ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة أعد لي هويتي / بقلم انجال ، كاملة يوجد هنا أعد لي هويتي / بقلم انجال ، كاملة روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم   #46

فخآإمهہ جيزآإنيهہ


رد: أعد لي هويتي / بقلم انجال ، كاملة


أعد لي هويتي / بقلم انجال ، كاملة

[0000000000000000
بعد ما انتهى الغدا بالمزرعه الحريم الكبار راحو يقيلون والبنات على حسب من ترتاح معه تجلس معها ..
العنود جالسه عند البركه وما عليها طرحه او جلال على ظل شجره كبيره تحميها من الشمس كانت تشوف المزرعه وهي تبتسم .. ماهي متخيله بانه بتجتمع باهلها بيوم ..
تلعب برجولها بالماي جالسه بروحها ما تبغى تختلط بالجو المشحون .. طول عمرها عاشت وحيده حست بانها مشتاقه للوحده كثير ومشتاقه للهدوء وبعيد عن جو المشاكل والشحنات تمنت تكون جواهر موجوده حست بانه جواهر دايم تفهمها وانه عهود متسرعه وانفعاليه .. تسرح بارض الله وتفكر كيف تغير حالها كثير وكيف قدرت تحقق التغير ..
وكيف كانت ووين اوصلت ..انجازات افرحت لها وبنفس الوقت ما اعجبتها الحال .. امسكت جوالها بعد ما تذكرت الماضي وتذكرت اشخاص سعوا لتغيرها .. ابتسمت لمجرد ذكر اسمه على ذاكرتها .. فحبت تتصل عليه وتسال عنه ..

اتصلت من غير تردد وهي تشوف الساعه مبتسمه لازعاجه .. من غير ما تحس بانه هناك شخص يراقبها لستغرابه تصرفاتها ...
بالانقليزي
العنود : مرحبا ياعزيزي اسفه لازعاجك ..
ديفيد مبتسم : ايتها المزعجه هل هناك شخص يتصل بالساعه الخامسه صباحا ..
العنود بضحكه : ههههههه انني اشتقت وما ذنبي اذا اشتقت ..
ديفيد : ايتها الشابه المتعجرفه ماالسبب الذي تذكرتينا به بعد طول غياب..
العنود : اشتقت اليك وفاحببت السؤال عنك ..
ديفيد : لا اظن بانك اشتقتي ..
العنود : بل اشتقت لم استطيع التاقلم هنا ياديفيد ..
ديفيد : لو تسمعك زوجتي لتشن الحرب من جديد من اجلي ..
العنود : ههههههههه زوجتك وهل عدة اليها اخيرا ظننت انك انفصلتما ..
ديفيد : الحب هو من يجمع ..
العنود : ولم اجده بعد ..
ديفيد : غريب ذالك مع انه حولك ويحيطك ..
العنود تتنفس ببطئ : ديفيد افهم ما يدور بتفكيرك ولن لن يكون ..
ديفيد : وهل هذا ما جعلك تتصلين بي بهذا الوقت وتزعجيني ..
العنود : بل الكثير تغير ولم استطيع تغيره ..
ديفيد : سبق وقلت لك بانك سوف تتواجهين امور لا تحبيها وسوف تقعين بها بلا جدوى ..
العنود : تمنيت ان تكون بجانبي ..
ديفيد : ماذا بالسابق تمنيتي العائله والاب والان لا تريدينهم .؟
العنود : بل للان اريدهم واعشقهم .. ولكنني لم اتاقلم لا استطيع ان اعيش بعالم مغلق لي ..
ديفيد : هكذا هم مجتمعك مغلق لا يحبون للنسا الخروج ..
العنود : ماذا افعل اعددت على سلوكيات وافعال بالسابق تريحني والان احسست باني بدائره مغلقه .. لا استطيع الخروج وحدي ولا استطيع التعلم الدراسات الانقليزيه يريدون مني التعلم العربيه لا استطيع حقا لا استطيع فانها صعبه للغايه ..
ديفيد : مازلتي باول سنتين ما بك هل ياستي بهذي السرعه وانتظري اين هو ناصر الم يكن هو ظلك الذي يعلمك بكل شي ..
العنود : كلا فقد انتهى من علاجي ولا استطيع رئيته ولا حتى مكالمته ياديفيد ..
ديفيد : ولماذا ..؟
العنود : من الان اصبح انسان لا استطيع مخاطبته وهو لا يريد مخاطبتي ..
ديفيد : وما الذي حصل ؟
العنود : لا اعلم ..
ديفيد : هل هو الذي جعلك تشتاقين الينا ..
العنود : لا اعلم ياديفيد ولكنني اشعر بالغربه وانا بموطني الذي اشتقت ان اقبل تربته ...
ديفيد : تحدثي قولي لي بكل ما يضايقك ياصغيرتي ..
العنود : لا استطيع ياديفيد احساسي بالاختناق يزداد ..
ديفيد يحاول يشغلها عن التفكير والضيقه : وكيف الجو لديكم سمعت بانه الجو لا يطاق من الحراره ..
العنود : ليست حرارة الجو فقط بل حرارة المشاكل تلتهب اكثر واكثر ..
ديفيد : ما بك ..
العنود : هل تعلم ما افكر به ...
ديفيد : بماذا ..
العنود : ان اعيش كما بالسابق وكلما اشتقت عدة الى هنا لا استطيع هنا الجو لا استطيع استلطافه ..
ديفيد : كلا يالعنود هذا الشعور باول سنوات سوف يعذبك وبعدها سوف تتاقلمين ..
العنود : احساسي بالغربه يقتلني وانا من هذي بلاد لا استطيع العيش بها ..
ديفيد : كلها سنوات ولا تستطيعين الابتعاد عنها ..
العنود : سياتي يوم وسوف تتفاجا بي اطرق باب شقتك ..
ديفيد : وهل تريدين زوجتي ان تقتلك ههههههههه
العنود بضحكه سحرت اللي يسمعها من غير ما تدري : اريد ان اقتل زوجتك الانها اخذت مني والدي العزيز الذي اشتقت اليه .. ديفيد هل تتذكر حفلة الشواء هههههههه التي جعلت زوجتك تحترق بنظراتي اليها هههههههههه
ديفيد : نعم اتذكر حين خدعتها باننني قد احببت فتاة اخرى ..وانتي اجدتي التمثيل ياعزيزتي باحتضانك لي وضحكاتك ..
العنود : هههههههههه لم انسى ذالك اليوم احببت حق احراق اعصابها ولكن يجب ان تشكرني لاني اعد اليك زوجتك وجعلتها لاتفارقك بذاك اليوم ..
ديفيد : هههههه وهل تتذكرين حين ذهبتي للويس واني معك عامل صيان تبريده جعلتيني معلق بين انابين التبريد يومها تجمدد واحسست بالموت يدغدغ اطرافي ..
العنود بضحكه هستريا : هعههههههههههه نعم نعم تذكرت حينها لويس تعجب من اختفاءك بغرفته وانت بانابيب التبريد تكشف الاوراق ههههههههههه( تضحك بقوة ) : ياللهي لم استطيع امساك نفسي من االضحك
ديفيد : هل تضحكين على مزعبلاتك ..
العنود مازالت متواصله بالضحك : كلا كلا ارجوك لا استطيع التوقف نسيان هذا الموقف صعب كل مره اتذكره ازداد ضحكا ..
ديفيد :هههههههه هل تتذكرين بيتر هههههههههه حينها كان وقت الفجر ننتظر وننتظره وهو واقف بجانبنا يضحك الانه لم نشاهده هو اسود اللون والظلام شديد العتمه وثيابه مثله سوداء هههه
العنود بضحكه هستيريا : نعم ولم نلاحظ الا طقم اسنانه الابيض حينها احسسنا بشبح بجانبنا هههههههههههههه ياللهي يا ديفيد لا استطيع الضحك اكثر كل ما اتذكر احسست بانه معدتي سوف تتقطع من المواقف الجميله ..

ديفيد : حقا انها مواقف مرعبه ولكنها جميله ..
العنود : هههههههه هل تتذكر حين نمت بين مقاعد الحديقه وانت وكارتر تاتون بثعبان لعبه ..
ديفيد : نعم اتذكر ههههههههه
العنود : كانت اوقات جميله حقا ..
ديفيد : ما سر الذكريات ؟.
العنود : لا اعلم ولكنني اعلم بانني مشتاقه ..
ديفيد : عزيزتي يجب ان اذهب فالوقت الجميل ينتهي بسرعه وانتي تعلمين مدى خطورت التاخر ..
العنود بابتسامه : حسنا يا والدي العزيز اعتني بنفسك وارجوك ان تبلغ سلامي الحار لـ كارتر وبيتر وشون ولهمدي ارجوك اتمنى ان يكون بخير ..
ديفيد : سوف ابلغهم تحياتك ..
العنود : فمان الله ..
ديفيد : هههه الى اللقاء ايتها الفتاة المسلمه ..
العنود بضحكه : الى اللقاء ..

تغفل الجوال وهي تضحك وتشوف المزرعه ووانشرااحها .. تبتسم لكلام ديفيد الانه الانسان الوحيد اللي حست بالابوه معه .. صحيح ما يجوز تكلمه لكن تعبره ابو مخلص ..وعمره ما شافها لدافع غايه او غريزه ..انتبهت بالصوت ..

.......: انتِ اكيد العنود ..
العنود تلف له وهي مستغربه من الشخص ونست انه ماعليها جلال : منو انت ..
......: قريب لك ..
العنود انتهبت ع نظراته وتلف تبي جلال او شي يغطيها : لو سمحت ابعد نظراتك نسيت جلالي ..
.......: يرمي شماغه عليها : خذي وغطي نفسك وبعد ما توصلين للبيت لك حرية انك ترجعينه او لا ..
العنود تلف نفسها وريحة بخور بالشماغ مو طبيعيه حست معتقه ببخور غالي : منو انت ..
......: وش اللي ماعجبك بالديره يالعنود اسف الاني سمعت كلامك مع اللي تسوالفين معه ما ادري انتي تفهميني او لا ..
العنود : افهمك واعرف وش تقول لكن شي خاص وما احب الافصاح عنه .. واظن انه تصرفك ماهو زين علشان تراقبني ..
........: الاني بصراحه استغربت انك تبغين ترجعين لديره اللي ضيعتك من اهلك ..

توقف العنود : اظن انه مو من شغلك تسالني ..
..........: يمكن لي شغل الاني بخطبك من ابوك الانه بصراحه عاجبتني ..
انصدمت وكانه صاعقه عليها نزلت : وشهووو ..
...........: مع انه كلامك يوحي بانك تحبين دكتورك بس بنت عمي ولازم استرك ..
العنود : وليه شايفني ضايعه او اني تصرفت تصرف خرب سمعت العايله ..
..........يقرب منها : لا الاني ابغاك تتعلمين اشياء حلو مني من ثواني بس قررت اغير نظرتك بالبشر هنا واخليك تعشقين الدوله ويمكن تعشقيني معهم .. والولد يستر على بنت عمه وهذا طبعنا الولد لبنت عمه والبنت لولد عمها ..
العنود : وش الجاهليه اللي انت عايش بها مافي قانون يجبر الزواج بالقصب ..
.........: بنشف يالعنود ..
العنود : انتظر بعدي ماعرفتك ..
..........يبتسم بشكل وسيم.: يمكن ماتعرفين اسمي لكن بتعرفين شكلي وراح اغير حياتك يالعنود
..

العنود منقهره من كلامه واسلوبه . تبي تكمل معه بس تركها وهو يضحك
اخذت نفسها وراحت جري لاهلها
اوصلت وهي تاخذ نفس عميق ..
غدير : وش فيك يالعنود ..
العنود : غدير في واحد هناك ماعرفه لكن كلامه غريب ..
غدير تطلع راسها من الدريشه : وين وين يالعنود ..
العنود : ما ادري وين راح بس كلامه ينرفز الواحد ويرفع ضغطه ..
غدير : وش قال لك
العنود : المشكله اني بعرف كيف سمع كلامي .ز
غدير بستغراب : وش الكلام مافهمت ..
العنود : كنت اكلم شخص عزيز علي بامريكا وحبيت اسلم عليه ودار ببيننا حديث والاخ طلع يتسمع ويعلق وكررت عليه وش اسمك ومارد علي حذف شماغه وقال بنت عمي وبسترك والبنت لولد عمها .. أي جاهليه يتكلم هو مافي زواج اجباري ..
غدير ضحكت : ههههه والله وطلع لك عشااق يالعنود ..
العنود : اووص لا يسمعك ابوي وساعتها بيضربني ضرب ..
غدير : طيب وش بتسوين بالشماغ ..
العنود : ما اعرف وش اسوي فيه قالي ياحتفظي به او ارميه ..
غدير : عطينيااه انا بتصرف فيه ...
العنود : وش بتسوين ..
غدير : تبغين تعرفين منو صاحبه ..
العنود : ايوه تكفين متلهقه اعرف المغرور ..
غدير : طيب اصبري شوي ..
وتتصل على مشاري وتقوله تعال بساحة الطبخ ..
وثواني الا وهو مشاري عندهم ..
مشاري : خير ياغدير ؟؟
غدير : خير بوجهك يابو نواف بس العنود شافت هذا الشماغ طايح بالطريق قالت اكيد لواحد من الرجاجيل قلت لها بشوف من له اكيد دخل عليكم واحد من غير شماغ ..
مشاري وهو يتذكر : ايه صح دخل شاهين من غير شماغ يقول ما يدري وين طاح شماغه ..
غدير بصدمه : شاهيــــــــــن ..
العنود تشوف الغدير بستغراب وتسال : ومن شاهين ذا ؟
مشاري : ولد عمي
العنود : امه ام شاهين ..
غدير تلفت لها : ايوه هي ..
العنود : ناقصين مشاكل حنا ..
مشاري مافهم : وش تقولين أي مشاكل ..
غدير حلتها : ههههههه قصدها مشاكل بانه العنود شافت الشماغ طايح خافت احد يسبب لها مشكله ..
مشاري : لا تخافين هو بنفسه يقول مايدري وين طااح ..
غدير : طيب اخذه ورجعه له ..
مشاري : طيب عطيني ايااه ..
غدير تعطيه له ويروح مشاري وهو مستغرب من زوجته ومن اخته ..
العنود : ومن يطلع شاهين ذا يااربي والله ما حبيته ولا استحسنته ..
غدير بضحكه : هذا مهندس بترول ..
العنود : واذا يعني ..
غدير : مطلق زوجته من سنتين وما تزوج ..
العنود بفضول : وليه ما تزوج مع انه وسيم ..
غدير بضحكه : حبيتي وسامته ؟
العنود : وااع مالق ..
غدير بضحكه : وليه تسالين دامه ما همك ..
العنود : استغرب انه ما تزوج للحين ..
غدير : كره معشر النساء على قول امه ..
العنود : ما الومه بصراحه هنا الحريم يقهرون الواحد ..
غدير تجلس رجل على رجل وتبتسم : وش اللي ما يعجبك فينا يا ست العنود ..
على كلامها تدخل العهود وهي تتحلطم ..
العهود : تكفون خلوني اقتلها تكفووون ..
غدير : وش مشكلتك بعد انتي الثانيه ..
العهود : ليه العنود عندها مشكله ..
العنود : خليني من مشكلتي وقوليلي وش فيك ..
العهود : مشعل يلحقني وغير هذا جوالي ما سكت من المسجات ..
غدير مستغربه : وش اللي رجعه ؟
العهود : ما اعرف لكن مسجاته كلها ندم وحسره ..
غدير : ههههههه الانه شاف وقارن بصراحه انتي اجمل منها وذي ام لسان الله يعينه عليها يستااهل لا تزعلين ياعهود بصراحه اللي مثله يستاهل اكثر من جزااه ..
عنود : ههههههههههه يعني ندم شي حلو خليه يحترق لين يتفحم ..
عهود : وندى هذي والله لو يحللونها والله حلال ذبحها ياختي من تجلس والجلسه تلوع الكبد ..
عنود : امي وينها ما شفتها اليوم ..
غدير : عند حماتي ..
عهود : قصدك خالاتي ..
غدير : وش ذنبي اني بنت خالكم ..
عنود : للحين مافهمت العايله وتسلسلها من العقد ..
عهود : خليك انتي لوحدك يبيلك اعادة برمجه ..
غدير : جواهر ماهي مسيره علينا ؟؟
عهود : ما اظن اعيالها مرضا ..
غدير : لها وحشه ..
عنود : ايه والله وحشتني كثيييييير ..

00000000000000
عند الرجاجيل يدخل مشاري وبيده الشمااغ ..
شاهين استغرب انه الشماغ بيده يعني الخبله قالت لاخوها اكيد ..
مشاري يقرب منه وهو يبتسم : لقوا شماغك والله انه حلال ..
شاهين : كويس وين لقيته انا دورته ..
مشاري : الاهل لقووا وقلت اكيد لك ..
شاهين : وانت قلت انه لي ؟
مشاري بتعجب : ايه قلت انه لك الانك تدوره وشكرتهم عنك ..
شاهين سرح بينه وبين نفسه : ااخ يعني عرفت منو انا ..طيب يالعنود دوااك عندي يابنت عمي اذا ما طيحتك فيني ما اكون شاهين ..كل هالجمال والطوول عندي وانا ياغفلين لكم الله .. بس لازم اعلمها وش يعني السعوديه والبنت السعوديه والعنصريه بالبلد ..

يبتسم وهو يلبس شماغه و يشم ريحة الطبخ فيه واستاذن بانه الشماغ فيه ريحه وحاب انه يغسله على عذر انه يشوفها او يتحرش بها ...
[COLOR="darkred"]
انتهاء الجزء ال25 على امل اللقاء بكم بالبارت 26 ..

