ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة رواية مالت عليه يوم حبيت انسان ما ينحب يوجد هنا رواية مالت عليه يوم حبيت انسان ما ينحب روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم   #31

فخآإمهہ جيزآإنيهہ


رد: رواية مالت عليه يوم حبيت انسان ما ينحب


رواية مالت عليه يوم حبيت انسان ما ينحب

يلا حبيبتي كملي

 
قديم   #32

فخآإمهہ جيزآإنيهہ


رد: رواية مالت عليه يوم حبيت انسان ما ينحب


رواية مالت عليه يوم حبيت انسان ما ينحب

السموحه حبيبتي الموضوع تم اغلاقه بالغلط والحين فتحتوو

فكملي روايتك معليش اعذريني

 
قديم   #33

طبعي وفي


رد: رواية مالت عليه يوم حبيت انسان ما ينحب


رواية مالت عليه يوم حبيت انسان ما ينحب

بارت حلووو ^^ لا عادي

 
قديم   #34

السماحـي


رد: رواية مالت عليه يوم حبيت انسان ما ينحب


رواية مالت عليه يوم حبيت انسان ما ينحب

بنزل الحين بارت ان شاء الله يعيبكم .. عطوني رأيكم لانه يهمني 💕

 
قديم   #35

السماحـي


رد: رواية مالت عليه يوم حبيت انسان ما ينحب


رواية مالت عليه يوم حبيت انسان ما ينحب

وعيت اصبح ع حركت عنود
...
عنود : اوه سوري وعيتج
ريم : ​‏​‏​‏​‏​‏​‏​‏​‏​ههه صباح الخير - و مديت ايديني لفوق (( اتمغط))
عنود : صباح النور ..
ريم : ما شاء الله اشوفج متسبحه - نعيما حب
عنود : ينعم عليج ..
ريم : اصبري بطلع لج لَبْس شراتي عشان انتقم اليوم
عنود : زين انت سيري سبحي و يصير خير بعدين
..
نشيت و بستها ع خدها و شرديت عنها وانا اضحك لانها ما تحب حد يبوسها سمعتها تتحرطم وانا داخل الحمام (( عزكم الله ))
..
يوم طلعت استغربت ما حصليتها معني ما تأخرت وايد سرت عند المرايه سحيت شعري و لفيته ذيل حصان و سرت عند الكبت طلعت لي بدله كشخه لبستها و لبست كاب و شليت نفس البدله ل عنود بس ما حصليتها لا ف الغرفه ولا ف الصاله
..
زعقت عليها : عنوووووود
ماشي رد .. رديت الغرفه يوم شفت الكرفايه يتني الضحكه 😂
..
ريم : عنوووود ايييه نشي هههه
عنود تفز: ها شو شفيج !!
ريم : ههههه نشي اندوج لبسي شو ها راقده ب فوطه 😂
عنود : اييييه جببب - سيري خاري بييج الحين
ريم : هههههه ك الحين بسير
عنود : انزين ي الله شو تستني
ريم : انزين شفيج هههههه
عنود : هههه ماشي ي الله طلعي
..
طلعت و يلست اغني
ريم : فيوزات القلب محروقة في قلبي ضربني ماس حتى الاكل ماذوقه من كثر الهوى ي ناس
عنود : شو هاي الاغنيه !!!
ريم : ما عرف سمعت حد يغنيها هههه
عنود : انزين اقولج ملل
ريم : صح انزين وايد انت حضرتج موعيتنا من وقت
عنود : ما قلت لج نشي انت بروحج نشيتي
ريم : شدراني عاده انا يوم شفتج نشيت
عنود : زين ي الله دبري لنا شي انسويه
ريم : امممممم و ابتسمت ، يتني فكره - شرايج نسير المزرعه ؟؟!
عنود : الحين !!!
ريم : هيه نحن بيتنا اقصد و انتو بيتكم مزرعتنا الا حذالكم و بعد قوم ساره هناكي مزرعتهم شرايج اقول ل ابويه و نسير كلنا يعني ضهره وحده ؟!
