ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة رواتي الأولى (من كثر عشقي لك عشقت العطر في ثيابك) بقلمي/ يوجد هنا رواتي الأولى (من كثر عشقي لك عشقت العطر في ثيابك) بقلمي/ روايات سعودية افضل روايات طويله long novels رويات بنات للجوال و روايات حب رومانسية TXT


 
قديم 06-21-2015, 05:56 AM   #1

LKIJUY6

:: كاتبة جديدة ::

الملف الشخصي
رقم العضوية: 244006
تاريخ التسجيـل: Jun 2015
مجموع المشاركات: 23 
رصيد النقاط : 2

رواتي الأولى (من كثر عشقي لك عشقت العطر في ثيابك) بقلمي/


رواتي الأولى (من كثر عشقي لك عشقت العطر في ثيابك) بقلمي/

بسم اللة الرحمن الرحيم )
اقدم لكم روايتي الأولى
رواية (من كثر عشقي لك عشقت عطر ثيابك)
بقلمي
الكاتبة:عاشقه انوثتي
راح انزل البارت كل اثنين وجمعه
كااامله

السلام عليكم ورحمة اللة وبركاته
رواية : من كثر عشقي لك عشقت عطر ثيابك

صحت على صوت المنبه اللي أزعجها وقومها من احلى نومة وقطع عليها احلى حلم ..
الساعه 6:00 بالضبط
...:....*يلا يا بنتي اصحي كافي نوم المنبة صار له ساعه يرن وانتي حضرتك لسى نايمة
...بصوت كلة نوم* يمممه بس شوي خمس دقايق واقوم
...* يله يا يمة قدام ما يصحى ابوك ويسوي سالفه ,على ما أظن ما أمداك نسيتي السالفه اللي صارت قبل بسبب تأخيرك ع الدوام
...* اووووف خلاص قمنا , الواحد ما يرتاح في ذا البيت , وأصلن ابوي ما همه غير الدراهم الي اخذها من الشغل و..
قاطعتها امها* اوووش لا يسمعك ويذبحك, يمة يا الجوري انتي لازم تتحملي ابوك لحد( وعيونها تدمع) ما يجيك النصيب وتتزوجي بولد الحلال
الجوري وهي تحضن أمها* واللة يا يمه اني متحمله بس عشانك لاني أدري لو ما بسوي اللي يبية كان يضربك ويأذيك انتي اهئ اهئ
...* اللة,, اللة وش ذا الحب والاحضان من صباح اللة خير ( صدق متخلف)
الجوري *.........
الام* يا ضاري ترا البنت تعبانه وما لها خلق لهواشك
ابو فهد ( ضاري ـــ ابو الجوري) * وانا ايش قلت ؟؟وانتي يلا ع الدوام اليوم الراتب ولا؟
الجوري وهي مالها خلق شئ* اية .. ولا تخاف بعطيك ياهم كللهم وما راح اخذ ولا فلس
ابو فهد* اية هذا الكلام العدل
@@@@@@@@@@@@@@@@@@@@@@@@@@@@@@ @@@@@@@@@@@@@



في مكان بعيـــــــــــــــد من الجوري وعكس الفقر اللي هم عايشين فية

السااعه 2:32 الظهر

كان جاي من الدوام تعباااان وماله خلق ركب الدرج وهو يدور السرير وبس !
وعلى اخر درجه من فوق سمع صوت امة تنادية .
..* هلا هلا بولدي تعال يمة جهاد الحين اخلي الشغالة تحط لك الغداء
جهاد بتعب باين من صوته: لا يمة الله يخليك انا بس بروح انام وصحيني على المغرب
..: طيب يمه قبل ما تنام تعال ابيك بسالفه
جهاد وهو عارف السالفه اللي تقريبا كل يوم امه تسمعه إياها
..: طيب يمة السالفه ما تتأجل بعدد ما اصــ
قاطعته امه وهي متنرفزة: لأ والحين بتسمهعا تعال
نزل عند امة وباس راسها وجلس : هاه يمة وش بغيتي
الام: يا يمة انت عارف ان العمر يمشي وانا ما بقالي عمر واخاف اللة ياخذ أمانتي وانا ما شفت عيالك
جهاد : لا يمة بسم اللة عيك عمرك طويل ان شاء اللة ,, بس انتي عارفة ردي بذا الموضوع
الام: يا يمة العمر يمشي وانت مو بعيد وتصك الثلاثين ولا شفت ذريتك
جهاد بضحكه خفيفة : اي ثلاثين يمة اللة يهداك انا ما بعد خلصت 27
الام: ما علية المهم .. هاه وشش رايك اخطب لك بنية ام راشد وش زينها تهبل و..
جهاد قام وهو متضايق: يمة الموضوع منتهي واللة يخليك لا عاد تجيبين طارية انا بعد باسمه اللة يرحمها مو متزوج
الام وصوتها يرجف : يا ولدي مو زين انك تحرم نفسك من الذرية علشان مرتك اللة يرحمها
جهاد باس راس امه والدمعه بعينه : يله يمة اشوفك على خير بروح انام

