 |
  |
|
|
|
|
#1 |
|
:: كاتبة قديرة :: |
تبين تقرين سوره البقرة كل يوم و ما تقطعين ولا يوم ؟؟ شوفي السر
السلام عليكم و رحمة الله و بركاته
اخواتي الغاليات , تبون تقرون البقرة بدون ماتقطعون ولا يوم ؟ بقول لكم حيل الشيطان اللي طبقها علي , و نجح للأسف , لكن بالماضي , ان شاءالله ما راح ينتصرعلي مره ثانية حيل الشيطان هي : 1- التسويف : توالناس , لا تقرينها الحين , اقريها وقت المغرب احسن الحين صبح و تو الناس , و اذا صار المغرب يقول لك : اقريها قبل النوم يمكن تحلمين حلم حلو فيه بشارة خير ! و آخرتها لا تقرينها و لاشيء !! الحل : اول ما يقول لك كذا , على طووووووووووووول اخذي المصحف , لأنه بيكون وقتها اقوى وقت على الشيطان و انفع وقت لك و الله اعلم . 2- العجز : ساعات تصيرين عجزانه تقرينها ,, و يقعد يقول لك : طوييييييييييييييييله , الله الله 49 صفحة واااجد شيخلصهم ؟؟؟؟ الحل : تقسمين السوره الى اقسام و تقرين شوي شوي . الحين بيقول لك خدعة ثانية !!! 3- الخدعه اللي وراها بيقول لج : يوه !! تقسمين السورة ؟؟ ما ينفع ؟ ما تستفيدين كذا !! لازم تقرينها كلهااااا الحل : تقولين له ( طير ) و ( اطلع برا ) و ما تسمعين كلامه ! لو كانت ما راح تفيدك كذا كان ما وسوس لك !! و خلاك على عماك !! لكن بما انه متوهق الحين و ضمن انك بتقرين و مرتاحه , لازم يخرب عليك !! عاد انتي و شطارتك بالاستعاذة و الحقران ! 4- الخدعة الرابعة : بيقول لك : مو إلا كل يوم , اقريها كل 3 ايام مره , و يذكرك بالحديث ان الشياطين ما تدخل البيت لمدة 3 ايام اذا قرأتي سورة البقرة , و يقول لك : خلاص المهم تقرينها كل ثلاث ايام و ديري باااااااالك تطيعينه ,تدرين ليش ؟ لأنه راح يبدى يكسلك و يحبطك ويقول ( يوه ! معقوله انتي وقفتي القراءة 3 ايام بطولها ؟؟؟ اجل خلاص مافي فايدة !! لازم تبدين من اول وجديد و تعيدين الاربعين يوم و اكثر . يووووه وااااااااااجد )) فلا تطيعينه الحل : تتعوذين بالله من شره و تقولين : اصلا انا اقراها لأن اخذها بركة و تركها حسره , و ابيها تصير سهله علي و ابي احفظها كل يوم , و هي سهلة و تهبل و بقراها غصبا عن خشمك !! 5- الخدعه الخامسه و هي الاقوى !! خصوصا للي يقرونها و عندهم مشاكل , بيقول لك ( انتي تقرينها لوجه الله , او تقرينها علشان مصلحتك و الدنيا ؟!! تر الدنيا زايله !! انتي تقرين القرآآن علشان الدنيا .. ؟؟؟ ياللأسف !! أصلا كذا ما يصير عندك اخلاص بالعمل ! و يصير عملك مو كامل ,, ما في فايدة ) !! اذا طعتيه , شوفي شنو راح يصير ( راح تبدين تفقدين الامل بأن مشاكلك تنحل بفضل الله ثم بفضل قراءة السوره , و تحسين ان السورة روتين و ان مشكلتك ما راح تنحل , و شوي شوي تملين و تبطلين قراءة ) و الخدعة الخامسة من اخطر الخدع !! الحل : تقولين اعوذ بالله من الشيطان الرجيم أصلا سورة البقرة أخذها بركه و تركها حسره و لا تستطيعها البطله , و ان الله رغبنا بقراءتها لخير الدنيا و الآخره , و الا كان ما بلغنا الحديث على لسان الرسول صلى الله عليه و سلم كان قال لنا ان سورة البقرة تدخل قارئها الجنة مثلا , و سكت اجل ليش قال لنا عن فائدتها الدنيويه , الا علشان يرغبنا فيها ؟؟ و بعدين في سورة البقرة آيه تقول ( و منهم من يقول ربنا آتنا في الدنيا حسنة و في الآخرة حسنة و قنا عذاب النار . اولئك لهم نصيب مما كسبوا . و الله سريع الحساب ) يعني ايش معنى هالآية ؟؟ مو عيب و لا حرام ندعي الله بخيري الدنيا و الآخرة , هذي الاية موجودة في سورة البقرة يعني حجة الشيطان مردوده عليه ,, لحظةالحين بكمل لكم خدع الشيطان اعوذ بالله منه 6- الخدعة السادسه : هذي عاد اللي بتخرب شغلك كللللللللللللللللللله !! لو طبقتيها راح تروحين وطي ههههه الخدعة باختصار هي : يعطلك عن الصلاة !! و تتوقعين بشنو ؟؟ بقراءة البقرة ! يعني , انتي الحين تقرين , و فجأة , أذن المغرب ,, يقول لك (كمليها ما باقي شيء !! ... بدال ما تقومين و تصلين و بعدين أضحك عليك آنا هع هع ,, كمليها علشان تضمنين !! ) تدرين شنو راح يصير لو طعتيه؟ * خصوصا وقت صلاة المغرب , لأن وقتها قصير , راح تطوف عليك الصلاة , و هذا إثم عظييييييييييييييييييييم !! اذا أجلتي الصلاة لين راح وقتها , معصية من كبائر المعاااااااااااااااااااااااااا اصي !! و طبعا , العبد يحرم الرزق بالذنب يصيبه ! تسوين ذنب , ما ايجي لك الرزق و لا الفرج !! و تطووول المدة !! و بكذا الشيطان يطق رقبه من الفرحة !! و يبدأ يشكك بكلام الله !! و ان القرآن - اعوذ بالله - ما يساعد على الشفاء ! و ان انتي حظك مو زين ! و انتي تعيسه ! و السعادة حق فلانه و علانه و انتي حريمتك !! و تبدين تزعلين و تتضايقين ,, و هو يطق اصبع من الوناسه !! الحل : اول ما تسمعين الأذاااااااااااااان على طول تقومين مثل المجنوووووووووووونه و تصلين , و طول السجود تدعين ان الله يثبتك و تخلين قلب الشيطان يفررررررررررررفر من الحرررررررررررره هههههههه , و اول ما تخلصين صلاة على طوووووووول المصحف , مثل اللي فيها تنويم مغناطيسي , طوالي تلقطين المصحف و تفتحينه و تبدين تقرين . 7- الخدعة السابعة : الحين هو ما شاف فايدة ! يبدأ الحين يخرب عليك و انتي تقرين !! يخليك تتذكرين اشياء تحزن !! اشياء تشغلك !! وراج دوام بكره ! ما اتصلتي على فلانة ! ما شفتي البرنامج الفلاني ! روحي تسبحي ! انتي مو طاهره ! روحي توضي مره ثانية ! روحي ارتاحي و بعدين كملي ! يخليك تفكرين بسالفة صارت لك و تندمجين و ما تحسين الا انتي مخلصه كم صفحة مو فاهمه حتى شنو فيها استغفر الله اذا قدر عليك و خلاك تنصرفين ذهنيا , شوفي شنو بيصير ( يبدأ يقول لك : يووووه !! انتي طوفتي كم صفحة ما انتبهتي ؟؟!! اجل لازم ترجعين تقرينهم من جديد !! و الا ما تفيدك القراءة !! ) و طبعا هذي تتكرر اكثر شيء مع اللي توهم بدوا يقرون سورة البقرة و يحسونها صعبه عليهم , و طبعا ما يخليهم ينتبهون الا بعد صفحاااااااااات وااااااااااااااااااااااااااااا ااااااجد !! علشان يوهقهم زين و ترا يتعمد ينبههم بعد السرحان و الشرود , يتعمد يخليهم ينتبهون , تدرون ليش ؟؟ علشان يقول لهم >>> ( يوووه ! انتو ما انتبهتوا !! اجل لازم تعيدون من الصفحات اللي ما ركزتوا فيها ! يووه واااجد , كم كم ؟؟؟ ييييييييييووه ؟؟ !! 10 صفحااات , هذولا شيعيدهم ؟؟ كثيييييييييييييييييييييييير ) و تكونين وقتها بين نارين : اييش ؟ انك تكملين مع انك مطوفه صفحات كثييره بدون تركيز , و اذا كذا على ضمانتي راح تكملين الباقي بضيقة خلق و يصير بالك كله مع سالفة ( انا ما ركزت انا ما ركزت قبل , اجل مافي فايدة ) او انك تعيدين اللي قريتيه من الصفحات الي ماركزتي فيهم , و بكذاا * تحسين بتعب ! و احتمال كبير توقفين ما تكملين ! او يجي لك شغل من تحت القاع و تنسين القراءة !! * يبدأ يشكك بالصفحات اللي انتي اصلا ركزتي فيهم ! يقول لك ( طيب اللي قبل بعد انتي ما ركزتي فيهم يمكن !! ) * يقول لك خدعه بايخه مثل وجهه ( ما يصير تقطعين بالسورة ! على كيفك انتي ؟ سرحتي و بعيد ؟ ما يصير الا تبدينها من اول ) الحل : اول ما تحسين انك سرحتي شوي , اقري بصوت عالي شوي لين ينطم و ياكل تبن ! لو تقرين دقيقتين او دقيقة بصوت عالي , و بعدين ارجعي وطي صوتك و كل ما وسوس لك و خلاك تبدين بالسرحان اقري بصوت عالي تابعوا ترا الخدع ما خلصت ! - الخدعة الثامنة و هذي من ازفت الخدع , و سامحوني على كلمة ( ازفت ) : يخليك تعقدين الامل ( بالسوره ) و ليس ( بالله ) !! يخليك تحسين ان سورة البقرة هي اللي بتحل مشكلتك !! و ليس رب العالمين اعوذ بالله ,, تبين تكتشفين اشلون يبدأ يودرك بهالخدعه , ؟؟ هذي العلامات * تبدين تقولين للناس انا اقرا سورة البقرة ,سورة البقرة ( قوية ) , سورة البقرة ( حل للمشاكل ) . * اذا شفتي بوادر سعادة في حياتك تطري على بالك سورة البقرة !! * تحسين انك لو تركتيها يوم واحد او ما كملتيها ان كل شيء انتهى !!! (( و اهناا مطب كبير !! لو عقدتي عليها الامل رحتي وطي , و لو اهملتيها و ما قريتيها ايضا نفس النتيجة !! و لي ان شاء الله وقفه مع الحل بإذن الله )) * تتركين الدعــــــــــاء !! و الاستغفار !! و بذل الاسباب !! و الصدقة !! و تحطين تركيزك بسورة البقرة ! اذا فيك وحده من هالعلامات انتبهي !! لا يوديك ورا الشمس حسبي الله عليه !! و اذا فيك كلهم , تلاحقي عمرك , و صلحي الغلط اليوم قبل بكره , الحل : تعوذي بالله من ابليس , و خلي الامل بالله اولا و اخير , تقولين هالدعاء في سجودك ( اللهم يارب ياكريم يا رب يا عظيم يا ارحم الراحمين , بحق ما بلغتنا على لسان نبيك محمد صلى الله عليه و سلم بأن سورة البقرة أخذها بركة و تركها حسره و لا تستطيعها البطله , اللهم آمنا بك و برسولك فاكتبنا مع الشاهدين , و اجعل اعمالنا صالحة لوجهك الكريم , فأنت رب الأرباب و انت مسبب الاسباب , اللهم آتنا في الدنيا حسنة وفي الآخرة حسنة و قنا عذاب النار , و صلي اللهم على محمد و اله و صحبه اجمعين ) ملاحظة : الدعاء هذا مو مأخوذ عن كتاب و لا مصدر و لا من حديث , هذا دعاء اقوله من قلبي ,انا مجرد امه فقيره لله , لااكثر و يمكن اكون اضعف ايمان فيكم , و اقل وحده منزله عند الله , يعني هذا دعاء عادي اقوله لدحر ابليس كلما يوسوس لي بها الشيء . - الخدعة التاسعه : انك تبتعدين عن القرآن ابتعادا كليا وقت الدوره و انتو بكرامه ,, و اهناا يبدا يخرب عليك تخريب و تصيرين فريسه سهله كثيير , العلماءاختلفوا على مسألة قراءة الحائض للقرآن بدون