 
قديم   #47

فخآإمهہ جيزآإنيهہ


رد: أعد لي هويتي / بقلم انجال ، كاملة


أعد لي هويتي / بقلم انجال ، كاملة

البارت السادس والعشـــــــــرن
00000000000000000000
وأعجب من حكايتنا ...تكسر نبضها فينا
كهوف الصمت تجمعنا ...دروب الخوف تلقينا
وصرتِ حبيبتي طيفا لشيئ كان في صدري
قضينا العمر يفرحنا ....وعشنا العمر يبكينا
غدونا بعده موتى ..فمن يا قلب يحيينا ؟؟

فاروق
00000000000000
الساعه اربع ونص الفجر .. تقوم على صوت عصافير المزرعه وزقزقتهم صحت وشافة الساعه مبكر ابتسمت لصوت العصافير قامت وتوضت وصلت ولبست بنطرون برموده ضيق ابيض وعليه دي شيرت مكتوب بالانقليزي التحدي ... وخلت شعرها ذيل حصان على جنب كان شكلها جونان وهي تتعطر الا صوت يناديها ...
......: وش اللي مصحيك دا الحين .؟
العنود : ههههه صوت العصافير ..
العهود يالله تفتح عيونها : انتي شفتي الساعه عدل ..
العنود بضحكه : فيني نشاط ودي اركض شوي بالمزرعه ..
العهود : هيييه لا تضنين بعدك بامريكيا وين تركضين وحولك تماسيح ..
العنود : هههه اكيد سهرانين ونايمين ومن يقوم بهذا الساعه ..مشتاقه امشي بهذا الوقت احس انه بيكون خيالي ..
العهود تغطي نفسها : مجنونه روحي علشان ابوي يقتلك اذا شافك بروحك ..
العنود : نامي يالبطه بيطوفك الجو والعصافير وشروق الشمس ..
العهود : طيب روحي وانا بلحقك ..
العنود : وسويلي معك نسكافيه وانتي جايه ..
العهود : خدامة ابوك قالولك روحي زين بكمل نومتي مالي خلق اقوم واشوف وجوه تسد النفس وتلوعه ..
العنود تاشر بيدها : مع السلامه الدقايق تاثر معي باي ..
تطلع و كلها هويه ونشااط .. اول ما اشافت المزرعه والجو كان رووعه بعدها ما طلعت الشمس والجو لونه ازرق غامج والهوا البارد لعب بشعرها ابتسمت اول ماشافت الساحه كبيره وفاضيه .. حبت تهرول وتلعب بشعرها فكت الشباصه وتركته يجري معها .. هرولت وهي تضحك وتتذكر بيتر وديفيد بـ حديقة منح بارك وانهم اكرووش وما يحبون الرياضه .. تذكرت مواقفهم الضريفه اللي كل واحد يسوي مغلب بالثاني .. وكيف يطيح ديفيد بيتر بالبحيره .. جلست تضحك لمجرد تذكر الموقف بمخيلتها .. وقفت على صوت عصفور صغير طايح من الشجره القريبه منها قربت منه وهي تكلمه بالانقليزي وتشيله بين يدينها : ياللهمي ايهه الصغير فقد تهت انت عن عشك سوف اعيد كي تشكرني حين تكبر .. ما اجمل منقارك اظن بانك جائع جدا وتنتظر امك لاطعامك ههههه ياللهي كم انت ضريف هيا سوف اتسلق الشجره كي اعيدك ولكن لا تدغدغني بمنقارك الجائع .. تشيله وتحطه بشنطتها الصغيره لجوالها وتسلق الشجره بشويش لين اوصلت للغصن وتحط العصفور وتجلس على الغصن وتشوف وهي تبتسم لعدم وجود كائن صاحي غيرها هي والعصافير .. تنقز من الشجره وتتابع الجري .. الا والشخص يناديها وقريب حيل الصوت منها تلف لوراء بتشوف منوا الا تنصدم بالشخص اللي امس ..
شاهين : ليه صاحية بهذا الوقت ..
العنود تشوفه من تحت لفوق وماعطته رد وتابعت الجري :...
شاهين يركض وراها وهو لابس ملابس رياضيه : ردي علي وش اللي مصحيك بهذا الوقت ..
العنود توقف وتشوفه ملابسه : اللي صحاك صحاني ..
شاهين : ردي البيت ..
العنود : مو شغلك اظن ..
شاهين : بنت عمي وبتصيرين زوجتي ..
العنود ترفع حواجبها : ومن متى صرت زوجتك ..؟
شاهين : من اللحظه ذي باذن الله ..
العنود : موب بكيفك تتزوجني وحتى لو قالولي تزوجيه برفض ..
شاهين يقرب منها اكثر : ههههه انتي بترفضين بس ابوك بيوافق ..
العنود تبتسم بسخريه : حدك متفائل ..
شاهين : امممم مثل العصفور اللي تسلقتي له الشجره ورجعتيه لاهله هذا مثل حالتي بعد ما كنت فاقد الامل اني القا انسانه تفهمني الا وانتي تمسكيني بيدك وترجعين اصراري على الزواج ..

العنود : للاسف ما ادري وش هي نظرتك بالحياة لو سمحت اتركني براحتي ..
شاهين : خلينا نتمشا ..
العنود : منت محرم لي ولا لي حق امشي معك لو سمحت لا يشوفني ابوي ..
شاهين : عادي لو شافك وش بيصير ..!
العنود تمشي من غير ما تخليه يكمل كلمته ماعتبرته وكملت سيرها بالجري والهروله ..
شاهين مثلها يبتسم ويتكلم : اممم ماشاءالله رشيقو قوام ..
العنود ماقدرت تستحمل ثقالة طينته : يعني لازم اقول لابوي علشان يعرف يربيك ..
شاهين : ههههههههه تكفين قوليله ..
العنود انقهرت من تصرفاته : انقلع قبل لا افضحك بالمزرعه كلها ..
شاهين : وش بتسوين يعني ..؟
العنود تبتسم : كل شي جايز عندي ولا استحي على وجهي ..
شاهين يجلس على البركه المقابله لها : يالله وش بتسوين ياميرة شاهين ..
العنود تبتسم بخبث : طيب اذا ما عضيت ثوبك وقمت تركض من الخوف ما اكون العنود ..
شاهين : وش بتسوي الامريكيا بنشوف الخبث اللي تتكلمين عنه ..
العنود بخبث : طيب ياولد عمي ..
تقرب منه وتمزق تي شيرتها بيدها ويبين طرف بطنها على ظهرها وتفتح شعرها وتشوشه وتشمخ نفسها برقبتها وسط ذهول شاهين ..
شاهين : وش بتسوين يالخبله ..
العنود تصرخ وتركض للمجلس : مشاااااااااري يبه الحقوووني ..
شاهين ما توقعها كذا مو لدرجه ذي تتبلى علي ..
شاهين : بسسسس اوووص يقرب منها ويمسكها من جهة الظهر ويمسك فمها لا تصرخ وتفضحه جدام الملا ..
العنود : امممممممم اممممممم
شاهين : وجع وجع يوجع بطنك ومصرانك ..
العنود : تعض اصابعه : ويوجعك معي يارب ..
شاهين : ايييي يامال وش اقول اوجعتيني والحين بتفضحيني ..
الا تكمل الصراخ : يباااااااااااااااااا الحقني ..
الا ابو مشاري يطلع من المجلس مرعوووب معه اخوانه مجبل وراشد ..
انصدموا بمسكة شاهين للعنود لاصق بالعنود من الظهر ومسكر فمها .. وسط شهقت الجميع ..
عادل بغضب : وش تسوي ياشاهين ببنتي ..
شاهين بتبلعم : والله والله هي ..
تقاطعه العنود وهي تركض لابوها بدموع جذابه وبداخلها طبول الانتصار ترقص : يباااااااااا هئ هئ شف يبا بعيونك وش مسوي فيني والله على نيتي امشي بالمزرعه قريب الا لقيته يلحقني ويبي هئ هئ يبي يرضي غرايزه يايبه ..

مجبل : ياللي ما تستحي على وجهك مالقيت الا بنت عمك عارك
عادل بحالة غضب ما قدر يصيطر عليها قرب منها ومسك طرف تي شيرته وجلس يتفل عليه وانتوا بكرامه : اخص عليك ياللي ما تستحي على وجهك عزالله ابوك مايعرف يربي رجاجيل تبغى تعددي على بنت عمك بنتي اللي بعدها ما تهنيت فيها برجعتها وشفاها تستغلها انت يا شاهين ..
شاهين يقاطعه : والله العظيم ما سويتها ولا بنيتي اسويها هي من شقة قميصها وهي من شمخت نفسها ..والله ياعمي ما سويتها صحيح تحرشت فيها بالكلام والله وقسم بالله وحياة ابوي بقبرة ما لمستها ..
العنود بدموع : كذاااب كذااااب يعني اكذب عليك يا يبه شفه جدامك وش مسوي فيني ..
مجبل : استهدي بالله ياعادل الولد حلف بابوه ..
عادل : يعني اكذب بنتي اللي تشوفها اقبالك شف ملابسها مشقوقه بكل طرف واضافره وشعرها كيف ماسكه اول وصولنا وغير هذا انتوا شفتوا بعيونكم كيف حاظنها ومسكر فمها لا تصرخ ..
يعني اكذب عيني وتكذبونها معي ؟؟ يعني اصدقه من حلف ..لا ياولد خليف بنتي ماهي لعبه ومن ذي اللحظه يامـــــــــــلك عليها والا لا انت ولد اخوي ولا اعرفك ..ولك مني مايعرف بالسالفه الا انا وعمانك ..

وسط شهقة العنود وصراخها : لاااااااااااااااااااااا يبا تكفى لا الا ملكه
ابتسم شاهين بينه وبين نفسه : موافق ياعمي شورك وهداية الله ..
راشد : عين الصواب الرجال مطلق له سنتين ويبي العرس وما الومه شاف العنود ..

العنود تلتفت بين ابوها وعمانها وبين شاهين وابتسامته النصر : يبا لا ما ابغاااه لازم تعاقبه ..
عادل : ما ارضى يعتدي عليك ولازم يستر عليك ولد عمك ..
العنود بصراخ : وش يستر علي وش سويت قلي وش سويت هو لازم تعاقبه ما تكافئة فيني .. انا ما ابغاااه ما ابغاااه بعد اللي سوااه لا مستحيل يبا تكفى الا الزواج ..
مجبل : مالك الا العرس ..
راشد : انت موافق يا شاهين تتزوجها وتصونها وانا ابوك ..
شاهين : ايه وشاريها وبنت عمي ولولا ما صار اللي صار الحين كنت بقول لاعمي اني ابيها حليله لي لكن شفتها وحبيت اقرب منها واسمع شورها بالاول لو جيت وخطبت ..
العنود تبلق عيونها : كذااااب كذااااب انا ما ابييييك ما ابغاااااااااااك بالعربي اقولها لك .. ...

عادل : شف وانا ابوك من بكره بنرجع للبيت وابيك تملك عليها والفحوصات لا تهمك اطلعها بنفس اليوم وادبرها لكن جهز نفسك ..
العنود : وش يملك مالي شور والا الحياة عندكم مالها راي او شور ..
عادل : بتتزوجينه ولد عمك ومن دمنا وبرتاح واتطمن اكثر لو تكونين عنده ..
العنود بصراخ : مو بكيفك تزوجني بالغصب ..
عادل بعصبيه عطاها كف : طااااااخ انا ابوك والكلام هذا ما ينقال لي مو بكيفك حياتك هناك انسيها هنا غير وهناك غير هناك شورك بيدك وهنا شورك لاولي امرك دامك ما تزوجتي ..واذا تزوجتي شورك بيد زوجك ..
العنود : انا مو عبده تستامرون علي لي حرية راي لي شؤوني الخاصه لي حق اختار شريك حياتي انا اللي بعيش معه مو انتوا ..
عادل بلهجه حاده : العنود قلت اللي عندي وبكره بتكون الملكه وشاهين بيكون زوجك ..
العنود : ليه فضلت شاهين عن ناصر ما قارنة انه ناصر يشبه حالة شاهين كلهم منفصلين ..؟؟ليه فضلت شاهين عن ناصر مع انه ناصر خطب وانت رفضته مثل الاسباب والمفروض ناصر توافق عليه الانه رجعني لكم علاجني سهر علي علمني اشياء كثيره ليه يا يبه ليه ..
مجبل : اللي ما تستهي تحب دكتورها ..
عادل يشوفها بعيون حاده : العنوووود ..
العنود تكمل ولا همها راي ابوها : طيب قلي هو بعد خطب ما سوا اللي سواه ولد اخووك ..
عادل : ناصر مابياخذك لو على جثتي ..
العنود بصياح ودموع : ليه ليه ليه ..
شاهين : يالي ما تستحين تقولين ليه وقدامي وليه ماني عاجبك صحيح مالومك ياعمي تربية اجانب ..
العنود ماقدرت تتحمل الجو حست بتختنق فوق اختناق النفس وغربتها الا انها خلاص ماقدرت تمسك نفسها تصارخ على ابوها وابوها يرد عليها لين وقف الجدال على التالي ...

عادل يمسكها مع يدينها ويجرها : بتروحين معي ..
العنود : وين بروح يبا تكفى لا تدفني باحلامي ..
عادل يصارخ علة اخوانه: جهزوا نفسكم اليوم بتكون ملكتهم ..
شاهين ابتسم وقرب منها بهمس : جنت على نفسها براقش بصراحه اشكرك على الخطه الجهنميه قولي من اولك انك تبغيني بلا عياره زايده وتمثيليه ..
العنود يمسك ابوها يدينها و يجرها وهي تهاوش مع شاهين : مستحيل يكون حلمك حقيقه مستحيل ..

عادل بصراخ : بسرعه جيب المازون ..
العنود جن جنونها الين دخلها ابوها داخل غرفتها وسط ذهوب العهود للي تتمكيج وجنبها النسكافيه ومنصدومه بحال اختها ومنظرها وابوها كيف يسحبها ..
العهود : خير يبه وش فيها العنود تبكي كذا ..
العنود : والله على جثتي ما اتزوجه غير ناصر ما ابغى اتزوج لو ترفض لو تعصب وتضربني الزواج مو بالترغيب والاجبار هذي حياتي وانا مسؤوله فيها واللي اختاره بعيش معه العمر مو مدة قصيره ..
عادل بصراخ : عنود اعرفي من تتكلمين معه انا ابوك ابوك يالعنود ..
العهود متعجبه وش اللي يصير قدامها يعني العنود كيف تتجرا وتكلم ابوها كذا ..
العنود بلهجه حاده : واذا ابوي يعني تجبرني على شي انا ما ابغااه انا ما ناديتك الا علشان تتدافع عني تشوف ولد اخوك وش سوى فيني يعني انت توقف بصفه وتخلي امنيته حقيقه يعني يرضيك يهاجم بنتك وانت تكافئئه على شغلته النتنه نسيت نسيت يايبه والا اذكرك انه بنتك للحين مانست اللي صار من صغرها تبغى تعيدها وتزوجها واحد ماتعرفه وخليت الانسان اللي انقذها من الموت والمرض وتكافئه بالصد والنكران الانه طلب يد بنتك .. انا احبه قلتها لك مليون واعيدها لك غير ناصر ما ابتزوج ...

العهود تشهق من كلام العنود : العنود وش تقولين انتي لا اكيد خرفتي كيف تتكلمين مع ابوي كذا ..
عادل : بتتزوجينه يعني بتتزوجينه الييوم قبل بكره ..
العنود : ومابتزوجني بالغصب وانا لي حرية راي..
عادل : حرية الراي والتفتح خليها عندك ولعالم اللي تركتيه .. هنا عادات تقاليد منهج تمشين عليه ماعندنا شي حب ومن تحبين ناصر ..!! متزوج ثلاث وانتي الرابعه يعني بيطلقك بيلعب معاك لعبة المسكين وانه يحبك ومعجب فيك هو دكتور نفسي ومريض نفسي واذا جابك لنا هذا بفضل ربك ماهو بفضله واذا كذب عليك بكلمتين وصدقتي هذا ما يعنيلي شي سوا انه ولد عمك ويبيك وشاريك وهو الوحيد اللي بيستر عليك ..

العنود انبح صوتها من الصراخ والشهق والدموع ماتوقعت انه اللعبه بتنقلب عليها وانه الفايز بهذي اللعبه شاهين كرهته بغضته .. تمنت لو مافكرت تمشي هذا اليوم ما درت بنفسها الا وهي بفراشها تشهق من البكي ..
عادل : لو تبكين من اليوم لبكره ولو تتعبين ناصر ما بتشوفينه
يلتفت لعهود : قومي روحي اتركيها لحالها يمكن تهدي وتفكر بكلامي زين ..
العهود : وش السالفه ؟
عادل : ناديلي امك ومالك شغل بالسالفه ..
العهود تعاطفة مع العنود اللي فهمته انه اختها بتتزوج شاهين ليه وش له ما تدري لكن اكيد في مصيبه اللي خلت ابوها يقوم بهذا الوقت ..

ما مرت 4 ساعات الا والخبر منتشر بين الكل انه اليوم جمعتهم بيكون بمناسبة ملكة العنود وشاهين وانه العنود خجلانه وجالسه بغرفتها وام شاهين كذا مره تطرق الباب عليها وماترد عليها على بالها البنت تستحي والعهود جالسه جنب اختها وتمسح عليها وتهديها ..

