ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > المواضيع المتشابهة لاقسام الطبخ
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة لاقسام الطبخ عايز تنجزي في الطبخ يوجد هنا عايز تنجزي في الطبخ وصفات طبخ مكررة او افكار طبخ و طبخات متشابهه


 
قديم 02-10-2014, 08:47 PM   #1

فاطمه فطومه

:: كاتبة نشيطة ::

الملف الشخصي
رقم العضوية: 237677
تاريخ التسجيـل: Feb 2014
مجموع المشاركات: 45 

كاس عصير عايز تنجزي في الطبخ


عايز تنجزي في الطبخ

هقولكم شويه افكار كانت بتساعدني كتير وبتوفرلي وقت كبير قوي في المطبخ

*البصل كنت مثلا وانا بطبخ بدل ما اعمل كميه طبخ واحده كنت بعمل كميه زياده شويه واقسمها والفايض اشيله في الفريز

*والتخديعه كنت بشتري طماطم كتير اول كل اسبوع او كل 15 يوم واعمل تخديعه كتير واقسمها في اكياس واحطها في الفريزر واطلعها علي الطبيخ علي طول

*البطاطس ممكن اجيب كميه حلوه واقطعها صوابع واغسلها وانقعها في خل وفلفل اسود وبهارات وميه واغلي حله ميه كبيره واحط فيها البطاطس خمس دقايق واصفيها واسيبها تبرد واقسمها اكلات واحطها في الفريزر واطلعها قبل العشا بساعه تفك واحمرها بتطلع زي بتاعت المطاعم

* الكوسه برده كنت اقشرها واقطعها حلقات واشوحها في زيت خفيف كدا واقسمها اكياس وعلي الفريزر

* والفراوله اقطعها واخزنها واطلعها علي الخلاط وشويه ميه وسكر وتبقي احلي عصير

* والمانجه نفس الشئ اقشرها واشيل البزره واحطها في اكياس واطلعها مع شويه سكر وميه وعلي الخلاط

* والجوافه نفس الشئ اشيل البزر واحطها في اكياس واطلعا علي الخلاط

*واللمون اعصر كتيييييييير واحطه بيور كدا في مكعبات التلج واما يخلص اعمل تاني

* التوم بفرم كميه كبيره خالص في الكبه واحطها في برطمان ازاز وعلي الوش شويه زيت واقفل البرطمان كويس وعلي الفريزر واطلع بالمعلقه
وممكن برطمان تاني توم وفلفل اخضر وملح وكمون وبهارات لزوم خلطه السمك

* البانيه اغسله واتبله بس متزوديش الملح كتير واعينه متبل بيطلع طعمه احلي مليون مره

* اللحمه المفرومه بعصجها واشيلها جاهزه واقسمها اكياس برده علي قد الاكله

* ممكن تجيبي صدور وتقطعيها قطع صغيره وتتشوح مع بصل وفلفل وتتعان لزوم النجرسكو او اي اكله سريعه

* البامبه ااقمعها وانزلها في ميه مغليه خطوه سريعه كدا واطلعها اغسلها علشان متبقاش مزلزقه واقسمها واعينها

* اي نوع خضار بقي فاصوليه بسله وجزر خضار مشكل بدل ما تشتريه معلب بعين كميات في اكياس قد الطبخه وعلي الفريزر

* الملوخيه كمان اقطفها واخرطها واحطها في اكياس وعلي كل كيس معلقه شوره مغليه بتعيش طول الشتا وبتبقي زي الطازه بالظبط

وطبعا الكلام دا ممكن ياخد منك يوم او يومين تعب اول الاسبوع او اول الشهر بس بيوفر وقت كبيييييييييييير

 

أدوات الموضوع



الساعة الآن توقيت السعودية الرياض و الدمام و القصيم و جدة 09:28 PM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0