ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة روآية : مستحيل احبك مستحيل اعيش من دونك .. يوجد هنا روآية : مستحيل احبك مستحيل اعيش من دونك .. هنا تنقل الروايات المكتملة فقط

فساتين العيد


 
قديم   #6

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

وبعدها جا موعد الزفة وجاوا خوات المعرس عندي وسلمو علي وباركو لي وبعدها دخل تركي كان شكله

جنان "ماشاءالله كل هالجمال لي انا " انهبل على البنت سلم عليها وتم متنح عندها وماسك ايدها

رغد بنت اخته :خالي خلاص ارحم البنت

تركي انتبه لنفسه:اقول انت شعندك رازة نفسك هنا

رغد:ولل احشمنا عاد جنب مرتك على الاقل

تركي: هههههههههه

رغد راحت لعنده وسلمت عليه وباركت له

تركي: الله يبارك فيك وعقبالك

رغد: اممممين

تركي:هههههههه اهجدي يابنت

وبعدها لف على عهود:مبروك

عهودوانا منزلة راسي من اول مادخل: الله يبارك فيك


جا وقت الزفة وحطوا الزفة الترحيبية لخوالي ودخلوا عليها بعدها زفتي الي كانت مكونة من موسيقى كلاسيكية في البداية ودخلو عليها بنت وولد بعربية فيها مجسم مغلف من الجوانب وكان فيه الدبل والشبكة وبعدها دخلوا بنتين بسلال الورد ووقفوا عند بداية الجسر

ولما بدت غنية راشد الماجد شيخة ال زينات دخلنا انا و تركي عليها وبدو البنتين يرمون الورد عليينا

وصلنا
لعند الكوشة المكونة من صوفا طويلة باللون الاحمر وعلى يمينها ويسارها عمود طويل ملفوف

حوليه ورود
بنفس لون فستاني وسلموا على خوالي وجلسوا وبعدها طلب نواف ولد خلي واخوي بالرضاعة

هو وراكان
وماجد من منسقة الدي جي اغنية مرتاح لعبدالمجيد واشتغل الرقص



لبسنا بعض الدبل ولابسني طقم الالماس وبعدها قصينا الكيك واكلني واكلته وانهت الخطوبة على خير


اليوم الثاني العصر كنت نايمة وجات امي تجلسني :عهود يلا اصحى

عهود:يمه خليني انام صلاة وصليت

ام عبدالله:قومي حبيبتي جهزي نفسك زوجك جاي بالطريق

فزيت من مكاني : خير تو شيفته امس شيبغى ذا
عهود:وليه استحي ماقلت شئ غلط
ام عبدالله:المفروض تفرحين انه جاي يشوفك مو تقولين شيبي ....خلصي قومي
عهود: مش قايمة ماابي اشوفه اليوم لاحقه على الغثا تو مكملنا24ساعة من شافني
ام عبدالله:لاطولينها وهي قصيرة وقومي الرجال وراه سفرة وجاي يسلم عليك
عهود: وصل سلامه مو لازم يجي
ام عبدالله تهز راسها: الله يصبره عليك بس ...يلا بس نص ساعة وهو هنا وابوك موجود ماله
داعي توصل السالفة له
انا بغيض:اف الله ياخذني ويفكني
ام عبدالله: استغفري ربك وقومي ياقلبي ياعهود قومي وتعوذي من ابليس وقومي


وطلعن ام عبدالله من غرفة عهود وبعدها قامت عهود تتجهز لانها خافت من ابوها يسوي لها شئ لو عرف
بكلامها


وتجهزت ولبست تنورة جينز طويلة مع بلوزة داخلية وفوقها بدي علاق بالرقبة ورفعت شعري وحطيت كحل وغلوس وردي ونزلت لان تركي وصل بس ماكان ودي اجلس معه لحالي وجاتني فكرة ادخل اخوي
معي كفاية ان منحرجة ا جلس معه وغير كذا مابيه "اف عمير الحين وشو الي يقنعه يدخل
شلون ياعهود شلون ...اي لقيتها"

عمر :عمور حبيبي

عمر :خير شعندك

عهود:ماودك بخمسين ريال

عمر"عمره 11سنة وغرامه العاب البلاي ستيشن وجيم بوي":وينها

عهود:اعطيك ايها بس يشرط

عمر:وشو

عهود:تدخل معاي عند تركي وتجلس جنبي ولاتتحرك من مكانك شقلت

عمر:من غير ماقول يلا سرينا
عهود: تعال قبل اذا دخلت المجلس اجلس بالكنب الي عند التلفزيون
عمر: ليه
عهود: انت ماعليم بس اجلس في المكان ذا طيب
عمر :طيب
عهود:يلا

ورحنا للمجلس ودخل عمر بالبداية وسلم على تركي وبعدها بدقايق دخلت :السلام ليكم

عمر وتركي:وعليكم السلام

وراحت جلست جنب اخوي عمر

وجلسنا ساكتين فترة بعدها تكلم تركي
تركي :كيفك عهود

بصوت **** ومنحرجة:الحمدالله

تركي: وانا بعد الحمدالله

رفعت عيوني له باستغراب:.........

