بشي على كتوفها
لفت له
كان يبعد ورده من الزفة بقت على ظهرها
ابتسم تدرين ربى
ابتسمت له
كمل بحب واضح أنا اليوم أسعد إنسان
نزلت عيونها بحيا
طلال وهو مستمتع بحياها أنا طول عمري همي بشغلي ما كنت أهتم لأي وحده من جنسكم الناعم لكن يوم شفتك حسيت بشي غريب
وهذا اللي كان يخليني أتناقر معك خاصة إني كنت أحس إنك تكرهيني
صح؟؟
ربى لا إراديا قالت صح
بهت بوجهها صح؟؟!!!!
انتبهت ع اللي قالته وعلى شكل وجهه ضحكت من قلب
ابتسم وهو معقد حواجبه في وحده يوم ملكتها تقول لزوجها أكرهك
ربى بدفاع ما قلت
قلتي
ما قلت
قلتــــــي
وبعناد أكثر ما قلــــــــــت
سحبها له وباسها وبخبث ها الحين قلتي؟؟
ربى بصدمة وحيا هااا امم بروح أكلم خالتي
مسكها من يدها وجلسها ويييين ليلى راحت تنام من زمان
ربى بارتباك طلال ما لاحظت إنك زودتها
ضحك بجنون فدييييييييييييييت اللي زودتها معها
وبدلع حيوي طلاااااال
: وتقول زودتها بعد
ههههههه
ناظر الساعة يوم دخل ماجد ووجهه معفوس من النوم
طلال من غير مطرود بسرعة
وقف ووقفت معه ربى
غمزها وهو يحط بيدها شي اوكيه أشوفك بكره حبي
ماجد وش حبي ما حبي إنت صح مصاخة
ربى دوروها ما عاد لها وجود بينهم
طلال قرب منه وبثقة وش عليك إنت زوجتك لا سمح الله
ماجد دفه أقول مع السلامة
طلال بكبرياء شوفي ربى أخوووك من أول ليلة يطردني عشان أذكرك بس
ابتسمت له وبحيا انتبه على نفسك
رمالها بوسه ما توصين حريص
ماجد يناظرهم لا احضنوا بعض احسن
طلال وهو طالع يااااليت ما اقول لا بس ممنوعين تحت الـ 18 من العرض
هنا من جد خرج وإلا كان بيجيه شي من ماجد اللي ناظرني وأنا وجهي مخطوف ياويلي منه طلال جريييء
ابتسم لي وباس جبيني مبسوطة
ربى بحيا الحمد لله
وهو يتثاوب للمره العاشرة الله يوفقك يا رب يللا شكلي بنام بمكاني
ربى وهي خارجه معه إلا مجود خالتي ليلى رجعت من القاعة مع أبوي وإلا معك
ماجد بنغزة معي دام أخوها موسع صدره وجايبك
ابتسمت وإنت ليه مقهور
ماجد ههههههههههه الله يسعدك يا رب يللا تصبحين على خير
وإنت من أهله
دخلت غرفتها فتحت كفها
ابتسمت
ورقة وردة مجففه
مكتوب فيها
.
الكابتن
طلال بن فيصل الفهد
######055
.
12/6/1431 هـ
بأجمل ليلة من عمري!
.ضمتها لصدرها ودعت برقة يا رب تحفظه لي من كل سوء
حس بشي على راسه
فتح عيونه بصعوبة داليا!!