عنود : فكره حــلـﯙه - انزين انت كلمي أبوج و اطالعيه
ريم : زين حتى انت كلميه و بطالع لطوف جان بيخلوها اتي
عنود ؛ لا ما اعتقد لانها بتسير اليوم بوظبي ما سمعتيها امس !
ريم و جني اذكرت : اوووه صح نسيت - خلاص عيل سيري كلمي أبوج و انا بكلمه الحين
عنود : اوك
...
كلمت أبويه و اقتنع بما انه اصلا اخر اسبوع و بنيلس لنا اربع ايام و بنرد الجمعه بعد صلاة الظهر
عنود : شو قال عمي ؟
ريم : وافق وانت ؟
عنود ؛ اول شي ما طاع بعدين جن جن يكلم ماماه و قال اوك
ريم : و الحين باقي أكلم سلوم عشان يقول ل أبوه
عنود : عندج رقمه !!!
ريم : هيه تراه هو طبيبي لاه
عنود : تصدقي نسيت سالفتهً
ريم : هههه ي الله سكتي الحين بكلمه
---
سالم : عوذ ب الله ينيه ادقي الحين !
ريم : جب ملاك مب ينيه - و أناس تقول صباح الخير
سالم : خيبه خيبه شوي شوي - صباح النور - شو بغيتي ؟
ريم : ابا أسالك عن شي !
سالم : شي فيج ؟؟؟ صحتج اوك ؟!! تبين اييج افحص عليج !!!
ريم و انا أكلم عنود : أقوم اصفعه ها
ما سمعت غير ضحكه من عندهم هم الاثنين سالم و عنود
سالم : هههه شو شفيج ليش داقه عيل ؟ ما اغازل انا
ريم : مصدق عمرك واااايد اقولك يايه اتخبرك جان بتسير ويانا المزرعه اليوم العصر انته و اهلك ..
سالم : انا ما اعتقد بس بطالع ابويه و امايه جان بييون
ريم : لا اتنسى ساره بصفعك اذا ما يبتها
سالم : عيل عوار بيو. كلهم الا ساره
ريم : اصلا انته تحبني عسب جي بتيبها
سالم : للاسف شفتي كيف لأَنِّي احبج بييبها
انا سكت حتى هو حسّيت ب توتر بس قال
سالم : ههههه شفيج صدقتي عمرج .. زين بطالع الأهل و برد عليج الظهر الحين عندي شغل
ريم : اوك موفقك باي
سالم : وياج باي
...
وافق ابو ساره و عنود و ابويه نسير المزرعه جي ع العصر بيتنا نحن انطلقنا من الساعه اربع و طبعا شليت عدت التصوير كلها و انا و عنود سرنا وَيَا رشود لان نبأ نخطف ع الشيشه قبل ما نسير المزرعه
...
راشد : ايييه ريم
ريم : ها !!
راشد : سالم قال بي وياهم ولا ؟
ريم : شدراني انا ربيعي انا و لا ربيعك انته !!
راشد : ربيعي بس ما رمسته انت رمستيه
ريم : هيه وقال بيطالع اهله و أهله قالو بيو بس هو ما قال انه بي و لا قال انه ما بي
راشد : ها زين والله - الله وصلنا الشيشه انزلن
عنود : لا انا ما بنزل
ريم : مب كيفج ي الله طوفي
راشد : خييبه كلتي البنت
ريم : هههه ي الله عنود امشي حبيبي جي اوك
راشد : هبله
نزلنا الشيشه و اضن نص دكان الشيشه خلص 😂😂
راشد : خييييبه شو ها كله
عنود : ما يخصني انا هاي ريم
ريم : طاع عقته كله فوق راسي انا ما تقول هي بتزط ويانا
عنود : ههههه ما يخصني اتفاهمي وَيَا اخوج هو الي بيدفع
ريم : تعالي تعالي مسكت ايد عنود و رحنا صوب السياره
راشد : طاع هاييل الحين منو بيشل اغراضهن
..
ف السياره
..
