ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > الحمل و الولادة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الحمل و الولادة تجربة حول اطفال الأنابيب قصة حقيقية .... يوجد هنا تجربة حول اطفال الأنابيب قصة حقيقية .... متابعة الحمل و طريقة العناية بالطفل و الولادة و اسرار المرأة الحامل افضل نصائح للحمل و الولادة للمرأة العربية

فساتين العيد


 
قديم 05-26-2009, 02:42 PM   #1

اميرة وتاج راسنا

عضوة شرفية

الملف الشخصي
رقم العضوية: 26133
تاريخ التسجيـل: Jul 2008
مجموع المشاركات: 33,577 

17814160981555945845 تجربة حول اطفال الأنابيب قصة حقيقية ....


تجربة حول اطفال الأنابيب قصة حقيقية ....

 28\/1 كان اول يوم من الدوره رحت للطبيبه في


28/1 كان اول يوم من الدوره رحت للطبيبه في مركز الدكتور وشرحت لها حالتي أعطتني ابره اخذها في يوم 23من الدوره وقالت ثاني يوم من الدوره الجايه تعالي 17/2،اخذت الأبره المغرب من بكره العصر جتني الآم فظيعه مثل الم الدوره بس اقوى وتقلصات في بطني من قوتها احيانا ما اقدر اصلب ظهري لازم انحني واستمرت معي اربع او خمس ايام،27/2 اول يوم من الدوره 28/2 ثاني يوم رحت للمركز وما لقيت الطبيبه كانت ماخذه إجازه حولوني على الدكتورآخر صراحه ماشاء الله عليه فاهم وتحمل كل اسئلتي،وبعد هو سئلنا كم سؤال طبعا كنت انا وزوجي،طلب اشعه صوتيه من تحت يعني عادي يسونها وانتي فيك الدوره الأشعه وكان تعامل الممرضات مره حلو،(ميزة المركز ان كل شي بالسر يعني اول ماتدخلين يعطونك رقم انتي وزوجك وخلاص ينادونك بالرقم )وشاف الأشعه كتب لي ابر بيروجين شريتها من عندهم .

اول ابره اخذتها عندهم باقي الأبر صرت اخذها في المستوصف الي عند بيتي 7/3 بعد اسبوع رجعت للدكتور وسوى اشعه بنفس السعر ميتين ريال وقال خذي ابر زياده اربع ايام وعطاني نوع ثاني من الأبر يعني صرت اخذ النوع الأول في العضل والنوع الثانيProfasi or Pregnyl في الكتف صار المجموع 11يوم10/3 رحت له وسوينا اشعه مره ثالثه وقال كل شي تمام وقالي تاخذين الأبره التفجيريه بعد بكره الساعه ست الصبح وهذي لازم بنفس التوقيت الي يقوله الدكتور 12/3.

اخذت الأبره التفجيريه الساعه ستة الصباح 13/3 الثلاثاء رحت من الساعه 3العصر علشان السحب طبعا هم راح يعطونك تعليمات تمشين عليها من ضمنها انك توقفين عن الجماع اقل شي ثلاث ايام قبل السحب إذا جاء يوم السحب ودخلتي المركز ياخذون الوزن والضغط والحراره بعدين يدخلونك غرفة نوم في وسطها حمام انا تفاجئت فيها هذي الغرفه علشان زوجك يسوي العينه بصراحه إنا كنا شايلين هم هالموضوع لان بيتنا بعيد ما يقدر زوجي يسوي العينه هناك والمشكله وقت الصلاة كيف راح يغتسل لكن الحمد لله
وبعد فيه تعليمات راح يقولونها لك يعني راح يعطونك علبه خاصه إذا خلصتوا المختبر حق العينات جنب الغرفه على طول تعطينهم العينه بعدين راح تنتظرين شوي راح ينادونك ويدخلونك قسم خاص حتى زوجك ماراح يدخلونه ووضحي لزوجك هالشي وراح تقعدين حوالي ساعه ونص لان انا ماكنت ادري ودخلوني بغى زوجي ينهبل مايدري وش صار علي وحاولي ماتاخذين معك اغراض او لو معك شي تخافين عليه عطيه زوجك.


