ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات الجاتوه الهرمى والشطرنج من مطبخ الشيف مونى بالصور يوجد هنا الجاتوه الهرمى والشطرنج من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 09-22-2014, 10:46 AM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

الجاتوه الهرمى والشطرنج من مطبخ الشيف مونى بالصور


الجاتوه الهرمى والشطرنج من مطبخ الشيف مونى بالصور

السلام عليكم ورحمة الله

كل سنة وانتو طيبين بمناسبة قرب عيد الأضحى المبارك

الجاتوه الهرمى وجاتوه الشطرنج شكله حلو وطريقته سهلة

اول حاجة مكونات الجاتوه الهرمى:

ربع كيلو دقيق سبونش فانيليا

ربع كيلو دقيق سبونش كاكاو

(وطبعا دقيق الاسبونش الجاهز مضاف ليه البيكنج بودر والمحسن والسكر احنا بنضيف فقط البيض والماء ومفيهوش مواد دهنية لأنه اسفنجى)

6 بيضات كبار

نصف كوب ماء

فانيليا

مكونات الحشو:

كوب ونصف كريم شانتى خام

2 الا ربع كوب ماء مثلج

3 ملعقة كبيرة حليب بودرة

2 ملعقة كبيرة كاكاو خام

5 ملعقة كبيرة سكر بودرة

(ةممكن بدل الحليب البودرة والماء مثلج حليب طبيعى)

وللتزيين:

جوز هند اصفر او حسب رغبتكم

الطريقة:

انا كل مرة بستخدم دقيق اسبونش سايب بس المرة دى استخدمت الطحان وكل علبة بيبقى فيها نص كيلو

فى اناء هنحط سبونش الكاكاو و3 بيضات وفانيليا وربع كوب ماء

وهنخفقهم بمضرب البيض لمدة 3 دقايق متواصلة لغاية مايغلظ الخليط ويبقى كريمى

ونحط الخليط فى صينية مربعة على ورق خبز

وندخله فرن حرارته هادية وطبعا كل فرن بيختلف عن التانى
وهنعمل كيك الفانيليا
فى اناء هنحط سبونش الفانيليا مع 3 بيضات وفانيليا وربع كوب ماء

ونخفقهم بمضرب البيض لمدة 3 دقايق متواصل

ونحط الخليط فى صينية مربعة على ورق خبز

وندخلها فرن حرارته هادية لغاية ماتستوى
وبكده هيبقى عندنا ديسكين فانيليا وكاكاو وسمكهم مش هيبقى عالى لأن الصينية كبيرة ولأننا لسه هنعمل طبقات فوق بعض

هنقلبهم على ورق خبز وندخلهم التلاجة لمدة يوم كامل

تانى يوم نطلعهم عشان نحضر الجاتوه واول حاجة هنعملها الكريم شانتى
هنحط كل مكونات الكريم شانتى مع بعض فى اناء

ونضربهم بمضرب البيض لغاية مانوصل للقوام المطلوب وبكده يبقى الكريم شانتى جاهز عندنا

ونحضر ادوات الفرد والتقطيع

ونحط الكيكتين على بعض الفانيليا والكاكاو ونساوى اطرافهم بالسكينة المشرشرة

ونقسمهم بالنص بالظبط هيبقى عندنا 4 ديسكات 2 فانيليا و2 كاكاو

وهنحشى الكيك بالكريم شانتى


تااااااااااااابعونى
هنكمل المشاركة الجاية

كنافة بالمانجة من مطبخ الشيف مونى بالصور
كنافة بالفراولة من مطبخ الشيف مونى بالصور
كيكة التفاح من مطبخ الشيف موني (يوتيوب)
موس المانجو من مطبخ الشيف موني بالصور
حلاوة الجبن السورية من مطبخ الشيف مونى بالصور
كب كيك النسكافيه احلى من اللي في المحلات من مطبخ الشيف موني بالصور
كوكيز الشوفان من مطبخ الشيف مونى بالصور
بريانى اللحم على طريقتى الخاصة من مطبخى بالصور
رموش الست من مطبخ الشيف مونى بالصور
كباب حلة من مطبخ الشيف مونى بالصور
شوكليت كب كيك زى اللى فى المحلات من مطبخ الشيف مونى بالصور
بارفيه البطاطا الحلوة من مطبخ الشيف مونى بالصور
طاجن رز معمر باللحمة وملوخية مصرية من مطبخى بالصور
تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
كب البسبوسة بالتمر من مطبخ الشيف مونى بالفيديو


