رد: جروووح قلبي ... قصة سعودية روعة
جروووح قلبي ... قصة سعودية روعة
وليد:اكيد وانا اعتبره ابوي والله لو يقول ارمي نفسك بالبحر رميت من غير تفكير...
هديل تبتسم لاخوها تحبه وتحب فيه طيبته وخفه ظله لانه هو الوحيد اللي يفهمها بعد عمته نورة..
وترتاح تتكلم معه ...
وليد: وين سرحتي يالغاليه..؟
هديل بحياء: فيك..؟
وليد بدهشه: فيني انا ... بايش سرحتي فيني؟
هديل ومنزله عيونها:اممممممممممم افكرمين هي البنت اللي تستاهل اخوي الغالي ..؟
وليد منحرج:اذ جاء وقته انتي تقولين لي مين هي .. "وقام عنها" يله انا بدخل اكيد حطوا العشاء.. وقامت معه وراحت وراء البيت وهو دخل من المدخل..
دخلت هديل المطبخ وشافتهم مجتمعين الا عمتها سارة ونوره..
نوف تتصنع العصبيه:انتي وينك طسيتي ..؟؟
هديل بنفس عصبتها:لاوالله يعنى تنكرين انتي ولسانك الطويل..لاعاد تكلمني وصدت عن نوف اللي تخصرت ..
نوف تتريق:عاد انا ميته عليك وعلى سوالفك اللي مثل وجهك.. طالع وجه العنز واحلب لبن
عضت نوف على طرف لسانها لان شافت ملامح وجهه تتغير ..
ام سلطان تلطف الجو:هاه هديل كلت ريمي عشاها..
هديل تحاول تبتسم:كلت شوي والحين اذ شافتنا ناكل تجي وتاكل معنا..وراحت تغسل الصحن ولانا ظرت لنوف اللي كانت تراقبها .. فضربتها منال على رجلها
منال بصوت واطي:صادقه ماكذبت عمتي لسانك يبيله قص..وقامت راحت لريمي عشان تغسلها
هديل:لاتتعبين نفسك منال الحين بغسلها..
منال شايله ريمي: Don't Warry .. وطلعت للمغاسل
ام سلطان:نوووف طلعي صحن عشان احط عشى خالتي..
نوف قامت وهي تحس بندم على كلامها لهديل لان ماشافت منها الا كل خير دخلت ام نواف للمطبخ عشان تقولهم ان العشاء جاهز..
الساعه 11 وربع بالليل راحوا الشباب للبيت الشعر و الحريم بالصاله مع امهم اما البنات دخلوا المطبخ عشان يغسلون الموجود وينظفونه..دخل حماده المطبخ
حماده:هزيل .....جاء بابا.....
هديل:قال يله ..؟ حماده يهز راسه بالنفي وابتسمت على براءه اخوها..
نوف:طيب واذ جاء ابوك خلاص يعنى تبون تروحون ماتبونا..
حماده براءه:لالالالا......عشان امممم ....اخز.....ريمي عنده
هديل:الحين بوديها بس اصبر بغير لها وبعدين تاخذها وانت بعد تعال اغيرلك...ماسمع
كلامها وراح عنهم..وكانت تبي تروح معه ريمي بس لحقت عليها هديل ومسكتها وقعدت تصيح..
هديل:لالا مافيه اغيرلك اول وبعدين تروحين ..
ريمي بصياح:اده..اده..ااح...اده...(ح ماده راح)
هديل تحاول تشيلها وهي ماتبغي :طيب الحين بنروح لحماده خليني اغيرلك اول ..و شالتها وهي ترافس تبي تروح لحماده..وطلعت للصاله..
ام نواف:وش فيها ريمي بسم الله عليها..؟
هديل تحاول تمسكها :شافت حماده وتبي تروح عنده ..
الجده:خليها تروح لاتردينها خليها ...وريمي مازالت ترافس وتصيح وانتم تعرفون اذ الطفل جلس يراسف وانتي شايلته ..
هديل:ان شاءالله بس بغير لها وبكيفها تروح..قامت ام نواف عشان تاخذها من هديل...
ام نواف تكلم ريمي:خلاص الحين نروح لحماده اول شئ نلبس ملابسنا الحلوة ونروح خلاص ماما ....
وريمي هدت شوي لان استحت من عمتها وسكتت..وراحت هديل تجيب الشنطه ..عشان تلبسها وام نواف دخلت غرفه حطينها للاحتياط وجلستها على السرير
دخلت هديل ومعها الشنطه ...
هديل:عمتي ياليت تكلمين فواز يجيب حماده.. ودخلت عليهم ام محمد
ام محمد:يمه هديل تقدرين تتكلمين بالتلفون او مانعتك شيخه؟
هديل بنظرة حزن:لا ياعمتي بس ما اخذ راحتي فيه.... "فهمت مقصدها "...
ام محمد:طيب اذ شفتيها طالعه او انشغلت بشئ ارفعي السماعه ودقي علينا اهم شئ نسمع اخبارك
هديل:ان شاءالله...
|