خلوني اعرفكم على ابطالنها والشخصيات الباقية

الجوري: عمرها 25 سنة حلوة ناعمه فيها شوي من الهبال تكرة ابوها كرة العما ,, وعندها كل شئ ولا أن امها تنضر ولا يسير فيها شئ
شعرها ناعم ويوصل لين خصرها عيونها لونها بني فاتح وفمها مليان شوي وخشمها طويل وجسمها روووعه دايم بنات عمها يمدحوها ع جسمها
تشتغل إدارية في مدرسة بنات والراتب اللي تاخذة بسبب جهدها ما تتهنى فية وتسلمة لابوها وبسس



جهاد: عمرة:27 سنة طويل عريض شعرة قصير يوصل لين تحت إذونة بشوي عيونة ناعسة لونها عسلي ورموشة كثيرة وخشمة سلة سيف برونزي . من بعد ما ماتت
زوجتة باسمة وهو محرم يتزوج بعدها لانهم تزوجو عن حب وتوفت زوجتة بحادث سيارة
عصبي بقووووة وفية شوي من الغرور

انتظرو التكملة ..وذي روايتي الاولى شجعوني علشان اكملها وادعموني وقولو رايكم وبسسس
بــــــــــــــــــــــــــــر ب








التعديل الأخير تم بواسطة فخآإمهہ جيزآإنيهہ ; 07-08-2015 الساعة 06:30 PM. سبب آخر: وضع الشعار
 
قديم 07-08-2015, 06:34 PM   #3

فخآإمهہ جيزآإنيهہ


رد: رواتي الأولى (من كثر عشقي لك عشقت العطر في ثيابك) بقلمي/


رواتي الأولى (من كثر عشقي لك عشقت العطر في ثيابك) بقلمي/

روآيتكك رآآئعهه

كممملي حبيبتي ابشووف البآقيهه

متحمسهه للتكملهه مو تسحبيين

ياآاآرب
تمارين للعين بعد استخدام الكمبيوتر
هيومن رايتس ووتش : ولاية الرجل على المرأة انتهاك لحقوقها في السعودية
اللحم والبيض والحليب بنفس خطورة التدخين
5 نصائح لمساعدة طفلك في مذاكرة اللغات اﻷجنبية
طريقه جديده لصنع طبق سمك
نصائح مطبخية لربات البيوت
اغرب تصرف من اب ادخل الشاب لابنته فى الحمام؟؟ترى لماذا فعل ذلك...قصه رائعه
4 معتقدات خاطئة في ذهن العروس تفشل حفل الزفاف
نتنياهو: لن نمتثل لقرار مجلس الأمن بشأن الاستيطان
علاج الكحة الجافة والشديدة بالاعشاب عند الاطفال والكبار
فتاه تحكي ماوقع لها في رمضان...
WTS:Sony Playstation 4 500GB/Xbox 360/Microsoft Surface Pro 3/Whatsapp +254727202628
الحرام
من قلبك .. أحتآج عنآق!!


