ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر مِنْ يقُولْ إنَّ الأمَاكِنْ " مَا تسُولِفْ " يوجد هنا مِنْ يقُولْ إنَّ الأمَاكِنْ " مَا تسُولِفْ " القصص , الخواطر , الشعر قصائد حب و خواطر عشق و ما يبوح به قلمك


 
قديم 03-31-2009, 04:47 AM   #1

@صمت المشاعر@

عضوة شرفية

الملف الشخصي
رقم العضوية: 14107
تاريخ التسجيـل: Apr 2008
مجموع المشاركات: 45,654 
رصيد النقاط : 0

11633831441487246193 مِنْ يقُولْ إنَّ الأمَاكِنْ " مَا تسُولِفْ "


مِنْ يقُولْ إنَّ الأمَاكِنْ " مَا تسُولِفْ "





ليه كلٍّ ماتذكّر ذكرياته
............يشعر إنها أحلى أيام بحياته !
بس يتنهـّد وهو يحكي .. ويذكر
..........حلوها مع مرّها وشلون جاته
يتذكّر بعض الأشيا .. ويتبسّم
........من يصدّق إنها من ذكرياته ؟
هالمواقف بعضها كانت كبيره
.......بعضها خلاّه يتمنّى مماته !
وبعضها للحين لاتذكّره يضحك !
........كيف "ذاك الشي" / "ذاك اليوم" فاته !
وبعضها للحين لاتذكّره يسرح
........ويتسائل .. وين راحت أمنياته ؟!
آه ياذا العمر .. ياسرعك علينا
.......وااجد اللي مايحسّون بـ فواته
وآه يالإنسان وشلون يتغيّـر
.......كل شيٍّ فيه .. حتى ( تضحياته ) ... !
يتغيـّر غصب عنّه , بسّ يبقى
...........طينه يأثر على طيبة نباته ..
وان بغيت تعرف -اي انسان- وش هو؟
.............طالعه لاقام يسرد
ذكرياته ..!











لا تخاف
\ماوراك إلا خطاك
وما قبالك غير فالك
..
.
لا تخاف !










فكرت اقرب مسافاتي
واجـي يمـي
وأكتب مشاوير حزني
واكتب الساقي
\
.لقيت نصف الشوارع
مهدره دمـي
والنصف الاخر هلك
مالامس اعماقي
\.
والطفله اللي تسنيني
طـرف كمـي
ماتت وخلت بعينـي
حزنهـا باقـي
\.
ليت المنايا تناشد
وانتخـي همـي
وأموت معها وفيها
واجمع اشواقـي










ياللي بَنِيْت من الأَمَانِي
مَدِينَة ..
شِفْنِي طَلَعْت منَ الحيَاة
ْ بـ وَلا شَيْ










الا ياطير
وش جابك تخلـي منزلـك
ياطيـر
عسى ماشر ياطيـرٍ يحـوم
وينكسـر فوقـي
ترى ماعاد لك عندي سوى جرح
وسحابة خير
الا من جرهدت بيد القصائـد
لاحـت بروقـي











ياآلهي وش بلا هذا المساء
عيّا يعدّي
لاهو اللي محتويني ولاني
اللي محتويه ..
كل مافكرت أبفتح نافذه
للحـزن قـدّي
\
امتلا صدري نوافذ وامتلت
عيني وجيه...!











أحس إني مضيعني !!
....... يارب ألقاك وألقاني !
وأحس إني مودعني
......ورحت بعيييييد .. وحداني !
ولابه شي يسمعني ..!
ولابه شي يبغاني !
!
قعدت أصررررخ وأسمعني
......كذا -وأسكّر آذاني









ياخي شفني
في غيابك شرشف
الهم إلتحفني :|
حتى جفني..
من رحل إصبعك عنه
.. ما عرفني!
حتى كف الضيق من غصنك
.. قطفني!
صارت أنفاسي حرايق..
كلها يومين وأفني
ياخي إرحمني وشفني!











من يقول ..
......ان الاماكن
ماتسولف ماتعاتب:|
من يقول ....؟؟
الاماكن ياعزيزي ...
الاماكن ..
لا تهج البوح لا حساس الاماكن
يمتلي صدر الورق حزن وكآبه
الموانئ خامله والموج راكن
يلفظ انفاسه على شط الكتابه
والشوارع مظلمه والبيت داكن
والنوافذ كلها صمت وغرابه !!
..جيت \.....
....... جيت
...............جيت
اعشم بردها بالصيف لكن ...
......الفصول الاربعه برد ورتابه !!
اه لا صار الغلا بالجرح ساكن !!!
......والخناجر كلها ربع وقرابه
مايطيب الحال دام الحب ماكن
.....من عروق ومن فياض ومن سحابه
لو نشدني عن سبب حزن الاماكن ؟
..... جف صوتي مت
ماشاف الاجابه !











لا حشى ما ني بميّت !
الا حيّ !
حي لكن ..
ما أحس بأي شي !
يعني ميّت !
... والله ماادري
تكفى لا تسأل علي !

 
قديم 03-31-2009, 03:08 PM   #2

"أسيرة الحب"


رد: مِنْ يقُولْ إنَّ الأمَاكِنْ " مَا تسُولِفْ "


مِنْ يقُولْ إنَّ الأمَاكِنْ " مَا تسُولِفْ "

خياااااااااااااااااااااااااااا اااااااااااااااااااااااااااااا اال

 

أدوات الموضوع



الساعة الآن توقيت السعودية الرياض و الدمام و القصيم و جدة 11:51 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0