 |
  |
|
|
|
08-17-2009, 02:57 PM
|
#1 |
|
:: كاتبة نشيطة :: |
 حلويات رمضان نبدا بالنموره او الهريسة او الهرايس او البسبوسة كل منطقه حسب التسميه هذه الكمية تعمل 2 كغ 6 كوب سميد 1 ونص كوب سمن او زبده 2 كوب سكر ناعم 2ونص كوب ماء او لبن 2 ملعقه صغيره بكنج باودر 2 ملعقه كبيره طحينية 3 كوب قطر للزينه لوز حب او صنوبر او فستق حلبي وجوز الهند مبروش الطريقه نخلط السميد والبكنج باودر والزبده او السمن اذا استعملنا ماء نذوب السكر فيه اما اذا لبن فنضيفه مع السكر الى السميد ونخلطها جيدا ندهن صينية مستديرها قطرها 35 سم بالطحنيه ونصب فيها هذه العجينه ونزين سطحها باللوز المسلوق والمقشر وتقطع او تعمل خطوط بالسكين تدخل فرن 210 شديد الحرارة وتترك لمده نص ساعه في الوسط طبعا حتى يتلون اطراف الصينيه ثم نحمر الوجه قليلا وندخل السسكين للتاكد من عدم التصاق شيء ونخرجها من الفرن ونضع القطر البارد عليها وهي ساخنه وتترك لتبرد وتقطع ويرش الجوز والفستق المبشور على وجهها وصحتين وعافية ثانيا البرما بالفستق الحلبي وهذي صورتها  وممكن نعملها بجوز الهند او الفستق السوداني او الكاجو حسب الرغبه البرما الملفوفه وهذه المكونات تعمل 2 كغ المكونات عجينه العثملية 1 كغ فستق مجروش خشن او كامل 5 اكواب قطر 5 كوب زيت 5 كوب الطريقه نسكب 3 كوب قطر على الفستق وندخله الفرن حتى يجمد القطر عليه نقسم عجينه العثملية الى شرائح ونضع امامنا على الطاوله الشريحه الاولى من العجينه بعرض 15 سم وتكون خيوط العثمليه متداخله بحيث لا نرى الطاوله من خلالها نسكب قسما من الفستق في وسط العجين بالعرض ثم نلفه بالجانبين نلتقط راس الشريحه باليد اليمنى ونبدا باليسرى ببرم العجينه على بعضها ونضغط عليه حتى نصل الى الراس الثاني ونضع البرما اللي لفناها في الصينيه ثالثا حلاوة الجبن  المقادير تكفي 12 شخص 5 كوب جبنة عكاوي 2 كوب طحين فرخه - ممكن تجيبي سميد عادي وتطحنيه حتى يصير زي الطحين بس اخشن شوي وبيكون هو طحين فرخه قشطة طازجه 2 كوب فستق ناعم او جوز مع زهر ليمون مطبوخ وقطر نص كوب الطريقة ننقع الجبن العكاوي كول الليل مع المداومه على تغيير الماء عنه حتى يصبح حلو نضعها في اليوم التالي في صينيه وندخلها للفرن حتى تذوب ثم نضعها في طنجره ونخلطها مع القطر والطحين الفرخه وبعدها نتابع التحرك على نار وسط حتى تذوب كا المواد مع بعضها البعض ويصبح لدينا عجينة متماسكه وطريه ندهن صينيه كبيره بالقطر وتصب عليها المزيج ونمد المزيج بالسوبك بسرعه قيل ما يبرد لانه لو برد ما بنعرف نمده مليح وبعدها تقطعه زي مابدنا ونحشيه بالقشطه الطازجه ونضع عليه الفستق الناعم وزهر الليمون المطبوخ وصحه وعافيه رابعا الكنافة بجبن - ومنها انواع اشي خشنة وبسموها كنافة خشنة واشي زي البرما بيسموها كنافة مبرومة واشي ناعمة بسموها كنافة نابلسية والكنافة بتنحشى بالجين العكاوي الحلو - زيكم يا حلوين - وفي اشي بيحشيها بالفستق او الكاجو او اي نوع من المكسرات - وفي اشي بيحشيها بالقشطه واشي بيحشيها بالموز - الصراحه ذقتها عن احدى جاراتنا