 
قديم 07-09-2015, 05:44 PM   #4

LKIJUY6


رد: رواتي الأولى (من كثر عشقي لك عشقت العطر في ثيابك) بقلمي/


رواتي الأولى (من كثر عشقي لك عشقت العطر في ثيابك) بقلمي/

وش رجّعك ؟
لـ يكون قلبك يوم حسّ إنّه جرحني
وجّعك ..!
___________-
حبايبي بس عندي ملاحظة الكاتبة هي نفسها اانا بس انا مسجلة بمنتدى غرام بإسمم (عاشقة انوثتي)
واتمنىىىىى الدعمممممممم ×__^
نزل يبي يشوفها بس سمع صوت يصرخ علية و مع كذا ناعم وفية بحه
....: انت ما تشوف اعمى انتبة للطريق جيت بتدعس البننت
جهاد وهو يلف لمكان الصوت ... اول مما شافها وشاف عيونها الكبيره البنية فهى فيها
...: هيه انت انا قاعدة اتكلم معك ما تسمع
جهاد صحى على حاله ورفع حواجبةوقال بنيرة :عفوا.. مين حضرتك تكونين علشان تكلميني بذي الطريقهـ؟؟
خافت من نبرته بس قوت حالها:اكون اللي اكونة مالك دخل ... وثاني مرة لا تسرع وتدعم خلق الله اذا منت خايف ع نفسك خاف على البني آدمين اللي يمشون بطرييقك
ابتسم على جنب وهو لحد الان رافع حواجبة:للا أحسن تعالي اضرربيني
راححت للبنت اللي للحين تبكي وقالت بهمس ما توقعت انه يسمعه : واااطي مو متربي صحيح
فتح عيونة على وسعهم وهو مو مصدق اللي سمعه
البنت الصغيرة : ابله اهئ ... اهئ ابله ذولي اانا كنت بموت؟
جوري حضنتها بقوة وهي ناسيه او متناسيته اللي وراها: لا يا عمري لا تقولين كذا انتي هنـ ... ما أمداها تكمل الا وتحس بأحد يسحب يدها كانه بينزعها
شهقت من الخوف وهي تشوف وجهه قريب
منها حيل قالت بخوف باين بصوتها الللي يرجف: ان .. انت وش ..ش تببــى مني ؟؟
قال وهو يصر على اسنانه دليل غضبة: وش قلتي تو(وهو يشد على يدها بقووة) وش قلتي انطقي ؟
بلعت ريقها وقالت تقوي نفسها : قلت اللي قلته ,(وبصراخ), وبعدين انت مين علشان تمسكني بذي الطريقة؟؟
جهاد والشرار يطلع من عيونة: تعلمي إنك ما ترفعين صوتك على اسيادك فاهمه؟ويلا إعتذري الحين ع الكلام اللي قلتيه!
الجوري وهي تبعده:بعد عني ..(وهي تتنفس بسرعه من الخوف).. و..وبعدين تخسي اعتذر لواحد مثلك

تركها بقرف وهو ينفض ايدة كأنه كان ماسك شئ وسخ
: قدها يا ... (ويناظرها من فوق لتحت ويشوف عبايتها المقطعه واللي باين انها ماكلتها السنين وهي عليها) يا بنت الفقر
ترددت الكلمة بذونها_
بنت الفقــــر
بنت الفقـــــر
قالت وهي رافعه خشمها لفوق : قدها يا ولد الاجواد .... وراحت وتركته
اول ما بعدت عنه تنفست بعمق وهي ترجف من الخوف ... يا ربييييه انا شلون قلت له كذا ... مدري من وين جتني الجرأة اللي مدري وش راح يسوي بسسبها .. لا اصلن ما يقدر
يسوي لي شئ .. وهو ما يعرفني .... تذكرت لما قالت له انها قدها .. ضحكت على كلامها



اما بالنسبه لجهاد ... وش ذي البنت اول مرة اشوف بنت فقر ورافعه خشمها .. بس عليها عيون ( وهو يزم شفايفه بخقة) ..تذذذذذذبح
...هههه بس والله لاوريك ما بقى غيرك يتحداني هه

@@@@@@@@@@@@@@@@@@@@@@@@@@@@@@ @@@@@2
رجعت البيت وهي التعب هالكها هلاااااك ما صدقت ترجع على طول لغرفتها تبي تنام .... بس سمعت صوت كرهه وقفها
.....: هلا واللة .. كان تأخرتي كمان .. مو مافي احد قاعد يستناك حضرتك
تنهدت وهي عارففه وش يبي
ططلعت البطاقه من شنطتها ولفت علية وممدتها له: هاه؟ اروح انام ولا؟... وهو ما صدق وأخذها بسرعه وقال : خ خلااص يا بنتي الحين انتي روحي نامي حبيبتي
وطلع برا البيت يبي يشتري السم ويسهر مع الشياب اللي بسنه بفلوسها



فتحت فمها وفهت ...ما صحت غير على تسكيررة الباب.. عقدت حواجبها وما حست الا بدمعه تنزل من عينها ..وبعدها دمعه وبعدين دموووووع
حطت يدها على فمها ودخلت الغرفه بسرعه وسكرتها ... تسندت على الباب وهي تقول بقلبها( ليش يبة ليش انت كذا ؟ ما عمري حسيت بأنك الأب الي خايف على بنته اللي
خايف على مصلحتها ويدور راحتها وبس ,,, انا ما اشوفك غير تدور راحتك انت لحالك ,, ويوم اول مرة في حياتي اسمع منك كلمة يا بنتي تطلع بس للمصلحه ... ااااه يا بية
متى بس تحس متىتتىى) شلحت عبايتها وتمددت على السرير الي دوبة متماسك وغطت نفسها وتركت دموعها تحكي المها لما غفت بدون شعور


