ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم كريم اساس تغذية البشرة ومحاربة التجاعيد من اسرار خبيرة التجميل همسات الملائكة يوجد هنا كريم اساس تغذية البشرة ومحاربة التجاعيد من اسرار خبيرة التجميل همسات الملائكة وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية


 
قديم 12-23-2016, 04:05 PM   #1

خبيرة التجميل هموسة

:: كاتبة جديدة ::

الملف الشخصي
رقم العضوية: 248024
تاريخ التسجيـل: Dec 2016
مجموع المشاركات: 19 

كريم اساس تغذية البشرة ومحاربة التجاعيد من اسرار خبيرة التجميل همسات الملائكة


كريم اساس تغذية البشرة ومحاربة التجاعيد من اسرار خبيرة التجميل همسات الملائكة

السلام عليكم ورحمة الله وبركاته

طبعا كولنا عارفين اهمية كريمات الاساس لاخفاء عيوب بشرتنا من حبوب او بهتان
او بقع او احمرار او اصفرار وغيرهم من المشاكل الكتيرة دي
لكن بقى كتر استعمال الكريمات دي مع الوقت هتسبب التجاعيد المبكرة
تعرفوا ازاي هتسببلنا التجاعيد دي ؟
بصوا بقى ياقمراتي هقولكم ازاي هتظهر التجاعيد ومن ايه بالضبط
طبعا اي نوع كريم اساس من المواد المركبة فيه هي زيوت كميائية
مستخرجة من النفط الخام وهو النفط الاسود يعني وكمان مواد تانية
منها الرصاص والوان مستخرجة من النفط برظوا ومن مواد تانية
تدمر الانسجة بعد دخولها للادمة تحت البشرة وخصوصا بعد تعرض المواد دي
لاشعة الشمس لانها هتتاكسد تحت الجلد وتتحول المواد دي للون الاسود
وطبعا هتكون تحت البشرة ولانك بعد الاستعمال ومع الوقت في الشمس
هتحسي ان بشرتك اتحولت للون الغامق وهتقولي ان الكريم الاساس ده
غمق بشرتي طبعا هيغمقها عشان المواد اللي دخلت تحت الادمة هي السبب
ومش بس كدة دي هتقفل مسام البشرة وبكدة بشرتك مش هتتنفس خالص
ومع مرور فترة بسيطة جدا هيتعب الجلد ويكون مجعد وبالشكل ده هتظهرلك التجاعيد
ده بقى ملخص مايحدث داخل بشرتك وانتي حاطة الكريم الاساس ده فهمتي ياقمري
لكن بقى انا النهاردة جايبالكم احلى اختراع هتنسي كريمات الاساس دي كولها
وتنسي شرائها نهائي ان شاء الله وعن تجربة والكل اتهبل على الاختراع ده والحمد لله
انا بقى عملت كريم اساس مغذي لبشرتك ومفيد ايوة ياقمري هيغذي بشرتك ومفيد
بعكس اي نوع كريم اساس تشتريه حتى لو كريم اساس لنجوم السيما هتقوليلو باي باي
عشان كريمي ده الكل عجبوا لما جربوه وده فضل الله وكرمه عليا والحمد لله
بصوا ياقمراتي الكريم ده هيكون للخروج ويعني تقدري تحطي منه وتخرجي عادي
زيه زي اي نوع تاني من كريمات الاساس وبرظوا تقدري تحطي منه للبيت طول اليوم
بدون ماتخافي من ظهور التجاعيد نهائي ولا المسام ولا بقع ولا اسوداد ولا اي مشكلة
هتظهرلك ان شاء الله وعن تجربة وبالعكس ده منه كريم اساس ومنه هيغذي بشرتك كمان
وهتشوفي نعومة بشرتك لانه هيخليها تتنفس طول اليوم بعكس اي كريم تاني تقيل ومجبر
وكمان يعملك تجاعيد وبلاوي تانية سيبك من ده كولوا وتعالي جربي الكريم السحري ده
ومش هطول عليكم ياقمراتي الكريم ده تقريبا بنفس مكونات الكريم تغذية البشرة
اللي عملته قبل كدة هنا لو فاكرينه المهم بقى انا غيرت من المكونات شوية وضفت شوية
وبقى احلى كريم اساس والكل جربه وعجبهم وخصوصا انهم شافوا فرق معاه والحمد لله

