ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > التعامل مع الزوج و العلاقة الزوجية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
التعامل مع الزوج و العلاقة الزوجية ادخلي وشوفي الفرق يوجد هنا ادخلي وشوفي الفرق العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين


 
قديم 07-04-2009, 11:03 PM   #1

جميله المصريه

:: كاتبة مميزة ::

الملف الشخصي
رقم العضوية: 44797
تاريخ التسجيـل: Jan 2009
مجموع المشاركات: 724 

11633831441487246193 ادخلي وشوفي الفرق


ادخلي وشوفي الفرق

--------------------------------------------------------------------------------


ادخلي وشوفي الفرق بين أبوكي وجوزك ونصيحة للي متجوزتش ما تفكريش في كدة هههههههههههـــــــــــ

مع ابوكى .. دخلتى المطبخ ما دخلتيش .. كله واحد وممكن باباكى يساعدك ..
انما مع جوزك .. مش بمزاجك .. ها تدخلى .. هاتدخلى ..

* مع ابوكى .. فى العيد بيديلك العيديه وفوقيها بوسه .. لكن مع
جوزك .. بيقول انت خلاص كبرتى على الحاجات دى

* مع ابوكى .. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

* مع ابوكى .. بتشترى هدومك ومكياجك وكل اللى انتى عايزاه .. ويقولك حلو قوى عليكى ..
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى

* مع ابوكى لو حصل وكنتى زعلانه .. بيزعل عشانك .. لكن
مع جوزك .. بيزعل منك .. ويلومك ازاى تزعلى اصلا


* ابوكى .. كلمه حلوه ترضيه ..
وجوزك .. طول الليل تحايلى فيه.

* ابوكى.. وانتى عيانه .. سهران جنبك طول اليوم ..
انما جوزك بيروح ينام فى الاوضه التانيه.

* ابوكى.. لما تكونى فى مشكله .. بيسيب كل اللى وراه ويتفرغ لمشكلتك ..
وجوزك .. بيحط مشكلتك اخر بند فى اجندة يومه.

* أبوكى .. لما تدلعى عليه .. بيفرح بيكى ..
انما جوزك .. بيقولك ..اكيد عايزه حاجه .

* ابوكى.. لما تقولى له .. ده حصل كذا وكذا .. بيهتم ويصدقك ..
انما جوزك .. بيقولك .. الموضوع دا وراه ان .. ويشك فى كلامك.

* ابوكى .. لو شافك بتعيطى ها يمسح دمعتك ..
انما جوزك .. ها يقولك يادى النكد .

* مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) ..
لكن جوزك .. ها يقولك شكلك زى عروسة المولد .

* مع ابوكى .. لو طلبتى دوا من الصيدليه . جرى ها ينزل يجيبه ..
لكن جوزك ها يسالك بكام.

* مع ابوكى .. نفسك تخرجى مع صحباتك .. ها يقترح عليكوا تروحوا فين.. ويجى يوصلك كمان ..
لكن جوزك .. ها يقول مالوش لزوم .. والبيت ماله

* ابوكى .. لو طلب منك كوباية ميه .. بيقولك لو سمحتى عايز ميه ..
انما الرخم .. بيقولك قومى هاتى ميه.

* لو ابوكى نايم .. وانتى صاحيه لسه وعامله شوية دوشه .. ما بينطقش ..
لكن جوزك .. صوت زعيقه ها يسمع الشرق الاوسط كله

* ابوكى.. فى كل الاحوال بيتناقش معاكى ..
جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح.

* لو بتتفرجى مع ابوكى على التليفزيون ... ها يسيب لك الحريه تتفرجى على اللى انتى عايزاه ..
لكن المحروس .. مافيش قدامك غير يا الاخبار يا الكوره .. يا ميلودى

* ابوكى لو نازل مشوار .. بيعمل ليكى اعتبار ويديكى خبر ..
لكن جوزك .. بيختلس عدم وجودك قدامه عشان ينزل من وراكى.

