 |
  |
|
|
|
|
#1 |
|
:: كاتبة قديرة :: |
السلام عليكم ورحمة الله وبركاته~
اليوم هوا اول موضوع ليا واتمنى أكون خفيفة عليكم😊😚😌 جايبتلكم افكار حلوة وبسيطة ومسلية كمان لجمعة البنات ♡ يعني دا للموضوع ينفع لكل بنت حابة تعزم صديقاتها في بيتها... ورح نبدأ خطوة خطوة مع بعض 👍 ونقول بسم لله ● ● اول شي بنسبة إلى المجلس أو الغرفة الي رح يتم فيها العزيمة ☆ طبعا لازم الغرفة تكون جاهزة بتمام يعني من ناحية النظافة دا شي مهم لأنه بأثر على النفسية !! وطبعا النظافة تدل على صاحبة البيت《♤♤ وثاني شي رح يتم تحضير طاولة شوية كبيرة عشان ينحط فيها الاكلات البسيطة° زي مثلا ...الشبسات و العصيرات والحلويات والقهوة وكذا وانا أنصح انك تقدمي أنواع من الشبسات المحبوبة للبنات وحتى العصيرات~~ومن الأفكار الحلوة لتقديم الاكلات دي °° اول شي جيبي وعاء كبير واملئيه بالثلج والماء البارد وضعي فيه العصيرات لكي لا تبرد وبنفس الوقت بتعطي منظر جميل ومشهي العصيرات ♧♧ وممكن كمان تجيبي من الصحون الملونة والي على أشكال مختلفة وجميلة وضعي فيها بعض من المكسرات و ( الفصفص) وبعض من أنواع المكسرات المحبوبة☆ وبالنسبة إلى الشبسات اضعيها جميعا في سلة كي طعطي شكل ♡ وأيضا ممكن تعملي سلطة الشبسات اللذيذة التي تتكون من لبن وجبنة بوك وملح وفلفل يتم تقليبها من ثم اغمسيها مع أي شبس تحبيه `` وممكن أيضا أن تقدمي لهم الفشار وكل الاكلات البسيطة الي تحبيها ...... ● ● وبالنسبة الي الألعاب والتسليات فالديك هذه الأفكار أولا اجمعي كل الألعاب المسلية لديك مثلا..الاونو-المنوبولي السوني -الاكس بوكس وابدئو العبو الالعاب دي البسيطة من ثم في العاب فيها تسلية أكبر مثلا ممكن تعملي ملعب صابوني في الحوش!! وممكن اذا كان عندك مسبح الي يتنفخ تنفخيه وتحطيه في الحوش!! وتتسلو واذا ماكان عندك ملعب صابوني ولا مسبح ممكن تشتري مسدسات الموية وتلعبو فيها كلكم طبعا أفضل في الحوش أو السطوح ! وكمان لو ماعندك مسدسات الموية ممكن تاخدي قوارير الموية وتخرقيها من فوق وتسير زي مسدسات الموية !! وفي لعبة كمان حلوة ومسلية ممكن تجيبي بالونات وتعبيها موية وترمو على بعض كمان دي فكرة حلوة ♡ وفي طبعا ناس ماعندهم حوش !! ف دي العاب لهم ممكن يجيبو مناشف كبيرة ويغطو الأشياء الثمينة أو المهمة بيها زي التلفزيون والمكيف والكنب والأشياء الي ممكن تكون حساسة بعدين يبدأ اللعب رح يكون مع كل بنت بودرة أي بودرة ورح ترشوها على بعض صدقوني هذه مسلية جدا ومضحكة كمان ..وفي ناس تستخدم الدقيق بدال البودرة لكن انا ما أنصح لأنه حرام هاذي نعمة ولازم مآ نسوي كذا في نعمة ربنا ♡ طيب وعندي لكم لعبة كمان ممكن تجيبو ألوان مائية وبلايز بيضة وتبدئو ترسمو أو تكتبو أو الي تحبوه عليها بعدين كل وحدة تهدي الثانية البلوزة الي سوته عشان تكون ذكرة عندها ♡ وفي كمان لعبة حيكون مضحكة وحلوة ممكن كل وحدة بدور طبعا تسوي لي الثانية ميك اب ويتصورو واحلا وحدة حتكون الفايزة ممكن تخلو فيه جائزة للفايزة ممكن 10 ريال أو أي شي تحبوه !! اممممممم اكتفيتو كدا من الألعاب ولا لا 😄 طيب أعتقد اكتفيتو من الالعاب ■■ نجي دحين إلى الرقصص والأغاااني ● ● اول شي وقت الاغاني أو قت