يا بنات أنا محتاجتكم كثير يا ليت تساعدوني

**حكاية عطر** · 03-24-2008, 04:21 AM

السلام عليكم ورحمة الله وبركاته
كيفك يا بنات وش أخباركم؟
أبي أطلب منكم طلب وياليت تساعدوني وما تردوني وايديني فاضية
الطلب أبي أسوي شريط زفة لشبكتي وما ني عارفة بالضبط وش أحط من أغاني ياليت تقولولي وش من الأغاني اللي تصلح أحطها للمسيرة وللدخلات وللكيكة يعني اللي تعرف تقولي بالتفصيل كم أغنية أحط وش من الأغاني اللي تصلح زفة
أنا ما أبي أسويها برة لا بسويها بنفسي بس أبي المساعدة في اختيار الأغاني
وشكـــــــــــــــــــــــــــــــــــــرا
ياليت ياليت ياليت تردولي باسرع وقت ممكن
واللي تساعدني لها مني عريس <<هههههههههههه
والله ماراح أنسى جميلها وراح أساعدها في اللي تبغاه ويعطيكم ألف عافية
وأنا متأكدة مية بالمية تساعدوني

**عذب الكلام** · 03-24-2008, 04:37 AM

كلللللللللللللللللللللوش مبروك يابنت انخطبتي ولا تقولين لنا هاه ...

ابشري يابعد عمري باللي تبينه ..

بس انتي فهمينا زين وش المطلوب بالضبط وذوقك انتي واللي نفسك فيه كمعاني ..

واحنا بنحاول يارب اننا نخدمك ...

بس قولي اللي تبغينه بالضبط ومتى ملكتك عشان مانتأخر ...

**qz2** · 03-24-2008, 10:28 AM

شوفي اختي اختاري لراشد الماجد والجسمي شريط واغاني مكتوبة في مجلة سيدتي لملكة ملحم زين على بنت رئيس الوزاراليمني تماني واحطيها احنا في ملكة اختي حطينا اغاني لراشد الماجد وعبد المجيد عبد الله وخاصة لما دخل العريس وشكر ا

**حكاية عطر** · 03-25-2008, 01:35 AM

هلا والله بالغالية
مشكورة يا عذوبة الله لايحرمني منك ولا من qz2 ولا من بنات المنتدى كلهم
الله يبارك فيك أنا توني قلت لأن أهل العريس توهم حددوا الملكة وبتكون انشا الله بنهاية شهر 6 وأنا من الحين بسوي الشريط لأن ماراح أكون فاضية بعد كذا لأن مرة مشغولة بالفستان والقاعة وغير كذا بندخل على الاختبارات وتعرفين الجامعة ما تخلص اختباراتها
فا ياليت تساعديني بقدر المستطاع وأنا أدري انك ماراح تقصرين وياي وانا معتبرتك مثل أختي
معليش بتعبك وياي يعني أبي موسيقى للاستعداد للزفة وأبي عند فتح الباب أغنية لي وأغنية ثانية له وأغنية ثالثة لي وله سوا يعني كلها مقاطع بسيطة يعني إذا تعرفين أغاني كلماتها تصلح مثل إهداء مني له وإهداء منه لي يعني زي كذا وانتي وش عندك قوليلي ترا أنا ما أعرف شي ومشتته مرة وعلى ايش ننزف؟ أنا قلت مثلا ننزف على أغنية الليلية بس لنديم نور أسمعيها وقوليلي وش رايك فيها؟
ويعطيك العافية يا قلبي
أدري زودتها صح بس والله ما أدري وش أحط لأني أول بنت واللي حولي ما يعرفون
ومشكورين

**حكاية عطر** · 03-26-2008, 05:06 AM

ها وينكم يا بنات
أقولكم أنا محتارة وأحتاج للمساعد القصوى
بلييييييييييييييييييييز والله محتاجتكم

**الوردة الفرعونية** · 03-26-2008, 05:36 AM

اقولى يا حببتى محتاجة اية مساعدة

**الوردة الفرعونية** · 03-26-2008, 05:41 AM

انت قولى اغنية مكسوفة بتاعة شادية انا غنتها بفرحى وربنا يتملك على خير

**حكاية عطر** · 03-26-2008, 11:22 PM

مشكورة يالوردة الحائرة
يعطيك العافية

**ام دحومي** · 04-03-2008, 04:19 AM

حبيبات في فرقه الروائع تسويلك شريط الزفه من جد مره حلو واصواتهم روعه ويغنوا الاغاني العاديه ويقولوا اسم العروسه والعريس بس من غير اورق باقاعات بس والله مو باين
انا سويت عندهم يوم فرحي عشان ماما ملتزمه ورضيتها وماحسيت بفرق وحتى الناس والله مره عجبهم وكثير طلبوا الرقم
اللي تبغى رقمهم تراسلني على الخاص
ولاتنسوني من دعائكم

**حكاية عطر** · 04-04-2008, 04:28 AM

مشكورة على مرورك الرائع
يعطيك العافية يا أم دحومي