العنود : مابيه ما بيه ياعهود ..
عهود : ليه بالاول تلعبينها وما حسبتي حساب والله لو افكر بفكرتك بعرف انه مصيري كذا ..
العنود : مافي حريه والا وش انا هنا جدار مالي حق مالي قرار ..
عهود : اوووص لا يسمعك ابوي والله ليزيد عليك تكفيك فوق الظربه اللي اخذتيها منساع
العنود : بسافر مابجلس هنا خلاص كنت اتمنى ابو حنون يحس فيني يعترف بقراراتي بس ماتوقعت انه ابوي كل يوم له قرار له شخصيه وش ابغى فيه الحين اذا تربيت برى واخذت عادات الغرب وطبعهم وش ناوي يعلمني على القساوة الرد ورفض حريتي ومنهجي ..؟ أي اب هو .. وش نوعه اذا امي هي امي يالله استحملت حياتها معه كيف صابره كذا الحريه عندكم الحريم يستعبدون الرجال مالنا أي حق كل الشور بيدهم .. طيب ما احبه ما احب اشوف وجهه كيف اتزوجه كيف كيف ياعهود خبريني كيف ..

العهود : مالك الا الصبر ..
العنود : مالي الا الهروب من هنا ..
العهود : مجنونه لو سويتيها بتحفرين قبرك بيدك ..
العنود : ولا يزوجوني شخص ما احبه ..
العهود : اتصلي على ناصر وخبريه ..
العنود : اتصلت واتصلت ومايرد له اربع ساعات تشوفينه مايرد علي بالمره ..
العهود : وش الحل طيب ودي اساعدك ..
العنود : مافي الا حل اني اهرب منه ..
العهود بترجي : تكفين يالعنود لا تسوينها والله ماصدقنا على الله انك ترجعين وترتاح امي يعني يرضيك تتضايق امي وتتعب علشانك .. لا تشوفين ابوي وتنسين امي .. ترا انتي كذا تعذبين طرف وتعاقبين الطرف الثاني مهما كان ابوي عصبي ترا صدقيني له نظره ما تخيب ظنه مهما كان ابوي بنظرك تشوفينه جبروتي و حاكم و متسلط واناني بقرارته له نظرته الخاصه اللي تسعدك لا تفكرين بلحظه انه بيهلك اعياله بقرارته او يسيطر عليها لحبه التملك لا يالعنود هذا طبع تعودنا عليه حنا العرب الاب هو ولي الامر هو اللي يصدر القرارات وعلينا تنفيذها هو يحكم ويعرف وش يحكمنا فيه .. صحيح يغلط ومافي انسان ما يغلط على وجهه الارض لكن مهما كان ابوي ابوي يالعنود ..
العنود برفض شديد وعصبيه : ابوي من جيت هنا وانا محتاجه يدينا تحاوطني وهو بكل قراراته يصدمني ياعهود من جيت سنتين هو سبب طيحتي بالمستشفى شهرين هو من سبب غربتي هنا منع عني اللي احبه واللي تمنيته منعني من الدراسه منعني من اشياء كثيره على اساس العادات وعلى اساس اني عربيه ؟؟ وين بيوصل الحين يزوجني علشان ولد عمي غلط معي ليه ما يعاقبه بدال ما يكافئه ..

العهود تضمها : اوووش هدي لا تنفعلين يالعنود ...
عنود بدموع : تعبانه كثير ياعهود تعبانه حتى امي وهي امي مالها حيله طاحت دمعتها ولا تقدر تقاوم ابوي وقراره كل ما اشوفها اتحسر على حالتها يعني راضيه بقرارات جبروت والله حتى لويس اكتشفت انه في ايجابيات حلوه كنت غافله عنها بس ابوي لالالا صدمني بقوووووى ..

الا صوت التهاليل والتبريكات وصوات عاليه تبارك : الف مبروك يام شاهين على ملكة شاهين والعنود والف مبروك ياام مشاري ..

العنود تقوم من حضن اختها وسط صدمة رهيبه : سمعتي سمعتي اللي سمعته عهود لا تقولين انه اللي سمعته صار تكفين قولي انه سمعي خرف ماسمعت عدل ..
تقاطعها العهود وتضمها : صارتي حليلته ..
العنود بصراخ : مستحييييل مستحيل يصير اللي يفكرون فيه انا احبه احبه ياعهود احبه ومستحيل اكون لغيره مستحيل ليه هذا الظلم ليه ليه تكفين جاوبيني انا ما اقدر اعيش معه مستحيل اعيش مع انسان ما احبه ما اطيقه ... كذا فجاء وبسرعه ذي صار اللي يبيه ويحلم فيه كيف ما فكرت انا غبيه حفرت قبري بيدي .. << جتها حاله هستيريا وجلست تضرب نفسها وتردد كلامها ..

عهود ماقدرت تسيطر على اختها اركضت وفتحت الباب وراحت تنادي امها وخالتها منيره ..

ومامرت ثانيه الا على وصول ميثه ومنيره
ميثه : وش صاير ياعهود وش فيها عنود ..
عهود تغفل الباب وراها : يما بنتك جنت
وام مشاري تلف لبنتها العنود تلقاها ضامه الوساده وتصييييح ..
منيره : عنود اسم الله عليك وش فيك
ميثه بشهقه : عنود يايمه خلاص مايفيد البكا وصدقيني لو ما متطمنا عليك عند ام شاهين ما وافقت ام شاهين حبيبه والله انها تسوى الحضور وحريم عمانك وعماتك كلهم حرمه عارفه ربها وعرفت تربي ولدها وصدقيني مابه خوف عليك عندها ..لا تبكين يمكن مستقبلك عند شاهين احسن من ناصر ..
ام مشاري قالت كلمه ناصر الا تزيد الصيااح العنود ..
منيره : استخفت بنتك الرجال شاريها ويبيها اليوم قبل بكره وامه من الفرح ماصدقت انه حب بنت ويبي يتزوجها والحين ترفض بنتك مزيون وغير هذا مهندس بالبترول وش تبغى بعد ..وامه خير وبركه فيها واحسن الحريم ..
العنود بصراخ : بــــــــــــــــــــــس بس بس اطلعوا برا ماابغى احد اطلعووووا براااااا ..
ميثه : عهود اطلعي انتي ومنيره بجلس معها شوي ..
منيره بهمس : وكيف بتهدينها ذي استخفت الا تزوجونها دكتورها وش فيها ..
ميثه : منيره خليني اجلس معها ويالله عسى اني اقنعها بـ شاهين وتهدا ..
منيره : خلاص مافي اقناع الحين هي حليلته ومالها أي مخرج لو يبيها من ذي الدقيقه ماترفضين ..
ميثه : ياخوفي من بنتي يصير فيها شي والا هو ماهمني ياخوفي تضيع بنتي وسط قرارات ابوها وجنون صدماتها ..
منيره : مابيصير الا كل خير وهديها وقري عليها يمكن هالدكتور جننها اكثر والا وش رايك غيروا لها ..
ميثه : تكفين يامنيره امشي مو وقته الحين تفلسفين فوق راسي ..
منيره تنادي العهود : يالله بنمشي
العهود تطلع مع خالتها ويغفلون الباب ..

ميثه تجلس جنب بنتها بشويش بالسرير وتمسك كتفها وتناديها بهمس : عنوده حبيبة امها شوفيني يايمه انا امك ..
العنود : .........
ميثه : يالعنود انا ماوافقت الا وانا اتمناه لك بكل امانه والحمدلله انه دعواتي صابت شاهين يايمه ولد ونعم فيه رجال وفيه الخير ما اتكلم عن شغله ولا عن طبيعته .. يكفي انه شايل امه بكفوفه والرجال اللي يشيل امه لا تخافين منه خافي من اللي مابر بامه .. ماخاف من ربه .. وام شاهين يايمه حرمه مستحيل توقف مع احد الا بالحق .. حرمه عاشرتها 13 سنه في بيت واحد عرفتها وعرفتني ...لولا كرهي لها ما تزوجتي ولدها لو على جثتي بس ادري انك تحبينه وابوك رافض من الاول بس صدقيني ابوك له نظره غير النظره اللي تشوفينها بـ " ناصر ..

طاري اسمه يهزها هز يكفي اسمه تحبه يكفي صوته باذنها كل مره يقول لها : العنود يجب ان تتحملي العيش هنا الانه الفصول تختلف من اقليم الى اخر .. لا تدعين التشابهه باسماء الفصول تثبتك المناخ .. ليس كل شتاء شتاء بكل دوله شتاءها يختلف .. وبعض الدول لا ترا الشتاء .. هكذا اقليم منهجنا واسلوبنا ليس كل نقاش نقاش هناك اشخاص تختلف نقاشاتهم ووجووه نظراتهم ..


تتذكر عباراته : ليس التمني مجرد امنيه بل حلم لا نستطيع الامساك به ..
تصيح بصوت عالي بالانقليزي : تمنيته ولكن لا استطيع العيش من دونه .. ااااااااه انني اقتل بداخلي انني اريد الخروج من هنا ..
ام مشاري : عنود وش فيك يايمه اسم الله عليك عنود عنود عنووووووووووود ..
عنود من غير شعور طاحت بوسادتها وعيونها مفتوحه وتنفسها يخفق ..
ميثه تهزها : عنود عنود اصحي ياعنود اصحي . ياربي وش اسوي الحين الكل برا وش اقولهم البنت ما تبي الولد بنتي بتروح مني ياربي مابيها تجيها الحاله مره ثانيه ياربي عونك ياربي بنتي ما ابيها تضيييع مني ..

تمسك تلفون ميثه وتتصل على عادل : الوووو عادل الحقني بسسسرعه عنود ما ادري وش فيها بسررعه تعال .. تسكر الجوال وتهز بنتها عنود تكفين لا تروحين مني ... العنود عيونها مفتوحها وتنفسها يخفق ..
ثواني قليله الا ومشاري وابوه عند غرفة العنود
عادل يكشف عليها ويامر على مشاري انه يجيب الشنطه مالت الادويه بسيارته بسرعه ..

ميثه : عادل وشفيها بنتي قلي وش فيها ..
عادل : منهاره مو اكثر بعطيها ابره تخليها تريح ..
ميثه بدموع وشقى : وش سويت فيها يا عادل بتذبحها بقرارك وشفيها لو تزوجها ناصر حرام عليك البنت بتموت باسبابك البنت اكرهتك ..
عادل : بكره بتحبني وتعرف وش السبب اللي رفضته بتقتنع هي بنفسها ..
ميثه : وش السبب اللي ما تكلمت عنه ولا اقنعتنا فيه قل لها يمكن تقتنع ومنها تبطل تكرهك وتكره الحال هنا ..
عادل : كل شي بقوته حلو ياميثه خليها الحين ترتاح ..
مشاري جاء ومعه صندوق المحاليل والادويه والابر ..
مشاري : وكيف بتشخص حالتها يا يبه البنت منهاره نفسيه الاحسن انادي عثمان يعرف اكثر منا بعلم النفس ..
عادل بعصبيه : عطني المهدي وانا اعرف بحالة العنود اكثر منك انت واخوك ..
مشاري باقتناع : طيب طيب ..
عادل ياخذ الصندوق ويطلع ابره ومحلول المهدى وباخذ محلول ثاني لتنويم ..
مشاري : يبا بتعطيها ذا وناصر مانعه لها ..
عادل : البنت مابتهدا الا به وعارف شغلي لا تعلمني به ..
مشاري احترم ابوه وسكت
ام مشاري : وش بتسوي ياعادل ..
عادل يقرب منها ويعطيها ابرة بالوريد والعنود ماهزها شي من غزة الابره عيونها تدمع وهي مفتوحه ولا ودها تصيح اكثر الانه الياس دخل باعمااقها ..
عادل : اتركيها يا ميثه ترتاح البنت لازم نعلمها طبعنا ولازم تعرف انا ليه رفضته علشان شي واحد بيسعدها وتفرح بالاخير ..
ميثه : وليه ما تقوله لي وتقنعني انا بالاول ..
عادل يشوف مشاري ويسكت : ......
ميثه تشوف مشاري : يعني ما تبغاني اعرف ولا مشاري يعرف بعد ؟
عادل : محد يعرف سبب رفضي غيري ولو بخبرك صدقيني كان خبرتك من الاول ليه رفضته ..
ميثه : لاتقولي سببك التافهه علشان زوجاته وتجربته الفاشله بالحريم ..
عادل يرفع حواجبه : وليه ماتقولين هم شاهين ولد اخوي له تجربه بعد كلهم نفس الشي ..
ميثه : تراك جننتني ياعادل ..
مشاري : ابوي واعرفه براسه شي ما يسويه الا لين يتممه ..
عادل : عند الرجاجيل يابوك اسرار ان قلتها ماعادت سر والحرمه وانا ابوك لا تقول شي لها ..
ميثه والدم يغلي غلي .: عادل وش اخرتها معاك ؟
عادل : انتي بس اتبعيني وبسعدك وبسعد بنتك بس خليها تتبعني وبتشكرني مع الايام ..
ميثه تتنفس بعصبيه : وش اخرتها .؟ بتذبها لو ما قلت لها قل لها والا البنت بتطير منا ..
عادل يقوم : كل شي بوقته حلو يا ميثه ..
ميثه : تعبت من عباراتك وشعاراتك .. وتعطيه ظهرها وتمشي من غير ما يتكلم هو او تعطيه وجهه ..

 
قديم   #48

فخآإمهہ جيزآإنيهہ


رد: أعد لي هويتي / بقلم انجال ، كاملة


أعد لي هويتي / بقلم انجال ، كاملة

000000000000
جالسه تطبخ الغدا وسط ازعاج ليان وجهاد واياد ..
وصوت محطة الاطفال المحبوبه طيور الجنه .. وصاراخ اياد وجهاد وغناء ليان لغنية فتاحي ياورده سكري ياورده لـ ديمه بشار ورغد بغدادي ..
والخبول اخوانها يرقصون وهي تغني معهم ..
يرن جوال جواهر وما تسمعه من الازعاج اللي حولها وهي تطبخ وصوت الشفاط عالي ..

ليان تشوف الجوال وتشيله : الووووو
عهود : ليان وين ماما ..
ليان : ماما تسوي اكل انتي عنوده صح ..
عهود : لا يالخبله خالتك عهوده ..
ليان : اها عوعو ..
عهود : بلا عوعو ولا كوكو نادي امك بسرعه ابيها ضروري..
ليان : طيب ...
تركض ليان لامها بالمطبخ : ماما خالتي عوعو تباك ..
جواهر : طيب قولي لها ماما تسوي اكل وبعدين تكلمك ..
ليان : تقول تبغاك ضروي
جواهر تتحلطم : ذي خالتك كل شي عندها ضروري ..
تقصر على الغاز وتروح لجوالها ..
جواهر بصوت عالي : ليان قصري على التلفزيون لا اسكره لك الححين ..
ليان : طيب طيب
عهود تصارخ بالسماعه : يامال وش اقول اذا بتصارخين على اعيالك وخري فمك من السماعه فجرتي طبلة اذني ..
جواهر : نعم يالضروري ..
عهود : والله لتخلين كل شي وتنتبهين معي وتستغربين من تغير الاحداث السريع ..
جواهر : وش فيك وش اللي صاير ؟
عهود : اللي صاير كبير ومصيبه ...
جواهر بخوف : وش صار خبريني ترراك وقفتي قلبي ..
عهود : العنود ملك عليها الحين على شاهين ولد عمي ..
جواهر بصدمه وشهقه : كيف وش صار وكيف يملكون وما يعطوني خبر وبالسرعه ذي عهود لا تضحكين علي يمكن تكلموا عليها بس تملكة بسرعه ذي .
عهود : ايه تملكة الحين وامي وابوي عندها مع مشاري المسكينه تعبت نفسيا وما تبغى شاهين تبغى ناصر دكتورها ..
جواهر : وكيف شاهين مافهمت ليه بالذات شاهين ؟؟
عهود : السالفه طوويله
جواهر : وانا اسمعها ..
عهود : لا يحترق رزك يابنت روحي وبعدين اخبرك الانه اختك حدها تعبانه وما اظن بترضا على ابوك الانه زوجها عصب عنها ..والحين حولها امي وابوي ومشاري وشكل الليله ماراح تعدي بسلام..
جواهر : كيف يزوجونها وهي رافضه وش السالفه اللي اجبروها ..
عهود : بقولك باختصار العنود تمشي الفجر بالمزرعه المهم انه شاهين قرب منها وحاول يعتدي عليها ..
جواهر بدهشه : مستحيل شاهين اعرفه وعايشه معه من صغيري مستحيل يسويها واحد يخاف من ربه وغير هذا اللي اعرفه يكره الحريم من بعد زوجته مايقرب من حرمه وكيف يقرب من العنود بالذات العنود ..يمكن قبل كان يتحرش بس بعد تجربته ما اظن يحب الحريم ..ورجال يعرف ربه ويصلي ..

عهود : انا نفسك مصدومه ..
جواهر : والكل عرف بالسالفه ..؟
عهود : لا قال لهم ابوي انه شاهين يبي بنت عمه وخلنا نملك اليوم بجمعت الاهل وفرحتنا وحده بتجمعنا وبملكة ولد الغالي المرحوم عمي ..
جواهر : ياويل حالي على اوخيتي اكيد منصدمه ..
عهود : تبغين الصراحه صدمته قويه توقعت من ابوي يضرب او يسوي شي لولد اخوه وما توقعت بالمره انه يزوجها بالقصب ..

جواهر : والحين ؟
عهود : وش يعني الحين ..؟
جواهر : العنود وش بيصير لها ..
عهود : اللي اعرفه انها تعبانه مره من ابوي وكرهته ولامة امي على رضاها بقرار ابوي ..
جواهر : ياربي كون معها بجد البنت استخفت من جد والقرارات ماهي عاجبتها ..
عهود : تقولي وين الحريه حنا بشر ليه الكل يجبر رايه علي ..
جواهر : لا تلومينها عايشه 21 سنه بروحها عايشه حريه والحين بسنتين تكمتون عليها ..
عهود : لا وغيره كانت تتمنى الاهل الحين ما اظن تتمناهم ..
جواهر : لا يكون بتفكر ترجع ..
عهود : كان تفكيرها كذا بس بعد الصدمه وانها حاليا حليلته ما اظن بتقدر تهرب ..
جواهر تشم ريحة الحراق بالمطبخ : عهوووووووووود الرز احترق سكري ..

