ازياء, فساتين سهرة
ازياء مول

العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم معلوومات عن الموضة يوجد هنا معلوومات عن الموضة سوالف حريم و نقاشات مواضيع تخص المرأة و المواضيع التي ليس لها قسم خاص بها


الكلمات الدلالية (Tags)
معلموومات, البحث عن وظيفة, البحث عن عمل, بحث عن النمل, الموضة, موضة, موضه

 
قديم 07-28-2009, 01:37 PM   #1

بنت الجودر

:: كاتبة جديدة ::

الملف الشخصي
رقم العضوية: 74115
تاريخ التسجيـل: Jul 2009
مجموع المشاركات:
رصيد النقاط : 0

Cool معلوومات عن الموضة


معلوومات عن الموضة

طبعا مش محتاجة حد يقول لك إن الموضة بتعتمد على البساطة فى اختيار اللي يناسبك ويناسب جسمك من الملابس واوعي تنسي إن اختيارك لملابسك بيعكس ذوقك وشخصيتك بصفة عامة علشان كده قبل ماهنقول لك الموضة إيه عايزين نقول لك على شوية نصايح تساعدك في اختيارك لملابسك زي:
نوع القماش
ياريت تبعدي تماما في اختيارك للملابس الصيفية عن الأقمشة اللي بتحتوي على مواد صناعية زي "البلوستر" خاصة لو كانت بشرتك من النوع الحساس، وعلى فكرة هتلاقي إن أكتر أنواع الأقمشة اللي هتريحك هي الأقمشة "القطنية" أو "الكتان" لأنها بتمتص العرق وبالتالي بتعطيكِ إحساس بالراحة طول اليوم.

لون القماش
مش محتاجة حد يقول لك إنك تبعدي نهائيا في اختيارك عن الألوان الغامقة وده لأن الألوان الغامقة بتمتص أشعة الشمس، وبالتالي بتدي إحساس بزيادة الحرارة خاصة لو كنتِ من الناس اللي بتتعرض للشمس كتير، وبالتالي ياريت إنك تختاري الألوان الفاتحة. وخلّي بالك إن لون ملابسك لازم يكون مناسب للون بشرتك، وده ممكن تعرفيه وإنتِ بتقيسي ملابسك فى المحل تقفي قدام المرايا وتشوفي إذا كان اللون لايق عليكِ ولا لأ.

ملابس مناسبة
وبما أن البساطة هي عنوان الشياكة فياريت إنك تختاري الملابس اللي تكون عملية ومريحة وتناسب فصل الصيف.. يعني لو كنتِ طالبة هتلاقي إن أكتر الحاجات المناسبة ليكِ إن تكون ملابسك عبارة عن بلوزة وجيبة أو بلوزة وبنطلون قماش أو جينز.
طبيعية الجسم
ولأن طبيعية الجسم هي اللي بتفرض نفسها في اختيار الملابس ولأن الملابس ممكن إنها تداري بعض العيوب الموجودة في الجسم هاقول لك على حاجة تخلي بالك منها، وإنتِ باختاري ملابسك وهي إنك لو كنتِ...
صاحبة جسم رفيع:
هتلاقي إن من أكتر الحاجات اللي تليق عليكِ هي الألوان الفاتحة اللي بتحتوي على نقشات كبيرة متباعدة عن بعضها وابعدي نهائيا عن الأقمشة ذات النقوش الصغيرة لأنها هتبين إنك أرفع بكتير.....

أما لو كنت...
صاحبة جسم ممتلئ:
لصاحبة الجسم الممتلئ يفضل إنها تبعد نهائيا عن الألوان الفاتحة لأنها بتظهرها أبدن مما هي عليه.. لو مضطرة إنك تلبسي ألوان فاتحة ممكن إنك تشركي معاها حاجة غامقة، يعني بلوزة فاتحة وبنطلون غامق مثلا.. كمان بيفضل إنك تختاري القماش اللي بيحتوي على نقوش صغيرة وخطوط رفيعة بالطول وتبعدي تماما عن الخطوط العريضة التي ترسم على القماش بالعرض لأنها هتظهرك في حجم أكبر مما أنت عليه.

أفضل وقت لشراء الملابس
أفضل وقت تقدري إنك تشتري فيه ملابسك هو النهار وده علشان تقدري إنك تحددي لون القماش على الحقيقة بعيدا عن أضاءة المحلات الملونة اللي بتغير شوية في لون القماش.. كمان خدي بالك من حاجة مهمة قوي وهي إنك ماتذهبيش لشراء الملابس وإنتِ حاسة إنك مش في وزنك الطبيعي.. يعني لو حسيتِ إنك مليانة شوية استني لغاية ما وزنك يرجع إلى طبيعته، وده نفس الحال لو كنتِ حاسة إن وزنك أقل من الطبيعي.
غسيل الملابس
طبعا لو اخترتِ ملابس قطنية أو من نوع الكتان فدي بالذات بتحتاج معاملة خاصة في الغسيل وهي إنك تغسليها بمية باردة لأنك لو غسلتيها بمية سخنة هتلاقي القماش اتكرمش وبقى صعب جدا في الكوي... كمان ياريت إنك تتبعي الإرشادات الخاصة بالغسيل اللي بتكون مكتوبة على التيكت.








ولكم اجمل التحية memo0o




طبعا مش محتاجة حد يقول لك إن الموضة بتعتمد على






:0152:

 

أدوات الموضوع


معلوومات عن الموضة


الساعة الآن توقيت السعودية الرياض و الدمام و القصيم و جدة 02:25 AM.

 

Powered by vBulletin® Copyright ©2000 - 2014,
يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0