المصريات لما كنت في السعوديه في زمناتي وطعمها لذيذ جدا بس الصراحه ماعمري سويتها - اللي بتعرف تدلني طيب المقادير الكنافه الناعمة بدها اشي بيسموه فرك واتذكروة مليح رح اعطيكم طريقته لانة معظم الحلويات العربية بدها فرك - الكنافه - البلورية -المفروكة - المدلوقه وغيرها من الوصفات طريقه عمل الفرك ومقاديره - مهم جدا احفظوها 3 كوب سميد 1 كوب سمن 1 كوب سكر ربع كوب ماء نعجن كل المقادير مع بعض ونضعها في فرن عالي الحرارة بس بنكون قد اطفاناه يعني كان شغال وسكرنا النار بنحط هذه العجين في صينية وفي الفرن لمده 5-10 دقائق حتى يتنشف الفرك بس انتبهوا ما تخلوة يتلون بس ينشف زي فكرة النموره في اول وصفه وبعديها بنطلعه من الفرن وبنتكرة يبرد ومن ثم نقطه ونفتفته بيدنا ونفركه فركا ناعما ونمررة من المنخل او المصفاة الكبيرة عرفتوا وهكذا نكون جهزنا الفرك المتعدد الاستخدامات هسه نبدا في عمل الكنافه الناعمة هذه المفادير تعمل ل 12 شخص 1 كغ فرك الكنافه اللي فوق 4 كوب جبن عكاوي مقطع ومنقوع طول الليل + 1 كوب قطر 1 ونص كوب طحين فرخة - وهو سميد مطحون كثير زي الطحين ماء الورد وازهر ملعقه من كل نوع 2 كوب زبده سائلة او سمن قطر وفستق حلبي مطحون للزينه الطريقة بعد نقع الجبن طول الليل نخرجها ونصفي الماء عنها ونضعها في صينية وندخلها في الفرن عالي الحرارة في الوسط حتى تذوب الجبنة وهنالك من يستخدم جبنة الموزاريلا البيضاء بينما تكون الجبنه في الفرن نحضر الفرك بخلطة مع كوبين الزبده او السمن ونوزعه في صينية 30 سم قطرها ونضغط جيدا حتى يرص الفرك جيدا نضع الصينية على النار على الغاز من فوق على العين الكبيرة ونديرها باستمرار علشان ما تنحرق او تتلون من جهه دون الثانية اما الجبن نخرجه ونضعه في طنجره على النار مع طحين الفرخه مع كوب قطر واحد ونحركها على نار متوسطه حتى يذوب المزيج مع بعضه البعض ويشتد بس مش كثير ونضيف عند الانتهاء ماء الورد والزهر - لازم نضعه في الاخر علشان الجبن مايصير مر لانه ماء الورد والزهر لو وضع في الاول وطبخ يصبح الجبن مر وعندما نلاحظ ان الكنافه اللي على النار تلونت اطرافها نضع عليها الجبن ونوزها بشكل متساوي ونحضر صينية اكبر من اللي عنا ونقلبها ونرى لونها الاشقر الجميل ومن ثم نضع القطر البارد على الكنافه الساخنة حتى تتشرب كل القطر ونوزع الفستق الحلبي المطحون وتقطع وتقدم وصحتين وعافيه  اما الكنافه الخشنة و المبرومه فنحضر نفس مقادير الكنافه الناعمة بس بدل الفرك نحضر عجينة العثملية الشعيرات البيضاء ونقطعها شوي ونضع عليها الزبدهنفس الطريقه اما الكنافه المبرومه فهي نفس طريقه عمل البرما نلفها ونضعها بشكل حلزوني في صينية الكنافة   هذه كنافه خشنة واللي فوق ناعمه البلورية وفي منها نوعين بيضاء تعمل بشعيرات الكنافه البيضاء وفي منها بني تعمل بفرك السميد زي ما سبق وذكرتة ويسمى بسما المقادير 500 غم من عجينة العثملية 4 كوب فستق مع شوية قطر ويوضع في الفرن حتى يجمد على بعض - سبق ذكرها سابقا 5 كوب قطر 5 كوب زيت المقادير هذه تعمل كيلو ونص بلوريه