 |
  |
|
|
|
06-22-2012, 10:02 PM
|
#1 |
|
:: كاتبة فضيّـة :: |
الفتاة صاحبة المشكلة:
أنا بنت عمري (17) سنه تعرفت على شاب بالصدفه في احدى المواقع وكان اول موقعه ادخله واول مره لي بالتحدث مع شباب تعرفت عليه وكان اول يوم لنا وبعدها بساعات قام هوه وحذف اشتراكي من الموقع وبرضا مني وسرنا نتحدث عن طريق الايميل ارتحت له من اول مره تحدثت معه احسسته صادق سرنا نتحدث بالساعات نجلس من 7 الصباح الا المغرب او بعد العصر اتعلقت فيه وحبينا بعض وكل يوم يمر نعرف بعض اكثر وكلمنا بعض بالجوال بعدها اعطيته ثقه كبيره وبعدها شافني ع الكام وع الصور وانا شوفت له صور قالي انه يبا يتزوجني لمن نكبر ووعدني انه يكون معايه طول عمره وانا وعدته انا واثقه من كلامه وصدقه وانا ما اقدر ابعج عنه اذا بعدت عنه اتعب وكل الدنيا تضيق فيني وهو حكاني بعلاقاته من قبلي حتى وانا معاه كان يخبرني مين الي الا الان يكلمونهسار مايرد عليهم يتجاهلهم الا ان وحده منهم توصلت لي رقمي وعرفت وعرفت منه هوه قال لها اني اتعرفت ع وحده وارتحت لعا هيا تحبه وكلمتني ع اساس انه هو واخذت رقمي وكلمتني وتباني ابعد عنه لانها تحبه وبعد فتره لما كونا نتواصل ع الجوال هوه دق وماما ردت عليه من جوالي وسمعت صوت ولد وشكت في الموضوع وكلمتني واخر شئ قولت لها انو هاذا بالغلط اتعرفت عليه عن طريق الجوال دق بالغلط وكذا وبعدها غيرت لي الشريحه ومازلت اكلمه وهو حكا اخته عني قيد وراني صور لاخواته لكن مي باينه وجيههم هما مغطيينها وانا واثقه بكلامه بعض الاحيان اكلمه وتجي اخته وتقوله مين تكلم انا اسمعه يقول اكلم حبيبتي وتبا تكلمني اخته بس مايرضالها يقولي حعرفك يوم عليهم ماقيد خرجنا انا وياه سوا ومع بعض بس قيد اتقابلنا من بعيد اعطيته اشياء حطيتها له بعيد وهو جاه واخذها ولكن ما شفته وقتها بس هو شافني وبالعبايه مرتين سارت وانا والله اتعلقت بيه وحبيته اكثر من روحي وهوه يحبني ومانقدر نبعد عن بعض وهوه عنده كل ارقام اهلي وتلفوننا وانا عندي تلفونهم وقبل فتره كنت اكلمه من جوال ماما وماما بعد ذيك المره سجلت رقمه عندها في الجوال والخميس الي فات كونت اكلمه وهيا كانت حاسه وكانت جمبي ومامداني امس الرقم واخذته وعرفت وخاصمتني وقالت لي رجعنا للحركات هاذي وانتي كذابه وزي كذا واخذت الجوال وكلمته وقتها من جوال اخويه وقلت له انو سار كذا وكذا واليوم الثاني طمنته عليه وماما ماخذه مني موقف مره صعب ماتكلمني الا لشيء ضروري وما اجلس معاها ولا نتكلم انصدمت فيني مااتوقعتها مني انا بنتها الوحيده والباقيين اولاد وهيا تثق فيني ثقه عميا والحين لا وضاع كل شئ حالتي متدهوره لاني ما اقدر اكلم الولد زي اول اول اكلمه صبح لليل عصر اطمن عليه الحين لا ووين ووين وهوه حالته صعبه كل ما افتكره ابكي اروح المدرسه وانا ابكي وارجع وانا ابكي في كل مكان ابكي كرهت ماما لانها ابعدتني عنه انا كنت حخبرها عن علاقتنا قبل لا هيا تعرف بس ما اراد الله والولد مو رافض انو ماما تعرف بعلاقتنا بس كان خايف انها تبعدنا عن بعض لو عرفت والحين ماينفع شئ الكلام ماينفع انا المشكله ما اقدر اقولها احبه وبتزوجه العائق الاكبر للموضوع اهلي ما يتقبلون الشئ هاذا نهائي واذا كلمتها ما حقدر اتفاهم معاها وما حتصدق وماترضا تتقبل الموضوع الحين هي ماقالت لي بابا لو قالت له ممكن يموتني من الضرب الولد قالي اذا قالت لك حتكلم ابوكي انا راح اكلمها والي تباه راح اقوله لها عشان ابوكي مايدري ويضربك ودايم يقولي انا مو خايف من شئ وماسوينا شئ غلط كل الي سار حبينا بعض وحقولهم كذا الان حالتنا صعبه لاننا بعيدين عن بعض مو زي اول انا اكلمه وهوه يبكي وانا ابكي هوه حلف وقالي ان طولتي الغيبه حجلس تحت عند بيتكم اهم شئ اشوفك وانتي خارجه اي شئ والله حالتنا صعبه انا اذا تعبت نفسيا خلاص كل شئ يوقف في حيايتي حتى دراستي هاملتها ما اقدر اركز في شيء حتى مو لاقيه احد اشكيله احس انو الوحده خانقتني ابا حل للمشكه غير اني ابعد عنه انا ما اقدر ابعد عنه وروحي متعلقه فيه وهوه