وتركض لجدرها وعيشها ..
عهود تغفل السماعه وتشوف ندى تتشاور مع بنات عمتي وضحه .. واستغربت وش سر التجمع قربت منهم الانهم كانوا جالسين خلف سور المجلس الخارجي اللي دايم تجلس فيه ..
الا تسمع ..
ناديه : اساس كيف يتزوجها بسرعه ذي ..
نوف : يمكن عجبته ؟
وفاء : كذا لله اعجبته وبسرعه هذي اليوم يشوفها الفجر وبسرعه ذي يملك ..
هيا : يمكن يعني صار بينهم شي ..
وفاء : الا اكيد ..
ناديه : استغفر الله يعني بنت وعايشه برا طول وقتها اكيد الامر عندها عادي واقل من عادي ..
نوف : لو الامر عادي ما اظن طلبت ترجع لديرتها واهلها ورفضت العيش هناك ..
هيا : طيب وش فيها لو تجمع الاثنين مع بعض ..
نوف : خلاص البنت صارت مسلمه وصلاتها وصيامها وغير كل ذا كلامها تغير ..
ناديه : وشاهين نعرفه ولد خالي يعني مستحيل يسويها الا اذا هي بنفسها رمت نفسها عليه ..
وفاء : ما الومها مزيون وحلو وهي بنت عادي كل شي عندها ..

الهود ماقدرت تستحمل الكلام والسم اللي يرمونه لاختها اللي قبل كان الكلام لها والحين لاختها اجمعت كل جلمودها وصبرها وقوت رد تخليها تصبر اقبال حكايات من التاليف المزيف ..
..
اوقفت جدامهم ببرود ..
عهود : خلصتو حش ورمي المحصنات ..ما خليتوا شي من لحمها ما اكلتوا ..
الكل مندهش ومصدوم : عهود ..
عهود : سمعت ما اكفاني من كلام وجزاكم الف خير على الحسنات اللي عطيتوها اختي الانه بصراحه ماقصرتوا قمتوا بالواجب بالاول انا والحين اختي بعرف يعني لدرجه سهل الكلام بالشرف والا اللسانكم اعوذ بالله متعود على رمي المحصنات ..

ندى : الا عاد رمي المحصنات تكلمي عن نفسك ياختي انتي بنفسك صادوك بشقه يعني عيني عينك الكل شاهد وتقولين رمي ياماما روحي كملي احلامك بفراشك لا تجينا تخلين نفسك بريئه ..

عهود ماقدرت تسكت انفعلت من كلامها : الله يشهد وش كنت فيه والله وحده يعرف وش اسوي بالشقه لاني من اللي تنول راس اهلها ولا سمعتها ولا تدوس بشرفها الارض .. لكن مثل ماقال المثل احشم وجهك من العوب والطفق والرفلات .. ولا انا ما احتاج ابرر نفسي دام اهلي وامي وابوي عارفين ماهمني الناس تعرف ..

ندى بغيض : ايه اساس مشعل ما طلقك قبل زواجك له الا باسبوع يعني شافك بالشقه ولولا الله ثم مشعل كان كنتي مثل اختك تروحين مصر تتعالجين هناك ..

خلاص طفح الكيل منها وماقدرت تمسك نفسها اكثر عهود وجرت بسرعه الى ان وصلت لندى الحامل : علما يوصلك ويتعدااك لسانك ذا اذا ما مسكتيه والله ثم والله لتشوفين شي ماشافته عينك والا الحشينه انك جالسه بمزرعتنا ولك عين تتكلمين بالشرفنا انتي كفوا شرف انا اعف منك واحسن منك وروحي امسكي زوجك يا حبيبتي الانه بدا يحن لايامي وبدا يتاسف وتطلع جوالها وتوريها الرسايل ..

عهود : شوفي بعينك ياقلبي وخلي البيبي هالمره سليم والمره الثانيه انا بطلعه لك معوق علشان تحمدين ربك على عافيتك ..

وتخز البنات البقيات : واللي يبغى يتكلم بلاش من ورانا خلنا صريحين لو مره واختي الرجال حبها وتزوجها وكلام المزعبلات مانبغاها والا بتشوفون شي ماشفتوا بعيونكم ..

تتركهم وتتوجه لامها الي جالسه بالمجلس مع خالتها ويتنقشون نقاش حاد وسري .. ماعندهم احد خوات ميثه وعهود ..
منيره : وش الحل معها ..
ميثه : عطاها دوا بينومها
شريفه : يعني ماهي راضيه عليه ..
منيره : ياقلبي عليها منظرها وحده يكسر الخاطر ..
ميثه بقهر وحسره : ياويلي على بنيتي بتروح مني ..
شريفه : وليه رضيتي من الاساس ..
ميثه : شاهين مامثله وامه حبيبه وتمنيته لها للامانه لكن ماتوقعتها انها تحب الدكتور لدرجه ذي وعادل رافض يزوجها وما ادري وش السبب ..

منيره : ماسالتيه ..؟؟
شريفه : ياربي ذا زوجك بيجلطني انا ..
ميثه : سالته ولا يفيد فيه لا جواب ولا شفا قلبي من اسبابه ..
شريفه : الله يعينك على عادل ما ادري كيف يتغير فجاءه ويهدء فجاه للحين مافهمته بصراحه ..
ميثه : اذا انا زوجته مرات ما فهمته كيف انتوا ..
منيره : الله يصبرك ويرحم حال المسكينه اللي من جت لكم وهي تعبانه نفسيا ..
ميثه : ياقلبي قلبها والله انه قلبي يوجعني منها مرات تجيني حالات اقول ياليتها ما جت علشان ماتشوفها عيني تتعذب ومرات اقول ياحياتي تعبت لين شافت الويل بعيونها وهي بروحها بالغربه ..
شريفه : ماتوجعت الا انها شايفه الويل وانا اختك ..
منيره : وش بتسوين معها ياميثه ..
ميثه : الله اعلم وش الدبره الحين ..
شريفه : يعني بيزوجها قريب عادل ..
ميثه : ياربي لا ما اتمنى اخاف يصير بالمسكينه شي وتروح من بين يديني ..
منيره : ما استبعد منه شي عادل ذا الله يستر منه ومن تفكيره ..
ميثه : تكفين يامنيره لا تخوفيني منه ..
منيره : قومي قومي خلينا نتمشى شوي دام البنت نايمه وذا الوقت احبه الكل نايم والساعه اربع بيقومون يتقهون .. ناخذ راحتنا شوي من حريم حموانك اللي يرفعون الضغط ..

ميثه : ايه والله محتاجه اغير هواء ..
شريفه : اجل بقوم اشوف الحلويات وشغلهن ..

عهود : السلام عليكم ..
الكل : وعليكم السلام والرحمه ..
عهود : يمه خاله وين بتروحون ؟
منيره : بتمشى انا وامك وانتي روحي مع خالتك شريفه جهزي الحلويات ..
عهود بدموع مكموته: يما بتفقع مرارتي والله تعبت البنات هنا يا يتكلمون بشرفي وشرف اختي يما تكفين ابوي ليه جمعنا انا ماقدر اصبر زوجته تقهرني تقولها اشكره انه لاقاني بشقه مشبوهه يمه تكفين يا يمه خلي ابوي يطردهم ماعاد اتحمل شوفتهم لبكره .. يما بنتك بتموت من الغيض منهم ..
ميثه تحظنها : اسم الله عليك ياعهود ..
عهود بدموع : بـ مزرعتنا ويتكلمون بعرضنا وش سوينا لهم ليه يكرهونه لدرجه ذي ليه ليه ماخلوا لنا مجال نحبهم او نستلطفهم لو ثواني .. يما تعبت اصبر وانا بداخلي غيض منهم ..

شريفه : هدي ياعهود بكره بيعرفون كلهم الحقيقه ..
عهود : متى الكل يعايرني بالشقه وانه لولا مشعل كان انا بمصر اسوي العمليه مع اختي وش قصدهم يما وش فيكم ساكتين انتي وابوي يعني راضي لكم الكلام ليه ما تكلمونهم وتسكتونهم عند حدهم .. خلاص الطيبه ماعاد لها مجال بالزمن ذا ..

منيره : عهود بس لا تزيدين على امك فوق ماهي شايله ..
عهود بصراخ : مااقدر استحملهم ما اقدر ..
شريفه : لا تسوين شي يضر امك ياعهود ..
عهود : الى متى بنسكت وهم ياكلون ويشربون ويتكلمون عنا يعني عاجبتهم سماجتنا ما يدرون انه ندور الاجر بالوصل وهم يقطعون الاجر .. وش الحل قوليلي يعني نصبر الى متى لين ننفجر وماعاد نتحمل الشحنات الزايده ..

منيره بصراخ : عهود بس خلاص امك مو ناقصه اوجاع وصداع راس .. روحي مع خالتك وانا بمشي امك شوي نطيب خاطرها ..
ميثه بتعب : وش خليتي لي ياعهود كلام لقوله ..
عهود بدموع تركض لامها وتبوس راسها : انا اسسفه يالغاليه بس والله من الحره اللي بداخلي ما قدرت اكثر اكمتها ..

ميثة : ياقلب امك اصبري مالنا غير الصبر ومهما كانوا ذول عمانك وعماتك مالنا غنى عنهم .. وحشميهم من حسمة ابوك ياعهود ..
منيره تقرب من العهود وتمسك كتفها : روحي ياعهود سوي لنا ذاك الحلا اللي يقهر عيونهم ..
عهود بضحكه : وبحط معه سم فيران ههههههههه
الكل ضحك : هههههههههه
ميثه : ياربي لايحرمني من ضحكتك وجمعتة خواتي
الكل : اللهمه امين ..

0000000000000000000
بعد مرور 9 ساعات صحت من النوم بخوف . تقريبا الساعه 2 ونص الفجر
لفت يمينها ولفت يسارها مالقت الا اختها العهود نايمه بسريرها.. حست بالعطش والصداع القوي .. اوقفت وتحس انه الارض تدور حولينها اجلست على السرير بهدوء تبغى تثبت نفسها وهي تتذكر كل شي صار عن الممشا وعن الملكه وعن قراراتها وصرعات نفسها .. طاحت دمعه احرقت وجهها بقهر وندم على اللي سوته كانت تفكر بانه الموقف بيوقف معها مو ضدها لكن الواقع حصل وخيب كل امالها .. اوقفت وهي تتذكر انتقاماتها تبغى تهرب باي طريقه لكن ما تتزوج شاهين وتجتمع معه .. وبهدوء تمشي باطراف اصابع ارجولها .. وفي بالها شي تتمنع انه يتحقق .. تقرب من شنطتها وتاخذ بدله وحده بس .. وتاخذ جوالها والشحن وحقيبتها اليد .. وتاخذ عبايتها واغراضها وتسلسل بهدوء تبغى تطلع من المزرعه وتسوي اللي براسها اول ما اظمنت انها على سور المزرعه اخذت جوالها واتصلت ..
العنود : الو السلام عليكم .
الموظف : وعليكم السلام والرحمه ..
العنود : لو سمحت ابغى اقرب رحله للولايات المتحده ..
الموظف : ثواني اختي ..
العنود : اخذ وقتك لكن تكفى لو سمحت ابغى اقرب رحله لليوم ..
الموظف : حاضرين ياختي ..
العنود : مشكور ..
ثواني قليله الا الموظف يقول لها : هلا اختي في الساعه عشر الصبح موعد تقريبا ..بس من الرياض الى مطار هيثرو لندن الى مطار نيويورك ..
العنود : لا ما ابغى نيويورك ابغى شيكاغو ..
الموظف : تاخذين طيران داخلي ..
العنود : يعني اتعب بين الطيرات والحجوزات لو سمحت ابغى طيران لشيكاغو نفسها ..
الموظف : اختي مافي الا بعد يومين ..
العنود : طيب الطياره الخاصه تقدر توصلني من لـ شيكاغو ؟ ..
الموضف بتسغراب : ايه تقدر بس تطلبينها قبلها بيوم ..
العنود : بدفع السعر اللي تبغى بس خلها الساعه 6 اطير تكفى ..
الموظف : ثواني اشوف لك من الطيارين الخاصين فاضين ..
العنود: طيب اتصل عليك بعد 5 دقايق ..
الموظف : طيب يكون احسن ..
العنود : مع السلامه ..
تاخذ شنطتها اليد وشنطه كانها شنطة المدرسه على الظهر عليها بدله وحده لها وكرتها البنك وكل اغراضها اللي تبغه .. تشوف احد مر من السيارات الا سيارات اجرى .. تفرح لمرورها وتوقفه بنص الشارع ...
وتركب معه ..
السايق الهندي : ماما ما يركب انزلي ماما انا خوف من هيئه ..
العنود تمد الفلوس : خذ واخذني للمكان اللي اقولك ولا تخاف ..
السايق : شنو هذا ..
العنود : هذا فلوس بسرررعه اطلع قبل لا يشوفني احد ..
السايق : انتا ماكوا خوف يجي هنيه ..
العنود ابتلشت بالهندي القرقه مايخلص كلام وسؤال : بتوديني والا باخذ منك الفلوس ..
السايق : كم هذا فلوس ..
العنود : 300 اريال
السايق استانس : طيب طيب ..وين يبي ..
العنود : تحرك الحين وانا اقولك وين توديني ..
ويحرك السايق والعنود تفرح بنجاح اول خطوه تحققها .. بانها تهرب من البيت وترجع لامريكيا بلا اوامر ولا قرارات تمشي عليها ..
بالطريق للرياض السايق يكلمها : ماما وين روح ؟
العنود تسرح بناصر : لحضه شويه بس وانا اقولك ..
تمسك جولها وتتصل بناصر وما يرد وتتصل بالمستشفى اللي فيه ناصر وترد عليها السستر وتقول لها انه موجود الى الساعه 7 الصبح .. تفرح للمعلومات هذي على امل انها تغير رايه او تهرب معه ..ويرجع معها امريكيا ..
وتتصل مره ثانيه بالمطار وتسال عن وجود طياره لامريكيا خاصه ...
الموظف : لقيت لك طيار الساعه 8 مستعد يطير لامريكيا على طيارته الخاصه ..لكن سعرها بيكون ******* الف ..
العنود بلا اهتمام : طيب بكون قبل الثمان موجوده وخذ رقم رقمي اذا تغير شي وانا بدفع الفلوس كاش ..
الموظف : طيب يااميره << المسكين يحسبها اميره
العنود تغفل منه وتامر على التاكسي يروح لمستشفى الطب النفسي بقسى سرعه .. الانه الحين الساعه 3 على ما تقنع ناصر بتكون 5 ومابقى على طيرتها الا 4 ساعات والطريق يعني يبيلها تجهيز الانه ما يحتاج فيزه هي عندها الجنسيه الامريكيا ..ورصيدها بالبنك متوفر به فلوس كثيره ..

ما عدت الساعه الا والعنود بالمستشفى تدور على ناصر ..
العنود اول ما طاحت عينها بعينه .. شهق ناصر : العنود وش فيك وش اللي جابك هنا بهذا الوقت ..؟
العنود : جيت اودعك قبل لا اسافر ..
ناصر بتعجب اكثر : سفر ليه وين بتسافرين ..
العنود : قصدي ارجع لبلدي ..
ناصر : وانتي من وين ؟
العنود : كنت من هنا لكن روحي تلقت هناك ..
ناصر : بترجعين لذكريات الموجعه ؟
العنود : ماقدرت اعيش بلا ذكرياتي الموجعه ..
ناصر : واهلك راضين ..
العنود : هربت منهم ..
ناصر يمسكها مع معصمها : تعال معي لمكتبي بسسرعه ..
العنود : ناصر انا جيت بودعك طيارتي الساعه 8 وبمشي من هنا

ناصر يمسكها لين وصل مكتبه ويسكر الباب ويتركها على اول كنبه بالمكتب وهي لابسه عبايتها وملفعها من غير شي يغطي وجهها ..
ناصر بصراخ : مجنونه انتي بتسوين شي يهز اهلك تعرفين لو يدري ابوك يمكن تدمرين سمعته ؟؟!! تخربين بيتكم بنفسكم .. تخلين العالم تنظر لك ولاهلك نظرت سوؤ ..

العنود بصوت عالي : وانت منهم ياناصر صرت تهتم لنظرت البشر ما ادري وش تفكرون فيه ..؟
تهتمون بالبشر اكثر من نفسكم بالله ذي حاله كل ما سويتوا شي قلتوا نرضي البشر ليه ما تسون شي لنفسكم ترضونها....!! لو بالضمير كل شي الناس تتكلم عنه يعني بعرف شي واحد لو اسويه ماتكلم عنه الناس ؟؟
ممكن تعطيني اقتراح ؟..
انت تعرف وش سوا ابوي البارحه فيني عدمني علشان كلام الناس ونظرتهم فيني .. زوجني لولد اخو علشان يسترني وش سويت ياناصر علشان قلت له اني احب ناصر ..