ريم : اقولج خل يحاسب و يوم يخلص بننزل و نشل عنه الاغراض
عنود : لا والله قاصه ع اخوج انت شو
ريم : مشكلته والله يعرف اني خساير حق شو شالني وياه
عنود : والله انج لوتيه
ريم : ادري ي الله طالعي هذوه خلص قومي نشل وياه
عنود : مب لازم هذوه هو طلع وياه الهندي شايلين الأغراض
ريم : اذا قال ليش ما ساعتني بقوله هاي عنود
عنود : برايج قولي ..
..
دش راشد السياره
...
راشد : اوك عنود و ريم ما عليه اذا شفتن الأغراض
ريم : نعمممم - رشووووود
عنود : هههههههه دواج يوم قلت لج من البدايه لا تخليه بس ما طعتي
ريم : افففف جذابه و منو توه يقولجً تعالي نساعده تقولي لا
عنود : شفت الهندي وياه ما يحتاي نحن نسير
راشد : صدقها عنود ما يحتاي
ريم : طاع هاييل جنكم متعاونين عليه !!
راشد و عنود : ههههههههه
ريم : مالت عليكم وين الواير بحط اغاني .. ولا ما يحتاي أسمعكم
عنود : لاااا سمعينا ..
ريم : زين ي الله رشود حرك السياره
راشد : اوه نسيت
عنود : انزين شو بتحطين !!
ريم : امممم ما عرف شو تبون انتو !
عنود : اميرتي مال راشد الماجد
راشد : لا حطي ايفان ناجي - عندك حبيب
عنود : انا ابا اميرتي
راشد : وانا ابا عندك حبيب
عنود : ما يخصني انا قلت ب الاول
راشد : انا الأكبر يعني كلمتي تمشي
عنود : لا والله شو يخصه منو الأكبر ولا الصغر انا ابا اميرتي
راشد : خيبه كلتني ، ريم حطي لها اميرتي
ريم : اخيرا حشه هههه زين
...
اميرتي صورتك كل من نظرها
هو يلتف للخيل ولا جمالك
طلت جبينك كل حي أنتظرها
والخيل تستأنس بلحظة قبالك
حتى عباتك شم ريحة عطرها
يا قايد الغزلان ما أخذت بالك
دانت غزر والموج طاغي بحرها
ما كل من غمر بروحة ينالك
أنتي ضياء كلل القلوب وسفرها
وكلل الوصوف الراقية لك لحالك
مريم وجودك في حياتي غمرها
وتسعدني الأيام من سعد فالك
سألتني صورتك وش مختصرها
رديت بأشعاري أجاوب سؤالك
...
عنود : رديت باشعاري اجاوب سؤااااالك 🎶
راشد : متحمسه الأخت
عنود : ما يخصك ...
راشد : و اجوف طلع لج لسان ها عنود اذكرج قبل يوم ما ترمي تحطي عينج بعيني
عنود : راااشششد ها قبل كنت يأهل
ريم و راشد : هههههههه
راشد : ي الله حطي عندك حبيب
و تميو عنود و رشود يضاربون ع الاغاني طوووول الدرب حطي هاي الاغنيه و حطي هاك و انا ما با هاي و انا اريد هاك صدعوني
ريم : باااااااسسسس صخو
مره وحده راشد و عنود يصخون
تميت اطالعهم و بدين ضحكت ع اشكالهم : هههههههههه
راشد : شو فيج
ريم : صدعتوني عنبوكم من متى تضاربون الحين يمكن من ساعه
راشد : مب انا هاي عنود
عنود : لا والله و انا شلي
راشد : اون انا شلي
ريم : دخيييييلكم بس خلاص
راشد : اصلا وصلنا المزرعه ي الله سكتو
...
يوم وصلنا كانت الساعه ع ست واااايد تأخرنا ف الطلعه من البيت و ف الشيشه و بعد رشود كان يساير لان يضارب و يا عنود طوووول الدرب
...
ام راشد : جان ما ييتو احسن
راشد : امايه انا مالي خَص ها البنات سنه لين ما طلعت من البيت يالسات يتكشخن
