ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم طريقة عمل صابونة الارز لتفتيح البشرة من خبيرة التجميل همسات الملائكة يوجد هنا طريقة عمل صابونة الارز لتفتيح البشرة من خبيرة التجميل همسات الملائكة وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 12-30-2016, 11:11 AM   #1

خبيرة التجميل هموسة

:: كاتبة نشيطة ::

الملف الشخصي
رقم العضوية: 248024
تاريخ التسجيـل: Dec 2016
مجموع المشاركات: 47 

طريقة عمل صابونة الارز لتفتيح البشرة من خبيرة التجميل همسات الملائكة


طريقة عمل صابونة الارز لتفتيح البشرة من خبيرة التجميل همسات الملائكة

السلام عليكم ورحمة الله وبركاته

كيفكم يابنات واحلى قمرات يارب تكونو بخير

لنهاردة موضوعي عن احلى صابونة لتفتيح البشرة بشكل ممتاز وبفترة قليلة جدا
ان شاء الله هتشوفي نتايجها الحلوة على وشك ومش بس كدة دي كمان هتعالج الحبوب
خصوصا صاحبات البشرة الدهنية اللي دايما بتعاني
من ظهور الحبوب بسبب زيادة الدهون

تعرفوا ايه هي صابونتي لتفتيح وعلاج الحبوب البشرة دي ؟
انها صابونة الارز الجميلة اللي هتشوفي وشك بقى منور معاها
وطبعا كولنا عارفين ان فايدة الرز بتفتيح بشرتنا وتقشير الجلد الميت اللي فيها
وكمان بيساعد على علاج الحبوب المتواجدة على سطح بشرتنا وعن تجربة طبعا

دلوقتي مش حابة اتكلم كتير
وهدخل في موضوعي بسرعة في طريقة عملها
طبعا انا مش عايزة اتكلم لانكم هتعرفوا من كل المكونات اللي فيها اهميتهم للبشرة
من تفتيح وترطيب وتغذية ماشي
وطبعا ياقمرات الصابونة دي هتفتح وشك من اول مرة ومش هتضطري لعمل
ماسكات تفتيح وتستني ساعات عشان تنور وشك لاء سيبك من كل ده
هي الصابونة دي هتنور وشك بعد دقيقتين بس وهتشوفي وشك منور
يلة بقى تعالي شوفي ازاي تعمليها بكل سهولة في بيتك ياقمري
اولا المكونات المطلوبة لعمل صابونة الارز لتفتيح البشرة وعلاج الحبوب
هتحتاجي رز مطحون وده هتلاقيه جاهز عند العطار
وهتحتاجي كمان ماء ورد
وهتحتاجي جلسرين
وكمان زيت اللوز الحلو
وطبعا هتحتاجي صابونة اي نوع عندك مناسب لنوع بشرتك

