طريقة تخلي شعرك متل الحرير

07-15-2009, 02:02 PM

انا لي قراءات كثيره في مجالات الشعر .. اليوم العصر تذكرت الخلطات واحترت في اي وحده ابتدي.. قررت اخترع الخلطه هذي وتوكلت على الله .. وانصدمت من النتيجه ..شعري صار ناااااااااااااعم حرير بدون سشوار ..ولمعه خطيرررررررررررره - النتايج المرجوة ان شاء الله :

- النعومه واللمعان .
- وقف التساقط ( باذن الله ).
- تكثيف الشعر ( باذن الله ).
- طريقه عمليه جدا بدال ماتسوين كل يوم خلطه وتتكيسلين كل مرة اجمعي الفوايد كلها بخلطه واحده .

- المقاديــــــــــــر :

(1) - ( خلطة السدر ):

1 ملعقة طعام سدر + نصف كوب ماي دافي اخلطيه كويس لحد مايرغي وخليهم على جنب .

(2) - ( خلطة ذيل الحصان ):

1 ملعقه طعام كريم ذيل الحصان + 1 ملعقه طعام جوز الهند الجامد الاصلي حطيهم على النار لحد مايسيحوا ويصيروا دافين فقط بدون غليان ( الفكرة انه نذوبهم ليسهل دهن الشعر وتمتصه الفروة احسن ).

(3 ) - ( خلطة الصبار ):

ورقه نبات الصبار تفتحينها وتاخذين العصارة الصمغ الجلي اللي هو حسب تسميتكم + شوي زيت زيتون + شوي زيت دابر املا + شوي زيت لوز .. واضربيهم بالخلاط لحد مايصير لونهم كريمي او يختلطوا كويس وتنعم عصارة الصبار . ( انا زادت عندي خلطة الصبار حفظتها بالثلاجة )

- الطريقـــــــــــه :

- ناخذ الخلطه رقم ( 1 ) اللي هي السدر وندلك فروة الراس والاطراف كويس نخليه ترغي بالشعر .

- ناخذ الخلطه رقم ( 2 ) اللي هي كريم ذيل الحصان وندلك الفروة والاطراف وركزوا على الفروة ومساج خفيف باطراف الاصابع او راحه اليد ( المساج ضروري جدااااااااااا للفروة والاطراف ).

- ناخذ الخلطه رقم ( 3 ) اللي هي الصبار وندلك الفروة والاطراف ومساااااج خفيف .

- يعني الخلطات ورا بعض مع بعض مش كل وحدة لحالها بالتسلسل حطي السدر وفوقه الكريم وفوقه الصبار .. مش كثير لانها سوائل وبيمتصها الشعر .

- نلف الشعر بكاب او نايلون وفوقه فوطه .. ونتركه من 2-3 ساعات .. وتغسلينه بشامبو بانتين اذا مايناسبك ممكن نوع ثاني ( انا انصح فيه لانه رجع شعري المحترق وخاصة الاصلي وحق الصناعه السعوديه كويس بعد )
- وبعدين الخطوة المهم نحط بلسم بانتين ( بلسم بانتين ممتااااااااااااز للشعر المحترق والمسحوب لونه والمصبوغ ) وتحطينه كنك تفركينه على الشعر براحه يدك كنه مساج ( يعني شفتي لما تغسلين يدك بالصابون او تغسلين ثيابك افركي شعرك بالبلسم كذا ) وركزززززززززي على الاطراف .. واغسليه .

- لفي شعرك بفوطه عشان ينشف براحته .. وتفاجئ مثلي بالنعووووووووومة واللمعاااااااااااان ..انا احط علية كريم خفيف وممكن تسشورينه بس نتيجته حلوة والله بتفرحون من نعومته وملمسه ولمعانه .

- ملاحظــــــــــــــة :

- انا لاحظت يوم استخدمت الصبار ان شعري كان يتساااأأأاقط وسمعت انه يكون في البداية بس واتذكر وحده من الاخوات قالت نفس المعلومه .. والحين الحمدالله وقف التساقط .

تحياتيـــــ
:icon_arrow:

07-15-2009, 02:04 PM

انتظر الردود الجميلة وشكراااااا ما تطولوا بدي تفاااعل

07-15-2009, 02:32 PM

تسلمييييييييييييييييييي حبيبة قلبيي بس من وين نلقى المحتويات

07-15-2009, 02:32 PM

على فكرة انا كثيييير بحب مواضيييعك

07-15-2009, 06:10 PM

يسلمووووووووووووووووووووو حبيبتى

07-15-2009, 02:04 PM	#2
M@RoOm	رد: طريقة تخلي شعرك متل الحرير طريقة تخلي شعرك متل الحرير انتظر الردود الجميلة وشكراااااا ما تطولوا بدي تفاااعل

07-15-2009, 02:32 PM	#3
هند من المغرب	رد: طريقة تخلي شعرك متل الحرير طريقة تخلي شعرك متل الحرير تسلمييييييييييييييييييي حبيبة قلبيي بس من وين نلقى المحتويات

07-15-2009, 02:32 PM	#4
هند من المغرب	رد: طريقة تخلي شعرك متل الحرير طريقة تخلي شعرك متل الحرير على فكرة انا كثيييير بحب مواضيييعك

07-15-2009, 06:10 PM	#5
نودا	رد: طريقة تخلي شعرك متل الحرير طريقة تخلي شعرك متل الحرير يسلمووووووووووووووووووووو حبيبتى