إذا دخلتي القسم راح يدخلونك غرفه صغيره مافيها إلا سرير حتى التلفزيون مافيها راح يعطونك لبس للعمليات وراح تشيلين كل ملابسك هذا اللبس مفتوح من ورى لكن راح يعطونك شرشف تلفينه عليك وراح يقولون روحي للحمام لازم تكون المثانه فاضيه علشان كذا لا تكثرين مويه ذاك اليوم راح يعطونك ابره في العضل وراح يحطون ابره في يدك علشان يحطون لك مخدر فيها
وراح تستنين في هذي الغرفه علشان كذا لو تاخذين مصحف صغير علشان تقرين يروح عليك الوقت مو مثلي طقني الهم مافي شي اسويه بس قاعده ادعي واستغفري.

بعد كذا راح ينادونك لفي الشرشف عليك وتروحين لغرفة العمليات تنامين على السرير وراح ينظفون المنطقه الحساسه بمويه وراح يحطون عليك شراشف العمليه راح تكون حاره إذا جهزوا كل شي ودخل الدكتور يبدون يحطون المخدر في يدك راح تحسين بحرارته شوي بعدي بتحسين الدنيا تلف يبدا يشتغل الدكتوروكان كلما سحب بويضه عد يعني ون تو ثري فور بعدين زاد الألم قعدت ابكي عطوني جرعه ثانيه ترى كلها اقل من عشر دقايق من يدخل الدكتور ويطلع انا سحبوا مني سبع بويضات بعدين إذا طلع جابوا السرير وقالوا انتقلي للسرير الثاني ورجعوني للغرفه الي كنت فيها قعدت نص ساعه دخلوا زوجي لأنه اشغلهم بعدين صحيت شوي ولبست ملابسي وطلعنا قالي الدكتور بعد يومين خذي الدافستون حبتين مرتين في اليوم كنت احس بألم زي الم الدوره.
...


اخذت بنادول وسويت دخون عباره عن كمون وقشر بصل وكسرة ريحني كثير وصرت اشرب اعشاب نعناع ومراميه هذا يوم السحب وقالوا راح نتصل نعلمكم كم جنين تكون كلموا الإربعاء وقالوا تكون جنينين والله ماتتصورون وشلون فرحتي 15/3 الخميس بديت الدافستون 17/3 السبت رحت العصر نفس الشي خذوا الوزن والحراره والضغط وجلست انتظر دخلوني القسم وبدلت ملابسي وجلست انتظر.

بعدين نادوني لازم المثانه تكون نص مليانه يعني ودك تروحين للحمام بس مو مره نمت على السرير نفس الخطوات تعقيم وحطوا الشراشف بس هالمره خلوا بطني مكشوف علشان الأشعه الصوتيه دخل الدكتور وراني صور الأجنه الثلاثه وعطاني اياها
بعدين سوى كشف نسائي عادي ماراح تحسين بشي والممرضه تسوي الأشعه وانتي تتفرجين على الشاشه يوم جى ينزل الأجنه قال لي قولي بسم الله قلت بسم الله وعيوني تدمع ما ادري هل كنت فرحانه او كنت خايفه المهم كان شعور غريب بعدها طلع ورجعوني على السرير ورجعوني على الغرفه قالوا ربع ساعه وتطلعين وكتب الطبيب


الدافستون وابره اخذتها بعد ست ايام.

وقال مارسي حياتك طبيعي إلا الجماع توقفين عنه لمدة سبع طعشر يوم ولا تشيلين شي ثقيل وبعد 16 يوم سوي التحليل بعد ماطلعت
سافر زوجي ورحت لأهلي طول الوقت نايمه بس كان يطلع معي إفرازات واحيانا نقط دم بس عادي لا تهتمين فيها وكثري استغفار و الدعاء ونسيت شي اسمه طلعات ولا تكثرين طلعت الدرج اهم شي 22/3 اخذت ابره التثبيت 1/4 سويت تحليل دم والحمد لله طلعت النتيجه بوستف صح ترى قبل سويت تحليل في البيت ماطلعت لي نتيجه وضاق صدري بس ماعلمت زوجي قلت لين اتأكد من الدم كلمت المركز وعلمتهم بالنتيجه قالوا ارتاحي واستمري على الدافستون وامتنعي عن الجماع نهائي وارتاحي.

طبعا الأيام الي قبل كانت بطيئه جدا وكان كل يوم يمر اكتئب اكثر واكثر طبعا نفسيتي كانت مره سيئه لو احد يقول جيبي كاس مويه جلست ابكي كنت احس بالام في ظهري فكنت اسخن زيت زيتون وادهن ظهري به كنت احس بألم في صدري وغثيان كان فيه شعور داخلي يقول اني حامل لكن ما ابي اصدق اخاف مايكون فيه شي وانصدم اكثر شي كنت شايله همه الي حولي زوجي واهلي وام زوجي كنت اخاف اصدمهم بالنتيجه لكن الحمد لله 19/4.