ريم : حبيبي يوم تُبا تجدب لا تجذب ف السوالف هاي لان انا ما احط شي فويهي دوم و خاصه عاده الحين جوف جوف ماشي ف ويهي بس طالع عنود ما مخليه شي ما حطته صح عنود
عنود : هيه رديها ع راسي ، خالوه حبيبي ماماه ما يت ؟؟
ام راشد : لا فّـِ♡ـٌَدِيـِتـِج قالو الحين بيوصلون بس اهل ساره وصلو ...
ريم : حلفييييي من متى ؟
ام راشد : يمكن من قبل عشر دقايق جي
راشد : سالم هني ؟؟
ام راشد : هيه وَيَا ابوك و ابو سالم ..
راشد مسك ايد ريم و ريم مسكت ايد عنود
ريم : ستوووووب ..
عنود و راشد : شو ؟
ريم : تجوفون سلوم وينه
راشد و عنود يلتفتون صوبه و سلوم جافهم
ريم : الي يوصل الأخير بيعزمنا ع العشا ، وانته رشود لا تتعلث لابس بدله
رشود : هههه اوك ي الله جان ما خصرتن و عزمتن الكل ع العشا
ريم : بنجوف ي الله مستعدين !
عنود : ويييت برسم خط عن الغش
ريم : اوك الي ما يلمس سلوم خصران لو يعله هو الاول
راشد و عنود : اوك
ريم : واحد ... اثنين ... ثلااثه.. قووووو
..
تمينا نركض و المسافه من بينا نحن و سالم شوي بعيده
ابو راشد : ريييم شوي شوي عن اطيحي
او سالم : ههههه هاي ما تيوز عن سوالفها !
ابو راشد : للاسف لا هههه - تصدق امسات تقول انها الا جريب عرفت ان سالم و ساره خَوَّان
او سالم : هههه لازم لان انا بس الي اي ما ايب الأهل وياي
ابو راشد : هيه يوم اقولك تقول هب لازم المره اليايه و الحين من خمس سنوات وياك و تقول المره اليايه
ابو سالم: ها ييناك اليوم
فجأه يسمعون صريخ
ريم : يااااااااااسسسس انااااا الاولاااااااا ... ويييييييي
عنود: اناااا الثانيه وييييي. عليك العشا رشووووود هههههه
رشود : جببب ي الله حيوانات طلعت سريعات
سالم : خيييبه تخيبج ي الدبه قومي من فوقي
الكل تم يطالعني شتتتتت والله ما انتبهت اني فوقه هههه
ريم : ههههههههه وييييي والله ما انتبهت من الحماس ههههه
ساره : زين خلي حماسج حقج صورتج انا ههههه
جان اقوم مره وحده من فوق سلوم
ريم : ساااارااااااه اييييه عااااد امسحي الصوره
سالم : ساره تعالي راويني
ساره : لو تموتون انتو الاثنين
سالم : ايييه هااتي اجوف
ريم : ساااارووو الزققق هااااتي
فهاي فهاي اللحظه وصلو اهل عنود
نهيان : ها الخبله هني بعد
ريم : حرمتك الخبله اكيد هني
نهيان قرب مني و صاصري : انت حرمتيه
ريم : زوووول لاه
سالم : ريوم تعالي انت ما سرتي المستشفى ما فحصت عليج من بعد ما طلعتي
ريم : هيييه صح نسيت باجر ولا تعال الحين ما يحتاي مستشفى انته هني
نهيان انقهر و سار يسلم ع الشباب و الريايل
سالم رفع أيده : هاي فايف
ريم اضرب ايده : هايي فايف ههههه
ساره و راشد و عنود : هههههه
ريم : انقضتني ي الحيوان
سالم : دومي انقضج منه اصلا
ريم : ههههه - تعال عمر اخوك وينه !
سالم : ما تجوفيه وَيَا هزاع و سعيد و الحين عاده يا مطر مستحيل يتفروقن
ريم : تف تف عن تحسدهم
سالم : حد قالج ان انا اعين شراتج