كفاية رغي نخش بقى بطريقة العمل لاني مش عايزة اطول عليكم اكتر ماشي
اول حاجة ياقمراتي هتحتاجي الاتي

مركز تحميل الصور

اولا كريم مرطب مناسب لنوع بشرتك سريع الامتصاص وتاني حاجة هتحتاجي بودرة كومباكت اي نوع برظوا
وتالت حاجة هتحتاجي كبسولات فيتامين E وهتحتاجي كبسولات زيت كبد الحوت المخصصة للبشرة
ودي موجودة في الصيدليات عادي وكمان هتحتاجي جل هلامي الصبار من النبات
او ممكن استبدال هلام الصبار من النبتة بهلام الصبار الموجود في الصيدلية
المهم انك تجيبي الهلام الطبيعي فهمتي ياقمري
نرجع بقى لباقي المكونات او الحاجات المطلوبة لعمل الكريم الاساسي لتغذية البشرة
هتحتاجي كمان علبة فاضية عندك وكمان طاسة او اي حاجة للخلط
دلوقتي نخش على طريقة عمل الكريم الاساس ماشي
اول حاجة هتعمليها ياقمر حطي نص معلقة اكل كريم مرطب من اللي عندك

مركز تحميل الصور

بعدها بقى حطي معلقتين اكل جل الصبار من اللي عملتيه او ممكن البديل اللي هو الجل من الصيدلية
انا بقى استعملت هلام الصبار من النبات

مركز تحميل الصور


دلوقتي بقى حطي معلقتين اكل ماء ورد اصلي واسفة لاني نسيت اصورو من البداية مع باقي المكونات

مركز تحميل الصور

بعدها حطي كبسولتين زيت كبد الحوت مع باقي الخليط وده بقى هتخرميهم وتحطيهم جوة الخليط ده

مركز تحميل الصور

بعد كدة حطي كبسولة فيتامين E مع الخليط ده وبرظوا اخرميها وحطيها جوة الخليط

مركز تحميل الصور

بعد كدة هاتي بودرة الكومباكت بتاعك ياقمري واكسريها بالشوكة او بمعلقة وحطيها كولها فوق الخليط


مركز تحميل الصور

بعدها بقى اخلطي كل المكونات دي مع بعض بشكل كويس جدا جدا وماتخليش اي تلاكيع للبودرة


مركز تحميل الصور


طبعا بقى دلوقتي هتكسري داخل الخليط ده بصوباعك الكبسولات اللي في الاول خرمتيها
لانها بقت دلوقتي طرية جدا لانها من مادة زي الجيلاتي ولما تحطيها جوة الخليط هتكون طرية جدا
وتقري تكسريها بسهولة بصوباعك بعملية الضغط داخل الخليط ده على الكبسولات يعني
وبعد ماتتاكدي ان المادة اللي جواها طلعت برة وبقت مع الخليط وتجانست بقى طلعي
المادة الجيلاتي دي مالهاش لازمة بقى المهم ياقمري بعد كل الكلام ده
حطي الخليط اللي هو الكريم الاساسي ده في العلبة الفاضية وبكدة بقى عندك كريم اساس
هيغذي بشرتك ويحافظ على شباب بشرتك طول الوقت بامر الله وعن تجربة