ناصر بصدمه : العنود بس الموضوع انتهاء ..
العنود : لا ما انتهاء عندي انا احبك والله احبك ياناصر ولا ادري ليه كل مره يقولي ابوي تحلمين تتزوجينه ماعطاني سبب ولا مبرر ليه يحاول يكرهني فيه وانت اكثر واحد يعرف اني كنت اتمنى الاب .. كرهني فيه اجبرني بقراراته ..
.. ملكوا لي وانا منقهره والحسره تاكلني اكل .. ناصر تكفى انا جيتك ابيك تهرب معاي انا ما ابغى اتزوج الا انت تكفى لا تفكر بتفكيرهم .. سو شي واحد يخليني احب البلد كله عشانه لا تدمرني مثل ما دمروني اهلي .. " بدموع " ناصر انا تعبت وقسم بالله تعبت ماهي حاله قلي وش اسوي ..؟
ناصر بهدوء يجلس بمكتبه ومنتبه لكلامها ومو منتبه وبيده شي يسويه : العنود انت ماتعودتي العيشه هنا الانه من صغرك عشتي بحياة الحريه الذاتيه هنا البنت وضعها غير فرس مروضه يعني تطيح صاحبها وولي امرها البنت مثل الفرس لكن انتي غير اهلك ما ربوك من صغرك والعيشه هناك تجبرك على انك تبنين نفسك بنفسك .. لا تقرنين بتتعبين كثير ..
العنود : وش الحل قلي انا ما ابغى اتزوج شاهين ..
ناصر : ادري انك ملكتي ليه البارحه ..
العنود بذهول ودموع : وانت منت منصدم ..؟ ما تبغاني ؟
ناصر يقرب منها ويجلس بهدوء جنبها ..: العنود ابوك قالي وعرفت انه عطاك ابره نومتك بعدها واعرف كل شي ..
العنود : وليه ساكت وراضي ,.؟
ناصر : الانه لمصلحتك ..
العنود بصراخ : مصلحتي اروح من يدين شخص احبه واتمنااه ..
ناصر بصوت اقل من هادي : الاني ما استاهلك يالعنود .
العنود : ببساطه كذا تقولها انا اعيش بنار من بعدك وانت مبسوط ..
ناصر : اكذب عليك ان قلت لك اني ماني عايش .. الا عايش بجمره بقلبي لكن سعادك وحياتك بدين رجال الكل يمدح فيه .. وغير هذا يقدر يكون اب لعيالك اما انا بتعيشين معي سنتين او خمس سنوات وبتدورين على شي يسلي دنيتك او تتمنين طفل مني وانا يا عنود ما قدر احقق لك هذي الامنيه انا انسان عاجز ما اقدر اخليك ام ..
العنود بصدمه طاحت دموعها : وانا ابغاك من غير اعيال راضيه ..
ناصر بهدوء وعيونه غرقانه : لكن اللي يحب يضحي ياعنود وابوك عارف بعجزي علشان كذا ما قالك .. ما حب يجرحني الاني قلت له مره تزوجت مرتين غير هديل وكنت اعتقد انه السبب منهم لكن طلع السبب مني عطاك سبب رفضه اني رجال لي تجارب فاشله .. لكن ابوك رجال والله طيب وحبيب ويدور مصلحة بنته هو يحبك ياعنود يحبك لا توجعين قلب ابوك ببعادك ..
قالي البارحه عنك وقالي وش يسوي بك بعد ما طحتي منهاره قلت له عطها المهدئ .. وقالي برفضك بس ما توقعت انك بتجين لي بهذي الساعه وانتي بذي الحاله وتقولين لي بتهاجرين منهم ..
العنود بصيااح وانيهار : نااااااصر ليه خبيت كل هذا انا راضيه والله راضيه فيك انا احبك ما اقدر اعيش من غيرك تكفى ناصر تكفى ..
ناصر يقرب منها وبيده ابره كان مجهزها لما كان جالس على المكتب الانه عارف انها بتتعب معه بالاخير .. قرب منها على انه يحضنها وبطبح حضنها ومن غير ما تنتبه بحركه سريعه قبض جسمها بشده وغزها الابره وهي تصيح وتحاول تهرب منه .. لكن مفعول الابره اسرع منها وطاحت بحضنه بلا شعور او وعي منها بين احضان الحبيب الذي تمنت وجوده ولكن كان لها سراب لا اثر له ..

و مضيت وحدي.. في الطريق
قد جئت أبحث عن رفيق
ضاع مني.. من سنين..
قد ضاع في هذا الطريق
لكنني
ما زلت أبحث عنه..
ما زلت أبحث عنه..




انتهى الجزء 26 على امل اللقاء بكم بالجزء 27 ..

 
قديم   #49

فخآإمهہ جيزآإنيهہ


رد: أعد لي هويتي / بقلم انجال ، كاملة


أعد لي هويتي / بقلم انجال ، كاملة


البارت السابع والعشرووون ..
00000000000000000000

دعني وجرحي فقد خابت أمانينا
هل من زمان يعيد النبض يحيينا
يا ساقي الحزن لا تعجب في وطني
نهر من الحزن يجري في روابينا
كم من زمان كئيب الوجه فرقنا
واليوم عدنا ونفس الجرح يدمينا
جرحي عميق خدعنا في المداوينا
لا الجرح يشفى ولا الشكوى تعزينا

فاروق
000000000000000000
ناصر يقرب منها وبيده ابره كان مجهزها لما كان جالس على المكتب الانه عارف انها بتتعب معه بالاخير .. قرب منها على انه يحضنها وبطبح حضنها ومن غير ما تنتبه بحركه سريعه قبض جسمها بشده وغزها الابره وهي تصيح وتحاول تهرب منه .. لكن مفعول الابره اسرع منها وطاحت بحضنه بلا شعور او وعي منها بين احضان الحبيب الذي تمنت وجوده ولكن كان لها سراب لا اثر له ..

عيونها غمضت بصعوبه واستسلمت بين يدينه كان يحضنها وراسها على صدره نايمه لا وعي لها .. ابتسم الانها الجات له وحزين الانها راحت لغيره .. شالها بخفه بين يدينه وعيونه ماطاحت عن وجها كان يتاملها ويتامل دموعها بعينها عرف انها ماتقدر تعيش من غيره ولا يقدر هو يعيش من غيرها كان يتمناها لكن بعد صدمته تمنا لها الخير مهما يتمنى الذريه واكيد بكره بتعرف ثمن تضحية ناصر لها ..

يمشي بالممر شايلها بين يدينه واحضن راسها لصدره طلب من السسترات يفتحون وحده من الغرف الخاصه لها لين يخلص اللي بيده ..
وفعلت فتح لها غرفه وحطها على السرير وغطاها وطلب من سستر تراقبها لين يخلص شغله ..

000000000000

على صلاة الفجر .. صحت ام مشاري تصلي وبعد ما طوت سجادتها وستغفرات وقرات اية الكرسي .. تذكرت حال العنود البارحه وهي تشوف ساعتها وتقول بينها وبين نفسها اكيد صحت الحين .. البست جلالها وتشوف عادل منسدح جنبها بعد ما صلى بالفجر ..
عادل : وين رايحه ..؟؟
ام مشاري : بشوف العنود وش حالها اليوم ؟
عادل : خليها لا تصحينها ..
ام مشاري : بس بشوفها هي صحت او لا ؟
عادل : روحي طمني قلبك ..
ميثه : والله قلبي يوجعني وخايفه البنت تروح مني ..
عادل : ماهي رايحه أي مكان بتكون جنبنا وبتحمل قراراتنا ..
ميثه : الله يستر من قراراتك اللي تصدمني وتصدمها ..
عادل : خلي البنت تتعود على طبيعتها لا تخلينها تمشي اللي براسها ..
ميثه : انت كذا بتجننها اكثر ..
عادل : ميثه لا تخلين عواطفك تحركك ..
ميثه : عادل طول عمري اسمع كلامك واطيعك هالمره بس طعني ونفذ اللي اقوله البنت ما جت من الغربه الا وهي تبغى الحنان والحنيه وجو العايله اللي تسمع فيه وما شافته هي من جت هنا وانت قرارات وتنفيذات وغير الصدمات االي تعرضت لها يكفي ما تعبت من تجاربك كانها فار من الفيران اللي تجربونها بالمختبر تراها ادميه لا تقسى عليها اكثر .. اسمعها افهمها قبل لا تسوي أي شي فهمها بهداوه اقنعها مافي شي يجي بالازام ..
عادل كانه اقتنع بكلام ميثه : .....
ميثه حست انه استجاب كلامها كملت ولا خافت : شف وش سويت لها من جت هنا كم مره تنقلها للمستشفى كم مره صارخت بوجها وهي محتاجه لك المفروض تشاركها قرارتها وضحكتها اللي انحرمت منها وانحرمت منها خل كل اعيالك على جنب عطها وقتك هي محتاجتك اكثر من الباقي علمها فهمها ترا الدنيا مافهمنها بيوم وليله ..؟ وشف انت كم ليله بعيده عند لاهي ليله او ليلتين او سنتين من الليالي هذي عمر ياعادل عمر ماتقدر تعلمها بسنتين وبعناد وتسلط .. انت زوجتها من غير شورها شف وش ردت فعلها كانت الهجوم وانفعالها وعصيانك كا اب .. تدري اكثر المرات وش تقول لعهود تمنت انها ما شافت الاب الحقيقي لها تمنت لويس عند اقسى البشر لها واللي حطم حياتها تمنته عنك هذي كبيره ياعادل ..
عادل منزل راسها يفكر : ..........

ميثه : تقدر انت بيدك تغير المحور اللي ترسمه رجع المحور لوراء ادرسه قبل لا ترسم دائره كامله شف الدائره كم تقسيم بتقسمها مئويه .. وش اللي يستاهل تعطيه النص واللي يستاهل الربع ويمكن هم الثالث .. انت شاطر بكل شي الا التدبير بيتك .. هذا الشي ياعادل منت شاطر فيه مافي انسان كامل على هذي الارض وهذا اللي ينقصك تعاملك مع اهلك ..

عادل : ميثه انت غلبتيني ..
ميثه : وش غلبتك فيه ؟ بالكلام بس .!! طول عمري اتكلم لكنك ماتسمع وش حيلتي بك .؟
عادل : نبهتيني باشياء كنت غافل عنها ..
ميثه : واذا كلامي لك نور وش بتسوي بتعدل الي صار ما اظن يا عادل بتعدل الانه طول عمرك تسمع ولا تسوي الا اللي براسك وهذا اللي ضيع اعيالك ..
عادل : لا بسوي اشياء نبهتيني عليها اولها برجع المحور ..
ميثه تقوم وتلبس جلالها : اتمنى ياعادل اتمنى لو تسوي ربع كلامي ..
عادل : باذن الله بغير الحال ..
ميثه : بقوم اشوف المسكينه ..
عادل : بنام وقوميني الساعه 9
ميثه : طيب ..
تفتح الباب وتغلفه من وراها وتمشي بالممر لين اوصلت لغرفة العنود وعهود ..
وهي تذكر اذكار الصباح " اصبحنا واصبح الملك لله والحمدلله الا اله الا الله وحده لا شريك له "
"رضيت باالله ربا وبالاسلام دينا وبحمد صلى الله عليه وسلم نبيا "
افتحت الباب غرف وتشوف الغرفه مظلمه ادخلت وقربت من سرير العنود تبي تتاكد للحين نايمه ولا صحية بسريرها .. قربت اكثر الى حين اوصلت السرير وجلست على جنب وهي تتحسس مكان العنود وانصدمت بانه يدها تمسك مكان مابه احد فيه نايم وبحركه سريعه أفتحت الابجوره الا تنصدم اكثر ماهي موجوده بسريرها تشهق : أأأأأأ العنود راحت ..
جتها حاله هستيريا وقامت تصحي عهود : عهوووود العنود العنود ..
عهود من صياح امها لها قامت مذعوره : يما شفيك وش فيها العنود ..؟
ميثه : ماهي بفراشها وين راحت اختك ياعهود وينها
عهود : مدري اكيد انها تتمشا بالحديقه زي البارحه ..
ميثه من غير شعور تركض مثل الطفل تدور بالبيت المزرعه راحت المطبخ وراحت الساحه الخلفيه لقتها مظلمه الانه الشمس بعدها ما اشرقت تنادي اسمها " عنووود .. عنوووود ...
عهود تلحق امها : يما يماااا
ميثه مستمر تصارخ بالمزرعه المظلمه : عنووووود ..
عهود : يما هدي اكيد انها موجوده لا تتضايقين ..
ميثه : وين راحت بهذا الليل ؟؟
عهود : الله يهديها بنتك ذي ما تهاب ..
ميثه تجلس بركبتها وتصيح : ياويل قلبي عليها اكيد انها راحت ماعاد بترجع من بعد ما سوات ابوك الله لا يساااامحه فيها (تصيح بدموع ) ياويل قلبي راحت بنتي
عهود بخوف : يما لا تقولينها هذا ابوي اكيد انها بالمزرعه تمشي او نايمه عند احد او سهرانه مع اخواني ..
توقف ام مشاري وتمشي سريع لغرفة اعيالها الخارجيه .. وتفتح الباب من غير ما تتطرقه .. وتنصدم بعمر يلعب بلاستيشن وعثمان نايم ..

ميثه : عمر وين العنود ..
عمر بصدمه لدخول امه: ليه ماهي بغرفتها نايمه ؟
عهود : لا ماهي بغرفتها ولا هي نايمه مالقيناها بالمزرعه ولا بالبيت ..
عمر بصدمه : وشهو وين راحت اجل ..
عهود : ياخوفي انها هربت من هنا الانها تكررها دايم ودها ترجع لامريكيا ..
ام مشاري تصيح اكثر : لااااا ما ابغاها تروح من عيني مره ثانيه تكفى ياعمر دورها بالمزرعه تكفى ..
عمر يرمي يدة البلاستيشن ويلبس دشداشته النوم : يما اجلسي داخل وانا بدورها ..
ام مشتاري : الا بروح معك والله قلبي ياكلني اكل ..

عهود : بروح اقول لابوي ..
ميثه : ياويلك ان قلتي له ماراحت بنتي الا من سبته هو ضيعها بالاولى والحين ضيعها بالثانيه مني ابوك حرمني منها تجلس تصييح وتبكي وتمسك طرف جلالها وتمش دموعها وتكمت العبره ..
عهود بدموع: يما ان شاءالله بترجع تفائلي خير يالغاليه ..
ميثه : ابووووك ابوووك أأأأأأأأأأأأ
عهود : اسم الله عليك من الاه يمه تكفين لا تعذبين نفسك بترجع العنود بترجع لك ..
ميثه : بعد سوات ابوك ما اظن العنود بترجع ابوك نسى انها مريضه ويبي اللي يداريها ويحرص عليها لكن ابوك الله يهديه كل مره يذبحني بقرارته اقوله خف عليها كاني اقوله زد عليها ..

عهود : هذا ابوي عشتي معه عمر يعني ما عرفتيه خلاص هذا طبعه مستحيل يغيره ..
ميثه : قومي قومي وديني له خليه يشوف وش سواا ..
عهود : ان شاءالله ...

وتروح لغرفة ابوها وماسكه امها على كتفها واول ما دخلت ميثه الغرفه الا تفتح اللمبى
عادل : وينك فيه كل ذا تطمنين على بنتك ..
ميثه بدموع : راحت ارتحت راحت ..
عادل بعلامات استفهام : وشهو اللي راحت ؟
عهود ودموعها : العنود انحاشت يا يبه ..
عادل بفزع : وشهو انحاشت وكيف صار ومن متى ؟
ميثه بصوت مرتفع : كله منك كله منك انت اللي خليتها تهرب انت اللي خليتها تكره المكان .. انت للمره الثانيه تضيع بنتي من يدي .. انا ما صدقت اني اجتمع فيها وانها تحيا من بعد موتها ما كفاك ياعادل تكفى خلاص ارحمني ارحم حالي اللي انا فيه مسكينه العنود بدال ما تعطف عليها انت زد عليها كرهها ليه ياعادل ليييييييه بنتي ضااعت الحين وش اللي يرجعها ..

بحركة سريعه يوقف عادل وبيطلع من الغرفه يدورها الا ذا عمر اقباله : يبه العنود ماهي موجوده بالمزرعه كلها ..
عهود : بروح اشوف عبايتها وشنطتها علشان اتاكد اكثر ..
وتركض لغرفتها وتنصدم بانه شنطتها اليد وعبايتها ماهي موجوده .. الا تصيح بغرفتها : يمااااااااااا العنود انحاشت ..
ام مشاري من الصدمه اجلست بركبتها وتضم نفسها : ياويل حالي ياااااويل حالك ياميثه ...
عادل من الصدمه تيبس بمكانه ..
عمر : يبه وش الحل ؟
عادل : ناد لي مشاري
عمر : وش بتسوي ..
عادل يمسك تلفونه ويتصل على العنود : طووووط طووووط طوووووط

0000000000000000

بالمستشفى بغرفة العنود ..
السستر تشوف الجوال يرن ويرن اكثر من مره يتصل .. اخذت الجوال وراحت لمكتب الدكتور ناصر ..
ناصر : نعم يا ياسمين ..
ياسمين : دكتور تلفون المريضه عما يرن ويرن ..
ناصر يكتب ولا شاف وجها وهو مشغول بالكتابه اشر على مكان : ياسمين حطي الجوال هنا وروحي راقبي المريضه ..

ياسمين : طيب ..
ناصر يرفع راسها ويشوف جوال العنود للين يتصل .. شاف الاسم عرف انه ابوها الانه كاتبه اسمه بالانقليزي " حلمي الاول "
مسك الجواله وضغط على اسم ابو مشاري .. وانتظر شوي

ابو مشاري منصدم من اتصال ناصر : الووووو
ناصر : هلا والله ..
ابو مشاري من غير سلام ولا كيف الحال: هي عندك ياناصر
ناصر بهدوء : تطمن هي عندي ..
عادل يتنهد براحه : الحمدلله ..
ناصر : وينك عنها ..؟
عادل : تقافلتنا ونحاشت . ولا ادري كيف انحاشت ..؟؟
ناصر : جتني قبل ساعه ونص واستغربت انها جتني بهذا الوقت والحمدلله انها اوصلت لي بالسلامه الانه قليليين راعين ال ذمه اللي يوصلون البنات ..
عادل : هي بخير ..؟
ناصر بعد ثواني قدر يتكلم .:............
عادل : رد علي هي بخير ..
ناصر : اكذب عليك ان قلت لك بخير .. يابو مشاري العنود احجزت طياره خاصه وكانت بتسافر ومابترجع كانت تعبانه نفسيا تشوفك ظالم فيها اكرهتك تقولي كلام وهي منهاره ..