راشد : اقولك سالم امش ي الله ما بنخلي نهيان بروحه
سالم : اوك
ريم : رشود العشا هههههه
عنود و سالم و ساره : ههههههههه
رشود : زين الفليل قولو شو تبون و بسير ايب لكم
البنات ؛ اوك
...
ريم : وانت متى بتودرين هاي الكام من ايدج !!
ساره : لو تموتي احب أصور هاي اللحظات
عنود : و بعد ازيدج من الشعر بيت ، صورت فيديو يوم كنتي انت و سالم تطرون المستشفى من يوم يا نهيان ليبين ما قال راشد ي الله نسير
ريم : لانها حيوانه ،..
ساره : هههههههههه طالعه عليج حبي
ريم : زين يوم تعرفي ي الله نسير إذن المغرب
...
رحنا الڤله نصلي المغرب غيرت لبسي لبست قميص طويل لين نص الفخذ و جنز و جوتي و عدلت شيلتيه و طلعت
راشد : ريم ابويه يباج
ريم : غريبه شو يبا !!
راشد : ما عرف ي الله سيري
ريم : زين الحين .. شكلي اوك ؟
راشد ؛ هيه حبيبي
ريم : ي الله بِسْم. الله الرحمن الرحيم
راشد : ههههه خبله
وصلت عند ابويه والله طائر فوادي اول مره يزقرني جدام الناس والله خوفاتي يهزبني معن ما حيد مسويه شي واصلا هو ما يهزبني موليه الا عشان الاكل .. ي الله بِسْم الله توكلت ع الله
كنت اقول كل ها الكلام بصوت عالي حتى رشود تم يضحك عليه
ريم : سلام عليكم جميعا
الكل : وعليج السلام
ريم : شحالكم ي عرب العزبه ؟
الكل : الحمد الله .. يسرج .. تمام
ريم : ها ابويه قالو لي تباني
ابو راشد : هيه بنتي تعالي بكلمج
يلست اطالع الموجودين و اتاكد ان محد غير هاييل الأشخاص كأنو بس ماماه و سالم و ساره و عمر و مطر و البنات توهن لحقني
ريم : امر الغالي ؟
ابو راشد : تعالي يلسي حذالي
رحت و يلست حذاله يلس يبوس راسي و خدي اتفشلت خاصه ان سالم يطالع و يبتمس بس عمر و مطر الحمد الله ما انتبهو لا ذلوني
ابو راشد : ها بنتي ما رديتي ع الموضوع !
ريم : اي موضوع ؟؟
ابو راشد : خطبتج !
مادري ليش بس سيده طالعت سالم و هو طالعني و لف ويها
ريم : ابويه حبيبي ما أفكر الحين ب العرس و هاي السوالف ان شاء الله يوم اتخرج من المدرسه بفكر
ابو راشد : يعني اردهم !!
ريم : هيه ابويه قول لهم ما تفكر الحين ب العرس موليه ولا حتى الخطبه
ابو راشد : ع راحتج .. راشد
راشد : نعم ابويه ؟
ابو راشد : كلم الريال عن ها الموضوع
راشد : ان شاء الله ابويه
ريم : انيرين اڤري بادي .. تعالي نسير خاري نتسابق ف الخيول
هني دخل نهيان و ابوه و الحريم
نهيان : ي الله انا بتسابق وياج
سالم : حتى انا
مطر و عمر : نحن بعد
ريم : لا والله انا البنت الوحيده ما يستوي
ساره : خضي مهره ختيه تحب هاي السوالف
ريم : مهروه صغيره عن الغباء ساره
ساره : وين صغيره صف سابع
عنود : خليها يالسه تلعب وَيَا اليهال هناكي برع انا بتسابق وياج
ساره : عيل ما بتم بروحي
راشد : سيري ازقرو سعيد و هزاع .. تعالو نتفق خاري ع المسابقة
الكل : اوك ي الله
...
طلعنا خاري يلسنا ف الارض نتفق ع المسابقات مالت. اليوم
...
راشد : الحين لازم نسوي افرقه كل اثنين وَيَا بعض
