قبل اي شي للبشره احذرو من........ومن...........ومن.......(ارجو التثبيت)
--------------------------------------------------------------------------------
السلام عليكم حبايبي..
كيفكم شخباركم ان شاءلله بخير...
ابقولكم على سالفتي مع خلطات البشره وغيره....
انا وحده مسويه نفسي حقل تجارب اي خلطه اسمع عنها او اقراها على طول اجربها وكلها بدون فايده ....المهم...
والمشكله انا الوحيده من خواتي اللي يجرب بنفسه يعني خواتي معتمدين على الله ثم علي يقولون انت لك بال طويل على هالاشياء هاذي اذا نجح معك شي قولي لنا علشان نجرب ومن هالمنطلق كنت اسوي خلطات واجربها من دون ماشاورهم ولا اسئلهم....
قبل اسبوع سمعت عن خلطه للبشره انها تبيض قوه ومن مكوناتها ((جلسوليد الاحمر وفازلين وفكس وليمون وبيض))
جلست اجربها قبل اسبوع واحسها حلوه من كثر ماسمعت عنها من هالمنتديات ....
امس كانت اختي عندنا وهي معاها((دكتوراه))تدرس بكليه الرياض المهم
جلست جنبي قالتلي ريحتك فيكس؟؟قلت ايه هاذي من ضمن الخلطه اللي اجربها واقولها عن الخلطه ومكوناتها
بصراحه اختي انفجعت وصرخت بوجهي على هالخلطه...
اه بس لو تعرفون عن اللي قالتلي وعن ايش حذرتني....
اول التحذيرات .....
(((الفكس))) يبيض صح لكن من قوة مفعوله ياثر على طبقه لون الجلد وباسبوعين يقلبها (((لبرص)))وفيه بشره تقلب من اسبوع واحد من شهور واحد من سنتين يقلب يعني البشره تخزن مفعول الفكس وحرارته الى وقت يفجر فجأه البرص بجسمك من دون ماتدري من وين...
لان اول مضار الفكس على البشره انه يؤدي الى ((البرص)) وهالكلام من تجارب ودراسات عندهم بالكليه دكتورات عندهم اخذو دكتوراه على هالشي ولاحظو ان حراره الفكس مؤثر قوي على البشره الحساسه.....
قلت لاختي طيب انا ماستعملت الفكس لحاله معه مكونات طبيعيه مثل الجلسوليد والفازلين...قالت::وانتي تظنين ان هالاشياء طبيعيه؟؟؟بالعكس تستعملين مواد كيميائيه من ماركات معروفه ويفضل لو عليها ختم وزاره الصحه بالشهر مره ولا تستعملين هالاشياء هاذي من قوه مضارها
ثانـــــي التحذيرات.......
قلت لاختي خلاص ماراح استعمل هالخلطه اللي فيها فكس فيه خلطه ثانيه طبيعيه وكانت من مكوناتها(((عسل طبيعي)))
قالت:::
العسل للبشره بعد يضر لكن مو الحين مع الوقت راح تكتشفين لان العسل بالبدايه يشد البشره لكن مع الوقت يساعد على ترهل البشره هاذا اذا ماكان هو المسبب لترهل البشره وهالكلام من تجربه عندنا بالكليه دكتوره بشرتها انشدت بالاول وبعد سنتين ترهلت بشكل(( مقزز))وفضيع وكانت احدى الدكتورات تحضر الدكتوراه عن العسل واكتشفت ان العسل مجرد مشد مؤقت على البشر ومثل مايشدك يرهلك وازين مابالعسل شربه على قول الرسول صلى الله عليه وسلم....
بصراحه بعد كلام اختي انشل تفكيري وماقدرت افكر قلتله طيب انا الحين استعمل مقشر ((كلين اند كلير)) يضر والا لا؟؟؟
قالت هاذي شركه معروفه وتجاربها عندنا مضمونه ماعليها شي بالعكس تستعملينه ازين من اي خلطات ثانيه لان الخلطات انتي اللي تخلطينها تتفاعل مع بعضها من دون ماتدرين والضحيه بشرتك....
قلتله طيب يعني هم مايخلطون الاشياء هاذي؟؟
قالت ممكن يخلطون لاكن هم يحطون ماده تهبط تفاعل الكريمات مع بعضها وبدل ماتكون ضاره تكون نافعه وانت تخلطين على عماك وماتدرين وش السالفه.....
خواتي.....
كلنا نطمح للجمال لكن الاهم جمال الروح...
وهذا كلام اختي وعن تجارب مع دكتورات بالكليه ....
قد مانفجعت من هالمعلومات قد ماكنت حريصه اني اوصل هالمعلومات لكم واي تحذير تبلغني عنه اختي ماراح انساكم لاني احبكم
بمحبة(( امي وابوي الله يرحمهم))
اللهم اني بلغت اللهم فاشـــــــــهد....
تحياتي لكم....
منقول
قبل اي شي للبشره احدرو من 000 ومن 00000؟
رد: قبل اي شي للبشره احدرو من 000 ومن 00000؟
