ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم والله شي يجنن لبشراتكم بتدعون لي يوجد هنا والله شي يجنن لبشراتكم بتدعون لي وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية


 
قديم 02-06-2009, 10:23 PM   #1

اليمونه المزيونه

:: كاتبة نشيطة ::

الملف الشخصي
رقم العضوية: 37573
تاريخ التسجيـل: Oct 2008
مجموع المشاركات: 292 

Thumbs up والله شي يجنن لبشراتكم بتدعون لي


والله شي يجنن لبشراتكم بتدعون لي

السلام عليكم

بدخل لكم بالسالفه على طول
دايم لما اتصفح قسم البشره القى العرايس والبنات بتذمرون من جسمهم ان لونه مو موحد
انا من تجاربي عرفت وش اللي يناسبني و عرفت الزبده بقولكم على طريقه وجربوها لان تناسب الاغلبيه
بتكلم لكم كل شي بالتفصيل

اول شي الجسم :مافي شي احسن من الحمام المغربي لا خلطات ولا كريمات ولا خرابيط فادت معاي زي الحمام المغربي
لانه ينظف و يطلع لون البشره الاصلي صاااافي و حلو

الاشياء اللي تحتاجينها للحمام المغربي عشان تسوينه بالبيت :
صابون مغربي: معجون انا اخذه من عطار المرواني يجيبه من المغرب مباشره مررره ممتاز و رخيص العلبه تكفيك ثلاث شهور اذا بتسوين كل اسبوع
سعر العلبه 15 ريال( الصابون المغربي احتفظفي فيه بمكان جاف بالغرفه مثلا و اذا جيتي تستخدمينه خذي منه في صحن ودخليه معاك الحمام) .
الحنا البيضا: هذي حنا للجسم بعد اخذها من المرواني العلبه تكفي ثلاث شهور او اكثر ب 35 ريال.
اعشاب الحمام المغربي:بعد من المرواني ب 15 ريال تكفيك شهرين او اكثر .
الطين المغربي: مره حلوه يصفي بشكل رهيب .
فكس : مره حلو ينظف ويفتح .
نشا: يصفي و يشد الجسم.
صنفره المشمش:عشان الركب والاكواع .
ماي ورد: حلو ينعش الجسم و تحتاجين تخلطينه مع الحنا .
فوطه صغيره و نظيفه : بعلمك لا تستعجلين .
لوشن فازلين بزبد الكاكاو و جنين القمح: افتحي علبه اللوشن و حطي عليه
جنين القمح و رجيه وسكريه عشان تستخدمينه دايم .



الطريقه:

خذي صحن حطي اربع ملاعق صابون مغربي و ملعقه اعشاب الحمام المغربي
و نص ملعقه نشا و ملعقه فكس ( الملعقه الكبيره حقت الاكل عاد كل وحده تقدر حاجتها )

اخلطيهم زين وبعدين دخلي الحمام و افتحي الدش خلي يمتلي المكان بخار
حطي الخلطه على جسمك و خليك من عشر دقايق الى ربع ساعه و بعدها خذي الليفه المغربيه
او اللي من بدي شوب اللي زي القفاز وانا ارشحها اكثر اسهل و تنظف اكثر
ابدي افركي من تحت من ساقك الى فوق لحد الصدر افركي بشكل دائري افركي بضمير
وركزي على الركب والاكواع و اما الابط حتى لو انه غامق لا تشدين عليه لانه منطقه رقيقه
ولا تشدين على الرقبه و المنطقه الحساسه يعني على هونك على هالمناطق اما الباقي ما اوصيك
ولا تنسين ظهرك اهم شي و بطنك لاتهملينهم خليهم ينورن شوي
خذي راحتك ادعكي من قلب واذا خلصتي اشطفي جسمك بماي دافي.

