ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات تورتة السبت وردات الفوندان الملونة من مطبخ الشيف مونى بالصور يوجد هنا تورتة السبت وردات الفوندان الملونة من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 04-27-2014, 01:50 PM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

تورتة السبت وردات الفوندان الملونة من مطبخ الشيف مونى بالصور


تورتة السبت وردات الفوندان الملونة من مطبخ الشيف مونى بالصور

السلام عليكم ورحمة الله
انا دايما لما بعمل تورتات
بستخدم دقيق الاسبونش الجاهز بس فيه ناس كتير بعتولى وقالولى انه مش متوفر عندهم او فى المكان اللى هما عايشين فيه فعشان كده حبيت اعمل الكيكة الاسفنجية بالطريقة الكلاسيكية فى البيت وطريقتها سهلة جدا واى حد يقدر يعملها
مكونات الكيكة:
2 كوب الا ربع دقيق

ربع كوب نشا
كوب سكر
5 بيضات كبار
ملعقة ونصف صغيرة بيكنج بودر
ملعقة صغيرة فانيليا سايلة
وطبعا لازم المكونات كلها تكون بدرجة حرارة الغرفة

مكونات الحشو والتغليف:
2 كوب كريم شانتى
خام
5 ملعقة كبيرة لبن بودرة
5 ملعقة كبيرة سكر بودرة
2 كوب ماء مثلج
نصف ملعقة صغيرة لون طعام اخضر بودرة
وللتزيين هنحتاج:
عجينة فوندان ملونة
الطريقة
بالنسبة للكيك اول حاجة فى إناء هنحط البيض مع الفانيليا

ونضربهم بالمضرب الكهربائى لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى

ونحط عليهم كل كمية السكر

ونضربهم على اقصى سرعة لمدة لاتقل عن 10 دقايق متواصل

لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب


وهننخل الدقيق والنشا والبيكنج بودر ونحطهم على الخليط(والنشا فايدته انه بيدى طراوة للكيكة)


ونقلبهم من فوق لتحت بالأسباتيولا وبرفق


لغاية ماتختفى كل كمية الدقيق ونحطها فى صينية مدهونة


وخبزتها فى فرن منخفض الحرارة وطبعا كل واحدة فرنها يختلف عن التانى واختبرتها وطلعتها


ونقلبها على ورق خبز


وسبتها فى التلاجة لمدة يوم كامل عشان تتماسك
وجهزت ادوات التقطيع والحشو


وقسمتها ل3

وطبعا الكيك الإسفنجى ليه طرق كتيييييييييييير جدا متتعدش بس انا حبيت اعملها بأسهل واسرع طريقة
وهنجهز
الحشو هنحط المكونات كلها على بعض


ونخفقهم كلهم لغاية مانحصل على قوام الكريم شانتى المطلوب واللون كمان نشوف اذا كان محتاجين نزوده او لاء


وبالنسبة للون انا اخترته لأنى حبيت اغير عشان دايما ابيض او شوكولاته وطبعا تقدروا تغيروا للون اللى بتحبوه
وهنبدأ نحشى الكيكة
ونقدر نحط عليها سيرب او مربى قبل مانحط عليها الكريم شانتى ده حسب رغبتكم


وهنغلفها بالكريم شانتى وهنمشى عليها من فوق بالشوكة او بمشط الحلويات المشرشر


وهنستخدم القمع المشرشر عشان نعمل شكل السبت


بالنسبة لشكل السبت هنعمل خطوط رأسية


وهنمشى عليها بالخطوط الأفقية هنمشى على عمود ونسيب اللى بعده وهكذا وصف الخطوط الأفقية التانى هيبقى عكس اللى فوقه عشان يدينا شكل السبت


ولازم العواميد الرأسية يكون عددها زوجى عشان اخر عمود يقفل مع اول عمود
وهيدينا شكل السبت على جناب التورتة


كده خلصنا الجزء الرئيسى وهنيجى لأخر جزء فى التزيين هنجيب عجينة الفوندان الملونة اللى عندنا ونختار الألوان اللى عايزنها