دلوقتي نيجي على طريقة العمل
اولا هتجيبي الصابونة دي وتبشريها وتحطيها في طاسة او اي حاجة عندك
تاني حاجة هتحطي فوق الصابونة المبشورة دي كوبايتين كبيرة مية عادية
واخلطيهم مع بعض بعد كدة بقى
هاتي نص كوباية مية ورد اي نوع عندك وحطيهم فوق الخليط ده كمان
بعدها بقى هاتي اربع معالق اكل رز مطحون وحطيهم فوق الخليط برظوا
بعد كدة بقى هاتي معلقتين اكل جلسرين وحطيهم فوق الخليط كمان
وطبعا فايدة الجلسرين بينعم البشرة وبيساعد على تفتيحها
بعد كدة ياقمر حطي معلقتين اكل زيت اللوز الحلو فوق
المكونات كمان وطبعا فايدة الزيت ده انه
بيفتح البشرة ويغذيها ويساعد على زيادة
حركة الدورة الدموية في بشرة الوش وبكدة هتكون موردة وحلوة
بعد كدة اخلطيهم كولهم مع بعض وقلبيهم كويس بالمعلقة
بعدها بقى حطي الخليط ده في حلة وحطيهم
على نار هادية لمدة خمس دقايق مع التقليب المستمر
هي خمس دقايق تحطيهم على النار مش اكتر لكن طبعا
هتقلبيهم طول الفترة دي عشان ماتتحرقش
طبعا الفترة دي هتشوفي ان الرز بقى شبه مطبوخ
وده مهم جدا في عمل الصابونة دي
بعدها طفي النار وبرديهم انا بقى حطيت الخليط ده
ورجعته للطاسة البلاستيك لانها بتبرد الخليط اكتر
من الحلة ماشي المهم بقى بعد مايبردوا شويتين حطيهم
في علبة عشان تحفظيهم لوقت الاستعمال
وبكدة بقى عندك صابون الارز وده هيفتح بشرتك
بشكل رهيب وبوقت سريع ان شاء الله
وكمان بيساعد على علاج الحبوب اللي في بشرتك بامر الله
وعن تجربة
على فكرة الصابونة دي هتحتفظي فيها في
علبة بلاستك من اللي عندك لانها صابونة طرية جدا وسهلة الاستعمال
اما طريقة الاستعمال سهلة اوي وهي كالاتي
اغسلي وشك بمية وبعدها خدي حتة من الصابون ده
وافرديه على وشك واعملي تدليك
خفيف بشكل دواير لمدة تلات دقايق او ممكن اربع دقايق وبعدها
اغسلي وشك بمية وخلاص
هتشوفي وشك بعدها بقى منور جدا
سيبي وشك بدون ترطيب لمدة ساعة كاملة وبعدها ممكن ترطبيه والطريقة دي
عشان تعالج الحبوب من زيادة الدهون لانه هيعمل تجفيف بسيط للحبوب دي
ولما تنشف الحبوب شوية في وشك بعد كدة هتشوفي انك خلصتي منها بعد ايام قليلة جدا
ان شاء الله وعن تجربة لكن اهم حاجة لو حابة تكون النتايج اسرع ممكن تغسلي وشك
بالصابونة دي مرتين في اليوم وهتشوفي وشك طول اليوم منور ومش محتاج نهائي
لاي بودر او كريمات اساس وكمان الحبوب اختفت او قلت جدا جدا ان شاء الله وعن تجربة
وعلى فكرة هتحفظي علبة صابونة الارز دي في اي مكان تحبي عشان هي مش هتبوظ عندك
انا حفظتها عندي وعلى حرارة الغرفة عادي وبستعملها
كل يوم لانها مش هتبوظ بامر الله وعن تجربة
وعلى فكرة لو كانت بشرتك جافة ممكن تزودي مع المكونات دي تلات معالق
اكل زيت زيتون عشان تكون بشرتك ناعمة اكتر
معاها وبعد غسل وشك بالصابون ده ممكن
تحطي مرطب مناسب لنوع بشرتك ماشي ياقمري
وبكدة انا خلصت موضوعي ده ويارب يكون عجبكم
ونال رضاكم ومع الف سلامة ياقمراتي
معاكم خبيرة التجميل همسات الملائكة
باااااااااي

 
قديم 12-31-2016, 02:53 AM   #2

*ام جوجو*


رد: طريقة عمل صابونة الارز لتفتيح البشرة من خبيرة التجميل همسات الملائكة


طريقة عمل صابونة الارز لتفتيح البشرة من خبيرة التجميل همسات الملائكة

تسلمى يااختى
موضوعك جميل ومفيد
وانا عن نفسى استفدت منه كثير

 
قديم 12-31-2016, 12:02 PM   #3

حياة نور


رد: طريقة عمل صابونة الارز لتفتيح البشرة من خبيرة التجميل همسات الملائكة


طريقة عمل صابونة الارز لتفتيح البشرة من خبيرة التجميل همسات الملائكة

تسلمي

 
قديم 12-31-2016, 10:05 PM   #4

ღ₪جـنون أنـثى₪ღ


رد: طريقة عمل صابونة الارز لتفتيح البشرة من خبيرة التجميل همسات الملائكة


طريقة عمل صابونة الارز لتفتيح البشرة من خبيرة التجميل همسات الملائكة

يعطيك العافية

 
قديم 01-12-2017, 03:42 PM   #5

خبيرة التجميل هموسة


رد: طريقة عمل صابونة الارز لتفتيح البشرة من خبيرة التجميل همسات الملائكة


طريقة عمل صابونة الارز لتفتيح البشرة من خبيرة التجميل همسات الملائكة


اقتباس:
المشاركة الأصلية كتبت بواسطة *ام جوجو* مشاهدة المشاركة
تسلمى يااختى
موضوعك جميل ومفيد
وانا عن نفسى استفدت منه كثير
ربنا يسلمك حبيبتي الاجمل وجودك
ربي يحفظك ويسعدك امين يارب
نورتي
اقتباس:
المشاركة الأصلية كتبت بواسطة حياة نور مشاهدة المشاركة
تسلمي
ربي يسلمك ويحفظك تسلميلي ياذوق
نورتي حبيبتي
اقتباس:
المشاركة الأصلية كتبت بواسطة ღ₪جـنون أنـثى₪ღ مشاهدة المشاركة
يعطيك العافية
ويعطيك الف عافية ويحفظك يارب تسلميلي
منورة الموضوع حبيبتي





 

أدوات الموضوع



الساعة الآن توقيت السعودية الرياض و الدمام و القصيم و جدة 08:29 AM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0