وبعدين خذي الحنا البيضا اربع ونص ملعقه من اعشاب الحمام المغربي و زي عليهم ماي ورد
شوي شوي لين تصير ثقيله شوي يعني مو خاثره ولا خفيفه
وادهني جسمك كله فيه و خليه عشر دقايق او ربع ساعه وبعدين اشطفي جسمك زين


وبعدين الطين المغربي خذي اللي يكفيك اخلطيه بماي ورد لين يصير ثقيل شوي و ادهني جسمك
عشر دقايق الى ربع ساعه و بعدين اشطفي جسمك



وافركي الركب والاكواع والمناطق الغامق البطن والمؤخره بالصنفره كل منطقه خمس دقايق
وبعدين اشطفي بالماي

اذا شطفتي جسمك زين خذي الفوطه و بليها بماي ورد ومسحي على جسمك كله


واذا نشف جسمك رطبيه لا يروح تعبك على الفاضي الترطيب اهمممممم شي رطبيه
بزبده الكاكاو اللي خلطنا معاه جنين القمح (احرصي على الترطيب كل ما يجيك ماي وبذات
بعد الوضوء )


باقي ايام الاسبوع تروشي بصابونة البابايا 1 في 4 و رطبي جسمك باللوشن




لو استمريتي كذا شهرين والله بتتغيرين 180 درجه





ثاني شي الركب والاكواع :
جربت كريمات التفتيح و جربت التقشير و الترطيب
كريمات التفتيح تفتح شوي و بعد فتره يرجع زي ما كان
التقشير سبحان الله اكواعي لما سويت لها تقشير صارت نقطه صغيييييييره
وصرت احافظ عليها بالترطيب اما الركب ما نفعني الا الترطيب هو اللي خلها لمبه
طبعا بزبده الكاكاو المخلوط بجنين القمح


بكتب كل الاشياء اللي جربتها للركب والاكواع وزينه :

التفتيح للركب والاكواع كله كريم الدكوين 4% حلوووو ويفتح بس برضوا الترطيب احسن .
التقشير روحي للصيدليه الدواء قولي له عطني خلطه التقشير و التفتيح طبعا استخدمتها
للركب والاكواع الاكواع تماااااااااام الركب قلبت فحمه و وقفتها وصرت بس ارطبها بزبده الكاكاو .




الهالات اللي معذبتنا كلنا في شي جربته مرررررره حلو:
انا اصلا ما عندي وفجأه طلعت لي وطرت بدي شوب اخذت منه كريم للهلات بفيتامين سي
مررره حلو خلال اسبوعين احطه مرتين باليوم خفت كثير وصارت خفيف مثل اول بسييييييطه
وسعره تقريبا 60 ريال و لون العلبه برتقالي و تقعد معاك شهرين



وبس ان شاءالله اني افدتكم واللي تبي تنقل الموضوع تنقله
دعواتكم لي

قسم بالله من أول مره ظهر البيـاض حـتى صرت بيضـاء ع
طريقة عمل الحمام المغربي
سوال تكفون ابغا اجابه
الي تبغى وضيفه بدون دوام رسمي وراتب شهري
وصفه لتطويل الشعر
ياناس ساعدوووووني تكفون
خلطه رائعه لليدين السويدات
سر بطون الاندنوسيات المشدوووده
فوائد الطين بكل انواعه
والله شي يجنن لبشراتكم بتدعون لي
سوالف كشخه
جايبه لكم فساتين خياااااااااال
وصفه تخلي جسمك زي الحرير
بشهر بياض وبطن لاصق في الظهر
وصفه والله رووووعه للشعر تطول وتكثر وبتدعون لي


 
قديم 02-08-2009, 03:06 AM   #4

غلوته المزيونه


رد: والله شي يجنن لبشراتكم بتدعون لي


والله شي يجنن لبشراتكم بتدعون لي

يعطيك العافييييييييييييييييييييييييي يييييييييييييييييييييه حبيبتي وايييييييييييييييييييييييييييي ييييييييييييييييييييييد مشكككككككككككككككككككوره 0000

 
قديم 05-15-2009, 05:12 AM   #5

الجوووووود


رد: والله شي يجنن لبشراتكم بتدعون لي


والله شي يجنن لبشراتكم بتدعون لي

شكرا ياحلوه
معلومات قيمه جدا

 

أدوات الموضوع



الساعة الآن توقيت السعودية الرياض و الدمام و القصيم و جدة 02:10 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0