تركي حب يكسر الاحراج: شفتك ماسألت عني قلت اجوب يمكن منحرجة تسأليني

"ياثقل دمك يااخي ":.......

تركي"شكلها منحرجة ..ياويلي من هالبنت بتخبلني بحياها ..بس اخوها المتنح وشكله مو ناوي يطلع

شلون اصرفه الحين":عهود

"اف شيبي بعد:نعم

تركي: مو كانك مش مرتاحة وانت جالسة بعيد قربي

عهود: لا مرتاحة
تركي:مم اكيد منحرجة تقومين احسن شئ اجي انا عندك

باندفاع:لالالا ان قربت بطلع

تركي ضحك بنفسه وظن انه حيا منها:طيب لا تقومين مش جاي

عمربصوت ****: متى بيروح

عهود: وش مدريني عنه

عمر: طيب شفيه يقزك قز ماعمره شاف بنت

انحرجت: وش مدريني

عمر: شكله ماشاف بنات الاخ ولا انت من زينك عشان يقزك كذا

نقزته بكوعي:كل تبن

عمر نقزمن مكانه:ايييييييي

تركي مستغرب:شفيك؟

عمر يمسح جنبه : لا مافي شئ

سحبته وجلسته: اقعد ووجع

عمر:ترا والله اقوم

عهود: خلاص حقك علي

عمر : ايه تعدلي "وعلا صوته"حريم مايجون الا بالعين الحمرا

تركي كان منتبه لهم من البدايه ويضحك عليهم بس من سمع عمرضحك بصوت عالي:ههههههههههههههه
عهود وعمر يطالعون بعض مستغربين:شفيه انهبل ذا


بعدها سكتوا

تركي: اقول عهود

عهود:نعم

تركي: ماودك تضيفيني

عهود"افففف":الا ..عمر

عمر: هلا

عهود: قوم ضيفه

عمر:طيب

وقام عمر وضيف تركي وطول الوقت سوالف مع تركي وانا جالسه العب بجوالي

تركي :عهود..عهود

عهود: نعم

قام تركي لها:تفضلي ومد ايده لعهود بكيس

عهود:ايش ذا

جلس جنب اخوها عمر وصار عمر بالوسط :اذا فتحتيه بتعرفين

ماعجبني قربه واشرت لاخوي انه يقوم ويغير مكانه معاي وقام عمر وهالمرة اجلسنا

بكنبه تكفي للشخصين وعند الباب وبينها وبين الكنب الثاني طاوله

تركي:ليه قمتي

عهود:...............

تركي مستغرب من تصرفها بس قال انه خجلانه منه:طيب مااخذتي الكيس

عهود: عمر جيبه

تركي: لا انت تعالي خذيه

رفعت حاجبي"كثر منها ياشيخ":لا مشكور ماابغى اجل

تركي وهو مبتسم :تعالي خذيه ماراح اكلك

عهود: عطه عمر طيب

تركي طقه عرق النذالة: وليه ماتجين انتي

عهود: .................

تركي حب ينرفزها: يعني انت خايفه مني

عهود :لا مو خايفه من قال

تركي: تصرفك يقول خايفه

بتحدي: لا مو خايفه

تركي: اثيتي لي انك مو خايفه وتعالي خذي الكيس

انحرجت وقمت خذت الكيس منه:شكرا

تركي مبسوط : العفو بس انشاءالله تعجبك

رحت رجعت مكاني

تركي "يالله مع اخوها متنح ولا راضي يطلع شلون اصرفه الواحد ماياخذ راحته ولا هي بعد

ماتعطي الواحد فرصة":عمر

عمر :سم

تركي: سم الله عدوك بس بغيت مويه

عمر :انشاءالله

تركي فرح بيخلى له الجو مع عهود بس قهره عمر لما داق علىامه وقال لها تخلي الشغالة تجيب الماي

وجابت الشغالة الماي وخذه عمر منها :تفضل

تركي :زاد فضلك

وتم ساكت"شكل السالفة طويلة والحبيب مو ناوي يروح "وطالع ساعته وشاف انه تاخر على المطار"

اقوم احسن لي " :يلا انا ماشي دبي اليوم وان شاءالله الفجر بكلمك اوكي

اكتفيت بهز راسي"أي كثر منها انت بس شف من بيرد عليك "