@@@@@@@@@@@@@@@@@@@@@@@@@@@@@

رجع البيت وهو يفكر في البنت اللي شافها قبل ساعه وبلي سواه هل هو صح ولا غلط؟ طلع الدرج وهو مو سامع احد

شهد: يمه ولدك استخف مثلا؟؟
ام جهاد وهي تطالعها بحده:و قص لسانك لا تقولين عن أخوتس تسذا
شهد: يمة واللي يرحم والديك ما شفتية كيف مشى ولا عبرنا حتى سلام ما رد
ام جهاد وهي تطالع الدرج :اي معليه اكيد تعبان من الشغل بعد قلبي يا وليدي ابوتس توفى وترك كل شئ فوق راسه
شهد: اللة يرحمه بس كويس انه كتب كل شئ بإسمه ولا كان اعمامي ما قصرو فية
ام جهاد: وه يا بنت إستحي وش بلاتس اليوم؟
شهد وقفت وهي تتحلطم : اقول بس ...الحق ما ينقال في ذا البيت
ام جهاد: وين رايحه؟؟
شهد : يمة بروح لبيت عمي سعد بنات عمامي متجميعين هناك
ام جهاد :وجهاد يمة ما استأذنتي منه ..وخزيتاه تبين تروحين من دون شورة؟
شهد: لا يمة الله يهداك .. اخذت شورة لما جابني من الجامعه ( وكأنها تذكرت شئ) اييييييية يمة شنطتي صح نسيت بقوله يجيب المفتاح
طلعت فوق طقت الباب وما استنت رد وفتحته بقوة جات عندة لقتة متمدد على السرير ومركي راسة على حافته وشالح تيشرته\
اوف ما دخلت حطت يدها على عيونها:ى واخزيتتتاه البس البس اللة يفضحك
ضحك وهو يلبس: وش دخل الله يفضحك
فتححت عيونها وجلست جنبه: واللة مدري ....المهم جيب مفتاح السيارة
عقد حواجبة: ليش؟ناوية تسوقين؟
شهد وكأنها عجبتها الفكرة :اييه والله شرايك
جهاد :أنهبلتي
شهد وهي تمسك يده وتترجاه :الله يخليك انا اسوق وانت جنبي ولا تخااف بتلثم بشماغ محد بيعرف الله يخلييييك
جهاد وهو يتلفت يدور شئ يضربها فية:شفتي إن إنقلعتي برا الغرفه بهفك كف يوصلك تحت عند أمي
شهد بخيبة امل: طيب خلاص بقوم بس عطني المتاح بجيب شنطتي من السيارهـ
مسح على وجهه وهو يقول :يووة نسيت المهم تلقينة بثوبي اللي على الشماعه
راحت واخذتة وطلعت .... وهو رجع ونام
اول ماطلعت شهد فتحت السيارة اللي جنب الفلة داخل وشافت ملف ازرق على شنطتها اخذتة وفتحته واول ما فتحته جت يد من ورايا وسحبته بقووووة
شهد وهي مرتاعه : يمممممه وش نزلك انت؟؟
ضحك وهو يضربها على راسهابخفه بالملف اللي معاة: هههههههه متى تبطلين لقافه شئ مو لك لا تتلقفين وتاخذية
رفعت كتوفها وقالت بهدوءوهي تناظر الملف : اللة وكليلك الفضول بيذبحني
جهاد وهو يطالعها : يعني؟
شهد : تكفى وش فية؟ لاتقولي شغل لان انت مستحيل تجيب شغل على البيت اعرفك اكثر مني
جهاد بغباء : وش يدريك؟ (وكانه انتبه وقال يرقع) آآآآ اقصد
شهد وهي ترفع حواجبها بحركه سريعه وبخبث: ما قلت لك اعرفك اكثر مني !
جهاد ( يمه جنية ما يطوفها شئ): المهم بروح انام الحين ولا تصحوني ع الغداء
شهد اول ما راح اخذت شنطتها وطلعت غرفتها
شافت 10 مكالمات لم يرد عليها و5 رسايل
كلهم من بنات عماما وعماتها ينتظروها تجيهم
اتصلت على اقرب وحدة لها (ندى)
شهد: الووو ( بعدت الجوال عنها لانها عارفه بتجيها تهزيئة محترمة)
ندى: الحين يا نذله تقولين انك جايه وللان ما جيتي اوريك واللة لاردها لك
شهد: يمة ندى شويش شوي اعصابك يا بنت الحلال
ندى : اقول شهدوووة على تراب من جد اتكلم ترا
شهد بضحكه:طيب انا قلت انه من عمك؟
ندى : هيهيهي ظريييفه
شهد: اخفف دمي اكثر ولا الوضع تمام؟