نهيان : انا وريم
ريم : حشه عليه ما ابا أخسر
سالم : انا ريوم
ريم : الله طر بنفوز عيل
نهيان : طاع هاي
ساره : انا و عنود
عمر : انا و مطر
هزاع : انا و سعيد
راشد : عيل محد تم غيري و نهيان
ريم : انزين لازم حكم😂
راشد : هيه صح هههههه
ساره : الكام مالتي الحكم
ريم : صح حطوها ع خط النهايه الحين عشان مسابقة الخيول
راشد : اوك .. انزين شو المسابقة الثانيه ؟
نهيان : الاغاني ..اوك !
الكل : الله طرررر ... اكيد اوك .. فكره حــلـﯙه
نهيان ابتسم
قلت ف خاطري افففف يعني هو يعرف اني ما حب اغني حق شو بعد هو استغفر الله
سالم : انزين و اخر تحدي بيكون الي يشرب الردبول اول واحد
عنود : لا والله و اذا نحن ما نشربه !!
سالم : مشكلتج انسحبو
راشد : ساره انت تشربين صح !!
ساره : هيه مرات
سالم: خلاص عيل
راشد : ي الله ف السباق في جولتين اختارو منو بيبدي ف الجوله الاولى
...
و كان الترتيب ك الآتي : سالم هزاع مطر ساره نهيان ، ف الجوله الاولى و الثانيه ريم سعيد عمر عنود راشد
....
ريم : ي الله مستعدين !!!
الكل : هيييه
ريم : واحد .... اثنيييين ..... ثلاااااثه .... قوووووو
...
انطلو الشباب و ما خلا الجو من التصفير و التصفيق و التشجيع
ريم : ي لاااااا دكتووووور
عنود : ساااااره اغلبيهم انت البنت الوحيده الي من بينهم
عمر : مطوووور ي الله
سعيد : هزاااااعووووو اذا خسرت بخسرت ي الحيوان
راشد : نهياااااان ي الله رشهم
...
ريم : يااااااااااااسً نحن الاول ويييييي
عنود : و نحن اخر شي هههههههه
راشد : نحن الثانين
عمر : نحن الرابعين
سعيد : يخي نحن الثالث
...
ريم : دكتووووور قسم انك فناااان كسرت خشومهم كفك
سالم : افا عليج مريضتيه كفج
نهيان : عادي الحين الجوله الثانيه تحدد منو بيفوز
راشد : هههه. جان ما ريم واصله قبلنا بمسااافه قولو لي هب ريال 😂😂😂
ريم : خيييييبه تفففف عن الحسد
سالم : بتحسدها يبوك تفل
عنود : اقول ي الله الجوله الثانيه
مطر : هيه صح ي الله عمر لا تفشلني الله يفشلك
ههههه
عمر : اسكت هههه ما عرف وايد للخيل مب شرات سالم انا
مطر : حيوان ههههه
سعيد : ي الله حبيبي اركبو
جان اركب خيلي الي احبه وما استغنى عنه و سمعت ساره تعد النا و يوم قالت قو حسّيت ان راسي يدور بس تجاهلت الوضع و بديت اركض ب خيلي ب أسرع شي متعوده عليه بس أباً اكسر خشم ها الخقاق نهيان معن انا و عنود اخته وااايد وَيَا بعض بس هو ما استصيغه ما ابلعه ما عرف ليش ضحيت من تفكيري يوم سمعت سالم يزاع و يقول ريييييييييييييييم
يوم طالعت جدامي كنت شوي و ادعم اليدار بس سييييده و قفت خيلي و كنت بطيح من فوقه بس الله ستر و ماطحت
يا سالم يركض صوبي : إنت شووووو خبيل ما كفاج انج فزتي و تكملي الدوره الثانيه شو !!!
ريم : هاااا فزت !!
سالم : هيه و كنتي حضرتج بدعمي اليدار عميه انت شو
نقصز صوبه من الفرحه : يسسسس فزت وييييي وين نهيان اغايض عليه