تركي : توصين على شئ

قرب تركي مني بيسلم علي ولما انتبهت له قمت بسرعه واطلعت من المجلس

قبل لا يقرب مني و لانها قريبه من الباب
وانا طالعة : لا ..مع السلامة وراحت

تركي مبتسم على باله انه حيا منه : الله يسلمك

وطلع من بيتهم وعالطول للمطار



 
قديم   #7

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

وبعد صلاة العشا تجمعوا خالتي وخوالي واهل ابوي عندنا

ام خالد"جدة عهود وهي ام ابوها وكانت تكرها هي وابوها"والله وكبرت ياعهيد وصرت مرة

فاطمة "عمة عهود":أي صادقة ياامي ولا هذي الي ماتبغى تتزوج بعد

ام خالد:ماصدقت اسمعت طاري الرجل ماتبغى تتزوج

عهود كنت مكتفية اعطيهم نظرات استحقر لاني عارفة ان تكلمت بتغلب السالفة على

امي وجدتي بتوصل الكلام لابوي الي يدور الزلة عليها وعلى امها


ام خالد:شفيك تطالعيني كذا لايكون كلامي مش عاجبك

عهود:لاسلامتك وقامت وراحت للغرفة الثانية"انا الغبية الي اجلس عندها يعني ماعرفها مع كلامها الي يغث "

نجود:عهود علامك

عهود:في غيرها ام ابوي وهذا جاية تبارك قولي جاية تغث

نجود:ياعمري لاتغثين عمرك كفاية الي جاك منهم

عهود:اه اه اه يانجود قاهريني

نجود:سلامتك من الاه انت عارفة انهم مقتهرين منك لانك رديت ولد عمك زياد

عهود:انا مستغربة انهم مافركشو الزواجة ذي

نجود:تلقينهم حاولوا وماقدروا

عهود:لولا الله ثم خوالي كان انا من زمان زوجته

نجود:حمدي ربك انك على ذمة رجال والنعم منه غير ولد عمك الصايع

عهود:الي مريحني انه صديق خالي هذا اكثر شئ مريحني

نجود: ومازلت مصرة على الي في بالك

عهود:اكيد انا مااقدر اتخيل نفسي تحت رحمة رجال شوفي حال امي وكيف انهنت من ابوي واهله ومازالت

نجود:طيب يمكن تركي غير

عهود:مستحيل كل الرجال كذا

نجود:طيب ابوي غير وعمامي بعد وهذا دليل ان مو كل الرجال سوا

عهود:هذا لوكانوا كلهم متربين على ايدين جدي "وتقصد فيه ابو امها"

نجود: يابنت الحلال لاتصيرين سوداويه

عهود:وشلون ماصير وانا اسمع واشوف الي يسونه بحريمهم شوفي خالاتي كيف رجالهم يتحكمون بالصغيرة والكبيرة بحايتهم وكانهم غنم صحيح انهم مايعملونهم مثل ماابوي يعامل امي بس هم انهم يستعرضون مرجلتهم عليهم وحتى خوالي مع حريمهم وابوك بعد تقدرين تقولين لي متى عطاكم الافراج من تحكمه ؟مش توه مفرج عنكم وهذا غير صديقاتي الي رجالهم مورينهم الويل هم وامهاتهم ياشيخة خلي الي بالقلب بالقلب ومهما حاولت ماتقدرين تغيرين قناعتي بهالشئ

نجود سكتت لانها عارفه عهود وراسها اليابس

وبعد العشا مشوا كلهم ماعدا نجود وفروحة بعد ماطلبت امي من اهلهم يخلونهم ينامون عندنا

وبعد صلاة الفجر والبنات باسطين بالفشار والشيبس والبيبسي وطبعا فلم السهرة الي سرقوه من غرفة اخوها
عهود وهي مندمجة بالفيلم الاتسمع رنة جوال :نجيد ردي على جوالك

نجود:لا هذا مو جوالي

عهود ونجود بنفس الوقت:فريح مطلعه لك جوال وماتقولين

فروحة:بسم علي كلتوني لا ماطلعت والله

عهود:اجل من جواله

فروحة:يمكن حد ناسيه

عهود:يمكن

فروحة:طيب وينه

وقاموا يدورن على الصوت وين مصدره وشافوا الصوت طالع من اليس الاحمر
فروحة:الجوال بالكيس