ندى بنرفزة: اقول شهد ورب البيت لو استظرفتي ثاني مرة ماراح تشوفين خير فاهمه؟
شهد : اوك اوك ... قوليلي الحين من جا ومن لسا ما جا
ندى : مع إني احسها تسليكة بس يلا .... كلهم موجودين ما ناقص الى انتي يا وجه التيس
شهد: اقول انتي وجه التيس .... وه فديتني كلهم ميتين ع جيتي
ندى : اقول كلي زق وججاوبيني ليش لحد الان ما جيتي
شهد : وش اسوي جهاد هو الي ااخرني
ندى من يوم سمعت اسم جهاد ارتبكت بقوة: آآ ج جهاا..د لية ؟
شهد وهي شاكه بندى بنت عمها سعد بالمشاعر الي تكنها لاخوها جهاد.والحين تأكدت من ارتباكها
شهد: لا سلامتك اقول خلاص عاد اعطيتك وجه الرصيد بيخلص وانتي حضرتك لسا ما قفلتي يا خي حسي شوي وقفلي
ندى وراح ارتباكها: اقول انتي الهذارة واللة ذا اللي ناقص ويلا الخلا
شهد : بــ طووطوط طوطوطوط
: الكلبة واللة لاوريها
@@@@@@@@@@@@@@@@@@
الجووووري
الساعه 6:30 المغربـــــــ
صحت من طق باب غرفتها
قامت وفتحت الباب
ام فهد: يا بنتي ليش قالفه عليك ؟
الجوري تذكرت كلمة ابوها وامتلت عينها دموع لفت عن امها على طول ومسحت دموعها
ام فهد: يمة الجوري وش بلاك ؟ليش تبكين؟
الجوري وصوتها مبحوح من البكي: لا احم احم لا يمه مافيني شئ سلامتك
ام فهد : يلا يمة روحي غسلي بعيدن الحقيني
الجوري وهي تتثاوب: ليش يمة وش فية؟(وهي تتريق) عماتي بيزورونا ولا عمامي جايين يسلمو علي ولا يمكن خوالي الي قاطعينا بيجون؟
ام فهد: يا الجوري وش بلاك
الجوري : مافيني شئ بس ليش تبيني الحقك في شئ؟
ام فهد :انتي روحي غسلي وتعالي بالصاله وبعدين بتفهمين
الجوري : طيب يمه
بعد ربع ساعه
....: هاه سمي يمة
..: ايا بنيتي انتي تعرفين انك كبرتي وعمرك 24 سنة صح؟
....: ههههه وش بلاك يمة اكيد اعرف (وسكتت شوي كأنها استوعبت) قامت : يمة لا تقولين بتزوجيني؟
ام فهد: اية يمه ابي افرح فيك
:لا هذا جوابي قبل لا تسألين!!
...:ليش يمة ؟ انتي كل رجل يتمناك زوجه له وكل وحدة تتمناك زوجه لولدها
الجوري بعيون تددمع: لا يمه انا قلت لا
ام فهد: يا بنيتي انا مو دايمه لك بيجي يوم وامو
قاطعتها الجوري وهي تبوس يدها وراسها وتصيح : لا يمه الله يخليك لا تقولين كذا كافي اخوي راح لا تروحين يمه لا اللة يخليك لاااا
ام فهد: حلاص يمة خلاص بس انتي وافقي على الخطيب تراة ولد اجواد وعندة خير وراح تع..
قاطعتها وهي تبكي: يمة الله يخليك لا يطلع الموضوع عند ابوي لانه ساعتها بيزوجني غصب يمة رجيتك يمااااه
ام فهد وهي راحمة حال بنتها اللي كل ما تقدم لها واحد عن طريق الحريم طبعا ترفضة من دون شور ابوها : خلاص يمة بس ابي اعرفف سبب واحد يخليك ترفضينه وما توافقين
عليه!!!!
الجوري: واذا وافقت علية بيذلني لأني بنت فقر(قالت هالكلمه وهي تتذكر الشاب اللي قابلته وزادت دموعها دموع) وبيقولي يا بنت الفقر تعالي . يلي ابوك يشغلك وياخذ تعبك وانتي
ساكته يلي ابوك موت اخوك صح يمة بيقولي كذا صح
امها وهي شبه مننهارة: لا لا فهد مات ما مات هو حي حي في قلبي سامعه
الجوري :لا ابوي موت اخوي بسبب الفلوس باع ولدة بسبب الفلوس اللة يلعن الفلوس اللي تخلي اب يبيع ولدة لاجلها راحت غرفتها وهي منهارة تتذكر قبل ست سنين بالضبط
تتذكر يوم اخوها فهد توأمها يوم كانو اعمارهم 18 سنة