شتسوين هنا؟
داليا بنبرة طفولية على مشارف المراهقة أصحيك قلت بتوديني البحر طلعت الشمس وإنت نايم حتى العمل ما رحته يا ويلك من جدي
ابتسم غصب عنه وبعد البطانية عن رجوله اوكيه البسي الحين بتحمم وأطلعك نفطر سوا
تخصرت كيف كانت ملكة خويك طلول ما حكيت لي أمس رجعت وحطيت راسك ونمت وأنا قاعدة أنتظرك
ضحك بهدوء وهو ياخذ منشفته دلوو خليني اتحمم وبقولك كل شي أمي وينها؟؟
داليا ماما نايمه بعد مو كلكم حضرتكم رحتوا الملكة إلا أنا
طنشها ودخل الحمام يتحمم
تذكر فرحة خويه طلال أمس رقص وهيص على كيفه
وأخيرا جات اللي تكسر راسه
تذكر إنه سلمان دق عليه يواعده عشان ملكة فيصل
بما إنه حضرة السيد طلال مقفل جواله أمس
وما شافه إلا بالقصر
سلمان أخو دنيا ومشاء الله عليه رجال ما عليه كلام يوم طلب منه طلال وافق ودق الصدر على طول
هو وأبوه
طلع من الحمام وهو يدندن
شافها جالسه ع السرير بلبسها
إنتي ما تستحين تشوفيني وأنا مو لابس
داليا بلا مبالاة مو جديده عليك دايما نايم من غير ملابس
هههههههههههه اخخ منك ما ينقدر عليك
تذكر يوم يحسبه فيصل شاذ ابتسم بهدوء
وهو يلبس قميصه البرتقالي
داليا بتروح بهذا للعمل
لف وناظرها وهو يمشط شعره ما بروح العمل شلون أروح وأنا باخذك أفطرك
فديت أخوي والله إنك أحسن من مهوور قليل الحيا
فتح عيونه وش قلتي؟؟
داليا بخوف هااا ولا شي
ولا شي تدرين ماهر أكبر منك بعشرين سنة وتقولين عنه هالكلام
داليا بدلع سوريي وافي لا تزعل
ناظرها وهو مكشر ولا شعوريا راحت الكشرة أصلا هو نادرا ما يعصب
لأنه شبه نباتي ما ياكل لحوم كثير إلا نادرا
بس السمك ياكله بانتظام
قربت منه حطت كفها بكفه مشينا
وافي يلبس نظارته الشمسيه مشينااا
....!ّ ريح حياتي معك وارتاح
لاتزيد همي وتشغلني!لاشفتني خذ معاك سلاح..!!
صوب على قلبي وأقتلني..!!
وإن شفت دمي بصدري ساح
ضمني وبدمع عينك
اغسلني
وإن أسألوك اهلي وش فيه راح ..؟!
قلهم غلطته ليش يعشقني ..!!....!ّ
في جزيرة صقلية أبرز معالم إيطاليا ومكملاتها
تحديدا في ...[ باليرمو] العاصمة
تسحبت بهدوء وطلعت من غرفتها
بروب نوم ناعم أبرز معالمها الأنثوية بلونه الوردي الفاتح
خرجت للفناء الخارجي
وبصمت تكتفت قدام المسبح وظلت تتأمل شروق الشمس بفكر وبال مشغول
الحين هي تعتبر عروس
بس مستحيل ينطبق عليها هالإسم وهي مع بسام خاصة إنها ملاحظته هو بعيد عنها
من أمس أول ما وصلوا بالطيارة 4 الفجر
وراها جناحها بالفيلا وما شافت وجهه بعد كذا
زمت شفاتها ببرودة تسللت لجسمها
حست بيدين تحاوط ذراعها
لفت برعشة
ابتسم لها صباح النور
وبرقة واقتضاب ردت صباح الورد
وانسلت من يدينه بهدوء أضاف لها رونق خاص وترك عامل التجاذب يزيد بالنسبة له
تحمحم ينظف حنجرته فطرتي؟
هزت راسها بلا ونسمة هوا طيرت شعرها المنسدل على كتوفها بنعومة
حست فيه يناظرها وكرهت هالإحساس
بسام بعد صمت لتين تدرين بوضعنا أبوي الله يحفظه كان يبيها أسبوعين هالسفره بس أنا قلت إنه لا أنا ولا إنتي راح نستفيد دام القلوب متنافرة
تعذبت بداخلها وزاد جرحها جرحين فوق ما إنها تحبه يعترف إنه نافر منها
صدت عنه ببرود
بسام يكمل أنا قلت إنتي متضايقه هالفترة وش رايك لو ننسى اللي صار معنا بس هالإسبوع ونعيش كصديقين
وبطلاقة أضاف بوريك صقلية كلها ع الأقل ترتاح نفسيتك ولو مده بسيطة
وبألم اجتاحها رفعت عيونها اللامعة له وأومأت بموافقتها
وبكل ألم ومعنى قسوة بالحياة تركته ودخلت
.
.
.
من ايطاليا.. ليس كل ما جاء على اللسان مصدره القلب>> نهاية الجزء العشرون
|