ازياء, فساتين سهرة

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات تورتة الفاكهة والشوكولاته للمبتدئات من مطبخ الشيف مونى بالصور يوجد هنا تورتة الفاكهة والشوكولاته للمبتدئات من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 04-02-2015, 09:58 AM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

تورتة الفاكهة والشوكولاته للمبتدئات من مطبخ الشيف مونى بالصور


تورتة الفاكهة والشوكولاته للمبتدئات من مطبخ الشيف مونى بالصور

السلام عليكم ورحمة الله

حبيت اعمل التورتة البسيطة دى بطريقة سهلة للكيك الاسفنجى والحشو والتزيين عشان اى مبتدئة فى التورتات تقدر تعملها لو عندها مناسبة

مكونات الكيكة:

2 كوب دقيق

2 ملعقة صغيرة بيكنج بودر

5 بيضات كبار

فانيليا

كوب سكر

مكونات كريمة الزبدة للحشو:

250 زبدة طرية غير مملحة

150 جرام سكر بودرة

6 ملعقة كبيرة حليب

فانيليا

وللتغليف والتزيين هنحتاج:

2 كوب كريم شانتى مخفوق

شرائح اناناس (كمبوت)

شرائح خوخ (كمبوت)

شرائح كيوى

جيلى تلميع

كريز

بندق

جوز هند اصفر

جناش شوكولاته ومكوناته:

2 كوب شوكولاته مقطعة

كوب فريش كريم

ملعقة كبيرة عسل جلوكوز وممكن نستبدلها بعسل نحل

الطريقة:

اول حاجة هنعمل الكيك

فى اناء هنحط البيض والفانيليا

ونضربهم بمضرب البيض لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى

ونحط عليهم كل كمية السكر

ونضربهم على اقصى سرعة لمدة لاتقل عن 10 دقايق متواصل

لغاية مايتكاثف ويفتح لونه وقوامه يبقى كريمى ويعمل علامة زى الشريط او رقم 8 لما نشيل من عليه المضرب

وهننخل الدقيق والبيكنج بودر ونحطهم على الخليط

ونقلبهم من فوق لتحت وبالاسباتيولا برفق

لغاية ماتختفى كل كمية الدقيق ونحطها فى صينية مدهونة مقاس 24

وخبزتها فى فرن منخفض الحرارة وطبعا كل شخص فرنه يختلف عن التانى واختبرتها وطلعتها

ودى اسهل طريقة للكيكة الاسفنجية واحلاها طعما بتتعمل بسرعة ونتيجتها مضمونة ومكوناتها متوفرة وسهلة بالنسبة للكل
وهنعمل كيكة تانية بنفس المكونات والطريقة وهيبقى عندنا كيكتين عشان التورتة يبقى ارتفاعها عالى
ولما نطلعهم من الفرن نقلبهم على ورق خبز

ونسيبهم فى التلاجة لمدة يوم كامل عشان يتماسكوا
وتانى يوم نطلعهم ونجهز ادوات التقطيع والحشو

وهنقسم كل كيكة ل2 هيبقى عندنا 4 شرايح كيك

وهنجهز كريمة الزبدة للحشو
فى اناء هنحط الزبدة

تاااااااااااااااااابعونى

كيكة الشوكولاته الدسمة بصوص الشوكولاته من مطبخ الشيف مونى بالصور
تارت التفاح (الطريقة الامريكية الاصلية) من مطبخ الشيف مونى بالصور
غريبه بالفستق من مطبخ الشيف موني بالصور
بودينج الفراولة من مطبخ الشيف مونى بالصور
الخبز التركي بالسمسم من مطبخ الشيف موني بالصور
حلقة البرتقال والزبيب من مطبخ الشيف مونى بالصور
تارت الخشاف والكرامل من مطبخ الشيف مونى بالصور
كب كيك النسكافيه احلى من اللي في المحلات من مطبخ الشيف موني بالصور
عيش الشيبسى من مطبخى بالصور
كب كيك شوكولاته لايت من مطبخ الشيف مونى بالصور
كنافة عش البلبل أساور صغيرة ومتساوية زى المحلات من مطبخ الشيف مونى بالصور
بيتزا بالهوت دوج من مطبخ الشيف مونى بالصور
الهريسة الدمياطى بالبندق من مطبخ الشيف مونى بالصور
وربات بقلاوة بالفستق من مطبخ الشيف مونى
مينى كرواسون بالجبنة والمربى من مطبخ الشيف مونى بالصور