سالم : هههههه خبله
يوم جفته يضحك تميت اضحك وياه ابتسم و يا يقول شي بس انا ما سمعته لان من الوناسه رايحه صوب نهيان اغايض عليه
...
راشد : ي الله بنسير نصلي العشا و يوم بنرد بنسير صوب اليلسه الي فوق اوك !!
الكل : اوك
يوم الكل راح مط ايدي سالم استغرب اطالعته ب استغراب
سالم : شو فيج !!!
مطيت ايدي من عنده : ما فيه شي
سالم : عن الجذب .. قلت لج شو فيج ؟
ريم : ما فيه شي والله
سالم صرخ : لا تحلفي جذب ... قلت لج شو فيج
ريم : لا تصرخ عليه مب اصغر عيالك انا .. ما فيه شي قلت لك ما تفهم
سالم : اوك ما فيج شي عيل ليش يوم كنت تتسابقين مسكتي راسج ف البدايه بعدين سرتي و فنص السباق بعد مسكتي راسج و يوم وصلي للنهايه غمضتي عيونج و فتحتيها يوم صرخت عليج !!!
انصدمت يوم قال جي كيف كيف انتبه لي !!!
سالم : مستغربه صح !!
هزيت براسي يعني هيه
سالم : الحين قولي شو فيج ؟ انا دكتور و افهم فهاي السوالف
ريم : ماشي بس راسي عورني
سالم : كلتي شي اليوم !!
ريم : هيه الحمد الله
سالم : تنمنيم طبعا
ابتسمت
سالم : الحين يوم بيحطون العشا باشر لج ع شو تاكلي و شو ما تاكلي ولا بحط انا و انت حطي شراتي و شرات الكميه فاااهمه
ريم : ان شاء الله - الحين ممكن اروح !!
سالم : الله وياج
..
استغربت من ردت فعلي ما عارضته ك العاده و استغربت اكثر من نضراتي له اكيد انتبه .. يارب ما انتبه .. تجاهلت شعوري و سرت اصلي العشا و ع الساعه عشر سرنا صوب الطاوله فوق وين قبل قال لنا راشد نتعشا
...
راشد : ابويه امايه وين !!
ابو راشد : الحين بتي هي و الحريم
ابو نهيان : ها ما قلتو منو فاز ف السباق مالكم ؟
ابو سالم : هيه والله ما قلتو ؟
جان اوقف و احمحم : احم احم طبعا انا و سلوم ف المقدمه صح سلوم
سالم : اصغر عيالج سلوم جم مره قلت لج اسمي سالم
ريم : زين بعدين بعدين الحين امدحني شوي يوم فزت
مطر : عميه ما تقص عليك اكيد هاي غشاشه هي و سلوم عنبوهم المركز الاول اثنينتهم
الكل : ههههههههه
ابو راشد : فديت بنتيه قو
ريم : احمممم
سالم : عميه ترا حتى انا ساهمت ف الفوز
ابو راشد : زين بس اكيد بنتيه هي الي فوزتك
ريم : هههههههه ويييي حليلوووو هههههه
سالم : اص ي الله
راشد : و انا و نهيان المركز الثاني
ابو نهيان : و انت عنود !!
عنود و ساره : ههههههه المركز الأخير و بجداره
مطر و هزاع : و انا المركز الثالث
مطر : والله نحن ي الله مناك
هزاع : نحن مب انتو
عمر : صح انا و مطر غلبناك انته و سعيد
راشد : لا تضاربون مره انته غلبته و مره هو غلبك
ام سالم : الله يهديكم عنبو حد يراكض ب ها الفليل
ام راشد : هيه والله صدقها حصوه
الكل : هههههههه
ام نهيان : ي الله تعشو العشا بيبرد
خالوه شيخه يوم قالت جي سيده طالعت سالم .. ابتسم لي و مسك صحنه و حط له سلطه و لحم شوي و خبزه و شوي روب ..فكيت بوزي ما حب الحم طالعت سالم اهز راسي يعني لا ابتسم لي و أشر لي يعني حطي .. هزيت راسي و قلت لا مره ثانيه شفته ماسك فونه بعدين وطاه و أشر لي ع الفون .. طرش لي مسج .. (( غرفي شراتي ي الله ولا اقول ل أبوج انج كنتي بطيحي من الخيل ))