عادل : وش اسوي ياناصر بنتي هذي بنتي مهما اكرهتني انا احبها لكني اب بغيرها ..
ناصر : قلت لك لا تزوجني اياها بس لا تقسي قلبك عليها وتخليه جلمود هذي بنت عايشه بطبيعه ماهي بطبيعتنا ..

عادل : انا جايك الحين وباخذها ..
ناصر : جيب معاك شاهين ..
عادل بستغراب : شاهين ليه ..؟
ناصر : بعدين اقولك ...

غفل عادل من ناصر وهو يبشر ام مشاري انه العنود عند ناصر بالاول عورها قلبها ليه راحت له ترتجيه اكثر من امها .. وبعدها قالت اكيد هو الانسان الوحيد اللي حست معه بالامان بهذا المكان..تطمنت لين شافت عادل يلبس ثوبه ويامر على عمر انه يصحي شاهين علشان يروح معه

ميثه : وليه شاهين يروح معك ..
عادل : ما ادري ناصر قالي جيبه معك ..
ميثه : الله يستر ..
عادل : تطمني ان شاءالله بخير ..
ميثه : وعنود صحيه سمعت صوتها ..
عادل يسكته وبعدها يتكلمه : ان شاءالله انها بخير
ميثه : كيف يعني ؟
عادل : هي نايمه عنده ..
ميثه : امانه عليك طمني اول باول ..
عادل : ابشري ..
ويلتفت لعهود : احرصي على امك ..

ويلبس ملابسه وينزل بالسياره ينتظر شاهين يلبس .. " ما مرت ساعه ونص الا وهم عند باب غرفة ناصر بالمستشفى "
عادل : السلام عليكم ..
ناصر يوقف ويسلم : وعليكم السلام والرحمه ..
شاهين : هلا والله ناصر اخبارك وعلومك .
ناصر : تمام والحمدالله ..
عادل : وينها العنود ..؟
ناصر : لا تخاف بالغرفه خاصه وعندها ستتر تراقبها ..
شاهين : وش فيها العنود ..
ناصر : صدمه خفيفه وان شاءالله على يدك بتنحل ..
عادل استغرب : كيف على يده وتراني مافهمت ليه بالذات شاهين قلت لي اجيبه بدال ما اجيب امها ..
ناصر : استاذ عادل تقدر تتطمن على بنتك بغرفها وانا بتكلم مع شاهين شوي ماعليك امر ..
عادل استغرب اكثر : ليه في شي ؟.
ناصر : لا تخاف مابها شي لكن ودي اسوالف معه شوي ..
عادل حس بانه يبي يصرفه .. : طيبب ..

ويطلع عادل وما بقى الا شاهين وناصر ..

شاهين : امرني ياناصر ؟
ناصر يقوم من مكتبه ويجلس اقبال شاهين ..
شاهين بخوف : عسى ماشر ؟
ناصر : الكلام اللي بقوله لك يخصك وبيخص حياتك معها ..
شاهين : مافهمت ..
ناصر : ادري انك مافهمت لكن بتفهم من كلام اشيااء وابيك تطبقها اذا تهمك بنت عمك وزجتك..
شاهين نرفزته كلمه زوجتك : وش تبقى ياناصر ..
ناصر يسند راسه للخلف ويبتسم : ما ابغى الا الخير
شاهين : للحين في نفسك ..
ناصر بضحكه كذابه : تطمن ماهي بنفسي ,,
شاهين : طيب قل اللي عندك ..
ناصر : العنود مثل ماتعرف انها مريضه مرض نفسي والحمدلله بفضل الله قدرت تتشافا من حالات كانت بتذبحها والشي اللي ماتعرفه كا زوج انه العنود تعرضت للاغتصاب وهي بعمر 6 سنين ..
شاهين بشهقه : وشهوووو
ناصر : ايه وسبب هالاغتصاب من اللي رباها بامريكيا تراكمت الحاله لين صارت اللي تشوفه الحين حاله ما نقدر نغيرها الا بوجود شي هي تفقده ..
شاهين : يعني العنود ماهي بنت ..
ناصر : كانت ماهي بنت لكن بعد مارجعت للسعوديه سافرت مصر مع عمك وسوت العمليه وهذا شي طبيعي الانها مالها ذنب بالقضيه كلها
شاهين : انت وش قاعد تقول لا اكيد العنود لها خلفيات بالتجارب ذي .ورقعتوها علي ..
ناصر : شاهين العنود لو تبغى بتسويها وبتقول سويتها لكن ما دخلت مستشفى الطب النفسي الا من حالة الاغتصاب من صغرها من انسان كانت تعتقد انه ابوها .. صدقني لو انها غير كذا كانت ما تمنت انها ترجع للاهلها في شي اكبر انها تمتع غرايزها كانت تحلم بانها تشوف ابوها الحقيقيي اهلها امها اسمها اللي افقده .. شاهين العنود ماهي بضاعه بعينك مغشوشه .. العنود محتاجه لك اكثر من اهلها ...

شاهين : مافهمتك ؟
ناصر : بعمر العنود البنات متزوجات يبغن الزوج والحب وتكوين عايله .. لكن العنود بهذا العمر تبغى اشياء كثيره افقدتها بعالمها ..
شاهين : للحين مافهمتك ..
ناصر : اخذ العنود لبيتك هي زوجتك الحين ولك حق عليها ..
شاهين : ناصر قل لي ولا تتكلم بالقطاره ..
ناصر : طيب بقول اللي عندي . العنود محتاجه لحب محتاجه لعطف محتاجه لانسان يكون جنبها محتاجه لامن محتاجه انها تستقر .. كثير اشاياء محتاجتها وانت ياشاهين بتقدر توفرها لها ..
شاهين : وكيف خمنت اني اقدر اوفر لها وهي تحبك وتهذري باسمك لدرجه انها راحت لك بنص الليل ؟
ناصر يبتسم : تدري ليه ..؟
شاهين بستغراب : ليه .؟
ناصر : ادري انها تحبني لكن حبها لي ماهو الا انها تبقى ترتاح من اللي داخلها مكبوت اني ولا تنسى اني دكتورها واعرف حالتها هي تعتقد انه هذا حب لكن بعيني اشوفه انها محتاجه اشياء كثير اولها رجل يحبها ويخاف عليها ويسعدههها بحياتها ..وبهذا العمر عندها فراغ عاطفي من من الاب والام والعايله الاني وفرت لها اشياء بعمرها محتاجه لها امها وابوها بنفسها ما يقدرون يوفرونه لها .. العنود ماجت اهلها الا وهي عمرها 25 والحين عمرها 27 بالعربي ضاعت وهي طفله وللحين تدور الحنان وماجربت تربية الاهل ما جربت حمايتهم لها يمكن عاشت حياتها بروحها تعلمت اشياء علمها القدر عليها لكن بعمر 27 محتاجه شخص واحد يعلمها كيف نجمع بين الحب والحنان والامن والاستقرار وتكوين اسره تعيد لها مافقده بطفولتها ..

شاهين : كل ذا تعتقد اني بوفره لها وليه ماتتزوجها انت دامها تحبك وتعرفها..
ناصر : انا مجرد دكتور والمشاعر اللي تحس بها ماهي الا مشاعر ترتاح معي علشان تفضفض والاني اكون دايم معها وتحس بالامن معي ماهو حب وانت شخص تجهله
شاهين : وليه شخص تجهله..
ناصر : وثانيا انا انسان عقيم الحمدلله لكن الشي اللي هي محتاجه له الاطفال راح ينسونها اشياء كثيره الانها تجهلك ابيك تبتدي معها مع الصفر ..
شاهين : كيف ..
ناصر انا اقولك كيف لكن افتح اذونك وعقلك معي الانه الاشياء اللي بقولها لازم تطبقها باحافيرها اذا تبغى حياتك سعيدها معها لكن اول شي تسويه بعد ما تطلع من غرفتي تاخذ العنود لبيتك وغرفتك ..
شاهين بصدمه : وشهوووو خلها بكره
ناصر : الحين قبل بكره ..اسمعني بس وافتح اذونك للكلام اللي بقوله ..

ويتكلم ناصر وشاهين يسمع لمدة ساعه ونص .. وعادل بغرفة بنته ويتكلم مع السستر ..
وبعد ما تطمن عليها دخل على شاهين وناصر ..ويكمل ناصر كلامه مع ابو مشاري
وعرفوا وش راح يسون انصدم عادل بس تقبل اللي قاله ناصر وافق عليه الانه الكلام اللي قاله ناصر اقنعهم كلهم .. وبالاخص شاهين راح يبدا مرحله جديده بحياته فيها من التحدي وفيها من العناد ..

0000000000000
جواهر صحت الصبح وهي بقمة نشاطها ..
سوت الفطور وهي تغني لفيروز .. وتدندن
يدخل طلال عليه بجامته : ياصبح الخير يسلم لي هالصوت وراعيته ..
جواهر بخجل : ياصبح العسل والقشطه والوجه السموح ..
طلال : لالا ما اقدر على كذا جواهر لا تخليني افقد عقلي على الصبح يالله صباح خير ..
جواهر تبتسم : هههههههه ابيك تصبح مجنون بشوفتي وحتى بالمسا مجنون ..
طلال : وش خليتي فيني ؟؟
جواهر : عقل مايفكر واممممممم وقلبك سرقته منك وافكر وش اسرق بعد ..
طلال بحركه سريعه يحملها : يامجرمه وش خليتي لي ..
جواهر : اصلا انت كلك حقوق لي .. وممنوع من يسرقك او ياخذك مني .. والله والله ليشوف يومه ..
طلال يضمها : يافديتك ياجواهر ..
ليان من خلفهم تشهق : اااااااااااا بابا شيلني انا بابا ..
طلاال : يافضيحتنا في جلاجل ليان بتعلم الكل ..
ليان : بابا شيلني مثل ما شلت ماما ..
طلال : والله ابتلشنا ..ليونه حبيبتي ظهري يوجعني ..
ليان : لا والله تشيل ماما ظهرك ما يوجعك والحين ظهرك يوجعك
طلال يبتسم : والله انك سكنيه نفس امك تعرف كيف تعمي عيوني عن الكل وما تفتح الا بشوفتها ..
تبتسم جواهر : اكيد من التجارب نتعلم كيف نصيد وكيف نملك ..
طلال : واشهدنك عرفتي كيف تملكيني ..
جواهر تضربه بخفه بصدره : الاني احبك عرفت كيف اصيدك ولما صدك عرفت انك تحبني وانصدمت بحبك انه اكبر من حبي ..
طلال : اشهدي ياليان اول مره امك تنطقها وتعترف ..انه حبي اكبر من حبها .
جواهر بضحكه : هههههههههههه يعني تبي شهاده مني رح انت وبنتك احترق البيض وانا سوالف معكم ..
طلال : كل شي منك بحبه ..
جواهرتبتسم : وكل شي منك ما احبه ..
طلال يقرب منها لين وصل انفاسها : كذااابه عيونك تقول غير الكلام ..
جواهر تلف ظهرها وتضحك : عيوني دايم تفضحني ..
طلال : ي رب لا يحرمني منك يالغاليه ..
جواهر : ولا منك يالغالي
ليان : انا جوعاااااااانه ماما
جواهر : ابشري ياعيون ماما ..
طلال : جواهر اليوم بعزم اهلي على الغدا ..
جواهر بستغراب : ليه ماهم بالمزراع يتغدون ..
طلال : لا بيتغدون عندي عازمهم الانهم بيرجعون على الغدا قلت لهم تعالوا تغدووا ..
جواهر بابتسامه : ابشر من عيوني يالغالي ..
طلال : دايم تخجليني بتصرفاتك ..
جواهر : اهلك اهلي وابشر مهما سوت عمتي فيني دامها امك يالغالي مابغى ازيد عليك مشاكل راحت وانتهت والحمدلله ..
طلال : هذا العشم فيك يابنت عمي ..
جواهر : من نحبه نفديه بكل شي ..
طلال : ياجعلني ماذوق حرتك ..
جواهر بضحك وبصوت عالي : امييييييين يارب ..

0000000000000

بعد تسع ساعات .. صحت من النوم مصدومه بالمكان اللي هي فيه ..
شافت الغرفه كان المبى لونها ازرق فاتح والغرفه غريبه عليها ظنت انها بجناح خاص بالمستشفى بس استغرب بوجود تسريحه وعطور والخزانه الفخمه والغرفه وسريرها نفر ونص خشبي يوحي انه لاهي غرفه خاصه ولا مستشفى .. استغربت واول مالفت للجهه الثانيه انصدمت بالشخص اللي يناظرها ..

العنود بشهقه : انت
شاهين : ياهلا فيك ببيتك يالعنود ..
العنود بصدمه : بيتي ؟
شاهين : الف مبروك ياعروسه ..
العنود : وش تتكلم انت ؟
شاهين : اجل هربتي لناصر وناصر رجعك لي كل تصرف تتوقعين بانه يكون لك ايجابي صدقيني بيكون لي احسن من توقعاتك ويرد لي بالايجاب ولك بالسلبيه ..
العنود : مافهمت ؟ كيف جيت هنا ومن جابني ؟
شاهين : اهلك زفوك لي والحين انتي زوجتي وحليلتي ..ولازم تسمعين كلامي ..
العنود : ماني جاريه عندك علشان اخدمك ..
شاهين : الزوحه ماهي جاريه ..
العنود : هذا مفهومها عندكم ..
شاهين : احب اوضح لك انها اكثر من جاريه ..
العنود بقهر توقف : لااااااااااا ماقدر اتصور اني معك هنا
تتوجه لباب بسرعه تحاول تفتحه لكن تلقااه مغفل ..
شاهين كان لابس بجامعه شورت وفلينه نص كم .. كلهم لونهم كحلي بابيض وعليه دلاق ابيض .. والعنود كانت لابسه بجامتها الصفرا عليها خطوط برتقاليه وشعرها البني الشوكلاته يميزها .. وبياضها مخلي اللون الاصفر يجنن عليها ..اللي استهبل عليها شاهين وعيونه ما طاحت عليها ..
شاهين فتح انوار الغرفه البيضه : الاصفر وااااو عليك
العنود بصراخ : افتح الباب ..
شاهين : ماني بفاتح ..
العنود :" اكيد اهلي ما يدروني اني هنا انا وين ..
شاهين : ببيت زوجك يعني وين واهلك يعرفون ..
العنود : كذااااب ..
شاهين يمسك جواله : طيب اسمعي بنفسك ..
يتصل على عادل يحط الاسبكر : الوو هلا ياعمي
عادل : هلا فيك ها بشر صحت العنود ..
شاهين : الحمدلله صحت وهي بخير ..
العنود بصراخ : يباااا ليه ليه تسويها فيني تبيعني له ..
عادل : هذا زوجك ..
شاهين : اسف ياعمي ضايقتك لازم اغفل ...ويغفل جواله ..
العنود : كذاب كذااب كذااب ..
شاهين : كيفك عمرك ماصدقتي الحين انا زوجك ولازم تتقبلين قدرك ..
العنود : وين ناصر وينه
شاهين : ناصر دكتور مو اكثر لو سمحتي لا تطرين اسمه قدامي والا بتشوفين شي ماهو بيعجبك ..
العنود : انت انسان ظالم ..
شاهين يقرب منها اكثر بحركه نرفزتها : وانتي حلوه مرره ..
العنود بحركه سريعه : ابعد ما اطيقك بالمره ..
شاهين يقرب اكثر : وانا بعد ما اطيقك لكن حظي ولازم ارضى به ..
العنود : طلقني طلقني دامك ما تطيقني ..
شاهين : لالالالالا ماتوقعتها منك يا بنت عمي ليه وش يسويت لك ..تراني احبك وشاريك ..
العنود : توك تقول منت طايقني والحين تقول تحبني ..؟؟ ..
شاهين : ماني بصاحي ارتحتي ..
العنود : ابعد عني ابعد ..
شاهين يقرب اكثر : لا تنسين اني زوجك ..
العنود بجنون : ابعععد ..
شاهين : وش فيك انجنيتي ..؟
العنود : لالالا تكفى لا ..
شاهين يمسك كتوفها ويهزها : العنود اصحي اصحي ..
العنود بهستيريا ,: تكفى لا تكفى لا
شاهين : مابسوي شي لك هدي ..
العنود بهستريا : لويس كلا لويس كلا ارجوك انا ماري ماري ..
شاهين : العنود وش تهذرين ..
العنود تعمض عيونها وتضرب بالهواء وشاهين يمسكها بجهة الظهر ..
شاهين يضمها وبهمس : انا جنبك العنود اووووص
العنود تنهار وهي تصيح تشهق: كلاااااااااا لا تلمسني لا تلمسني ..
شاهين يضمها بقوووى ويهديها : انا شاهين شاهين ياعنود اصحي انت بامان لاتخافين مني ..
العنود : اتركككني ياايه الوغد اتركني ..
شاهين : ماني بتاركك ..
العنود ترتفع حرارتها وتتنهد وتطيح بركبتينها على الارض ..
شاهين يمسك يدينها لقااها مرتفعه .. ويشيلها ويفتح الحمام ويفتح الرشاش الما ويحطها تحت الماي وتتغرق ملابسهم والعنود من البروده تتمسك بشاهين بقووى وتهذري : لا تتركني ارجوك لا تتركني ..
شاهين بهمس ويمسح بشعرها : مابتركك لا تخافين يالعنود ..
ما مرت دقايق الا العنود نامت بصدر شاهين مسك حرارتها الا مرتفعه .. شالها ونزع ملابسها ولبسها وحده من بجايمه ودفااها بالبطانيات .. وخلاها تستريح ..

انتهاا الجزء 26 على امل اللقاء بكم قريبا بالجزء 27 بالاحداث المشيقه ..