رحت للمركز الساعه عشر علشان اسوي الأشعه دخلت لحالي كان ودي زوجي معي بس الغرفه صغيره و
كلها ممرضات سوت اشعه لي من تحت كنت خايفه وشلون يقولون مافيه جماع وتسوي الأشعه من تحت وكانت تدخله بقوه فكان ودي اضربها ليش ماتحس فيني هذا اول حمل لي راح تضيعه بكل هالسهوله لكن يوم بدت خلاص نسيتها ونسيت الي حولي كلهم ما اعاد في هالدنيا إلا انا والي قدامي على الشاشه، طبعا كانوا اثنين كل واحد في كيس بس جالسه اتفرج عليهم لا ويوم سمعت دقاتهم دموعي تنزل وانا بس اناظر واحمد ربي بعدين وقفت قالت خلاص بس بكل هالسهوله يبوني اطلع كان ودي اقعد ماعاد اطلع ابد عطتني صوره لهم وطلعت على طول ولايتها زوجي طبعا هو مافهم وش السالفه لين قلت له انهم اثنين حساب الأشعه كان 350لأنه اشعة حمل على كلامهم بس لو قالوا بخمس ميه عطيتهم الي يبون دخلنا على الدكتور.

طبعا انا ماني لمه بس ابي اطلع ابي اعلم اهلي ابي كل الناس يدرون ابي الي شالوا همي وفكروا فيني يدرون ويشاركوني فرحتي قالي استمري على الدافستون طلبت منه انه يغيرها لأني كرهتها عطاني تحاميل اسمه سايكلوجست 400 استمر عليها لين الأسبوع الرابع عشر وقالي ارتاحي وقال لحد هنا نوقف روحوا لطبيبه نساء وتابعوا الحمل عندها هو مايسوي متابعة حمل طبعا رجعت للبيت كلمت اهلي وعلمتهم لكن المفاجئه انهم طلبوا مني ما اعلم احد ابد لا .

كانت اختي والده والناس داخلين طالعين الي تدعي والي تناظر ما احد حس بشي وكان هالشي مضيق صدري مره ودي احط إعلان احيانا احس كاني مسويه شي غلط مو كاني حامل وهذا اول حمل لي لكن الحمد لله اولا واخيرا العمليه كلفت علينا مع المثبتات تقريبا 12000ريال استمريت في المراجعه والحمد لله كل شي طبيعي وانا الحين في بداية السادس وهذا قصتي اتمنى فعلا ان احد يستفيد منها ولا تنسوني من دعواتكم ان الله يتمم علي حملي.


منقولة للاهمية

مواضيع ذات صلة
دولاب الاكسسوارات بالمرايا للمميزات والعرايس
الرجوله عند الدلوعين هع
12 فكرة .. لتهيئة ابنتك لاستقبال أول يوم في الدورة الشهرية
فناانه اسبانيه تحول الكتب القديمه الى .....!!
يوم ميلاد زوجي قرب ...واحتاج الى افكاركم
هل تريد ان يصبح وجهك كالقمر يوم الحساب
قبل أن يتحول الخجل إلى مرض!
ارجو الدخول عاجلا .............................



 
قديم 05-26-2009, 02:43 PM   #2

اميرة وتاج راسنا


رد: تجربة حول اطفال الأنابيب قصة حقيقية ....


تجربة حول اطفال الأنابيب قصة حقيقية ....










 
قديم 05-26-2009, 07:23 PM   #3

الوردة الشفافة


رد: تجربة حول اطفال الأنابيب قصة حقيقية ....


تجربة حول اطفال الأنابيب قصة حقيقية ....


 
قديم 05-27-2009, 06:30 AM   #4

اميرة وتاج راسنا


رد: تجربة حول اطفال الأنابيب قصة حقيقية ....


تجربة حول اطفال الأنابيب قصة حقيقية ....


 
قديم 05-27-2009, 01:40 PM   #5

أم آلاء


رد: تجربة حول اطفال الأنابيب قصة حقيقية ....


تجربة حول اطفال الأنابيب قصة حقيقية ....

جزاك الله خيرا

 

أدوات الموضوع



الساعة الآن توقيت السعودية الرياض و الدمام و القصيم و جدة 06:50 AM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0