* ابوكى دايما شايفك حلوه ..
جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

* لو محتاجه فلوس فى حاله طارئه .. ابوكى ها يديكى من عينيه ..
لكن جوزك .. ها يقولك خدى من ابوكى

* لو جالك مكالمه غلط على موبايلك.. ابوكى ها يقولك حصل خير ..
لكن جوزك .. ها يتهمك بالخيانه ...

* لو جبتى كحكه اخر السنه وطلعتى بماده .. ابوكى ها يشجعك ويهدى اعصابك..
لكن جوزك.. ها يقولك .. يا ادى المصاريف اللى مالهاش لازمه

* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه ..
لكن جوزك ها يقول معلش انا لازم ابلع او ها يقسمها معاكى

* لو غصب عنك صوتك على على ابوكى .. هايلومك بذوق ..
لكن جوزك ها يسمعك قاموس شتايم

* لو اتزحلقتى على الارض .. ابوكى ها يجرى يشيلك ..
جوزك ها يقعد يضحك ويقولك ما انتى اللى مش منشفه الارض كويس منك لله يا اخى

* لو نفسك تغيرى مكان السجاده .. ابوكى ها يقوللك عنك دى تقيله عليكى..
لكن جوزك ها يقولك مش ضرورى وجع القلب دا

* لو عامله عزومه لاصحابك فى البيت .. ابوكى ها ينزل ويقولك خليكوا براحتكوا ..
لكن جوزك ها يشترط مين اللى يجى او ها يرفض من اساسه

* ابوكى.. ممكن يكتبلك حاجه باسمك.. او يحطلك مبلغ فى البنك ..
جوزك .. لا لا لا يمكن نفسه تطاوعه على الفعله الشنعاء دى

* لو العربيه عطلت بيكى .. ابوكى.. ها يقولك اقفليها وتعالى وانا ها اتصرف..
جوزك .. ها يقولك متركبيش العربيه تانى

* لو ابوكى شافك بتتخانقى فى الشارع مع واحد .. ها ينزل يقطعه ..
لكن جوزك .. ها يقولك انتى قليلة الادب

* لو حكيتى لابوكى على واحد عا*** .. ها يقولك معلش .. وبعدين عنده حق .. انتى جميله
انما جوزك .. ها يقولك انتى اللى ماشيه مش محترمه

* لو مقدمه على شغل .. ابوكى.. ها يوصى عليكى طوب الارض ....
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. ها يصالحكوا على بعض ..
لكن جوزك .. ها يقول خليهم يولعوا دول عيله عجب

* لو عندك مشوار والبيت ما فيهوش غير عربيه واحده.. ابوكى.. ها ينزل يروح مشواره بتاكسى ويسيبلك العربيه ..
لكن جوزك.. ها يقولك استنى لما اخلص اللى ورايا وارجع انام وابقى خديها بعدين ( يكون الميعاد طبعا طار )

* مهما ابوكى كان متضايق .. لا يمكن تكلميه وتلاقيه مكشر ..
لكن جوزك.. لو متضايق .. مصر كلها هتنكد عليكي

الله يعينكم يا متزوجـــــــــــــــــات

 
قديم 07-05-2009, 11:06 AM   #2

♥ نــــ الهــ ღ ـــدى ـــور♥


رد: ادخلي وشوفي الفرق


ادخلي وشوفي الفرق

مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) ..
لكن جوزك .. ها يقولك شكل
لك زى عروسة المولد .

هههههههههههههههههههههههههههههه هههههههههه
عن جد ضحكتيني كثييييييييييييير

 
قديم 07-05-2009, 11:07 AM   #3

♥ نــــ الهــ ღ ـــدى ـــور♥


رد: ادخلي وشوفي الفرق


ادخلي وشوفي الفرق


 
قديم 07-05-2009, 11:12 AM   #4

مارينا حسباني


رد: ادخلي وشوفي الفرق


ادخلي وشوفي الفرق

مش لهالدرجة هههه
شكرا ياروحي

 
قديم 07-05-2009, 02:17 PM   #5

حور العيوني


رد: ادخلي وشوفي الفرق


ادخلي وشوفي الفرق

هههههههههه

مشكووورة حبيبتي

 

أدوات الموضوع



الساعة الآن توقيت السعودية الرياض و الدمام و القصيم و جدة 07:10 AM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0