 
قديم   #50

فخآإمهہ جيزآإنيهہ


رد: أعد لي هويتي / بقلم انجال ، كاملة


أعد لي هويتي / بقلم انجال ، كاملة

البارت الثامن والعشرووون
000000000000000000
أيٌجب أنْ أموت فــي غيابكـِ إختنآقآ
لتُدرك أنَك هوائي الذي أتنفسُه..!! ? ~


0000000000000

في بيت ابو مشاري بعد رجعتهم من المزرعه كان الجو متكهرب للغايه والصوت العالي كان قمت الضجيج بهذا البيت ..من طرفين اعدادوا على الصراخ وعدم التفاهم كل شخص له قرارات يريد تطبيقها ولكن قلوبهم لا تستطيع الابتعاد عن بعض للعشره الجميله بينهم.. ولكن الصدمه والمفاجاة اتت من غير مقدمات لـ ميثه لابتعاد العنود عنها ...

ميثه بصوت عالي : بتذبح بنتي ياعادل بتذبحها انا ما صدقت انها ارجعت لي والحين بقراراتك بتذبحني معاها كيف تخلي شاهين ياخذها بهذي السهوله وهي توها متملكه ماصار لها 24 ساعه يعني ما عجبك انها فكرت تهرب والحين بتجننها زياده وتتعب نفسيتها منا وتكره انها فكرت بس انها ترجع لنا عادل اذا ناوي تذبح بنتي ماراح اسمح لك رجعها لي يا عادل رجعها الحين قبل لا افقد اعصابي معك بنتي ماهي رايحه له ابي بنتي

مشاري جنب امه يهديها : استهدوا بالله (يلتفت لامه ) يمه هدي وماهي ضايعه العنود عند زوجها ..
ميثه : اسكت انت لا تتكلم ..
عادل : مشاري خل امك تطلع اللي بداخلها بكره بتشكرني على اللي اسويه ..
ميثه بصراخ : تعبت من كلامك هذا بكره بتشكريني وما شفت شي من اللي يقوله البنت سنتين كل يوم حالتها تشين عن اليوم الثاني بعرف الى متى ياعادل ما اهتميت لحالتها النفسيه وش بتكون بعدها حالتها ؟؟ حرام عليك اللي تسويه فيها والله مح ربا اعيالك غيري خلني اربيها مثل ما ربيت اخوانها ..

عادل بـ صراخ : ميييييثه ..

ميثه ولا ترد عليه : خلاص ماعاد فيني صبر الحين ترجع بنتي الحين والا بروح انا ارجعها ماهوب بكيفك تاخذها مني بعدها مريضه وما تتحمل يكفي انك اخذتها من ناصر وحالتها تعبانه ...( بصراخ ) تعبت منك ي عادل مافيني اصبر انتظر جنازة بنتي تصير اقبالي ..

عادل بصراااخ : ميييثه هذي بنتي مثل ماهي بنتك .. لا تتوقعين اني برضا اضرها ..
ميثه : انت ظريتها وانتهت ..
عادل بهدوء يقرب منها : ميثه البنت راجعه من الغربه تعبانه وعلاجها بيطول وناصر بـ نفسه يقول حالتها بتنتكس اكثر مع الحياة هنا هي انسانه تعودت على الحريه وتعودت على الحياة المتفتحه وغير هذا ما تعودت على انه الانسان يسيطر عليها او يعطيها امر ملزم .. كذا بتتعب اكثر اذا ما عاشت .. وشاهين مفهمينه كل شي لازم يسويه .. وصدقيني هو الحل الوحيد ..

ميثه : عادل بنتي برجعها لو على طلاقي برجعها ما ابغاها تعيش حياتها بين تعب وتعاسه نفسيه من اللي حولها ..
عادل بعصبيه : ميييثه ..
ميثه تلتفت لمشاري : مشاري ابيك تاخذني الحين لبيت عمك ..
مشاري محتار بين امه وابوه .. : يمه استهدي بالله البنت راحت لزووجها وشاهين بيصوونها ..
ميثه بصراخ : بتذبحون بنتي بتذبحوونها ..
مشاري : يمه الله يهديك هدي والله ماراح يصير لها شي هي بخير وتوني مكلم شاهين ويقول نايمه ..
ميثه : اخذني لها تكفى يامشاري ابي اشوفها تكفى ..
عادل : مافي رووحه يا ميثه اذا رحتي بتشوين شي ماراح يعجبك ..
ميثه : عادل هذي بنتي ..!! تعرف وشو بنتي اللي انحرمت منها 21 سنه عادل متى بتعرف شعور الام او تحس به .. البنت متغربه وعايشه بعيد عنا وعالمها ماهو بعالمنا لازم تقدر ضروفها ما تجبرها وتتزوجها اللي سويته عين الغلط انت تكره بنتك فينا وبكذا تخليها تكرهنا وتبعد وتسافر وتتركنا بعد العمر هذا انا تعلقت فيها ولا اقدر افرط فيها واذا انت بتسوي شي ما شفته وش بقى يا عادل ما شفته منك ..

وتلتفت لولدها : مشاري بلبس عبايتي والحقني بـ سيارتك الحين ..
عادل بعصبيه يقرب منها ويمسكها مع يدها : ميييثه لا تلعبين بالنار ..
ميثه : بلعب فيها ياعادل بلعب فيها الانك ما جربت شعور الام ماعرفت طعم انها تضيع مره ثانيه بعد ما لقيتها ما ابقى افقدها من تجاربك فيها .. البنت مريضه وما تتحمل صدمات جديده .. تكفى لا تعذبها اكثر .. انت دكتور جرااحه منت دكتور نفسي ..!!!
عادل : ميثه هذي بنتي مثل ماهي بنتك ..
ميثه تلبس عبايتها : يالله يا مشاري ..
مشاري : يمه هدي ياميه الشيطان لا يلعب فيكم ..
ميثه : قلت لك يالله يا مشاري ..
عادل : ان رحتي يا ميثه والله لو تشوفين شي ما شفتيه ..
ميثه بعصبيه : وش بتسوي يعني هاااا بتطلقني والا بتذبحني كل شي اللي بتسويه ماراح يمنعني من بنتي يا عادل ماراح يمنعني ما ابغى اضيعها بعد ما لقيتها ..

عادل : ميثه ارجعي ..
ميثه تمشي لعند الباب وهي ما تعطي عادل أي رد ..
عادل : اذا طلعتي من البيت مالك رجعه فيه من الحين اقولك ..

ومشاري منصدم من قرار ابوه ومنبهر من شجاعه امه وقوتها ..
ميثه توقف وتلف وجهها لـ عادل .. : بتطلقني والا بتطردني ..!!
عادل يقرب منها ويمسك معصم يدينها بقوه ويشد عليه : مالك رووحه لو على جثتي ..
ميثه لا شعوريا بكت من قلب تتنهد وجلست على ركبتيها وتنهد : بنتي ياعادل بنتي ..
عادل : مثل ماهي بنتك هي بنتي ياميثه ومستحيل اضرها (قالها بهمس وتابع كلامه ) كل اللي اسويه ناصر هو بنفسه من يامرنا عليه . ادري بتتعب حالتها لكن هو قالها لنا من قبل بتتعب كثير معاكم وماراح تتقبل أي قرار او حده ردت فعل وبتتعلق فيك وفيني لكن قد ما نقدر نحاول نعودها على الحياتنا من اول خمس سنين لها ....
ميثه تصيح اكثر : ماهو بكيفه ناصر يزوج العنود بشاهين هو ما يدري انها هي تحبه ولا تبي غيره ليه يذبحها مشاعر الحرمه ماهي لعبه بدينه .. هذي بنتي ولا ابي اخسرها ..

عادل : ادخلي غرفتك وارتاحي وبكره اوعدك انها تزورك ..
ميثه : الا بروح لها ..
عادل : انا حذرتك ان رحتي مالك رجعه للبيت واعيالك بحرمك منهم ..
ميثه بصدمه قويه : اااه ..
عادل : حذرتك ..
ويتركها وهي تصييح وصووت صيااحها هز المكان بكت تالم تشنجت من القهر ومشاري جنبها ضم امه ومنقهر من قرارات ابوه المفاجاء اللي تسبب الضرر لامه .. ضم امه وهدااها ..
مشاري : انا بجيبها لك يايمه وعدا علي اجيبها ولا انزل دمعتك ..
ميثه ببكى يقطع القلب : رجع بنتي يامشاري رجع اختك تكفى روحي بتطلع اذا ماجت ..
مشاري يمسح دموع امه : ابشري يالغاليه بس تكفين لاعاد تبكين فديتك لاتصيحين انا بجيبها لك وبتضمينها وتحبينها وتنامين معها بس طالبك هالدمعه لا تنزل يالغاليه ..
ميثه تضم مشاري وتبكي وتبكي من كلام ولدها وفعل زوجها ..

00000000000000000
مرت ساعتين على نومها .. وهو يتامل ملامح وجها ادق التفاصيل فيها .. يمسح شعرها ويتلمسه ويشم طرف من خصلة شعرها ...يتلمس مبسمها الجريح ويمسك اناملها بخفه ....
كـ رجل ماقدر يقاوم الجمال العنود نايم جنبها ويلمس اجزاء من جسدها ويتحسسها ..
سنتين كامله لم يلمس جد امراه ولا حتى فكر بالزواج بعد طلاقه من زوجته اللي كره معشر النسا بعدها ماعاد امه وخواته ..

قرب منها وغرايزه تناديه ..ماقدر يمنع نفسه من حلاله من لذت الحب معها .. يشوفها نايمه بهدووء ويكلم نفسه بهدو : شاهين سنتين حرمت نفسك من الحرام كل هذا خوف من ربك الحلال جدامك جدامك ياشاهين العنود حلالك .. يتنهد ويرجع يدينه يتذكر كلام عمه وناصر .. ويتذكر كل الكلام اللي قاله ناصر عن حالة العنود كيف تتاعمل معها الا غرايزك امنعها ولا تفكر فيها .. الانه الخيط الوحيد الي بيقطع شعرة الامل الوجوده لها ..
ماقدر يفكر بين عقله وبين قلبه .. لكن شد من نفسه وقوم من السرير .. يبي يطرد الافكار عنه لكن بلحضه شافها نايمه ومفاتنها اغرته اكثر .. ماقدر يخطف لو بوسه وحده من خدها ليريح العذاب الداخلي فقط ..

قرب منها وصوت الداخلي كان اقرب : حلالك شاهين حلالك ..ماهي حرام هذي زوجتك ..
قرب من خدها وباسها وبعدها ماقدر يمسك نفسه .......قرب منها وحضنها حس بانها بتدخل بين ضلووعه
وفجاءه قامت العنود وهي تصيح لحركات شاهين .. تصيح وتصيييح
لكن شاهين قيد ايدها وكان صوت الغرايز اكثر وضوح من الداخل .... والعنود مهشمه تستعيد ذكرى مؤلمه ..
العنود تصيح بصوت يقطع القلب : لويس ش ش شاهين لاالاللللاا( تقلب انقليزي ).. ارجوووووووك كلاااااا تصيح وتهز جسها تبي تتخلص من الانسان الممتوحش اللي يفترس جسدها .. قاومت قاومت لكن بالاخير ماقدرت حاولت تبتعد عنه لكن يدينه تمسكها باحكام ووتترجا تتوصل له لكن الالم الداخلي والجسدي اقوى منها انهارت صاحت من ادخلها الى ما افقدت الاحسااس بجسدها وباحساسها النفسي ..
شاهين بخوف من حالتها وتغير ملامحها وجسدها عيا لا يعطي ردة فعل ..ناداها : العنود العنوود
العنود ( لامجيب لكن عيونها متعلقه لفوق ) يهزها العنود العنود تكفين ردي العنود ردي العنود ..
خاف شاهين وتذكر كلام ناصر ( لا تقرب منها بوقت النوم حسسها بلامان وبعدها عيشش حياتك ) اكبر غلطه بحياته سواها انه جاها وهم محذرينه منها ..
لكن دوافعه كان اكثر تلبيه لروحه ..
العنود من الداخل مهشمه منكسره كانت ردة فعلها قويه عليها ماقدرت تقاوم وعيونها لفوق تتذكر لويس والان شاهين الموقفين يُعيدون بعضهم ...في الثانيه تتالم تتحطم ما تسمع الا صوت التنفس الشديد من التعب والمقاومه ..
تشوفه يحاول يصحيها لكن ما تسمع أي صوت خارجي غير صوتها الداخلي : قتلوك يا ماري قتلوك لما عدي ياماري والان قتلوا العنود عنود قتلوها ...لم يرحموك .. اتيتي لهم لكي يحموك ولكن قطعوك ماري .. لم تجد الا يد شاهين تمسك جسدها يهزها وكانه الروح تريد ايقاضها ..

شاهين بخوف وتوتر : ردي علي العنود تكفين ردي علي .
العنود من غير ما تتكلم: لا اريد الروح تستيقض كفايا الذي ممرت به كافي ليحملني الى مقبرتي بكل هدوء .. كنت اريد هويتي والان لا اريد الا تبوتي مقبرتي ..

00000000000000

العهود : يما فديتك هدي والله ماهو زين اللي تسوينه بنفسك جالسه لك ساعه تبكين والله تضرين صحتك ونفسك ..
ميثه بتنهد : خليني ياعهود خليني ..
العهود : يما بنادي جواهر لازم تجي تشوف اللي يصير هي الوحيده اللي تقدر تقنع ابوي ..
ميثه بصوت شوي مرتفع : خلي اختك تشوف حياتها ما صدقت هي الثانيه تستر ببيتها وترتاح من المشاكل ..
العهود : يمااا طيب خلاص بس لا تبكين
ميثه : عهود العنود ماعاشت مثلك وابوك بيذبحها ..
العهود بلا حول ولا قوى وش بتقول لامها المنهاره جدامها هي فعلا ماتقدر تسوي شي غير انها تهدي امها .. ومشاري كل ربع ساعه طل على امه وتطمن عليها الوضع البيت ما يطمن بين ضوضاء وبين الهدوء الذي يسبق العاصفه ..
عمر وعثمان بغرفته عليهم بكره اختبار ولا ادرسوو كان معهم مشاري اخوهم ..والعهود مع امهم ..
عثمان : لا هذي صدمه قويه ..
عمر : امي بنفسها انصدمت يعني تهرب وابوي يعاقبها انها تتزوج شاهين
مشاري : والله انا مثلكم منصدم ..
عثمان : طيب وشاهين ليه ساكت يعني يدري انها راحت لناصر وراضي غريبه ..
عمر : اللي اعرفه انه طلق زوجته الاولى الانها تحب واحد بالسر .. وتروح لها وصادها وهي تلعب على الحبلين تحبه وتحب غيره ..
عثمان : بس ياعمر الله يستر على بنات المسلمين ..
مشاري : عمر لا تقول هالشي مهما كان هذا ولد عمنا ..
عمر : حتى لو يعني انا منصدمه من الملكه ومن الزواج السريع ..
مشاري : المشكله هي كيف بتتقبل العنود ..
عثمان : بتتعب نفسيتها كثير وانا استغرب انه ناصر ما تكلم ؟؟
عمر : يمكن عنده شي يعالجها اكثر ..
مشاري : اللي اعرفه انه ناصر وقف لعلاجها ..
عمثان : ما يصير لازم يكمل معها هي بحاله حرجه بالذات بالذات الايام هذي ..
عمر : ليه طيب انت دكتور نفسي علمنا طيب خلنا نرتاح ..
عثمان : ماني قد ناصر الاني بدري علي دكتور لكن اللي اعرفه حالتها بجد نادره وعلاجها صعب ..
مشاري : كيف يعني ..؟
عثمان : حالتها متدهوره سببها تراكم السنين والكتمان ومن الياس وغير الموقف اللي حصل لها يعني توقع غير هذا كله الاستخبارت وانها تكتم والخوف من لويس نفسه انه يكشف خيانتها .. بجد انها قويه لكم كل انسان له قوة تحمل حتى السجين هو السجين لما يقضي عمره بزنزانه يروح لدكتور نفسي .. المرض النفسي متعب صعب يتعالج بسرعه ...

عمر : طيب انت ما تقدر تتدرس حالتها ..
يلتفت له عثمان : انا مو متخصص انا طالب بعدي ..
مشاري : طيب وش الحل مع الاثنين .
عمر : قصدك ابوي وامي ؟
مشاري : بجد امي تعبت نفسيتها وابوي صارم معها ..
عمر : من عرفنا ابوي وهو ي بالعياده او بالجامعه او بالعمليات يعني وقته مولنا بالمره لكن المسكينه امي دايم هي من تسال حتى تخصصاتنا دخل فيها ..
عثمان : مهما كان ابوي ويبي مستقبلنا ..
مشاري : ابوي حكيم وكل شي له حل عنده لكن انا متعجب كثير ليه بالذات حالة العنود ساكت وعاجبه الوضع وقراراته دايم تصدمنه ..؟
عمر : وغير هذا صاير كثير كهربا مع امي ..
عثمان : امي معها حق ما تقدر تستحمل غيابه طول هالفتره والحين راجع يعدل الوضع ..!!

مشاري : الحل اني اجمعهم ونرجع العنود بالاول الانه حالتها راحت تعبانه وما اظن شاهين بيعرف لحالتها وانا بنفسي بتصل على ناصر وبخليه يعلمني وش بسوي معها ..
عمر : لا تقول لامي شي مسكينه انت شفتها كيف حالها ..
عثمان : انا اللي بحلها خلك انت يا مشاري ..
عمر : وش بتسوي ؟؟
عثمان : انا بجلس مع ناصر بكره وبستفسر بنفسي عن حالتها وابغى يدرسني وش حالتها وكيف بنتعامل معها وكيف بنرجعها لحالتها ..