وانا تطلع الي بالكيس الاهو جوال كان هداية من تركي وكان نوعه نوكيا الملاح لونه

ابيض ومعلق فيه سلسال فيه حرفين كريستال taورجع دق مره ثانية حبيبي يتصل بك

عهود:لاوالله واثق الاخ مسمي نفسه هالاسم يخسي الاهو

نجود:طيب ردي

عهود:هئ هئ يحلم اكلمه ومن سمح له يجيب لي جوال انا عندي ومش محتاجة لحسناته

فروحة: ياخبلة ذا شئ طبيعي كل المتزوجين يطلعون لزوجاتهم جوالات غير الي عندهم لانها تصير باسميهم
عهود:وليه ان شاءالله

فرزحة:مادري هالبنت يطقها عقر بقر احيانا صح "وهي توجه كلامها لنجود"

نجود:هههههههههههه ايوه صح

فروحة:لان ياحبيبتي انت بكبرك تصيرين باسمه يعني الحين هو المسؤل عنك

عهود:ماحد طلب منه

نجود:حمدي ربك غيرك مايطلعون لهم الا اا رحوا عندهم ولا بعد احيانا يطلعون اخس جوال

حطيت الجوال عالصامت لانه ماوقف رن:اقول خلوه يولي في حد يدق هالوقت يلا بس نرجع لفلمناوكملت الفيلم ولا على بالي

اما تركي ظن انها نايمة وارسل لها مسج

افتحت المسج"اكيد نمت عشان كذا مارديت بس حبيت اقولك تصبحين على خير "

مالت عليك بس واثق الاخ اني مارديت عليه لاني نايمة

نجود:صحيح لاقالوا اصحاب العقول في نعمة

عهود:شب بس زين وقفلت الجوال

اليوم الثاني اخذ ابوي الجوال الي مطلعه لي وعطه اخوي لانه عرف ان تركي طلع لي رقم ثاني ماكان عاجبني
بس ماتقدر تقول لابوها شئ

واظطريت استخدم الرقم الي طلعه تركي له وتميت لمدةاسبوع مارد على اتصالات تركي ولا على رسايله

احد ماتشغاب علي ودق على صديقه وخالي بسام :هلا بسا اخبارك

بسام :تمام توك ماتذكرت ان لك صاحب أي من لقى احبابه نسى احبابه

تركي وهو قلقان على عهود خايف صاير لها شئ ومن غير مقدمات:بسام عهود بها شئ

بسام باستغراب: لا ليه

تركي :صار لي اسبوع ادق عليها وماترد اهلها فيهم شئ

بسام: لا كلهم بخير

تركي :اجل ليه ماترد على اتصالاتي لايكون يابسام غاصبيتها على

بسام:شهالكلام ياتركي انت عارف احنا مانسويها

تركي:اجل ليه ماترد ولا تقول تستحي هالشئ يتخطى الحيا

بسام: والله ماادري شقول لك ياتركي

تركي : قول يابسام خوفتني تكلم

بسام:الصراحة من غير مقدمات عهود متعقدة من الرجال
تركي: شلون
بسام: لاتخاف مو حاله نفسيه مثل اروى الي بمسلسل الحريم
تركي: بسام والي يرحم والديك مو وقت تنكيتك
بسام: شوف انا بقول لك السالفة وبعدها قرر اذا تبي تكمل معها ولا لا
تركي : طيب قول خلصني
بسام :وقاله عن ابوها وكيف يعامل امها ويعاملها و هي انطبع في عقلها شينة ومهما سوى من خير ماتقدر غير انه تكره وغير الي تسمعه من الحريم وصديقاتها عن ازوجاهم

بسام :وهذي السالفة ومافيها

تركي :طيب هي المفروض ماتخذ علاقة ابوها او غيرها مقياس

بسام :صحيح بس هي من كثر ماتسمع من صديقاتها وخواتي عن تصرفات رجالهم معهم صارت تكره الزواج

وتعتقد ان الزواج يربط حريتها وان اساسه اهانة للمراة وعارف ياتركي بتقول ليه ماقلت لك من البداية عن

عهود بس يمكن تقول انانية مني بس عهود كانت صج بتكره الزواج وحياتها بعد لان ولد عمها تقدم لها وكان

يبيها ومتمسك فيها وكان صايع حتى كلمة صايع اشويه عليه ومن بعد تدخلات منا انا واخواني رده ابوها ولا

كان ناوي يزوجها له

ولما قلت انك تبغى تخطبهاوكانك انت المنقذ لها لاني عارف طبعك صبور وحنون وانت الوحيد الي بتقدر تغيررايها بالزواج والرجال هو صحيح عليك نذالة بس يهون وصدقني عهود تستهل مو لانها بنت اختي
لانها بعد ماتتعرف عليها بتحبها لطيبتها وصدقها
تركي"وتعتقد اني للحين ماحبيتها" ساكت ولا قال كلمة