كمان وما اقدر اواجه ماما واقولها هوه يحبني ويبا يتزوجني وهوه مستعد يتكلم هيا ماراح تتقبل ذا الشيء انا اعرفها ماما افكارها زي الحريم حق زمان مره صعب وكل شئ تفهمه غلط ومستحيل اقول لي بابا لانه حيذبحني ان عرف ومافي احد كبير اقوله ويتقبل الموضوع والي قولت لهم وقدي يقولون لي كل الشباب كذا لكن هوه غير ومصدقته ومافي واحد بيرضا اني اكلم ماما وهو كذاب وما يباني احنا علاقتنا ببعض مره كبيره وكل يوم تكبر وعلاقتنا تزيد والحين لنا سنه مع بعض وطلب مني اني اوعده اني اكون معاه طول عمري وهوه وعدني يهتم فيني كثير ويخاف عليه ويغار عليه كانه واحد من اهلي هوه امه ميته وماقالي من البدايه بس حسيت انه فاقد احد يهتم فيه وهو مرتاح لي لاني كمان اهتم فيه حتى الاكل اذا ما اكلت يخليني اكل وقدامه يهتم فيني في كل شئ وانا اهتم فيه وحتى في مواعيد ادويته واذكره واقوله ومره كونت اكلمه وكان صاحبه جمبه وسمعت صاحبه يقوله ياليتني القا وحده تحبني زي ما تحبك ومايرضا يدق عليه من جوال احد ولا اصحابه يقولي لا ويخاف عليه والمشكله الي ابا حلها الحين كيف نقدر نرجع زي اول وكيف ماما ترجع لي الجوال وتوثق فيني ياليت تردولي بسرعه وضعي مره مو حلو لا مع ماما ولا دراستي ولا شئ بالحياه وانا اعرف انو اني اكلمها مو حل وابا حل غيره وهوه عمره 21 ** إجابة المستشار: 1.تحديد المشكلة: حُب شاب الشات والاتفاق على الزواج. 2.تشخيص المشكلة: بنت عمرها 17 سنة ولها عدد من الأخوة الذكور. – تعرفت على شاب صدفة في أحد مواقع الشات،وتواصلت معه ثم أصبح التواصل عن طريق الإيميل ثم أصبحت الثقة بهذا الشاب كبيرة جدًا، وتطور الأمر لمشاهدتها عن طريق الكاميرا ثم مشاهدة صورها ثم التحدث معها بالجوال لساعات طويلة جدًا ثم قال لها:أريد أن أتزوجك وأكون معك طول العمر. واستمر الأمر لمدة سنة وخلال هذه الفترة حدثت تطورات كثيرة منها وضع هدايا له ويحصل عليها دون أن يقابلها ثم عرفت أمها بوجود اتصالات على جوالها من هذا الشاب فغيرت والدتها شريحة الجوال .... الخ وذكرت الأخت - طالبة الاستشارة- أنها متعلقة بهذا الشاب ولا تستطيع الاستغناء عنه ولا يستطيع الاستغناء عنها كما ذكر لها (عمر الشاب 21 سنة). المطلوب:حل لمشكلتها؛ ما عدا أن تقطع العلاقة مع هذا الشاب؟ 3.العلاج: المرحلة التي تمري بها هي (قلب مرحلة المراهقة) وفيها تتضح كل المظاهر المميزة لمرحلة المراهقة بصورة عامة.ويؤدي النمو الجسمي إلى الاهتمام بالجنس الآخر (الذكر بالأنثى والعكس). وفي هذه المرحلة تتطور مشاعر الحُب،ويميل المراهق عادة إلى التعبير عن نفسه. وما ذكر في تشخيص المشكلة عبارة عن مشاعر يمر بها المراهق في هذه المرحلة ويبدأ في رسم خيالات ليست واقعية خاصة عندما يصاحبها الفراغ بأشكاله المختلفة. لذا نوجه بإتباع الخطوات الإجرائية التالية: 1.قطع العلاقة مع هذه الشاب تمامًا لأن ما بني على باطل فهو باطل. 2.استثمار طاقتك في الأنشطة المناسبة لك:ثقافية وعلمية وفنية واجتماعية. 3.ضبط مشاعر الحُب بضوابط الشرع وبمساندة من أهل الاختصاص سواءً في المدرسة أو الحي. 4.المشاركة في دورة تدريبية بالثقة بالنفس واتخاذ القرار. 5.زيادة الجانب الإيماني باستشعار عظمة الخالق أو زيارة الأماكن المقدسة أو نحوهما. 6.قراءة سورة يوسف عليه السلام وقراءة تفسير السورة بتمعن وتدبر. 7.طلب المساندة والدعم من الأخصائية الاجتماعية أو المرشدة الطلابية في المدرسة حتى لا يتحول الموقف إلى مشكلة ثم يتحول إلى معضلة في حياتك. 8.تربية الانفعالات في حياتك وضبطها بضوابط الشرع. 9.قراءة كتاب قصص النساء في القرآن الكريم للدكتور محمد الحميّد. وفقك الله لكل خير . مواضيع ذات صلة |
|
06-22-2012, 10:12 PM
|
#2 |
|
|
رد: إستشارة يجب ان تقرأها كل فتاة مراهقة
وااااااااااااااااااااو قصة روعة وحلها اروع
يسلمو ايديكي يا قلبي واحلى تقييم لعيونك |
|
06-22-2012, 11:22 PM
|
#3 |
|
|
رد: إستشارة يجب ان تقرأها كل فتاة مراهقة
قصه حلوه تسلمى
|
إستشارة يجب ان تقرأها كل فتاة مراهقة
