ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات هذا ما جنتة نفسى يوجد هنا هذا ما جنتة نفسى روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية

فساتين العيد


 
قديم   #1

@صمت المشاعر@

عضوة شرفية

الملف الشخصي
رقم العضوية: 14107
تاريخ التسجيـل: Apr 2008
مجموع المشاركات: 45,653 
رصيد النقاط : 0

Post هذا ما جنتة نفسى


هذا ما جنتة نفسى

 الجزء الأول في لندن .. وبالتحدييد في حديقة هايد

الجزء الأول

في لندن .. وبالتحدييد في حديقة هايد بارك الي متيمعيين فيها عايلة بو احمد المكون من ام احمد وبو أحمد وعفراء ((عمرها 26 سنه .. كملت دراستها بس مااتفكر انها تشتغل))وشيماء ((عمرها 18 وهاي السنه بتكون اول سنه لها في الجامعه)) .. يتمشوون في هالبراااد والجو الحلوو وهاا آخر يوم لهم في لندن ..
عفراء: اففف والله ماتتصورون اشقد متولهه عالبلااااد
بواحمد: هاااا.. مب انتي الي حنيتي علينااا الا نصيف في لندن
عفراء: تدري بعد ابويه نبا نغير جو
شيماء: لا تعممين لو سمحتي انا الصراحه احس بملل وانا بعيييده عن بلادي
عفراء: سكتي انتي سكتي ماادري ليش صايره ممله
شيماء: لا والله ماتدريين انه باقي اسبوع وبتبدأ الجامعه هي تراج فاضيه ماوراج شي ..
عفراء: وشو تبيين اتسويين ان شاء الله ؟؟؟ ماخليتي شي مااشترييتيه لفيتي كل مكان
شيماء: ابغي استعد نفسيااا للجامعة
عفراء: مااقول الا مالت عليج
ام احمد: بس بس انتي وياهاا وانتوا ماتعرفون اتناقشون بهدوء
شيماء: هههه لا أمي مانقدر
بو احمد: يالله يالله خل عنكم هالسوالف وخلنا نروح الفندق انحط الاغراض في الشنطه يالله يالله نلحق ..
وساروا عائله بو احمد في الفندق والي كانت من افخم الفنادق الي في لندن وزهبوا اغراضهم حق باجر ..

في الشارجه .. في بيت احمد الي عايشيين فيه هو وزوجته وولدهم بدر الي بعده ماكمل 4 سنوات .. احمد يالس يطالع تلفزيون وولده بدرحاط جدامه مجموعة العاب ويالس يلعب
احمد: اسماااء .. اسمااااء تعالي بسرعه ابيييج
وتطلع اسماء من المطبخ ... وبيدها العشاء الي بتحطه عالطاوله وبتسير اتشوف ريلها شو يبغي .. مع انه البيت فيه ثلاث خدامااات بس عاد اسماء ماترتاح لازم الريوق والغدا والعشاء من ايدها وهاي رغبة ريلها طبعا ..
اسماء: هلا حبيبي آمر اذا على العشاء فهو زاهب هذو توني حاطتنه عالطاوله
احمد ((يسوي روحه بيغمى عليه)): هاااا؟؟؟ شو قلتي؟؟؟
اسماء: هههههه اشفيييك الي يقول الحين اول مره اقولك اياها
احمد: ارجووووووج عيديها
اسماء ((بكل نعومه)): ح ب ي ب ي
احمد: آآآآآآآه يا قلبي ويسوي عمره اغمى عليه
اسماء ((تسير تيلس عنده)): هههه عااادي مايهمني
وبعد مروور ثواني يشوف انه مامنها فايده فينش
احمد: الحيين اتخيلي صج اغمى عليي شو بتسوييين
اسماء: هههه عادي بييب بصل وبخليك اتشمه لين ماااا بطلت عيونك
احمد: هههه مايحتاي ريحة البصل فايحه منج ..المهم يالله خلنا نسير نتعشى ورانا نشه باجر
اسماء: ليش
احمد: شو نسييتي .. باجر قوم ابوي بيون من لندن ولازم انسير المطار نستقبلهم
اسماء: هيييييه صح بس والله كان خاطري انروح معاهم

احمد: وانا بعد والله بس شو اسوي اذا انا رحت محد بيداري الشركه
اسماء: خلااص مب مشكله يالله خلنا انسير العشاء زاهب
احمد: اوكي يالله
ويشلون معاهم بدووور ويسيرون يتعشوون ..