طالعته بنظره و كتبت له (( حيواااان .. زين بكل بس لا تخبره ))
ابتسم لي بعد ما قرا المسج و غرفت اللحم و انا متقززه
الكل مره وحده : ريم تاكل لحم
سالم نقع من الضحك
ريم : ما يضحك - احم لازم التغير لاه
ابويه قال : تعرفي متى اخر مره جفتج تاكلن لحم اضن يوم كنتي صف سابع انه سادس
ريم : ههههه ربك عاده
كلت اللحم و انا قرفاااانه منه حسّيت عمري بزوع بس صبرت و أكلمه وانا مغصوبه وقفت و قلت الحمد الله قبل لا اخلص آكلي
سالم : عميه تعرف شو استوا اليوم
لفيت اطالعه وانا اكلمه و هو يقرا شفايفي : لا تقول بليييز و انا ااشر له
ابويه : ها شو ستوا !!
سالم : سلمك الله ريم ... و طالعني .. كلت لحم
ما اجوف غير سالم يقوم و يركض صوب و ينخش ورايه و الاغراض يطايرن صوبنا
ريم : يعني انته أطول و اعرض مني وين تحتمي ورايه
سالم : ما عرف يمكن تغطي شوي هههههه
طالعته و انا ابتسم
...
بعد ما خلص العشا و روحو الشياب ينامون
...
راشد : انكمل اللعبه ولا نطالع فلم !!!
الكل : لا فلم
سالم : باجر بنكمل ..
،..
سرنا صوب غرفة الأفلام احاول فلم اكشن كان طررررر اضن هاي سابع مره اجوفه ههههه بس بعده حـلــﯙ
و طبعا الفلم ما يخلى من حركات الأجانب و البوس و هاي السوالف و انا ما شاء الله عليه عايبني .. هههههه لفيت اطالع عنود. وساره معطيات عيونهن و الشباب يصفرون طالعت سالم حرك شفايفه جنه يحاول يقولي شي بس حسّيت الكلمه الي يحاول يقولها شرات الكلمه الي قالها لي يوم ما سمعته وانا اركض اغايض ع نهيان .. عقت ب حواجبي و قلت شو !!! - هز راْسه يعني ماشي و رد يطالع الفلم
..
اليوم سالم غريب - مادري بس اول مره احس ب الاستمتاع و الوناسه وياه اكثر عن كل مره
..
ما انتبهت ع روحي الا يوم يا اخر الفلم و قلت انهم بيرقدون
جفت سالم بيطلع من الڤله قلت له : وين بتسير !!
سالم : يهمج !!
اطالعته مستغربه
سالم : بسير طلبوني ف المستشفى ما دري شو يبون
ريم : بتتاخر ؟
سالم : هيه يمكن
ريم : بتي باجر ؟
سالم يطالعني : ما اعتقد
جان خاطري اقول له ايلس لل تروح مونسنا بس قلت : آها الله يحفظك
سالم ابتسم و حرك شفايفه جن يقول كلمه مره ثانيه ما فهمت له : و يحفظج
و جان يختفي من عيوني
انا سرت انام الساعه وحده و نص .. تعبت اليوم كله ونااااسه هههه الحمد الله - الله يديم السعاده النا و ألكم قولو آمين - تخبلت ههههه بسير انام - حصليت عنود و ساره راقدات حتى ما بدليت ملابسي و سرت انام 😇~


---
خلصً البارت ان شاء الله يعيبكم و ابا رأيكم خاصه منج انت (( طبعي وفي )) ~

 

أدوات الموضوع



الساعة الآن توقيت السعودية الرياض و الدمام و القصيم و جدة 06:58 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0