♥ ●• لو نجحتى فى ده فضل من ربنا عز وجل♥ ●•
♥ ●• لو نجحتى فى ده فضل من ربنا عز وجل♥ ●•
اليوم اللي انت قلت هتبدأ صيام فيه بتلاقي انه جالك مشاوير كتير اوي ومجهدة في الشمس..
الليلة اللي انت قررت انك هتبدأ قيام ليل فيها هتلاقي نفسك رجعت متأخر وهلكان ..
اليوم اللي انت قررت انك هتطلع صدقة فيه هتلاقي ان حصلك حاجة اليوم ده في الفلوس ..
اول ما قلت انك هتنزل تصلي المسجد الصلاة بصلاتها هتلاقي انه جالك مشغوليات في معاد الصلاة..
المرة اللي بتقول انك هتبطل الذنب الفلاني ومش هتعمله هتلاقي انه فجأة اصبح متيسر جدا وسهل انك تعمله..
العلاقة المحرمة اللي بينك وبين شخص تاني وسيبتها عشان حرام هتلاقي الشخص ده بيكلمك عايزكم ترجعوا لبعض واكتر من كده كمان..
- ربنا عز وجل بيقول "أحسب الناس أن يُتركوا أن يقولوا أمنا وهم لا يُفتنون .. ولقد فتنا الذين من قبلهم فليعلمن الله الذين صدقوا وليعلمن الكاذبين"..
اوعي تكون فاكر انك تقدر خدع ربنا .. او ان الجنة ببلاش .. هتقع في اختبارات عشان ربنا عز وجل يقيم عليك الحجة قدام نفسك .. لو نجحت ف ده فضل من ربنا عز وجل...لو منجحتش .. "قل هو من عند أنفسكم".. و
الحاجة لما تحصل عشان تنجح حاول تكون مكونة من حاجتين:
لله وبالله ..
" لله ": يعني ان نيتك تكون لربنا.. انك عايز تصوم لربنا وتطلع الصدقة عشان ربنا عز وجل مش عشان حد تاني ..
" بالله " : تكون مستعين فيها بالله عز وجل ويكون لسان حالك " لا حول ولا قوة الا بالله" .. لأنك انت لوحدك مش هتعرف تعمل حاجة
اهم حاجة ان باب التوبة مفتوح ومتبطلش رجوع لربنا
منقول
|