بالنسبة لعجينة الفوندان انا بشتريها جاهزة وبلونها فى البيت ده لما مش بلاقى الملونة بس طبعا الأسهل انكم تشتروا الملونة جاهزة لأن تلوينها بياخد منى وقت كبير ومجهود وهنجيب قطاعات الفوندان البلاستيك اللى هتدينا شكل الورد


وهنفرد عجينة الفوندان على نشا ونضغط عليها بالقطاعات

فطيرة عش البلبل من مطبخ الشيف مونى بالصور
طريقة بسكويت الايس كريم وايس كريم الليمون من مطبخ الشيف مونى بالصور
ايس كريم الشوكولاته من مطبخ الشيف مونى بالصور
طاجن رز معمر باللحمة وملوخية مصرية من مطبخى بالصور
كيكة الكرامل من مطبخ الشيف مونى بالصور
كيكة البرتقال بعصير البرتقال وصوص البرتقال من مطبخ الشيف مونى بالصور
كب البسبوسة بالتمر من مطبخ الشيف مونى بالفيديو
فطيرة الدجاج بعجينة الزبادي من مطبخ الشيف موني بالصور
حلقة البرتقال والزبيب من مطبخ الشيف مونى بالصور
العيش الفينو للمبتدئات من مطبخى بالصور
ايس كريم الخوخ وسوربيه الخوخ من مطبخ الشيف مونى بالصور
خبز الدار الجزائري بالسميد من مطبخ الشيف موني بالصور
الكريب الحلو والحادق من مطبخ الشيف مونى بالصور
كيكة العسل الاسود من مطبخ الشيف موني بالصور
الحلاوة الطحينية البيتى بأسهل طريقة وصلت من مطبخ الشيف مونى بالصور


 
قديم 04-27-2014, 01:51 PM   #2

الشيف مونى


رد: تورتة السبت وردات الفوندان الملونة من مطبخ الشيف مونى بالصور


تورتة السبت وردات الفوندان الملونة من مطبخ الشيف مونى بالصور

بالنسبة لعجينة الفوندان فيه ناس كتير بتشتكى انها بتكون معاهم مفتفتة او ناشفة جدا الحل انكم تسخنوها على حمام مياه زى مابنسيح الشوكولاته وبمجرد ماتسخن وتبقى طرية نشيلها ونعجنها بإيدينا هترجع معانا زى اول ماشتريناها وهتبقى قطعة واحدة وطرية
انا حطيت الورد وكتبت على التورتة بنفس عجينة الفوندان لأن التورتة دى صديقتى طلبت منى اعملها لوالدتها
وده شكلها النهائى




ودى بعد ماقسمتها


يارب موضوعى البسيط ده يكون عجبكم

كيكة العسل الروسيه Medovik cake من مطبخ الشيف موني بالصور
شترودل التفاح من مطبخ الشيف مونى بالصور
عاشورة جدتى الاصلية من مطبخ الشيف مونى بالصور
كيكة التفاح البلوريه من مطبخ الشيف موني بالصور
ليالى لبنان بأسهل طريقة من مطبخ الشيف مونى بالصور
كيكة الروانى من مطبخ الشيف مونى بالصور
بسكويت مالح بالكمون من مطبخ الشيف موني بالصور
لعشاق النسكافيه ايس كريم النسكافيه من مطبخ الشيف مونى بالصور
كيكة الذرة من مطبخ الشيف موني بالصور
بسكويت السابليه من مطبخ الشيف مونى بالصور
حصريا من مطبخى البالميه بعجينة البف باسترى بالصور
الجاتوه السواريه من مطبخ الشيف مونى بالصور
الفطير السويدى بالجبنة والعجوة من مطبخ الشيف مونى بالصور
طريقة بسكويت الايس كريم وايس كريم الليمون من مطبخ الشيف مونى بالصور
كيكة البرتقال بعصير البرتقال وصوص البرتقال من مطبخ الشيف مونى بالصور


 

أدوات الموضوع



الساعة الآن توقيت السعودية الرياض و الدمام و القصيم و جدة 01:21 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0