في عيمان وبالتحديد في مشيرف .. في هالبيت المتواضع المكون من طابق واحد وبالتحدييد في هالصاله الصغيره .. يالسين عائلة بو سيف الله يرحمه المكون من ام سيف وسيف ((عمره27 سنه .. يشتغل في الاتصالاات وبعده مو متزوج)) .. وعايشه ((عمرها 20 سنه وهالسنه هي ثالث سنه لها في في تقنية الشارجه)) ..
عايشه: يالله سييييف قووم ودني بسير اشتري اغراض حق الكليه مااباقي شي
سييف: وانتي مااتذكرتي الا الحين
عايشه: هيييه شو فيها يعني خلك كووووووول
سيف: سيري سيري مب متفيجلج انا
عايشه: اماااااااااايه قووولييييله خله يوديييني
ام سيف: وهو الصاج ولدي فديته مااتذكرتي الا الحيينه
سيف: ههههااااااااي فديييت امااايه الي دوووم في صفي ((وهو يتخقق عليها)) موووتي حررره
عايشه وهي تسوي عمرها اتصيح: انتوا لييييش مااتحبوووني؟؟؟ اماايه انتي ليش ماتحبني انا البنت والمفروض اتدلعيييني اكثر عنه
ام سيف: فدييييت بنيتي الاموووره انا تعالي عندي احضنج تعالي
عايشه وهي تسير تيلس حضن امها: ههههااااي موووت حرره
سيف: اميييي شو هالنفاق بعد
ام سيف: وخري وخري عني انتي قعدي يالله والله جنكم الا يهااال
عايشه: انزين اخوي سيف حبيبي انا هونت ماابغي اشتري اغراض حق الكليه الحين بخليها يوم ثاني
سيف: خلصيني شو تبييييين
عايشه: اشرايك اتحاوطنا الحين واتعشينا برع
سيف: اتعرفييين انه بوكي فاضي والمعاشااات بتنزل الاسبوع اليااي
عايشه: افااا عليييك اخوي انت بس ماعليك الا تشغل السياره وتوديينا والعزيمه علي انا بس اهم شي اطلع افف ملييت من قعدة البيت
سيف: خلااص اذا جي انا موافق .. هاامايه شو رايج
ام سيف: لا انا مابيي تدرون اني مااحب اكل المطاعم روحوا انتوا استانسوا
سيف: لاا لاا لاازم انتي اتكونيين ويانا والا مابنسير
عايشه: امايه الله يخليج تعالي معانا انا ماصدقت يطلعنا
ام سيف: خلااص امري للله بيي معاكم
عايشه((مستانسه)): هييييييييييييه عاااااااااشت امااايه
سيف((يبتسم)): يالله انا بسير بشغل السياره بس اتون بسرعه هاا خاصة انتي يا عواش لو تأخرتي بنروح عنج
عايشه: لاا لاا لاا ثواااني وبييكم وتسير ركض للحجره عشان تلبس عبايتها وشيلتها وتلحق عالطلعه تخاف لا تفوتها
ام سيف: ههههه حسبي الله عليج من بنت شوي شوي لا تطيحين
سيف: هههه يالله امايه انا اترياكم في السياره
ام سيف: ان شاء الله فديتك بنيك الحين
وراحوا الجماعه مطعم مناسب على قدهم .. بس المهم انهم يستانسوون ..