فهد: اقول الجوري مو كأنك صايرة دافورة
الجوري وهي ماسكة الكتاب بيدها : بسم اللةعلي من يومي بس انت اذكر الله لا تصكني بعين
فهد : اقول لا تصدقي ترا بس ارفع من معنوياتك\
الجوري :اها صدقت إلا قول اني اذكى منك وما تبي تعترف
فهد :هاهااهاها قال اذكى قال مين الي ذاك اليوم جايتنا تبكي لانها جابت نسبة واطية هاه مين يلا مناك
الجوري:قلتها ابكي ذا دليل كافي يقول إني داااافووورة
فهد: اها اها طيب
الجوري :ضربت علية الكتاب وجا بوجهه وقفت وقالت : علشان ثاني مرة ما تسلك
فهد:اااااه ووقسم ما افوتها لك
ركضت وراحت ورا امها تتحمى فيها
فهد: وين بتروحين واللة ما اخليك
الجوري وهي تشوف وجهه احمر من الضربه
شهقت:اههههئ ذا مني
فهد : وشو؟
الجوري:اللي بوجهك ذا
ام فهد وهي تدفها من وراها: حسبي الله عليك وش مهببه بوجه اخوك انتي؟
الجوري خافت علية:آآآ فهووود واللة اني اسفــ.......
فهد وهو يمشي للمنظرة ويناظر وجهه مصدووووو:وش ذا؟؟
الجوري من غير شعور حطت يدينها عى وجهها وبكت
لف عليها فهد وفك يدينها وحضنها :لا يالجوري لا تبكين خلاص
الجوري :هئئ هئئ ان ..انت ز..زعلانن منــ....يى؟
بعدها وهو يمسح دموعها:لا يا قلبي مو زعلان (وبمرح)في أحد يزعل من توأمة؟؟
الجوري :هههههههه لا
فهد: اجل يا الدافورة ليش تسألين
الجوري وهي تمسح دموعها بكف يدها وتضحك:ههههههه الحين اعترفت إني دافورة هاه؟؟!
فهد : ههههههههه

(صحيح ممكن تقولون إن الجوري بالغت وما تووصل إنها تبكي الموضوع مو مستاهل بس لان هي ما كان لها غير فهد اخوها
وكانت تخاف علية بشكل مو طبيعي .. كانت تخاف تفقده بيوم ... وهذا اللي صار فقدته ....)


رجعت لواقعها مسكت صورة كانت له هو وإياها لما تخرجو من الجامعه كانو متشابهين مرررررة
اللهم الشعر والجسم ولا الملامح كانو وااااااحد
حضنت الصورة وهي تبكي انها ما تقدر تاخذ حقة .. لو بتاخذة , بتاخذة من من؟ من ابوها اكيد لان هو السبب وهي ما تبي تغضب ربها كل ما سوتة تحسبت على ابوها اللي
اخذ روحها الثانية ومو بعيد ياخذ روحها هي بعد

بكت وبكت لين نشف الدمع بعيونها راحت لدفتر ذكرياتها ومسكت قلم كان هدية منه وبدت تكتب بخط جميل





يبللني الدمع من دوني
وأشهق لله أن يطعمك النور
وحين رحلت خطاك
يتيمه بقيت
بعيدة في وحدتي
بعيدة إلا من الذكريات
تبقى زهور ربيعي وألمها في صدري
وأزرع وردة في عيني أسميها أخــــــي

قفلت الدفتر وتركت دموعها تنزل
فقدته ...ست سنين فرررااااااق ... كيف ما تفقدة .. وهذا حالها كل ما تذكرته\
تروح للمذكرات والصور وتقعد تبكي
وتدعي على ابوها اللي كان السببب فو موته ... اللة لايسامحك يا بية ...الله لا يسامحك يا بيه .. يوم مرض اخوي ... ولا ساعدته
تذكرت لما اخوها فهد مرض وصار يكح ولما كشفو علية قالو انه معه القلب والعملية تكلف مبلغ كبييير جدا عليهم تذكرت ان ابوها خلاهم ولا كأنهـ ولده بيموت
تذكرت ذالك اليوممــ الليــ.......................

