|
12-04-2013, 11:29 PM | #1 |
وعجلت اليك ربى لترضى |
تورتة عيد ميلادى من مطبخى بالصور
نبدأ فى المقادير
5 بيضات + كوب سكر + ملعقه كبيره محسن كيك نص ملعقه صغيره فانيليا + كوب ماء دافى 2 كوب دقيق + ملعقه صغيره بيكنج بودر الطريقه اول حاجه نسخن الفرن وبعد كده فى اناء غويط هنضيف كل المكونات مع بعض ماعدا الدقيق والبودر ونضربهم بالمضرب الكهربائى كويس اوى لغاية قوامهم ما يتقل بالشكل ده وبعد كده هنضيف الدقيق المضاف ليه البيكنج بودر بالتدريج مع الضرب بالمضرب لغايه ما ننتهى من كمية الدقيق وهتبقى معانا بالشكل ده بعد كده ندهن صينيه مقاس 28 بالسمن ونرش عليها دقيق ونحط فيها الخليط وندخله الفرن على درجة حراره متوسطه او على حسب الفرن بتاعك واوعى تفتحى الفرن قبل نص ساعه لانها ممكن تهبط وهى بتاخد وقت حوالى ساعه الا ربع فى الفرن وبعد كده بنطلعها من الفرن ونقلبها على طول على شبكه ونسيبها تبرد وده شكلها بعد ما طلعت بعد ما بردت فتحتها من النص وحشيتها كريم شانتيه وبعد كده دهنت التورتايه من فوق ومن الجناب بالكريم شانتيه وعملت صوص شيكولاته وصبيته عليها من فوق وجبت شوكه وعملت بيها التمويجات اللى على التورتايه علشان تعطينا الشكل الرخامى اللى على الورته ده طريقة عمل صوص الشيكولاته نص كوب سكر معلقة زبده 3 ملاعق عسل ابيض و3 ملاعق قشطه و4 ملاعق كاكاو بودره خام هنقلبهم مع بعض كويس ع النار ولما يغلو نطفى وبعدين نجيب قطعه شيكولاته خام حوالى 1/8 كيلو ونقطعها قطع صغيره وندوبها مع خليط الصوص لحد ما تدوب وبعدين نجيب ملعقه صغيره جيلاتين بودر فى شويه ميه سخنه ونقلبهم مع الخليط ونسيبه يهدى شويه قبل ما نزين بيه التورته ,وده الشكل النهائى للتورته بتاعت عيد ميلادى الف هنا وشفا ليكم ده تطبيقى لتورته شفتها على النت غير مسموح بنقله خارج منتدى ازياء مواضيع ذات صلة |