 
قديم 04-02-2015, 09:59 AM   #2

الشيف مونى


رد: تورتة الفاكهة والشوكولاته للمبتدئات من مطبخ الشيف مونى بالصور


تورتة الفاكهة والشوكولاته للمبتدئات من مطبخ الشيف مونى بالصور

ونضربها بالمضرب دقيقة تفك ونضيفلها السكر البودرة

ونخفقهم بالمضرب على اعلى سرعة لغاية الخليط مايبقى لونه فاتح وهش وكريمى
ونضيفلهم الحليب والفانيليا

ونخفقهم مرة تانية لغاية مايمتزجوا

ونبدأ نحشى بيها الكيكة بس قبل مانحط كريمة الزبدة على الكيك هنسقى الكيك بمياه شرائح الخوخ والاناناس المعلب (الكمبوت) لأن طعمها حلو ومسكر وده حسب رغبتكم


وفيه ناس هتقول كريمة الزبدة تقيلة ودسمة هى بالنسبالى عادية بس لو شايفنها تقيلة ممكن تستبدلوها بكريم شانتى مثلا
وبعد مانخلص حشو الكيك بكريمة الزبدة هنغلفها من برة بالكريم شانتى

وهنعمل فاصل بودردات الكريم شانتى فى نص الكيكة عشان هنعمل نص فاكهة ونص شوكولاته
ونبدأ نحضر الجناش
فى كسرولة هنحط الفريش كريم

ونشغل عليه نار هادية لغاية مايغلى واول مايغلى نطفى ونضيفله الشوكولاته المقطعة

ونقلبها لغاية ماتدوب جوة الكريمة ونضيفلهم معلقة عسل الجلوكوز

ونقلبه لغاية مايدوب وفايدة عسل الجلوكوز انه بيدى للجناش لمعة وممكن نستبدله بعسل نحل
وكده الجناش بقى جاهز

هنسيبه يبرد شوية وهنحطه على نص التورتة والنص اللى عليه الجناش فى الجنب هنحط جوزه هند اصفر ومن فوق كريز وبندق
والنص التانى هنرص الفاكهة وفى الجنب هنحط شرايح اناناس ووردات كريم شانتى وهنلمع الفاكهة بجيلى التلميع بعد مانسخنه على النار وده شكله وهو طبعا بيتباع فى محلات خامات الحلويات ومتوفر جدا

وده شكل التورتة النهائى


والطعم مش هقولكم عليه انتوا هتجربوه بنفسكم وهتدعولى
بالهنا والشفا

بارفيه البطاطا الحلوة من مطبخ الشيف مونى بالصور
البان كيك بعسل النحل والشوكليت شيبس من مطبخ الشيف مونى بالصور
كنافة بالمانجة من مطبخ الشيف مونى بالصور
مربى الحليب(صوص الدولتشى دى ليتش) من مطبخ الشيف مونى بالصور
الكنافة النابلسية من مطبخ الشيف مونى بالصور
الكنافة العثملية بالقشطة من مطبخ الشيف مونى بالصور
الغريبة الناعمة من مطبخ الشيف مونى بالصور
الشلسيابنز ولأول مرة من مطبخ الشيف مونى بالصور
تارت الجناش والكراميل من مطبخ الشيف مونى بالصور
الجاتوه السواريه من مطبخ الشيف مونى بالصور
الفطير المشلتت من مطبخ الشيف مونى بالصور
شوكليت شيبس كوكيز من مطبخ الشيف موني بالصور
الكرواسون الفرنسي من مطبخ الشيف موني(يوتيوب)
كيكة التفاح من مطبخ الشيف موني (يوتيوب)
كيكة الذرة من مطبخ الشيف موني بالصور


 

أدوات الموضوع



الساعة الآن توقيت السعودية الرياض و الدمام و القصيم و جدة 07:10 AM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0