(في المستشفى)

ام فهد:يمة الجوري إتصلي ع ابوك خليه ييجي ويدفع الفلوس بسرعه
الجوري: الوو .... يبة الحق علينا فهد بيموت حنا محتاجينك يبهـ ض
ضاري:ههههه الحين بس عرفتو انو عنددكو اب هاه؟
الجوري : يي .. يعنيي شنو؟؟؟؟
ضاري: يعني دفع موب دافع وخلي امكم اللي شادين الظهر بها تنفعكم
الجوري : يبه شتقول انت ..انت تقول ... إن ...آآ ... ذا ولدك يا بيه!!
ضاري: المهم بلا حكي فاضي إرجعو البيت الحين انتي وامك وسوو شئ اكله برجع القى الاكل جاهز فاهميين
طوط طووط طوط طوط طوط
الجوري بحالة صدددددددمه وللحين مو مستوعبة
جت عندها امها اللي توها طالعه من الدكتور
ام فهد: هااه يمه وش قال
الجوري بهدوء ومن دون إستيعاب: يمة.. انتي متأكده إن ذا ابونا؟؟
ام فهد: ايش؟؟
الجوري : آآ .... يعني عمرك سمعتي بأبو يترك ولدهـ يموت لأجل الفلوس؟؟
ام فهد اللي بدت تستوعب: لا يمة لا تقولينها .... لا تقولينها يمه لا
الجوري وهي تدمع والدمعه تطيح من دون ما تلامس خدها: واللة لاوريه( وتركض) بس قبل ما توصل لباب المستشفى حست ان قلبها وقف وان روحها طلعت منها سمعت صوت صراخ وصوت الدكاترة و..
لا يارب ...لا يا رب.... مو فهد يا رب مو فهدددددد
لفت,,,,, وهي تدعي من كل قلبها مو فهد ...مو امها الي تصرخ
بس تبخرت كل االامال وهي تشوف امها جالسة على الارض منهارة وتبكي
قربت منها : ي..يمة
ام فهد وهي تقوم وتمسك بنتها وتهزها: اخوك ماااااااااااات يا الجوري ماااااااااااااااااات
ماااااااااات
مااااااااات
ماااااااااات

تردددت الكلمه في مسامعها وهي لحد الان مو مستوعبه !!
: ههههه يمة لاتمزحين فهد ما يتركنا ... فهد يا يمه ما سويها اخوي واعرفه (راحت تركض للغرفه وهي تبكي لا ما تسويها يا فهد للااااااااا) وغابت عن الوعي



رجعت للواقع وهي تتذكر كل شئ كأنه أمس ما كأنه مر علية سنوات بس ما زال كرهها لابوها يزيد وهي عارفه أنو اخرتها صبرها بينفذ بس مو عارفه ابوها شنو جزاة؟؟؟
نامت وهي دموعها على خدها ...

@@@@@@@@@@@@@@@@@@@@@@@@@@@@@@ @@@@
..: قوووم يلا بلا ثقالة دم
....: انتي اللي قومي عني
...:يلا انت وعدتني بتوديني لبست ورجعت لقيتك نايم يلا ترا ما بقى شئ ع اذان العشاء ما يميديني اسهر قووووووووم
...: شهدددددوووة انا ما قلت بوديك يا الكذابهـ انا قلت موافق تروحين بس اوديك للا
....:طيب اوريك شوف من يتكلم معك بعدين ( قامت)
جهاد وهو يقوم: اووووووف خلاص يا تبن اجهزي بوديك
...: واووووو وناسه انا جاهزة انت إجهز
...: اوف طيب
راح لبس لة بنطلون جينز وقميص كحلي علية جاكيت خفيف رمادي وجزمات( إنتو بكرامه) رمادي وساعتة وتعطر ولبس الكاب وطلع
شهد وهي تصفر: احلــــــى واللة وغطيت ع هيفاء وهبي
جهاد وتلاشت إبتسامته :انتي يا تبن ما عمرك قلتي شئ عدل
شهد: اقول يلا ترا ما معنا وقت
جهاد:طيب ازعجتينا انتي ولسانك
شهد: ما راح ارد بس لأني محتاجتك ولا لولا الحاجه كان ما ذليت نفسي لأشكالك ,,, وبعدين انا غبيه ليش رحت معك لو إني رايحه مع
واحد من السواويق المنرصين برا مو احسن ما اقـ

جهاد وهو يجط يدة ع فمها: اللة يخليك خمس دقايق بس ريحي فيها فمك بعدين تكلمي اوك؟
هزت راسها بإية


@@@@@@@@@@@@@@@@@@@@@@@@
أول ما وصلو

: واووووو يا بنات يجنننن
: وه يا قلبـــــــي خقيت خلاص
: لا بعد مسوي سكسوكه اااه فديته
: هيهه انتو وصلت انك تتفدين يا إخت سمر
سمر : وش بك إنتي ؟
:م ,,مافيني ..ش,,,,شئ
ملاك وهي تغمز لها : اقول ندوووو ليكون تحبينه؟؟
ندى بسرعه: لا مين قال استغفر الله الواحد ما يقول شئ إلا وفسرتوة حب اعوذ بالله