مشاري : بس هذا ماهو حل يا عثمان ..
عمر : الحل لازم يبدا من ابوي ..
عثمان : ابوي مستحيل يتغير ..
مشاري : ابوي في باله شي لازم نعرفه ..
عثمان : وكيف يعني ..
مشاري : سبق وقلت لك مستحيل ابوي يسوي شي من غير ما يخطط له ..
عمر : طيب والحل . لحالنا الحين يعني بالله عاجبك حالتنا من جت اختك وحال البيت منقلب راسه ..
عثمان : بصراحه لازم حنا نغيره ..
مشاري : انا بنادي جواهر تجلس كم يوم عند امي هي الوحيده اللي تقدر تجمع بين الاثنين ..
عمر : وش بتسوي يعني جواهر ما بتغير شي ..
عثمان : فيها البركه ام جهاد ..
مشاري : انت يا عثمان اتصل على ناصر واستفسر منه الموضوع كانك طلب لحالة اختك .. وانا بضغط على ابوي بعرف وش صاير له .. وانت يا عمر اجلس عند امي وحاول تهديها وجيب جواهر لها اليوم احسن من بكره الانه الحل ما يطمن ..
عمر : طيب
عثمان : ابشر ..

مشاري : بروح الحين لابوي بالمجلس و بجلس وبهديه وبفهم الاوضاع ..
يطلع مشاري من غرفه اخوانه ويتطمن على امه انها هدد وانها نامت شوي وعهود فوق راسها تسمي عليها وتقرا القران ..
مشاري يهمس لعهود : كيفها الحين ..
العهود توقف جنب اخوها وتهمس له بصوت منخفض وبتنهد : شوفة عينك تعبانه المسكينه ..
مشاري : يالله كلها ايام وان شاءالله تهدي الظروف ..
عهود : تعبنا يامشاري ..
مشاري : ازهليها ياختي هذي اوقات بتمشي ان شاءالله وتصير ذكرى الله لا يعودها استحملي انتي وخليك قويه .. ولا تخلين امك تراها تبغاك جنبها وانا قلت لعمر ينادي جواهر ..
عهود : امي محذرتني ما اناديها ..
مشاري : خليها لازم بهذي المواقف تجلس جنبها ..
عهود : ليه انا ما اكفي يا مشاري ؟؟
مشاري : الا تكفين وتوفين بس جواهر افهم منك ..
عهود : الله يعين ..
مشاري : خليك جنبها وانا بطلع لابوي بشوف كيف الاوضاع عنده ..
عهود : طيب بس تكفى وصه على امي خليه يخفف عليها ترها حرمه والحريم مالهم قلب ..
مشاري يبتسم لكلام امه : من عيوني ياغلى اخت ..

ويستاذن منها ويمشي لطريقه لمجلس .. الايسمع صوت هواش .. يدخل من غير ما يطرق الباب مع انه متتاكد انه ابوه ماعنده ضيوف .. الا يشوف ابوه ماسك الجوال ومعصب حده ..
عادل : كيف ياشاهين تسوي كذا انا ياااما حذرتك من الشي ذا قلت لك بس صنها كيف تغلط رد علي كيف تغلط ..... يعني ماترد عليك ابد ..... طيب وش الحل انا جااايك الحين ...

مشاري بستغراب : وش صاير يا يبه ..
عادل : ماشي ياخذ مفاتيح سيارته بيطلع من الباب الا ينصدم بميثه واقفه على الباب ..
مشاري بصدمه : يمااا ..
عهود وراها بدموع : مشاري تكفى امي بتروح لشاهين ..
عادل : ميثه انا وش قلت ..
ميثه : مابي ارجع هنا الا والعنود معي انا ما اقدر اعيش من غيرها ما ابغى ابتعد عنها كثير ..
لو تدفن قبري بندفن معها سيبها ياعادل خلها لا تجبرها على دنيا ماهي بدنياها ..

عادل : من غير ما يعطيها نظره .: البس عبايتك انا بالسياره .. وعهود تعالي معنا ..
عهود : انااا
مشاري : روحي بسرعه ..
ميثه : بتاخذني لها
عادل يتنهد : بترجع هنا ..
ميثه : فيها شي بنتي قلي قلبي من راحت وهو يوجعني
عادل : بترجع ومافيها الا العافيه ..
يمشي عادل لسيارته وهو يفكر لحال بنته وش الحل معها وام مشاري تمشي وراء الين اوصلوا للسياره .. ويمسك عادل الجوال ويرسل لناصر مسجات لكن للاسف مارد عليهم ...
وتركب عهود بعدها وتنطلق السياره الى بيت ابو شاهين وسط هدووء الكل بالسياره وكانه الهدوء الذي يسبق الكارثه ..

بعد ربع ساعه وصلوا لبيت شاهين .. وكانت ام شاهين تحضن العنود وشاهين جنبها بالصاله وبنات ام شاهين حول العنود ..

بعد الصدمه اللي حصلت في ام مشاري ماقدرت تستحمل ضمت بنتها وافهمت السالفه من ام شاهين اللي هي الثانيه بكت لحال العنود الي من جات هنا وهي ماهي بخير ..

وكان صوت شاهين ابو مشاري مرتفع وشكل العتاب قوي ..

شاهين : عمي لا تلومني انا رجال سنتين مطلق والعنود حلالي ماتقدر تجبرني على حلالي ..
عادل : تعرف انها مريضه كيف تقرب منها كيف تفكر بقربها والكلام ماصار له 24 ساعه
يعني بالسهوله كذا هانت عليك اني ابيك هون لها وانت تخرب كل التخطيط اللي سويته انا عطيتك بنتي عطيتك كنزي اللي صنته ماعطيته لغريب .. امنته لك قلت ولد اخوي شاري وصاين ماتوقعت بانك بتخرب حالتها وتتدهورها .. شفها كيف طايحه ولا حركه وحرارتها ترتفع ونفسها يضرب .. يعني كذا تخون الامانه اللي عطيتك اياها ... ؟؟؟ قلت لك خلها تحبك وبتعطيك نفسها لكن غلطتك ما صبرت غلطتك خربت كل شي بلحضه .. كيف بعالجها وانت الامل الوحيد اللي بقيت عليه .. انت الوحيد اللي خليت الدنيا وقلت بيصونها وبيحفضها وبيعالجها ..
كنت ابيها تحبك ابيها تتعلق فيه ابيها تنسى شي اسمه ماضي ...
لكن انت خيبت كل امالي .. خليت الكل يتشمت علي وانا اللي واثق فيك هذي بنتي ياشاهين بنتي .. بنتي اللي خليتها بين يدينك قلي وش عالجها فيه اذا ناصر بنفسه حذرك وقالك اذا فشلت مالها أي علاج هنا .. بتعيش مثل ما كانت .. حتى هو دكتور ما يبي يقرب منها ما يبقى يخسر علاجه واذمه مع انه يحبها ما يبي يخسرها الانه اللي سويته هو بنفسه كان يخاف منه يخاف يقرب منها وتفقد نفسها ..
هالمرض يموت المرض الوحيد اللي يذبح الحين بعد 21 سنه بتذبح بنتي بحركتك ذي ياشاهين ..

شاهين منزل راسه : وش اسوي علشان ارجعها ..
عادل يقرب منه : مابترجع لك مابترجع ..
شاهين : انا حبيتها ..
عادل : مابترجع ياشاهين اللي كسرته بيدك مستحيل يرجع مثل ما كان ..
يعطيه ظهره ويمشي خطوتين ويلف لشاهين .: طلقها وخلنا نعيش حياتنا والله يشفيها والله يرزقك ..
شاهين : انا ابيها وماراح اطلقها ..
عادل : طلقها ياشاهين هذا احسن حل لها ولك ..
شاهين : انا حبيتها ياعمي
عادل : الله يعوضك بغيرها ..
يمشي من غير ما يعطيه فرصه يتكلم ويامر على ام مشاري اللي متحطمه لحال بنتها وتمشي معها العهود شايلين بنتهم التعبانه وانقلوها للطب النفسي لدكتور ثاني متخصص من غير ما يبلغون ناصر بحالتها ..

وتجلس بالمستشفى شهر وبعدها ينقلونها للبيت لصرار ام مشاري انها ترجع وتتعالج تحت عيونها
وحالتها بجد تعبانه ما تستحمل الخضوع للمستشفى ..

مرت اربع اشهر والعنود ساكته من غير ما تتكلم او تنطق .. وتصرفاتها جدا هديه والاحلام هذي الشي اللي يزعجها .. واسم شاهين ما تحب تسمعه وحالتها تتوتر وكل شي يتعلق باللي صار بالامس تتضايق منه .. الكثير حاول يغير من شخصيتها يطلعها يجدد الحياة فيها .. وابو مشاري اخذ عهد انه ما يتدخل مره ثانيه بعد ما قالت له ام مشاري كلام قوي وتهمته بتدهور حال العنود وعدم كلامها لهم ..

وطول الوقت العنود قريبه حييل من امها وخوانها وخواتها ...

مرت الاربع الاشهر سريعه والعنود شوي شوي تتحسن تقدر تمشي لكن لما تشوف ابوها ما تقرب منه ولا تستلطفه ..

وفي اليوم هذا قررت جواهر تسوي لهم العشا وكل خالاتها موجودات على سلامة اختها وتحسنت حالتها شوي مع انها ما تتكلم كثير الا يالله تجرون منها الكلام الا انها احسن شوي قدرت تطلع من غرفتها وتشوف العالم حوليها ..
جواهر بصوت ضحووك : ياهلا بالحلووين يالله اليوم سويت اسبكتي علشان الحلوه عنوده تحبه .
العنود جالسه ولا كانها موجوده تشوف بعيونها خالاتها وامها .. ولا تبغى تعيششش ..
جواهر : عنوده ياقلبي تعالي شوفي الاسبكتي لك مخصووص ..
العنود تبتسم ابتسامه باهته :
جواهر : ابغاك تخلصين الصحن كله ..
العهود : لا والله بكره ابيك تسوين لي كرات البطاط ..
منيره : جواهر انا ابغى عصير اليمون اللي بنعناع اللي حق التانج ياحلوه ..
شريفه : ماشاءالله كل شي منك حلو ..
ميثه : ياحلوها ام جهاد ما تقصر عساها للقوى ..
عهود : عسى طلال ما يعرس عليك مره ثانيه ..
جواهر بضحكه : امييين يارب ..
عنود تشوف الكل بعيونها وتشوفهم يضحون ودها تضحك لكن ما تقدر التفكير كان تفكيرها كيف يضحون وحياتهم سعيده الا هي .. تشوف امها تحضنها ..
ميثه : عنوده ياقلبي وش فيك اضحكي هذي الجواهر اختك مسويه لك شي تحبينه ..
العنود بلا شعور : لا اريد ..
ميثه بحزن : تكلمي عربي ياعيون امك ارجعي العنود اللي تضحك اول ايامها ..
العنود ببلاده توقف وتمشي لغرفتها ..
جواهر تقرب منها قبل لا تركب العتبه : العنود وين انا مسوي اللي حبينه ..
العنود : لست جائعه ..
جواهر : تحدثي بلغتك ..
العنود من غير ما تلتفت لها بالدرج واقفه : كنت اتمنى ان اتحدث العربيه ولكن كم كرهتها واتمنى العوده للوطن فهنا وهناك متشابهان بخصله وهو الذكرى المؤلمه ولكن هناك اجمل الحياة الانك تعيش وحدك من دون ان يتدخل شخص بشؤونك وقراراتك ..
جواهر : وهل تريدين العوده وتتركين من هم من جنسك ومن دمك ومن طبيعة بشرتك ولغتك . انظري على حالك كل هذي العوامل الذي ذكرتها هي من اتت بك هنا .. الدم والعرق البشري للدوله والاهل .. هم من جعلوك تبحثين عن عرق انتماءك ..

العنود : لا اريد الجدال كثيرا فانا لست جائعه ..
جواهر تقرب منها وتعيطها وجها .. العنود اللي تسوينه بنفسك صدقيني بتضرينها اكثر .. ابوي تغير كثير والكل حولك يبغى رضاك ويبغاك تعشين معهم بتكلم بالعربي الانك عربيه ما ابغى لغتك الدخيله تاثر فيك ..
العنود : لم تعجبني أي لغه .. فالغة الصمت اكثر اعجابا لي ...

جواهر : حرام عليك ترضين امي تتعذب بصمتك .
العنود : انتي الوحيده التي استطيع ان اتحدث كثيرا لا اعلم مالذي يحدث ولكن لا اريد التكلم كثيرا ولا احب تجمع الاشخاص ,,

جواهر : بخلي الخدامه تجيب لك الاسبكتي فوق وراجعي نفسك كثير ,,,
العنود : لا تتعبي نفسك كثيرا الانني ساغفل الباب ولن افتح لاي شخص ..
جواهر تمسك يدها وبصوت شوي مرتفع : من تحسبين نفسك اصحي اصحي من الصبح ما اكلتي شي يعني تبغين تموتين تبغين تتدخلين جهنم بحالتك ذي ادخليها بدال ما تقرين قران تستهدين بربك وتقولين يارب فك ازمتي وضيقتي وتوسع علي هالدنيا ونفسيتي بدال ما تقولين يارب اغفر لي وارحمني تجلسين تبكين وتتنهدين وتتعبين اكثر .. ليه ما تفكرين تنامين بقران ليه ما تفكرين بربك ..
العزله ماهي حل .. تثقفي بربك .. خلي ربك هو الباب الوحيد لك علشان تطلعي من الدنيا اللي انتي فيها .. عزلتك ذي بتذبحك نفسيا .. ماراح تغير من حالك .. جربتي كل الطرق ليه ما تجربين ذي الحاله تجلسين مع نفسك .. تخلين بينك وبين ربك ساعه عباده ارضي ربك وارضي نفسك ارض اهلك وابوك وامك صدقيني ارضا الوالدين نعمه ومنها راحه نفسييييه عجيبه .. صدقيني ياالعنود سويها اليوم ومن بكره اوعدك بتتغير حالتك الى الاحسن ..

العنود من غير ما تتكلم تمشي الخطوات وكلام جواهر يون باذنها ادخلت غرفتها وشغلت التلفزيون على قناة القران الكريم لمكه .. شافت الحرم وشافت الناس تطوف وتسعى ..
تمنت تكون معهم تحس شي يجذبها للكعبه ..

وكانت تسمع القران باصنات وشدت انتباها كذا ايه ..

(1) بسم الله الرحمن الرحيم
{الذين إذا أصابتهم مصيبة قالوا إنا لله وإنا إليه راجعون، أولئك عليهم صلوات من ربهم ورحمة وأولئك هم المهتدون}.
(البقرة 156 - 157 )

(2) بسم الله الرحمن الرحيم
{ والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون ، أولئك جزاؤهم مغفرة من ربهم وجنات تجري من تحتها الأنهار خالدين فيها ، ونعم أجر العاملين } .
( آل عمران 134- 136 ) .

(3) بسم الله الرحمن الرحسم
{ الذين قال لهم الناس إن الناس قد جمعوا لكم فاخشوهم
فزادهم إيمانا وقالوا حسبنا الله ونعم الوكيل ، فانقلبوا بنعمة
من الله وفضل لم يمسسهم سوء واتبعوا رضوان الله ،
والله ذو فضل عظيم } ( آلعمران 173 - 174).
(4) بسم الله الرحمن الرحيم
{ وأفوض أمري إلى الله إن الله بصير بالعباد ، فوقاه الله سيئات ما مكروا وحاق بآل فرعون سوء العذاب }.(غافر 44 -45)

بكت ما تدري ليه بكت افهمت بعض الكلام وبكت تحس براحه جلست اربع ساعات تقريبا تسمع القران وصوت القران كل مره ترفع الصوت وتصيييح تحس براحه تحس بانه الصوت هذا الوحيد اللي يهديها والقران الحل الوحيد لها تذكرت ناصر مسجلته الصغيره اللي كل يوم يجيبها وييشغل القران الكريم بصوت والقارئ ناصر القطامي .. وصوت القارئ احمد العجمي .. وصوت الشيخ ماهر ...
ما حست بنفسها الا وهي نايمه على السرير من غير بطانيه ..
وام مشاري ما نامت طول الوقت تسمع القران بغرفة العنود وفرحانه انها الله هدها للقران بعد ما خبرتها جواهر باللي صار لها ..
العهود :يما وش فيك كل شوي توقفين عند باابها ..
ام مشاري : مدري ابي اتطمن عليها اخاف صايرلها شي .. وانتي يالعههود نامي وراك دواام

جواهر : ابد يالغاليه ان شاءالله ماهوب بصاير لها شي نامي وارتاحي ..
عهود : ياربي هالدوام يضايقني ودي اتقاعد
جواهر بضحكه : يادوبك شهر متوظفه يمدي لك تكرهينه ؟؟
عهود : بكره باخذ العنود معي
جواهر : وليه تاخذينها البنت مريضه
عهود : بخليها تغير جو وتشوف البزران اللي يتعالجون عندي .. وتلعب معهم ..
جواهر : مجنونه يالله بروح اشوف اعيالي لا ينامون الانه طلولي بيجي الحين ..
عهود تتطنز عليها : طلولي .. مو لايق له الدله ..
جواهر : حصلي ياختي حصلي مثله وبعدها تعالي تكلمي ..
عهود : وش فيه سايقنا كريم اقدع رجال ..
جواهر تضحك ههههههههههههههههههه ..
ام مشاري ساكته وكانه اللي يسلفون به ما تسمعه وكل همها لا يكون العنود سوت شي بنفسها وهي ما تدري ...
تمشي من غير شعور لغرفتها حتى نست انها تسلم على جواهر قبل لا تمشي لبيتها ..

انتها الجزء هنا على امل اللقاء بكم بجزء جديد ومشوق ..

 

أدوات الموضوع



الساعة الآن توقيت السعودية الرياض و الدمام و القصيم و جدة 02:29 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0