بسام:اسمع ياتركي انتوا مازلتوا عل البر وتقدر تنفصل عنها بس ابغيك تفكر قبل ويعدينقرر لاني ماقدر
اغصبك على شئ وصدقني ماراح يغير شئ بينا بتظل صاحبي واخوي

تركي : اوكي انا بفكر بالموضوع وبعدها برد عليك يالله مع السلامة

بسام: فمان الله

وسكر تركي وجلس يفكر يكمل مع عهود ولا لا وقطع تفكيره مسج وكان من عهود "السلام عليكم اخ تركي لوسمحت انا الصراحة ماتخيل نفسي زوجة لك اولغيرك عشان كذا مادام احنا على البر نفترق احسن لنا واعرف اني مش رافضتك لشخصك لان مواصفاتك تحلم فيها أي بنت بس انا لا لاني مافكر بالزواج ابد ولما وافقت قلت فرصة عشان لما تطلقني ماراح حد يتقدم لي احد والي عارفته من خالي انك متفهم فارجومنك تطلقني مثل مادخلنا بالمعروف نطلع بالمعروف وشكرا"

تركي "استجنت ذي لا اكيد جنت ولا في بنت مامر على ملكتها اسبوع وتطلب الطلاق "رسل لها"يازوجتي العزيزة انا مش اخ لك ولاعمري بكون لك غير زوج وبعدها ممكن اكون لك الدنيا كلها اوكي وبعدين عيب عليك طول الوقت الي مر وانا ادق عليك وما تردين وبعدها ترسلين الرسالة هاذي وانا ماتزوجت عشان اطلق فاهمة"

عهود بعد ماقرت الرسالة جنت "لا والله الظاهر ذا ميجي بالاسلوب الحضاري وارسلت له"اسمعني زين طلاق وبطلق فاهم وماانخلق رجال يمشيني بمزاجه وانا ماابيك "

وصل تركي المسج: لا صدق البنت استخفت ودق عليها مرة مرتين ثلاث واترد

رسل لها "عهود ردي خلينا نتفاهم "

ردت عليه "مافي شئ نتفاهم عليه ياخي ماابيك طلقني ماتفهم"

رد رسل لها "طيب ردي "
رسلت له"نجوم السما اقرب لك"
تركي:"لا تخليني اوصل السالفة لابوك"

وبعدها دق وبعد الرنة الرابعة رفعتها

تركي:واخير تكرمتي ورديتي يامدام

عهود:خير هذا انا رديت شتبي

تركي :الناس اول حاجة يسلمون يسالون عن الاحوال

عهود:وانا مارديت عليك عشان اسلم عليك انارديت لشئ واحد وهو الطلاق

تركي :انت صاحيه

عهود: واصحى منك بعد ماابيك طلقني تفهم

تركي باستهزاء: لا ماافهم

عهود:والله مشكلة الغباء

تركي :احترمي نفسك ولا تغلطين سامعة

عهود: لا ماسمع ويلا لاتكثر كلام انا قلت لك مارديت عليك الا عشان تطلقني

تركي : واذا ماطلقت

عهود:بطلق ورجلك فوق رقبتك سامع لاني مستحيل اكون زوجة لك

تركي بتحدي:سمعيني زين طلاق حلمي سامعه واسلوبك عدليه معاي ولا سنعته لك

عهود:تخسى الا انت

تركي فور وحس انه اذا طول معها بيتهور:الحين انا بسكر لاني مالي خلق لبزارتك
ولما ارجع لسانك ها اسنعه لك
وسكر على طول من غير مايسمع ردها

عهود"ال***** يسكر السماعة بوجهي ودقت عليه بس هالمره هو الي حاقرها ومارد عليها
وبعدها دق على ابوها وطلب منه تعجيل العرس وانه يبيه بعد شهرين ووافق الابو وبعدها كلم اخوه وطلب منه يحجز له قاعة بهالموعد ووصله مسج منها "ياثور طلاق بطلق سامع "

تركي كان وده تكون جنبه عشان يعطيها ذاك الكف الي يسنعها بس من حظها انه مش قريب منها ورسل لبسام ان بيكمل مع عهود وبعدها رسل لعهود"جهزي نفسك بعد شهرين بالتمام بتكونين عندي واربيك من اول وجديد هههههههههه باي " وعالطول قفل جواله لان ماله خلق لسخفاتها

ولما وصلها المسج:مش على كيفك يالحقير ودقت عليه ولقته مقفل وجلست تشتم فيه لحد ماغلبها النوم ونامت



وبعدها خلص تركي دورته ورجع وبدى يجهز لزواجه من عهود اما عهود ولا تحركت من مكانها وامها حاولت معاها تروح السوق تجهز نفسها بس هي عندت ومارضت فما لقت
امها غير نجود تعونها لانها عارفه بنتها عنيدة وماتتراجع عن كلمتها وغير كذا نجود
ذوقها من ذوق عهود