شهد: هاااااااااي صبايا
البنات: هاااايات
ندى : اقول شهـ
شهد: يلا بنات ندخل وربي متحمسه لليوم
ندى:؟؟؟؟؟؟؟؟؟؟
اول ما دخلو
الجدة: هلا واللة ببنت عبد العزيز هلا ومرحبا
شهد وهي تبوس راس جدتها: هلا فيك يا جدة
وكالعادده سلمت على زوجات اعمامها سلام عادي وبارد جددددد
اول ما دخلو البنات الغرفه
سمر: امانه يا شهد يا حظك ياخي عندك اخ عذااااااب(وتسوي نفسها تدوخ)
ملاك : اية وربي انة خقق يا بختك
ندى تنرفزت وطلعت برا
سكووووووووووت
سمر: وش بها ذي وقسم بالله تنرفززز
شهد :خليكم منها الحين
ملاك : انتو متهاوشين؟؟؟
شهد : تقريباااا خخخخخ ابخلها تخلل بعدين اسامحها
سمر: احلى من وين جبتيها ذي تخلل؟؟
شهد : من مسلسل اكثر منها
سمر: اية كثري
شهد : ابشري
ملاك : خلصتو سخافات انا ببروح عند عماتي
شهد: لا وعع من زين الجلسة عندهم كلها عن الماركات واخر الموضة وصبخات الشعر ومدري اية
سمر: صادقه اذا احنا يا البنات ما سوينا زيهم ..هم العجايز يسوون
شهد: حلوة عجايز ذي كثريلي ىمنها اوك؟
سمر: ابشري على ذا الخشم
ملاك : الحمد لله على نعمة العقل اي والله


أعرفكم على الشخصيات الجديدة
ندى:: عمرها 21 سنة قريبه حييل لشهد ومرجوجه مثها شعرها اسود قصير مرة بس ملامحها حلوة ....تحب جهاد..,, من يوم كانو صغار وهم مسميين لبعض بس لما كبرو نسو الموضوع
وهو ما يدري عنها ولا أحد يدري غير شهد ..

ملاك وسمر: اخوات توائمم بس أبدا ما يتشابهون يعني الللي يشوفهم ما يقول إنهم خوات ... عكس بعض في التصرفات يعني
من الاخر ما في وجه تشابه بينهممم
@@@@@@@@@@@@@@@@@@@@@@@@@@@@@@
جهــــــــــــــــــــــــــــ ـــاااد
اول ما رجع البيت لقى امه جالسة في الصاله وشكلها تنتظرة
(هذي الفرصه يا جهاد كلمها بالموضوع )
: يمه
: بسم الله الرحمن الرحيم
: ههههه وش بلاك ؟؟
: ابد يممه كنت سرحانه شوي ... ألا يمة انت الي وديت اختك بيت عمها؟
: اية يمه.......إلا يمه ..انـ..تي بعدك على قصة الزواج
امه بسرعه:هاه يمة! اكيد ! انت موافق يمة؟
ابتسم:اية موافق
: اجل خلني اكلمهم قبل لا تطير البنت!
: جلس امة: وين يمة وين مو شايفه الساعه كم
جلست امه : هههه إعذرني يا وليدي واللة من الفرحه نسيت
: ههههه عسا الله لا يحرمني منك يمه
: ولا منك يا بعدي واللة
جهاد بعد فترة صمت مو طويله: يمة انا مابي بنت ام راشد
ام جهاد وهي معقدة حواجبها بس فجأه ارختهم وقالت: اجل تبي من بنات اعمامك قولي اي وحدة فيهم
جهاد .. لا امي راحت بعييييد: لا يمة مو من بنات اعماامي (سكت شوي) انا ابي بنت.................

@@@@@@@@@@@@@@@@@@@@@@@@@@@@@

اتمنى يعجبكممم البارت (فيديييييييييتكممم) ابي تعليقاتكم اللي تشجعني وينها؟؟ *.*

 
قديم 07-09-2015, 07:57 PM   #5

لولو المجنونة


رد: رواتي الأولى (من كثر عشقي لك عشقت العطر في ثيابك) بقلمي/


رواتي الأولى (من كثر عشقي لك عشقت العطر في ثيابك) بقلمي/

كملي بليييييييييييييييييز رووووووووووووووووووووووووووووو ووووعة الرواية

 

أدوات الموضوع



الساعة الآن توقيت السعودية الرياض و الدمام و القصيم و جدة 10:37 PM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0