|
#1 | |
:: كاتبة جديدة :: |
عايشه بحيره من امرئ
السلام عليكم ورحمه الله وبركاته
أخباركم يابنات يارب تكونو بصحه وسلامه تكفون ابي رأيكم بهالموضوع مره محتاره وتعبانه من التفكير انا بنت عمري 30 سنه ولسه متحصل لي نصيب بالزواج بالرغم ان في ناس كثير تقدمو لكن كانو غير كفوء وبفترة من الفترات كلمتني وحده وقالت لي انها تعرف وحده تبي عروسه لإخوها وتبي تتواصل معي وانا قلت لها طيب وأعطتها رقمي وكلمتني البنت على الواتس بالبدايه وجلسنا نسولف عادي وتعرفنا على بعض وقالت لي انها تدور عروسه لإخوها وقلت لها انا هذا الموضوع تكلمو فيه مع أهلي وهي قالت طيب ولايهمك طبعا طلبت تكلمني وكلمتني وبالبدايه اول ما سمعت صوتها خفت لانه مو صوت بنت وحاولت اخلص معاها المكالمه بسرعه وفعلا قفلت وبعدها كلمتني وقلت لها انا ماعندي كلام كل شي عند أبوي ولمن حسيت انها أصرت تكلمني قلت لها ترا انت مو بنت انا عرفت صوتك وعلى طول اعترف وقال ايوه انا الولد الي يبي يتقدم بس ابي أتعرف عليك وأبي أفهمك وتفهميني وانا رفضت وقلت هذا أبوي قدامك لو تبي وقال خلاص أعطيني رقم أبوك وانا أعطيته الرقم وسويت له حظر بالواتس وحذفت رقمه وبعد كم يوم أبوي يقول في واحد متقدم ولمن قال لي اسمه وشغله وعائلته على طول عرفت انه هو بس الوالد يقول كلمه بالجوال واتفق يقابله وبس ،،المشكله بنفس الوقت تقدم واحد ثاني وجاب أهله يشوفوني بس يابنات ماقدرت ارتاح له ولأهله وجلست أفكر بالموضوع اكثر من مره يمكن لأني كنت أفكر بالي كلمني او مادري المهم جات من أهله وقالوا انه متزوج ويبي الثانيه وانا ماصدقت عذر ورفضت ،،،،،، بعدها بكم يوم اتصلت انا بالولد الي كلمني وقلت له اني عرفت انك تقدمت لأبوي وقلت له ان في ناس تقدمو لي وهو يابنات انجن جنونه وعلى طول قفل مني وكلم أبوي وقاله أنه يقابله المشكله أبوي صار له ظرف وسافر وقاله يقابل اخوي هو جاء وجلس مع اخوي وتعرف على أهلي وتكلم بالموضوع رسمي بس اخوي قاله الكلام عند ابوي وهو انتظر جيت ابوي ولمن رجع ابوي كلمه واتفقوا يتقابلو،،،، المشكله يابنات انا وهو على تواصل بالجوال بس والله كلامنا بحدود مافي شي بس كلام ومزح وعادي نكلم بعض باليوم مره او مرتين بس وانا ما اكذب عليكم مو معطيته مجال يتمادى معي بس ابي أسألكم انا صح وإلا تصرفي غلط ابي ريىكم بالموضوع تكفون ،،،، محد طبعا يعرف من أهلي اني أكلمه مواضيع ذات صلة |