الستات والبنات

الستات والبنات
اللي رايحين يصلوا التراويح
في رمضان القادم
إن شاء الله
( لو ما اتمنعتش واللا حاجه)
بلاش علبة الكيك وصنية الكنافة
وترمس الشاي مش ﻻزم تاكلوا بين الصلوات كلوا لما تروحوا.
(عارفين إنك شاطرة)
بنتك الصغيرة فرحانه بصوتها
زي أصالة وماجدة الرومي
وبتغني في المسجد وتنط على راس البنات وانت بتصلي
و إبنك اللي بيسنن سخن و بيصرخ الظاهر سنانه بتاكله والناس مش بيسمعوا الإمام.
(اتفقي مع جارتك انت تصلي في المسجد يوم وهي يوم واقعدوا بالوﻻد وارحموهم)
مافيش حاجه إسمها محجوز ما تحطيش الشنطة جنبك وتبرقي للبنات وتقولي محجوز
وتستن جارتك على بال ما تخلص المواعين وتيجي
(المسجد مش أوتوبيس.)
بالنسبة للغلبانه اللي جنبك
مش ﻻزم صباعك الصغير يلزق في صباعها لو بعيده وبطلي تزغزغيها.
رجليك كده غلط وشكلها وحش.
(مش حا تستحملي وحا تقعي في الآخر)
ما تطلعيش تجري بعد الصلاة بالخمار علشان تلحقي المسلسل
من أول المقدمة وتتفرجي على الرقاصة.
(فايدته إيه مرواح المسجد)
بلاش تلبسي العباية اللي بتلمع
وتبرق بالترتر والخرز
لأنها بتنور في الضلمة والناس بتتخض.
(ده مش لولولولييييي فرح)
بلاش تنزلي تصلي بالإسدال بتاع البيت
قماشه خفيف وبيبين الجسم
ألبسي أحسن عباية عندك
(انت مش طالعة تنشري في البلكونة يا شلبية )
بطلي تبحلقي في البنات
وتدوري لإبنك على عروسة وتنادي عليهم بصوت عالي.
(بصي من تحت ل تحت
وأوصيك بالبنات الهادية اللي مش حاطين مكياج وبيقعدوا ورا) ^-^
جاركم أبو أيمن عرف كل حاجه لأنه سمعك في المسجد
من ورا الستارةo_O
وانت بتحكي لصاحبتك على مقادير الكنافة بالقشطة والمكسرات.
(حا يقول لمراته وحاتعرف سر المهنة وطي صوتك)
بلاش يا بنات الكعب العالي
لأنه ملفت...وبيعمل حاجات وحشة.o_O
( تريك تراك تريك تراك قدام المسجد والإخوة واقفين حا يبصوا غصب عنهم ويتفرجوا)
روج وكحل وأحمر خدود o_O
وانت رايحه تصلي ..
ليه !
(يا رب الإمام يخشع في الدعاء وتعيطي والكحل يسيح)
البارفان بلاش منه
وعلى فكرة ما فيش واحد حا يشمه يقوم يحبك فجأة
ويجري وراك وانت طالعة من المسجد علشان يخطبك من بابا
(اللي بييجي في الإعلانات كله كدب.)
لو الفطار كان فيه فته وخل توم خليك مكانك ما تتحركيش من البيت وهاتولها هدية.
آميييين
الرجال اللي يعلوا صوتهم فيها
انت صوتك حلو وناعم ومسمسم
وده مسجد
وبلاش أوبرا عايدة
قوليها بصوت واطي
علشان ربنا يكرمك
في السجود إدعي في سرك
المسجد كله عرف إن ركبك بتوجعك و جوز أختك ضربها بالقلم وإنك بتدعي عليه:(
بطلوا تتعاركوا على النور وشوية تطفوه علشان الخشوع وشوية تنوروه وتدوروا على العيال
وما تنسوش تنضفوا المسجد وبلاش ترموا مناديل ورق في الأرض علشان
ده بيت ربنا.
وحشني رمضان.
اللهم بلغنا رمضان
مواضيع ذات صلة
الفرق بين البنات والشباب اذا دق جرس المدرسه!!
أرقى الديكورات العالمية للمطابخ والغرف والمكاتب من ا،ب تصميم
هل الوعيد لمن باتت هاجرة لفراش زوجها يشمل غير المدخول بها ؟
السجن والجلد ليمنيين قاما بربط مواطن وزوجته بالحبال بهدف السرقة بالمجاردة
ماسك الاسبرين لإزالة البقع والشوائب وحب الشباب
رمضان كريم وكل عام وانتم بخير
مقترحات مختصره لتهيئة النفس والبيت والمسجد لإستقبال رمضان
حوار بين رمضان والناس ...........؟؟؟