لمسه , علشان تتجنبين هالسالفة : اسمعيها و خليها تررررررررن رررررررررررررن بغرفتك ,, خلي القرآن يغررررررررررد بالبيت كله ! خلي ابليس يضيق خلقه من يدري ان موعد الدوره قرب هههه لأن راح يسمع قرآآن غصبا عنه هذا في حال تبين تاخذين راي العلماء اللي يقول : القرآن يحرم على الحائض قراءة او لمسا للمصحف , اذا بتاخذين راي العلماء اللي يقولون : يجوز ان تقرأ المرأة القرآن اذا كانت تحفظه او تقرأه و هي تلبس قفازين , فأكملي القراءة و يمكنك التأكد من الفتاوي بهذا الشأن فأنا لا افتي ,, و خلال فترة الدوره , ترا بتصيرين بعيد عن الله بسبب انك ما تقدرين تصلين و راح يبدأ يطبق عليك كل انواااااااااع الخدع الساااااااااااابقة علشان يضمن انك مستحيييييييييييييييل ترجعين تقرينها مره ثانية ! و يخلي الناس يقولون لك اخبار خايسه !! و يوسوس لعدوانك يعايرونك بمصيبتك !! و يقول لك ( شفتي اشلون ؟ ما استفدتي , حسافة التعب اللي راح ! ) و يسوي لك فلم هندي تراجيدي عن مشكلتك !! و يخلي نفسيتك زفت الزفت ! راح يسوي استنفاااااار مو طبيعي له و لأعوانه من البشر !! علشان ما ترجعين وتقهرينه مرة ثانية بعد ما تغسلين من الدوره , نصيحتي * القرآن شغال بالبيت . * استغفار مو طبيعي و بعدد مهوووووووووووول علشان تحرقين قلبه حرق . * الدعاااااااااااااااااااااااااا اء الدعاااااااااااااااااااااااااا ء . نسيت لا اقول لكم 11- الخدعة الحادية عشر : اذا انشغلتي او طلعتي يحاول يخليك تنامين بعد الرجعة ! الحل ان شاء الله : تستفيدين من كل دقيقة في القراءة , و تقرينها بالسنن الرواتب , و اذا انتي مو مواظبه على السنن الرواتب , صليهم وقت انشغالاتك علشان تقرين قدر الامكان . 12- اذا قرب الفرج و بديتي تحسين ان المشكلة انتهت يقول لك ( خلاص وقفي قراءة ) و المطلوب انج تسوين عكس اللي يوسوس لك : تضاعفين الجهد و القراءة , او تخلينها قراءة و سمع , و تقرين على ماي و ترشينه و تشربيه منه و تكثرين دعاء و استغفار و اهم شيء يا بنااااااااااااات الكتمااااااااااااااااااااااااا اااااااااااااااااااا ااااان لحد يدري فيك و لا حتى امك ! كتمان القراءة و التداوي + كتمان الفرج و الرزق و تحصين النفس بالأذكار و المعوذتين بالنهايه منقووول ولكن انا تعبت بتضبيط الموضوع وتعديله اتمنى ماتبخلوون علي بدعائكم مواضيع ذات صلة |
|
|
#2 |
|
|
رد: تبين تقرين سوره البقرة كل يوم و ما تقطعين ولا يوم ؟؟ شوفي السر
جزاك الله خيرا و من كتبتها
بخصوص ايام الحيض .. الكومبيوتر موجود .. ممكن تقرأ و تقلب المصحف باستعمال برامج تطلع لك مصحف تتقلب اوراقه .. مثل برنامج "القران الكريم فلاش" "quranflash" |
|
|
#3 |
|
|
رد: تبين تقرين سوره البقرة كل يوم و ما تقطعين ولا يوم ؟؟ شوفي السر
جزاكي الله كل الخير...........مشكورة على الموضوع الرائع
|
|
|
#4 |
|
|
رد: تبين تقرين سوره البقرة كل يوم و ما تقطعين ولا يوم ؟؟ شوفي السر
جزاك الله خير وجعله في ميزان حسناتك
وبنتظار جديدك |
|
|
#5 |
|
|
رد: تبين تقرين سوره البقرة كل يوم و ما تقطعين ولا يوم ؟؟ شوفي السر
تستاهلين احلى تقييم على هالموضوع الرائع
|