يوم الخميس بعد صلاة العشا جى تركي لعهود وكانت ناوية ماتطلع له بس ابوها موجود معه
لبست لها بنطلون جينز ابيض مع بلوزة نص كم بيضاء وفوقها بدي طويل على شكل فستان
ماس عند الخصر بعدها يوسع وكان لونه وردي اما شعره فرفعته وحطت غلوس مع كحل
وراحت المجلس كان ابوها وتركي موجودين راحت لعند تركي ومدت ايدها :السلام

تركي :وعليكم السلام

عهود: الحمدالله على السلامة

تركي: الله يسلمك

سحبهاتركي بنذالة منه وجلسها جنبهلانه عارف ماتقدر تقول شئ او تبعد عنه بسبب ابوها كانت تخاف
منه بشكل مو طبيعي وتكره كره العمى
جلس تركي يسوالف ع ابوها وطو ل الوقت ماسك ايد عهود وهي تحاول تفكها بس ماقدرت

بعدها بفترة طلع ابوها واول ماطلع فزت من مكانها وجلست على ابعد كنبه

تركي عطها نظرة :ماظنتي مجروب

عهودعطته طاف:...............

تركي حب ينرفزها :ماراح تضيفينا

عهود"شكله ذا راعي طويلة ":اففف

تركي: لاتأففين

عهود:كيفي

تركي :وهاللسان طلع بعد ماطلع ابوك وانا توقعت انك عقلت

عهود:الحمدالله عاقله قبل لاشوفك

تركي :واضح

راحت وجابت القهوة والشاي ومعه حلا وحطتهم على الطاولة وجابت لها عصير لانها
ماتشرب شاي اوقهوة وخذت لها من الحلا وجلست

تركي جلس يطالعها باستنكار:الي اعرفه ان من الذوق انك تضيفين الضيوف

قبل لا تضيفين نفسك صح

عهود: صح بس هذا لو كانوا الضيوف مرحب فيهم

تركي :اقول عن قلة الذوق وصبي لي قهوة

عهود"لاوالله جلس يتأمر حضرته:على ماظن عندك يدين تخدم فيه نفسك

تركي "صدق بزر هالبنت بترفع لي ظغطي":والله لما تكون مرتي عندي
ليه اتعب نفسي

عهود:وليه متزوجني خدامة انت ووجهك

تركي تنرفز :لسانك قصريه والمرة لاخدمت زوجها مو معناتها تصير خدامة

عهود:هذا لما تصير المرة تحب زوجها لكن انا ماحبك ولاعمري بحبك مو لانك انت
لاني ماعترف بشئ اسمه حب ولان بين المرة والرجال وخاصة السعوديين مايكون بينهم
حب اكثر مايكون حب للسلطة من الرجال

تركي"الله يعيني على مابلاني":غلطانة

عهود: لامو غلطانة ولاتتعب نفسك وتحاول تقنعني بشئ عمر ماراح اقتنع فيه
وبعدها ناظرت ساعتها وقامت

تركي :على وين

عهود"افففف ياثقل دمك":برجع

وطلعت وتم تركي ينتظرها ربع ساعة وماجات وبعدها ربع ساعة ثانية
"وين راحت "دق على جوالها ولقاه مقفل الا يدخل عليه اخوها عبدالله

عبدالله:هلا بالنسيب تو ماانور البيت

تركي وهو يسلم عليه:بوجودك

عبدالله:الحمدالله على السلامة

تركي :الله يسلمك

وجلس يسولف معه

 
قديم   #8

تلميذة الزمان


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

موضوعك جد حلو كتير

 
قديم   #9

lola lola


Thumbs up رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

شكرا ليكى على القصة

 
قديم   #10

الحياة حلوة


رد: روآيه : مستحيل احبك مستحيل اعيش من دونك ..


روآية : مستحيل احبك مستحيل اعيش من دونك ..

وهذ البارت الرابع واتمنى يعجبكم

[الجزء الرابع]

عبدالله: الا وين عهود عنك

تركي : والله مادري قالت بتروح وترجع من نص ساعة وماشفتها

عبدالله: عن اذنك اروح اشوفها لك

تركي : اذنك معاك

وراح عبدالله يدور اخته وشاف البنت باسطه بالصالة والبيبسي بيد وكيس الشيبس
بيد وتتفرج على مسلسلها نور

عبدالله متكتف: الحين رجلك بالمجلس وانت تتفرجين على هالخرابيط

عهود ناظرته وعطته طاف وكملت:..........