ماترقصو اذا كان عندك لمبات الدسكو شغليها لانها رح تسوي حماس مع الرقص ♤ ثاني شي السماعات طبعا كل شي يعتمد على السماعات حاولي تجيبي سماعات صوتها قوي وحلو عشان يسير الرقص حماسي ~~~ثالث شي الاغاني طبعا أنصح انك تحميل الاغاني من قبل مايجو البنات عشان لو فتحتيها من اليوتيوب رح كل شوية توقف ورح تخرب كل شي عليكم 😊 عشان كذا حملي الاغاني الي تحبيها والي كمان محبوبة عند البنات وعشان الرقص يسير حلو وفلاوي حاولي تنوعي من الأغاني يعني مثلا مصري . خليجي .غربي .كوري .مغربي وكذا يعني وكمان يعني تبو فلة اكتر ممكن وانتو ترقصو تصورو فديو لذكرة وكمان يعني عشان تتفرجو على نفسكم وانتو ترقصو! طيب ودحين بالنسبة إلى العشاء 😄👍👍🍕🍕 ● ● العشاء يجي بطرق عدة منها ...ممكن تشوو في السطوح مع بعض!! وممكن تطلبيه من مطعم وانا أنصح انك تسألي أو تشوفي ايش الاكلات الي يحبوها البنات يعني اذا تبي تطلبي من برا وطبعا المحلات الي أنصح فيها ..بيتزا هت - ماكدونالدز - الطازج -كنتاكي - هارديز - البيك -هرفي - برجر كينج -الصاج الريفي - استكوزا - أو ممكن الي تحبيه ويعني نصيحتي لكم انه دا عشاء والمفروض تكون وجبة زي من قول لاهي ثقيلة ولا خفيفة يعني حالو تختارو العشاء المناسب أو ممكن كمان تسوي انتي بنفسك عشاء يعني اذا ماكان عندك القدرة على الطلب من المطاعم !!! طبعا بالنسبة لشكل تقديم العشاء اول شي حاولي اختيار الصحون الجميلة والمناسبة للأكل وكمان حاولي تختاري كاسات برضو جميلة كدا وكمان لمن تقدمي الملاعق والشوكة والسكنية حاولي تحطيهم في منديل بشكل جميل طبعا يعني اذا احتاج الأكل الي السكينة والملعقة والشوكة بس ..وكمان عندي نصيحة ليكي عند تقديمك الي العشاء قدمي لهم مباشرة المشروب لأنه فيه منهم يحبو يشربو وياكلو في نفس الوقت وفي منهم يحبو يشربو بعد الأكل فاانتي قدميه والي حابة تشرب تشرب والي مهي حابة لا تشرب وكمان عندي نصيحة بسيطة قدمي مع العشاء الماء لأنه ممكن يكون وحدة عطشانة ومنحرجة تقلك فأنتي قدميه الماء مع العشاء >>♧♧...طيب بالنسبة الي مكان العشاء😉 ● ● اول شي حاولي تختاري مكان العشاء نظيف لأنه عشاء و العشاء يتطلب نفسية مفتوحة ♡ ثانيا ممكن تحطي العشاء على طاولة الطعام وتأكلو جميعا أو في الأرض !! أو كمان من الممكن تاخذي صديقاتك إلى السطوح في الجو الجميل وضعي طاولة من طاولات البلاستيكية و الكراسي البلاستيكية طبعا و من ثم تأكلو جميعكم >>♡♡♡ والآن بالنسبة إلى ما بعد العشاء ..☺ ● ● بعد العشاء طبعا توجهي معهم إلى محل الحمام الله يكرمكم بعد ذلك نظفي مكان العشاء وأعتقد أن البنات سيساعدوكي في ذلك ..من ثم إجلسي معهم وتحدثي واضحكي وهكذا ....في الأخير اسأليهم وبكل صراحة هل اعجبتكم الجمعة أم لا ...فأذا قالو نعم اعرفي أنها كانت جميلة جدا ومرتبة اذا قالو لا أعرفي أنها كانت مملة 😄 وشكرا لكم جميعا أتمنى أن تنال اعجابكم هذة الأفكار وأيضا أحب أذكركم أنها من خالص تفكيري ♡ واتأسف لكم على تنوع اللهجة العامية والعربية الفصحى 😂 سأعدلها في المرة المقبلة ..وشكرا لكم مرا ثانية ♡♡♡ مواضيع ذات صلة |
|
|
#2 |
|
|
رد: افكار جديدة لجمعة البنات..
مشكورره غلاتي
|
افكار جديدة لجمعة البنات..