 |
  |
|
|
|
|
#1 |
|
♡رَبِّ اجْعَلْ لِي قَلْبَاً أَنْتَ~وَحْدَكَ~سَاكِنُهُ♡ |
"أي أنثى يجب أن أكون؟"
نبدا بالمخلوقة اللي بدعاية جالكسي اللي وزنها 40-45 كيلو غرام وبتقولك "حينما تعشق الشوكولاتة".. مع انك مو صادقة! لأنك لو بتعشقي الشوكولاتة عنجد اكيد ما حيكون هيك منظرك! بس الفكرة انها تدعو لعشق الشوكولاتة.. وكأنثى ودماغ باطن وهيك قصص رح نطلب من الدماغ يخزن هالمعلومة لوقت ما نروح Carrefour و نتمشى بين ممراته.. بعدين بتطلع المخلوقة تاعت دجاج (اليوم).. و بتكون بالدعاية كل يوم بتطبخ طبخات عربية واجنبية وبتنزل صورها عالفيسبوك لأسرة اجمل.. بعدها بتيجي بنوتة غاية في الجمال بتعمل دعاية ل Pampers بتكون بتغير ال diaper لابنها او بنتها وهي بتضحك معاه وبتغنيله، اشي في غاية السعادة و الروقان.. لأنه فعلا تربية الأبناء من احلى المشاعر الموهوبة من الله لكن الفكرة كيف شكلها و كمية السيليكون اللي بوجهها وتسريحتها "لا تمت للأم الطبيعية بصلة" لأن الأم مش حتلبس كعب بالبيت برضو وهي بتغير للبيبي!!!! بحق الرب ومن ثم المنطق يعني.. لكن خلص العقل الباطن للمشاهد لقطها وخزنها بعدين عالدعاية اللي بعدها عطول.. حبيبة الشعب fair & lovely لتبييض البشرة ، وانت احلى لما تكوني بيضا.. 3 اسابيع بس و بتبطلي سمرا، ويع شو سمرا ما سمرا.. ويلا يا عقل باطن خزن لتخزن.. وبعدين بتبدا دعاية شي بنك ولا مؤتمر وبتطلع المرأة الريادية الطموحة التي بتعمل من اجل مستقبل افضل.. وخزن يا عقلي انه "يا هيك الفهمانات يا بلا" وبعدين يلا نروح ومن غير خجل ع دعاية L'Oréal انه ييييييي شو بشعة لو فيه بوجهك تجعيدة وحدة.. او لو كانو عيونك دبلانين و مبين انك تعبانة! صبية عمرها 15 بتعمل دعايات لكريمات لنساء عمرهم 50 واطلعي، ويا ستي اقولك؟ 40 واطلعي.. وخزن يا عقلي الباطن انه الانثى اللي بوجهها تجاعيد انسانة مو حلوة.. وعأقل توصيف (ما تتركي الزمن يبين ع ملامحيك كوني ئد التحدي مع لوغيال، سئي=ثقي بلوغيال).. و هلأ دور انثى ديتول اللي بتعقم وعندها وقت تعقم كبسات الضواو كل يوم بديتول وتراقب 4 اولاد.. وعادي الحياة كتير بسيطة و حلوة! لحد ما نوصل لبرنامج (Joelle) اللي بتحكي بكل قرف عن موضوع "ليكي كيف جسمك خرب بعد الولادة وصار منظرك بده تزبيط ومينخاارك منحرف 2 ملليمتر لفوق، وسنك التالت من ورا مخربلك اللوك، صح مو مبين بس لازم نغيرلك منظرك ونخلوعلك كل سنانك و و نزرعلك بدل منن سنان حلوي و بيضا او اقلا شي تعملي veneers لحتى يكون عندك Hollywood smile وشعرك (برضو بيقرف) وقع من الولادة، صار لازم نركبلك hair extension لنخفي هالعيوب اللي صارتلك لأنك ام" كلها ايحاءات للعقل الباطن بتشل تفكيره وبتخليه يكره هالشي وينفر منه ويخاف.. يمكن هاي ربع ساعة من حياة اي حدا فينا مع اي قناة من هالقنوات، لكن هالربع ساعة قدرت تغير مفهوم كل اشي طبيعي بحياتنا.. الرضى بالمظاهر، بالاشكال و بالناس متل ما هيه! لازم كل حدا يفهم انه الانثى ما فيها تكون "كل ما ذكر سابقا" بهالجودة الألمانية هاي.. لأنها ببساطة بشر! رح تنصح لو اكلت شوكولاتة..