عبدالله :عهود عيب عليك قومي لزوجك والمسلسل لاحقة عليه

عهود: وهو لاحقه عليه

عبدالله :استحي ويلا قومي

عهود:ماراح اقوم وماحد قاله يجي عند موعد مسلسلي

عبدالله: لا حلفي انت بس شرايك نعطيه جدول عن مواعيد برامجك

عشان مايقطع عليك ويجي

عهود: فكرة حلوة

عبدالله :انثبري بس ويلا قومي

عهود بعناد: ماني قيمه

عبدالله وهو يهز راسه: الله يعينك على ماابتلك ربي ياتركي

عهود لوت برطمها:اخلص بس خلني اكمل مسلسلي

عبدالله وهو رافع ايدينه:يالله لا تبليني بواحدة مثلها

عهود وهي تطالعه بنص عين: والله اذا كان الي بالي صحيح فهي
مثلي باظبط

عبدالله بارتباك: قومي لا يكثر بس

عهود: قلت لا يعني لا

راح عبدالله لتركي وقاله السالفة كلها تركي استئذان من عبدالله انه يدخل
لها وبما انه مافي حد يتغطى عنه دخله

ولما دخل شاف البنت مندمحة ولا على بالها

تركي وهو يخفي غيظه : الحين انتي يقليلة الادب زوجك صار لك شه ماشفتيه

ويوم اجي لك تجطليني عشان مسلسل

عهود شرقت بالبيبسي ماتوقعت انه يجيها

عهود: والله مسلسلي وماافوته والمفروض تدق قبل لاتجي

تركي : والله انادقيت واخذت الان من راعي البيت

عهود: خلاص اجلس مع راعي البيت


وفجأة دخل ابوها بصوته العالي:عهيد ووجع ان شاءالله هاده رجلك وجالسة تتفرجي
على خرابيطك

عهود قلب وجهها الوان من الخوف :يبه..انا انا

تركي تدخل بعد ماشاف وجهها صار اصفر من الخوف وخاف يجيها شئ:لا ياعمي
انا الي قلت لها نجي هنا لما قالت لي عن المسلسل قلت ابغى اشوفه يمكن يعجبني

ابو عبدالله: لا تعطيها وجه ياتركي ترا بكره تمصخها اسالني الحريم ما ينعطون
وجه

عهود انقهرت من ابوها وكان ودها تروح لغرفتها بس خافت منه

ابوعبدالله صرخ:عهيد

عهودلصقت في تركي وتمسكت بايده من الخوف: نعم

ابو عبدالله: يلا ذلفي وسوي عشا لرجلك

عهود توها بتتكلم قاطعها تركي:لا ياعمي ما يحتاج توني موصي المطعم على العشاء
وبيوصلونه هنا

ابو عبدالله : ليه تخسر نفسك والخير هنا كثير

تركي : لا خساير ولا شئ وخيرك واصل

ابو عبدالله :على هواكم

تركي : عهود قومي وصليني لدورة المياه

قامت عهود معه ووصلته بعدها طلع تلفونه ودق على المطعم ووصف لهم البيت وبعدها
رجعوا للصالة وهو ماسك ايده وجلس وجلسه جنبه

وصل العشا وتعشو بعده استئذن تركي وهو طالع وقفه صوت ابوها:وانت ياغبية
ماتعرفين السنع قومي فزي ووجع وصلي رجلك

عهود خلاص ماقدرت تمسك دمعتها الي خانتها ونزلت غصب عنها:ان شاءالله

راحت لتركي وكان واقف عند الباب وبيطلع: يالله مع السلامة توصين على شئ

عهود اكتفت بهز راسها بمعنى لا لانها لو تكلمت بتصيح

تركي حس فيه وحبها على راسها وطلع
عهود تفجئت من حركته وعلى طول راحت لحجرتها عشان ماتشوف ابوها



وهو في السيارة وصله مسج من عهود "الله يخليك لا عاد تجي عندنا واعتبره طلب مو امر
واحنا خلاص مابغى شئ على زواجنا "

تركي تفهم موقفها ورسل لها "انت تامرين مو تطلبين "