ردووا سيف وامه واخته من المطعم وشكلهم مستااانييين الا ام سيف الي موول ما عيبها اكلهم ..
نزلوا من السياره ودشوا صالتهم الي مجابل الباب والمسافه الي بينهم صغيره .. واول شي سووه قعدوا كلهم وتموا يسولفون ..
عايشه: هااا اماايه شو رايج
ام سيف: والله قعدتي وياكم كانت حلوه بس اكلهم لا ما عيبني
عايشه: هههه شو عرفج انتي امايه هااا احلى وارقى مطعم مودينج احنا
سيف: هههه مالت عليج صج انج بنت فقر ثرج ماشفتي المطاعم الراقيه
عايشه: احم احم الحين احمد ربك اني عشيتك على حسابي
سيف: ذليتييييييني ذل تراج في الدرب كله ماسمعت منج الا هالكلام
ام سيف: اففف بسكم صدق انكم حشره
سيف: شوفي بنتج .. المهم يالله انا ساير ارقد وراي دوام باجر
ام سيف: الله يحفظك من كل شر يا ولدي روح نوم العوافي
عايشه: بل بل بل الحين لو انا اقول بسير ارقد بتقولين لي((سيري)) وهذا ماخليتي كلام حلو ماقلتييله
ام سيف: لازم هذا ولدي العود
عايشه: وانا بنتج الصغيره آخر العنقود فدييييييييتني
ام سيف: والله معزتكم بقلبي واحد
سيف: لا اميي قولي الصج انا اكثر صح
عايشه: شفتي امي هو الي يبا الضرابه
سيف: هههه خلااص خلااص انا ساير ((ويقوم من على القنفه عشان يروح حجرته))
ام سيف: وانتي بعد يالله سيري رقدي باجر ورانا نشه
عايشه: ليش امي؟؟
ام سيف: باجر ييرانا قوم بو احمد بييون من السفر ولازم انسير عندهم
قبل لا سيف يبطل حجرته ويدش داخل يسمع آخر كلام قالته امه ويدش داخل وهو مب عارف شو يسوي يوقف ييلس .. فجأه حس عمره انه في عالم ثاني .. حاس انه طاااااير من الفرحه .. يعني باجر بتييي عفراء .. حبيبت قلبه الي عمره مافكر في وحده غيرها .. عق عمره على السرير وخذ موبايله اتصل في ربيعه حمد من الفرحه مب عارف شو يسوي ..
ويرن تلفون حمد الي كان في سابع نومه ..
حمد: هلا سييييف اشفيك صاير شي؟؟
سيف: ههههههههههااااااااي لا بس فرحان
حمد: مااااالت عليييك امقومني من الرقاد واتقولي فرحان
سيف: هههههه شو اسوي ماعندي حد غيرك .. المهم يالله كمل رقادك
حمد: ماقلتلي ليش فرحان
سيف: مايخصك
حمد: ودام انه ماايخصني ليش مقومني من سابع نومي
سيف: ههههه خلااص ارقد الحين بقولك باجر في الدوام
حمد((يتثاوب)): اوكي باي
سيف: ههه باي
ويسكر عنه سييف وهو مبتسم ويقول في خاطره: اااااه والله اني مشتاقتلج يا عفراء .. ليتج بس اتحسييين فيني واتعرفين انه هالقلب مستحييل يكون لغيرج .. اااه بس ان شاء الله تكونيين من نصيبي .. ويتم سيف سرحان ويتذكر ايام الطفوله الي كان ما يترك بيت قوم بو احمد ودووم معسكر هناك وعفراء ماكانت ترتاح الا لما تكون مع سيف لانه هو الي كان يحميها عنها اذا حد من اليهال فكر انه يمد ايده عليها ..
عفراء: تعال تعال بنسير حجرة ماما في حلاوه وااايد نص حقي ونص حقك
سيف: هي بناكل حلاوه وبنسير نطالع رسوم شو رايج
عفراء: هييييه يالله نسير
وهم قاعدين في الصاله وسلة الحلاوه جدامهم يدش عليهم احمد الي شكله معصب واااايد على عفراء
اهني عاد سيف ارتبك وماعرف شو يسوي وعفراء ويهها استوى احمر لانهم عارفين انهم مسويين شي غلط
احمد ((وهو معصب)): منو فيكم خرب سيكلي
عفراء وسيف خايفيين ومرتبكيين : مانعرف
احمد: ها ويهي اذا ما خبرت عليكم بااباا
ويروح عنهم وهو معصب ..
عفراء: اوييييييييييييي بيخبر بابا
سيف: تعالي تعالي بسرعه بنسير بيتنا
عفراء: يالله يالله بنسير
ويسيرون ركض بيت قوم سيييف وينخشوون هناك ......
فجأه يصحى سيف من الي هوو فييه بصوت دقات الباب ..
سيف: منو
من ورا الباب: انا
سيف: دخلي امايه
ام سيف: انت لين الحين مب راقد يا امي ارقد وراك دووام باجر
سيف: ان شاء الله امي برقد انتي شو مقعدنج الحين
ام سيف: انا سرت المطبخ اشرب ماي جان اشوف ليت حجرتك مبطل
سيف: هي اميي شو اسوي ماياني ارقاد
ام سيف: خييير يا ولدي فييك شي ؟؟ قولي فديتك
سيف: لا امي ارتاحي انتي مافيني شي
ام سيف: خلااص انا بروح فديتك ارقد انته
سيف خلااص امايه تصبحين على خير ((ويسير يحبها عراسها))
ام سيف: وانت من اهله فديتك

