|
#1 | |
:: كاتبة جديدة :: |
اوعى تياسى مهما عملتى
بسم الله الرحمن الرحيم السلام عليكم ورحمة الله وبركاته لو وقعت فى ذنب غصب عنك وبعدين تبت لله وحققت شروط التوبه التلاته اللى هما الاقلاع عن الذنب .. والندم .. والعزم على عدم العوده للذنوب وتبت وخلصت فجاه وقعت فى نفس الذنب مره تانيه وتبت وندمت بعدها وقعت مره تانيه فى نفس الذنب هقولك اوعى تياس وتقول مفيش فايده فيا انا كل ما اتوب ارجع مره تانيه انا حاسس انه خلاص مفيش امل فيا تانى وان ربنا مش هيقبلنى هقولك اوعى تقول كده اوعى تياس بلاش الياس والاحباط اللى الشيطان بيخليك فيهم ارجع مره تانيه لربنا وربنا هيغفرلك اسمع الحديث ده وبعدين احكم بنفسك على كلامى عن أبي هريرة عن النبي صلى الله عليه وسلم فيما يحكي عن ربه عز وجل قال أذنب عبد ذنبا فقال اللهم اغفر لي ذنبي فقال تبارك وتعالى أذنب عبدي ذنبا فعلم أن له ربا يغفر الذنب ويأخذ بالذنب ثم عاد فأذنب فقال أي رب اغفر لي ذنبي فقال تبارك وتعالى عبدي أذنب ذنبا فعلم أن له ربا يغفر الذنب ويأخذ بالذنب ثم عاد فأذنب فقال أي رب اغفر لي ذنبي فقال تبارك وتعالى أذنب عبدي ذنبا فعلم أن له ربا يغفر الذنب ويأخذ بالذنب اعمل ما شئت فقد غفرت لك يعنى ما دمت تذنب ثم تتوب غفرت لك صحيح مسلم ايه رئيك بقى فى الحديث ده ؟؟؟ مش كلنا بردوا نفس العبد ده اللى كل شويه يذنب ؟؟ بس هل زيه فعلا فى انه يذنب بس يرجع ويتوب ؟؟ طالما انت بتقع فى الذنب وخلى بالك هنا تقع فى الذنب وانت مش متعمد غصب عنك يعنى طالما انت بتذنب غصب عنك وبترجع لربنا ابشر ربك هيغفرلك اوعى تياس وتسيب نفسك كده وتستسلم للذنوب والمعاصى وتستسلم للشيطان بحجه انك كل ما تتوب ترجع تانى للذنوب اوعى تعمل كده خليك عندك ثقه فى ربنا وعفو ورحمه ربنا وربنا مش هيمل منك ابداااااااااا إن الله لا يمل حتى تملو وربنا قال ان الله يحب التوابين ويحب المتطهرين بس اهم حاجه فى ده كله ان ربنا يشوف جوه قلبك فعلا صدق انك عاوز تتوب وتترك الذنوب ولما تتوب تحقق اركان التوبه الثلاثه اللى هما الاقلاع عن الذنب والندم والعزم عل عدم العوده ولو وقعت تانى فى الذنوب معلش بقى كلنا عبيد وبنغلط محدش معصوم من الخطا بس اهم شى اننا لما نقع فى ذنب ونستغفر ونتوب على طول منسوفش التوبه علشان نكون من اللى ربنا قال فيهم والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون علطول تستغفر وتتوب متصرش على الذنب وجزاكم الله خيراا مواضيع ذات صلة |