عهود استغربت منه توقعته بيعاند وبيرفض طلبها وحمدت الله انه وافق على طلبها


بعد يومين دق تركي على خالها بسام

بسام: هلا بالنسيب

تركي : هلا بك شعلومك

بسام: تمام وانت

تركي : الحمدلله بسام انت مشغول

بسام :لا في شئ

تركي :لا مافي شئ بس بغيت تقولي عن ابو عهود

بسام :ليه

تركي :قال لبسام الي صار لما كان عند عهود

بسام : وهالرجال مايجوز عن طبعه دايم كاسر خاطر هالبنت

تركي : يعني هذا شئ عادي عنده

بسام : ماشفت شئ اذا عصب ماحديقدر يسكته

تركي بحمية : وان شاءالله يمد يده عليها

بسام : احيانا

تركي"وقص في ايديه ":وامها

بسام: كان اذبحه

تركي :ليه هو كذا

بسام: طول ماامه السوسه واخوانه وراه بيتم كذا

تركي : يعني اهله الي يشيشونه

بسام عليك نور

تركي: متنلام البنت اذا تعقدت

يسام: هذا الي تشوفه

تركي: طيب ليه عطيتوه اختك

بسام : لانه ولد عمتنا

تركي : اها

بسام : توقعنا بيعزها لانه من دمه ولحمه بس حتى صلة الرحم ماشفعت

لها

تركي : ومازال حاله كذا

بسام: لا الحين احسن من قبل لان اختى بالبداية ماكانت تقول لنا على الي

يصير معها لكن بعد ماتجرء ومد ايده عليها تكلمت وقالت لنا عن كل فعياله

فيها وعيالها قاموا عليه اخواني وابوي ووصلت السالفة للطلاق بس بعدين

توسطت له عمتي وهو حلف انه مايعيدها وبعدها خفف من حدته معاهم بس

بس بعد ايش عقب ماكره البنت في الرجال تصدق جاتها فترة كانت ماتطيقنا

ولاتحب تجلس معانا ولما جلسنا معاها وشوي شوي لما وثقت فينا بس ما
تنلام البنت هي شافت الويل على يدينه هو واخوانه بعد

وغير كذا هو قطعهم عنا من وهم صغار وماشفناهم الا من خمس سنين
عشان كذا اقولك ياتركي راح تتعب كثير على ما تثق فيك وبطلع

عيونك ولاتنسى بعد لسانها الي ينقط عسل

تركي:ههههههههه عارف لاني جربت منه شوي

بسام:بللل بنت اختى ماعندها وقت هههههههه

تركي : أي اضحك ان شاءالله مرتك مثل حلات مرتي

بسام: اذا مثل حلاها أي لكن مثل لسانها الله لا يقولها ياشيخ لاني بذبحها

لاني افور بسرعة ولا اقدر امسك نفسي مثلك يالحبيب

تركي : الله يعين ياشيخ يلا ماطول عليك سلام

بسام :انت ووجهك داق على عشان حبيبة القلب وانا الي على بالي داق علي

تسأل عني

تركي : احمد ربك ذاكرك الين الحين بنت اختك تخلي في احد عقل ويلا لا

يكثر سلام

بسام:هههههههه سلام



مابقى الا ثلاث اسابيع على العرس راحت عهود مع امها الخبر عند خالها

ترتب اغرضها بشقتها الي بالدمام ورفضت تروح مع امها ومرت خالها

بس عشان ماتشوفه وطلبت من عمر يصور لها الشقة


اما تركي كان مبسوط على باله انه بيشوفها لكن ظنه خاب لما ماجات

معاهم

اما عمر كان فرحان لقى شئ يتكسب فيه من عهود وما ارسل لها

الصور الابعد ماخذ منها المقسوم وعهود وهي تتفرج كانت مدهوشة

انها ماتوقعت ان عنده ذوق كانت شقتها بعمارة ابوه وهو الي اشرف

على ترتيبها وكان كل شئ على ذوقه

الشقة مكونه من غرفتين نوم الغرفة الرئيسية كانت مصبوغة بالون

العنابي المعتق والجدران يتخللها رسومات زخرفيه اما اثاث الغرفة لونه بني غامق

كان شكل الغرفة جنان اما الغرفة الثانية خلها غرفة تبديل الملابس او

اذا جاهم ضيوف يجلسون فيها اما الصالة ماكانت وسيعة مرة كانت مناسبة لهم

ومزودة بتلفزيون مسرحي

وحمامين ومجلس وكان كل ترتيبة واثاثه رهيب


بغى اسبوعين على الزواج وتركي ماشاف عهود ولا كلمها بس يرسل لها مساجات

وعهود ماترد علبه بس هو مايأس لانه عارف انه صعب يكسب يكسب ثقتها

وراح يبين لها ان مو كل الرجال مثل ابوها وهو مستحيل يتخلى عنها تعلق فيها

من اول ماشاف دمعتها عرف ان ورى هالقناع الي حاطته بطوالة لسانها

وصدها له وعلى كبر سنها الا انها طفلة انحرمت من الحنان والي خله يتاكد من احساسه

يوم تمسكت فيه بكل قوتها وصمم انه يزيل قناع القسوة الي لابسته

 




الساعة الآن توقيت السعودية الرياض و الدمام و القصيم و جدة 01:58 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0