لاصرت بايعني أشوفك على خير
لاصرت بايعني أشوفك على خير
""لاصـــرت بايعني أشوفك على خير
مع السلامه دام مابـــه سلامه
قلت أنتهيـــنا قلت لك خير ياطير
ماني بـــأول شخص يخسر غرامه
أمحذرك من قبلها ألف تحذيـــر
لاعفتـــني بيعيف قلبي هيـــامه
مانيب ميت لا و لاأحتاج تبريـــر
صـــح الله لسانك ووفر كلامـــه
بسمعك حبكه وفكره وتصويــر
وأفهم عدل يامدعي بالفهامـــه
وجه الشعر أبيض ويحتاج تغيير
ودي تزين هالقصيده علامـــه
ماضيك الأسود بذكره دون تقصيــر
كذا يكون بخد هالشعر شامـــه
يصدق معي تعبير ويخون تعبير
ياضيعه الشاعر بوقت انسجامه
يمكن خطأ أدونـــك بالشعر مير
لو ماأحترمتك للغرام أحترامه
ماكان حبـــك غير بس طعنتك غير
علمتني معنى الندم والندامـــه
ماجاك مني أي زله وتقصيـــر
كل ماخطيت أعاتبك بأبتسامـــه
حسبي على الذكرى اذا هبت أعاصير
ماعاد تنفع شرهتي والملامـــه
البال ضامي وقتها والحزن بيــر
خسرتك وهمي كسبت أهتمامه
والليل فازعلك كذا جاني ماغير
ظلمتني وأكثر ظلمني ظلامه
لأقبلت علي أوحيت صوت المسايير
وفزيت كل ضيف أقوم بمقامـــه
وأليا عزم هالليل ضيقه وتفكير
قلي بربك كيف بقدر
أنامـــه
مافيه داعي للعتب والمعاذير
الغـــدر خال الجرح وأطيب عمامه
أما يجيب الله مطر تالي وخير
ولا السلامه ماش ما من سلامه...
|