مركز تحميل الصور

طبعا زي مانتو شايفين ياقمراتي ان المواد المصنوعة للكريم ده كولها مواد طبيعية ومفيدة جدا جدا
للبشرة زي مثلا جل الصبار من النبات ده بقى فايدته كتيرة للبشرة ومنها الحفاظ على شباب البشرة
وجعلها طرية وصافية جدا وكمان معالج لجميع مشاكل البشرة وكمان الكبسولات دي
كبسولة فيتامين E المعروفة من اكتر البنات وفوايدها الكبيرة للبشرة ونضارتها والحفاظ على جمالها
وكمان فوائد كبسولات زيت كبد الحوت الكتيرة اوووووي للبشرة منها معالجة التجاعيد لانها تحتوي
على فيتامين ا و D المسؤلين على تجديد خلايا البشرة وعلاج ظهور التجاعيد وغيرها
وكمان ماء الورد وفوايده للبشرة والكل عارفها
اما بودرة الكومباكت فدي مش هتضر بشرتك لانها مش هتدخل داخل الادمة بعكش زيوت كريمات الاساس
اللي لما تدخل هتسبب دمار بشرتنا زي ماقولتلكم يعني البشرة مش هتمتصها خالص
وهي مجرد هتدي الكريم لون الاساس زي كريمات الاساس لما تحطي منه وبسسس
وكمان فايدة الكريم الاساسي اللي هتعمليه ده هيخلي بشرتك تتنفس طول الوقت
وانتي حاطاه فوشك وكمان هيخفي جميع عيوب البشرة زي اي نوع تاني من الكريمات الاساس
كانك حاطة كريم اساس عادي وحلو جدا جدا وهتحسي ان بشرتك تتنفس بشكل طبيعي
لانه خفيف جدا على بشرتك وناعم جدا جدا وكمان ثابت طول اليوم مش قولتلك ده احلى اختراع
وممكن تحطي مسحة خفيفة من بودرة تلك بعد ماتحطي الكريم ده للثبات اكتر ويعني
هيبقى معاكي وانتي خارجة طول اليوم وحتى لو اتعرضتي للشمس متخافيش لانه
مش هيضرك خالص وبالعكس هيحول اشعة الشمس الى فيتامين تعالج البشرة لانه
مصنوع من جل الصبار والفيتامينات الجميلة دي وبكدة هتحافظي على بشرتك
وكمان هتخفي جميع عيوبها لما تخرجي عادي او للبيت لطول اليوم متخافيش
مكن التجاعيد خالص خالص ان شاء الله وعن تجربة اما طريقة حفظك للكريم ده
ممكن تحفظيه عندك في التلاجة او ممكن تحطيه على التسريحة عادي
لكن بقى قبل كل استخدام لازم تخلطيه شوية عشان يرجع يتجانس عندك
لان الصبار ساعات يطفوا لفوق الكريم ولازم تخلطيه تاني بصوباعك وانتي بتاخدي منه
حطي من الكريم ده على وشك وبعدها ممكن تحطي طبقة خفيفة جدا جدا
من بودرة التلك عشان تطول فترة تثبيت الكريم ده على بشرتك وانتي مثلا خارجة
وبكدة انا خلصت موضوعي ده ويارب يكون عجبكم ونال رضاكم
معاكم خبيرة التجميل همسات الملائكة
باااااااااي






















صابونة نفخ الخدود تعالي شوفي طريقة عملها في البيت من خبيرة التجميل همسات الملائكة مجربة
من اسرار خبيرة التجميل همسات الملائكة طريقة عمل ماسكرا حواجب ملونة في البيت بكل سهولة
من اسرار خبيرة التجميل همسات الملائكة طريقة صبغة شعر للشيب طبيعية في 5 دقائق فقط
كريم اساس تغذية البشرة ومحاربة التجاعيد من اسراري مجرب
طريقة عمل صابونة الارز لتفتيح البشرة من خبيرة التجميل همسات الملائكة
من اسرار خبيرة التجميل وصفة سهلة لشد البشرة وجفون العين بديلة للكريمات مجربة
وصفة مجربة لعلاج الام المفاصل
افضل لوسيون لتطويل الشعر وتكثيفه بسرعة مجرب من خبيرة التجميل همسات الملائكة
احذري نقل الكفر ومساعدته في النشر سيدخلك النار فلا تكوني معهم
طريقة عمل صابونة الارز بكل سهولة في البيت من خبيرة التجميل همسات الملائكة
لاترمي جل العيون بعد جفافه مرة ثانية اليك اسهل طريقة لاعادته كالسابق
المكونات الحقيقية للحنة البيضاء من خبيرة التجميل همسات الملائكة
كريم اساس تغذية البشرة ومحاربة التجاعيد من اسرار خبيرة التجميل همسات الملائكة


 

أدوات الموضوع



الساعة الآن توقيت السعودية الرياض و الدمام و القصيم و جدة 05:16 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0