ماضنيت لغيري يزفونك

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..

وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..

واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..

تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..

يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..

مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..

تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..

فضحني صوت شهقاتي ورجيت الواحد الديان
يخليها ويقدرني أضمد جرحي من دونك ..

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

يقولون ادفني ذكراه وانسي اللي خان
قسم بالله ما انساك ولو هالكون ينسونك ..

تروف بحالتي سارة وتحلف والله هو خسران
يواسوني رفيقاتي يقولن كلنا عونك ..

كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..

أنامابي مهر منك ولا شبكة ولا فستان
طموحي احتضن حزنك وازين بالهنا كونك ..

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..

أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..

ياشين اللحظة ذي والله تمنيت ألبس الأكفان
وأشوف الظلمة في قبريولا بغيري يهنونك ..

يبين ارجوووك خذ روحي ونادو يا هلي الدفان
ابيك تحس بجروحي.. وبتابوتي يمرونك ..

أبيك تشيل تابوتي على كتفك يغصن ال بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..

فراق أهلي وزواجك موت ودمعك موتي الثاني
خلاص ارحمني لاتبكي دخيل الله على شاني ..

زماني مارحم ضعفي هزم حسي وتحداني

عهد في قبري ما نساك تعال وزورني عاني ..

تعال خلني بحس إنك علي ولهان
وبفرح وانا في وسط ترباني..
مواضيع ذات صلة
سبحان الله الحمد لله لا إله إلا الله الله أكبر لا حول ولا قوة إلا بالله
ستون نصيحة من رسول الله صلى الله عليه وسلم
#‏عشرة_أحاديث‬ توصلكم بإذن الله الفردوس الأعلى !!
الفرق بين : فتح الله لك و فتح الله عليك
اتصل على هذا الرقـم.. وخصوصا آخر الليل.
انت من فتح على نفسه باب المحاسبة
مؤلم والله ...
واصبر وما صبرك إلا بالله

ابداااااع ... عجبني كتيييييييييييييييييير

راااائع جدااا ... سلمت اناملك الذهبية ..
نالت ع اعجابي بشكل كبير ..
تحيااتي وودي لك ..

جزااااااااااااااااااكم الله خيرااااااااااااااااااااااااا

بكل ما خطه حرفك .. و بكل ماجمعه فكرك
تبقي متميزه .. ثقي بأني استمتعت كثيراً
من بين السطور .. كذالك كان موضوعك اخيتي

	#2
*&بقايا انسانة&*	رد: ماضنيت لغيري يزفونك ماضنيت لغيري يزفونك ابداااااع ... عجبني كتيييييييييييييييييير

	#3
demon girl	رد: ماضنيت لغيري يزفونك ماضنيت لغيري يزفونك راااائع جدااا ... سلمت اناملك الذهبية .. نالت ع اعجابي بشكل كبير .. تحيااتي وودي لك ..

	#4
السلفية	رد: ماضنيت لغيري يزفونك ماضنيت لغيري يزفونك جزااااااااااااااااااكم الله خيرااااااااااااااااااااااااا

	#5
ضحكه	رد: ماضنيت لغيري يزفونك ماضنيت لغيري يزفونك بكل ما خطه حرفك .. و بكل ماجمعه فكرك تبقي متميزه .. ثقي بأني استمتعت كثيراً من بين السطور .. كذالك كان موضوعك اخيتي