|
|
اكلات رمضانية اطباق رمضان مشاركتي في مسابقة أفضل سفرة رمضانية لاتفوتكم سفرتي مع أمي يوجد هنا مشاركتي في مسابقة أفضل سفرة رمضانية لاتفوتكم سفرتي مع أمي اكلات رمضانية و اطباق رمضانية افضل أكلات رمضانية مميزة اكلات شهر رمضان و اطباق أكلات رمضانيه Ramadan Foods |
|
#1 | |
:: كاتبة محترفة :: |
مشاركتي في مسابقة أفضل سفرة رمضانية لاتفوتكم سفرتي مع أمي
السلام عليكم..ياحلوات..كل عام وانتو بخير هنا حأنزل مشاركتي في مسابقةافضل سفرة رمضانية..طبعا السفرة هاذي تشاركنا أنا وأمي فيها كون العائلة اليوم كانت قليلة لأن الوالد في المستشفى..الله يردو سالم وأغلب أخواني عندو ومافي في البيت غيري أنا وتنتين من أخواتي..فسوت الوالدة الغالية بيتزا.. وأنا عملت تشيز كيك ولا أسهل ولا أروع.. 1)البــــــــــيــــــــــتـــ ـــــــــــــــزا طبعا البيتزا اختصاص أمي فما أدري عن المقادير لكن في ملاحظة عن صوص الطماطم اللي فوق البيتزا أنا قريت في كتب طبخ طرق كثيرة لكن صراحة المقادير كثيرة ومتعبة فحبيت أشاركم الطريقة العائلية المتوارثة اللي بصراحة مــــــــــــرة سهلة..وهي انك تقطعي طماطم-العدد الي تبغيه حسب حجم الصينية والعجينة-وتخلطي معاها فلفل رومي وتحطيها ع النار لتستوي وبس مع ملاحظة انو الطماطم تقطعيها مكعبات.. 2)التشيز كيك: هو صراحة أسهل وألذ تشيز كيك عملتو كوني مجربة أنواع كثيرة قبل كذا..خلونا نبدأ: أ)الطبقة الأولى: 2)باكيت بسكوت شاي مطحون.. 1أصبع-100غرام-زبدة.. نذوب الزبدة ع النار ونصبها ع البسكوت ونخلطها مع بعض.. وهاذي الصورة::: ب)الطبقة الثانية: 9حبات جبن كيري أو مثلثات-أنا استعملت مثلثات تعطي طعم أحسن من الكيري-.. 1علبة قشطة.. 2فنجال سكر ممسوح.. 3بيضات..-نخفق البيضات ونحط مكون مهم جدا رشة فانيلا حتى ماتطلع طعمة البيض مرة مهم ماحيتاكل لو كانت طعمة البيض ظاهرة- نخلطها في الخلاط..وهاذي صورة المقادير: الأن نجي للصينية طبعا تستخدمي صينية متحركة القاعدة زي كذا: تفتحي الصينية وتحطي ورقة قصدير كبيرة ع القاعدة..زي مو بالصورة.. بعدين تحطي جسم الصينية على القاعدة وتقفليه.. وبعدين تجمعي الأطراف على الصينية..زي كذا بعدين ترصي البسكوت والزبدة في الصينية وحاولي تطلعي من البسكوت للأطراف عشان يعطي شكل مرتب..بالشكل ذا: وتصبي الخليط فوقه..وتدخليه الفرن يتحمر من فوق..وبعدبن من تحت عشان يتماسك..وهذا شكلو بعد ماطلع من الفرن..والطعم صراحة خيـــــــــــــــــــــــــال. . أنا زينته بخلطة مــــــــــــــــرة سهلة أستعملها دائما لحلوياتي لما مايكون عندي كريما هي: علبة قشطة.. 2ملعقة صغيرة شوكلاتة بودرة..وتخلطيها مع بعض وسويت كمان فوقه خطوط بالحليب المكثف المحلى.. وهاذي البيتزا.الله يعطي أمي العافية. وهاذي صور السفرة.. استنى ردودكم ..وتطبيقاتكم الجميـــــــــــــــــــــــلة .. وأمانة أمانة يابنات أي وحدة تدخل موضوعي..لاتخرج بدون ماتدعي الله يشفي أبوي ويطول عمره..ويردو لنا سالم.. أمانة يابنات.. أختكم في الله:نوسة..:11_1_209[1]:.. مواضيع ذات صلة |