تطلع عنه ام سيف وهو يرد يفكر في حب عمره ... يعني باجر بشوووووفهاا .. آآآآه ليش الوقت مايمر بسرعه متى بيستوي باجر .. اممم بس هي اكيد بتكون تعبانه وبترقد على طووول؟؟ امم ويمكن لا ..بس اكييد يوم بيي من الدوام بتكون شبعانه رقاد فديت روحهااا انا .. بس انا ليش ماكلمت امايه عنها .. انا مااقدر اصبر اكثر عن جييه لازم اتسير تخطبلي اياها .. ااااه متى يا عفراء اشوفج يمبي ؟؟ انا كل هالسنييين صابر علشانج .. وكلما اسمع واحد خطبج ارقد يومها في المستشفى ويوم اسمع انج رفضتيهم ارتاح واشفى بسرعه .. والله لوكانت حالتي الماديه زينه جان ما خليت حد يعتب باب بيتكم .. بكون انا اول واحد اييج غناتي بس صبرت وتحملت لين ما يمعتلي هالبيزتييين والحين مافي قوه في العالم تقدر تاخذج عني وانا بحاول بأسرع وقت اكلم اماايه عنج..

وهو قاعد يكلم نفسه يسمع صووت الاذان .. يستغفر ربه ويسير يصلي ركعتيين ويرقد ...

اليوم الثاني .. الصبح وفي بيت احمد .. على الريوق يالسين احمد وبدر واسماء الي متلعوزه ويا بدوور تركض وراه عشان ياكل السندويجه واحمد يضحك عليهم ...
احمد: ههههههههههههههههههه الصراحه جنكم توم آند جيري
اسماء وهي تعبانه على طول تيلس عالكرسي: اففففف تعبت وياااه .. هيي انت اشوراك اضحك بس
احمد: ههههههههه اتضحكون انزين
بدر: اول شي استرولي سيكل بعدين باكل
اسماء: سمعته شو قال؟؟؟ اول شي اشترله سيكل بعدين بياكل
احمد: ولدي انا اشتريله سيكل .. لا فديتج بييبله اضخم سياره
اسماء: اووووه احمد لاتتطنز فكني منه اشترله السيكل حتى امس مااتعشى بسبة السيكل
احمد: خلااص ان شاء الله بس افضى باخذله الي يبييه .. المهم انتي سيري اتزهبي الحين ماباقي شي عالطياره
اسماء: ان شاء الله بسير الحين..((وتاخذ وياها بدر عشان تجهزه بالمره))
بدر: ماما احنا وين بنتير
اسماء((وهي تقلده بصوته)): بنتير انيب يدوه ويدي وعمو عفراء وشيماء من المطار
بدر: هي هي .. اليوم بتير بيت يدووووووه ما بتلع من هناك بعد
اسماء: انزين حبيبي اليوم كلنا بنسير هناك

وتسير اسماء تتزهب ويا ولدها الي مايابت غيره ليين الحين .. كذا مره ساروا هي واحمد عند الدكاتره الكبار يستفسرون عن حالتهم يعني ليش من ثلاث سنوات ماحملت اسماء يردون عليهم انه هالشي طبيعي ومحتاج لشوية صبر ..



لى رجعة فى الجزء الثانى ان شاء الرحمن

منقوووووول
بارك الي متيمعيين فيها عايلة بو احمد المكون من ام


 
قديم   #2

lola lola


Thumbs up رد: هذا ما جنتة نفسى


هذا ما جنتة نفسى

مشكورة على القصة

 

أدوات الموضوع



الساعة الآن توقيت السعودية الرياض و الدمام و القصيم و جدة 07:02 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0