الطريقة توزع نص كمية العجينه في صينية قطرها 25 سم وترص جيدا ويرش فوقها الفستق بالسكر او ممكن اي نوع مكسرات حسب الرغبة وتختم بوضع باقي عجينة العثملية ونضغطها جيدا بوضع اثقال عليها طيلة الليل وبعدها نوزع الزيت على الكل وندخلة الفرن 200 درجه في الوسط لمدة 20 دقيقه حتى تنضج ومن ثم نخرجها ونصفي منها الزيت ونغمرها بالقطر وهي ساخنة والقطر بارد وتقطع وتقدم واما النوع الثاني البسما وهو زي الكنافه نفس المقادير بس بدل عجينه العثملية نضع فرك الكنافه كما ذكرت سابقا ويخبز بنفس الطريقه تاج الملوك او عش الغراب او عش البلبل زي ما بدكم سموه وهي شبيهه بالبرما بس بتكون زي التاج جالسة  نفس مقادير البرما بس بدل ما نلف البرما كلها على بعض بنلف كل قطعه لحالها بحجم العش الصغير قدر راحه اليد وتتخبز بالفرن من دون حشوة ولما تخلص تحشى بالفستق حب او كاجو او لوز او كرز معلب حب ويوضع القطر عليها اما الكول واشكور  [FONT=Comic Sans MS][B]اسمها بالضبط كل واشكر المقادير رقائق البقلاوة او ما يسمى عجينة البقلاوة 1 كغ ممكن جاهز وممكن نصنعها في البيت رح احكيلكم الطريق بعدين للحشوة كاجو او فستق حلبي واذا حشوناها بالفستق بتتسمى لسان العصفور 3 كوب زيت او سمن 3 كوب قطر الطريقه نفرد رقائق البقلاوه المكونه من 10 طبقات ونرش فوقها الكاجو المجروش وسك مه قليل من السكر وممكن نضيف ماء الورد او الزهر ومن ثم نلفها اصابع كويله ونقطعها بحجم اصبع او اقل ونرصها في صينية ومن ثم نغمرها بالسمن الذائبة وتدخل فرنا شديد الحرارة وتترك [SIZE=5]نبدا بالنموره او الهريسة او الهرايس او البسبوسة كل منطقه حسب التسميه هذه الكمية تعمل 2 كغ 6 كوب سميد 1 ونص كوب سمن او زبده 2 كوب سكر ناعم 2ونص كوب ماء او لبن 2 ملعقه صغيره بكنج باودر 2 ملعقه كبيره طحينية 3 كوب قطر للزينه لوز حب او صنوبر او فستق حلبي وجوز الهند مبروش الطريقه نخلط السميد والبكنج باودر والزبده او السمن اذا استعملنا ماء نذوب السكر فيه اما اذا لبن فنضيفه مع السكر الى السميد ونخلطها جيدا ندهن صينية مستديرها قطرها 35 سم بالطحنيه ونصب فيها هذه العجينه ونزين سطحها باللوز المسلوق والمقشر وتقطع او تعمل خطوط بالسكين تدخل فرن 210 شديد الحرارة وتترك لمده نص ساعه في الوسط طبعا حتى يتلون اطراف الصينيه ثم نحمر الوجه قليلا وندخل السسكين للتاكد من عدم التصاق شيء ونخرجها من الفرن ونضع القطر البارد عليها وهي ساخنه وتترك لتبرد وتقطع ويرش الجوز والفستق المبشور على وجهها وصحتين وعافية مواضيع ذات صلة التعديل الأخير تم بواسطة اغلى حبيبة ; 08-21-2009 الساعة 03:36 AM. |
|
08-18-2009, 09:30 PM
|
#2 |
|
|
رد: ملف كامل عن حلويات رمضان
يااااااااااااااا بنااااااااااااااااااتويييينكم راح ازعللللللل وين الردود. |
|
08-21-2009, 03:31 AM
|
#3 |
|
|
رد: ملف كامل عن حلويات رمضان
 |
|
08-21-2009, 12:02 PM
|
#4 |
|
|
رد: ملف كامل عن حلويات رمضان
 |
|
05-18-2012, 03:16 AM
|
#5 |
|
|
رد: ملف كامل عن حلويات رمضان
يسلمو
|
ملف كامل عن حلويات رمضان