وما بتقدر تطبخ كل يوم، و رح تتجعد ملامحها لما تسهر عالاولاد سنة بعد سنة.. ورح يخف شعرها لما اطفالها ياخدوا من دمها و من عضمها و يتغير شكل احسن اشي فيها لوقت ما يكبروا.. رح تنضغط لو اشتغلت، و رح تقصر بأشياء على حساب أشياء تانية، بس ما فيها تسيطر متل هالمخلوقة ال super اللي بنشوفها بالتلفزيون.. صورة الانثى التركية الخرافية الجمال، و الانثى العاملة، و الام الطباخة والموظفة والمهتمة كتير باللوك تبعها ومكياجها 24 ساعة عوجهها واولادها كلهم مهندسين ودكاترة بنفس الوقت..عم تدبح هالجيل.. عم تاخد منه كل مقاييس الرضى عم تخرّب بيوت.. لانه ما عم يقتنع بأي شي وبقارن وبقارن.. كتب هالمقال.. بالتزامن مع استفسار امرأة "صارلها متزوجة 13 سنة" عن فتوى بتسمحلها انها تعمل عملية بوجهها.. الجميل.. او عالأقل طبيعي "بطلب من زوجها" بس انه عشان تصير تشبه ابصر مين.. نسي الافندي تعبها واطفالهم ال 4 وبده اياها تقيم التجاعيد اللي اصلا ما شافتهم الا ع وقته و معاه.. نفسي احكي لستي.. يلي هي وسيدي عمروا بيت عمره اكتر من 50 سنة و ربوا اكتر من 10 اولاد.. عمره سيدي يا ستي طلب منك هوليوود سمايل؟ ولا يا ستي هالوجه الطاهر لما تعبى تجاعيد لتكبروهم وتعلموهم صار بعيون سيدي شنع و نفر منك بدل ما يبوسك عجبينك لانك حبيبته مرته و ام اولاده؟ الحب مو اللي بيطلع بمسلسل العشق الأسود.. الحب، هو اللي عمّر بيوت اهالينا.. بلا ولا مقارنة وبكل رضى.. |
|
|
#2 |
|
|
رد: أي أنثى يجب أن أكون
معاكى حق ياعيوشه
تسلم ايدك حبيبتى |
|
|
#3 |
|
|
رد: أي أنثى يجب أن أكون
مش عارفه اديش ممكن تاثر هل دعايات على المرأه المتزوجه
ولكن الاكيد انها تؤثر كل التاثير على البنت المراهقه يلي بدها تكون اجمل واحلى وبتصير عم تشوف حالها مش حلوه ولازم تعمل متلهم لتصير حلوه وهاد هو الشي الخطير بكل اسف عم نسمع عن عمليات تجميل لبنات لساتهم بال20 من عمرهم وبتلاقي البنت واقفه على المرايه وعم تشوف انفها لا مش حلو عيونها مدري شو بدهم ليصيرو احلى وهكذا وهاد كلو من تاثير هل دعيات والمراه المتزوجه لما بتتاثر فيهم من خوفها من زوجها يتزوج عليها وهي المشكله مع الاسف حتى قبل التلفزيون كانت المهم يكون عنا الوعي الكافي لما نغرق بهل قصص ولازم تعرف البنات انو مابهم الشركات التجاريه الا تجارتهم بدليل انو كل فتره والتانيه بطلعو جديد وبقولو هاد الافضل وين رحتو بيلي قبل ماقلتو الافضل هو اسفه على الاطاله في الرد وبالنهايه يارب تصلح حال امتنا الاسلاميه بكل اعمارها يااااااااااااااااارب شكرا عيوش على مواضيعك القيمه |
|
|
#4 |
|
|
رد: أي أنثى يجب أن أكون
نودى الله يسلمك ويسعدك
نسمة لفته أكثر من طيبه وفعلا هذفهم الاساسي "التجارة" جزيت خيرا |
|
|
#5 |
|
|
رد: أي أنثى يجب أن أكون
بوركتي
|
أي أنثى يجب أن أكون