بس حبيت اخذ رايكم في شغلة بسيطة و ياليت لو تجاوبون فيها
لو مثلا انتي كنتي طفشانه ونايمه الظهر ويوم صحيتي لقيتي اهلك صاحين وجالسين يتغدون قمتي جلستي معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبروك يابنيتي
انتي : مبروك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تصور مع خشتك
انتي : يعني تبي تخطبني (بريئة مرة )
امك : ايه وش قلتي
انتي : مابغى اعرس (مسوية قوية وماهمك)
امك : طيب برسله لبنت خالك ( حشا صار ايميل مو ولد )
انتي : ياحليلك يمه تراني امزح على طول تصدقين
(عاد انتي ماصدقتي يجيك واحد يخطبك ) خخخخخخخخ
المهم بعد يومين دقت ام المعرس
ام المعرس : الو (متحمسة) ولدها جنبها
امك : الو
ام المعرس : وشلونكم
امك : طيبين
شكلي بطولها (صارت مكرونه بالباشميل )
ام المعرس : وش قلتوا
امك : موافقين
ام المعرس : اجل ترى يوم الخميس بيجي ولدنا يشوف بنتكم
امك : اوكي ( عادي امك متطورة )
المهم خلصو وانتي بدا قلبك يقول طربق طربق طربق اليوم الاثنين ويوم الخميس قريب
سؤالي هنا ابغى اعرف وش بتسوين من يوم الاثنين للخميس ويوم الخميس بالذات وش بتسوين ؟؟؟؟؟؟؟
سؤال محرج للبنات