 
قديم 09-22-2014, 10:48 AM   #2

الشيف مونى


رد: الجاتوه الهرمى والشطرنج من مطبخ الشيف مونى بالصور


الجاتوه الهرمى والشطرنج من مطبخ الشيف مونى بالصور

هيبقى عندنا 4 طبقات بنى ابيض بنى ابيض وبينهم كريم شانتى

ودايما واحنا بنشتغل هنساوى الاطراف بالسكينة المشرشرة وبدل مانقسم القطعة اللى عندنا مرة واحدة ويبقى صعب علينا فى الشغل هنقسمه ل 3 قطع متساويين

وكل قطعة من دى هناخدها نقسمها بالجنب او بزاوية زى مانا حاطة السكينة بالظبط ويستحسن نحط الكيك فى التلاجة بعد مانحشيه بالكريم شانتى عشان واحنا بنقسمه يبقى متماسك

هتتقسم لقطعتين نحشيهم بالكريم شانتى

وهيدينا الشكل ده اللى هو شكل الهرم المبدئى


هنغلف الجاتوه من برة بالكريم شانتى ونحط عليه جوز الهند ونقطعه قطع متساوية ومننساش ان لسه عندنا قطعتين هنعمل معاهم نفس الخطوات اللى فاتت وهيدينا شكل الجاتوه الهرمى الجميل بس قبل الصورة النهائية هنشرح طريقة جاتوه الشطرنج
نفس المكونات والطريقة اللى استخدمناها فى الجاتوه الهرمى بالنسبة للكيكات والكريم شانتى هى اللى هنستخدمها فى جاتوه الشطرنج اللى هيختلف بس طريقة التقطيع
بعد مانحط ال4 شرايح فوق بعض ونحشيهم بالكريم شانتى ونقطعهم ل3 تانيين هنقطع بالطول ل3 قطع مثلا

ده اول جزء قطعناه

وهنحط القطع فوق بعض عكس بعض يعنى الشريحة البنى يبقى فوقها ابيض والابيض فوقها بنى عشان تدينى شكل الشطرنج وكل طبقة قبل مانحطها هنحط طبقة كريم شانتى وهتدينى الشكل ده

هنغلفها بالكريم شانتى ونحط عليها جوز الهند ونقطعه
وده شكل الجاتوه الهرمى اللى عملناه اول الموضوع




وده جاتوه الشطرنج

يارب موضوعى البسيط ده يكون عجبكم

شوكليت كب كيك زى اللى فى المحلات من مطبخ الشيف مونى بالصور
كيكة البرتقال بصوص البرتقال المميز من مطبخ الشيف موني (يوتيوب)
خبز الشباتى الهندى من غير فرن من مطبخ الشيف مونى بالصور
فطيرة الدجاج بعجينة الزبادي من مطبخ الشيف موني بالصور
ريد فيلفت كيك من مطبخ الشيف مونى بالصور
بسكويت السابليه من مطبخ الشيف مونى بالصور
معمول السميد بالفستق من مطبخ الشيف موني بالصور
كنافة بالمانجا من مطبخ الشيف موني (يوتيوب)
تورتة فيونكات الشوكولاته من مطبخ الشيف مونى بالصور
تورتة الفاكهة والشوكولاته للمبتدئات من مطبخ الشيف مونى بالصور
تارت الخشاف والكرامل من مطبخ الشيف مونى بالصور
تورتة البلاك فورست من مطبخ الشيف مونى بالصور
شوكليت كيك للمبتدئات من مطبخ الشيف مونى
حلاوة الجبن السورية من مطبخ الشيف مونى بالصور
غريبه بالفستق من مطبخ الشيف موني بالصور


 

أدوات الموضوع



الساعة الآن توقيت السعودية الرياض و الدمام و القصيم و جدة 10:44 PM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0